中秋潮州飯 - 百樂潮州

人生總有一啲事情係好想試，但永遠都係得個講字… 食潮州名菜算係其中一樣。打冷有試過，但嚐嘅當然唔會係有名嘅潮州名菜啦。所以今次來到百樂潮州，先有一口sake，kick 一kick start 我嘅肚皮先，其實佢老早已經預備好啦！

滷水鵝片拼盤
(單點) 滷水鵝片$188 / (單點) 滷水鵝肝$120 半隻

一碟有鵝肝、鵝片、仲有豆腐，三樣食物都滷得好入味，但又唔會太濃，唔會搶過鵝片嘅味道，食開味道淡嘅都唔怕食呢個！好味！

滷水豬拼盤
(單點) 滷水豬腳筋$ 88 / (單點) 滷水千層峰$78 

另一滷水菜色，其實我平常唔會刻意去食滷水嘢，滷水比我感覺都係味道好濃好咸嘅，不過呢度嘅滷水唔咸的黎仲要有種甜味呢。

潮陽炸雙棗$104
呢個炸雙棗令我印像最深刻，本身味道平平無奇，但只要一點附上嘅醬汁，味道即升呢幾倍。醬汁有兩款，同枱朋友好仔細咁解析兩醬嘅分別，但我掛住食，聽完就唔記得左lu，下次再去問下經理兩醬嘅分別先！各人嘅喜好都唔同，我比較鐘意食淺色呢個，甜甜地好好味！

潮式凍蟹
主角出場啦，今晚都係為佢而黎，外面吃潮州菜都唔會點呢個，主要都係相信問題啦，一陣啲蟹唔靚我咪蝕晒，緊係揀個有信心架啦！

凍蟹好新鮮，海水味唔重，而且非常鮮甜，唔洗點醋都得！殼一早就開左，只要輕輕將殼拿開就可以啦，衛生得黎又唔會失儀態，再算唔識開蟹殼都唔怕啦！一塊肉完完整整的！！一大口肉，爽爆！！

食凍蟹要配凍Sake，食一口再來一啖，蟹味會更鮮甜架，太正啦！蟹食太多…開始飽飽地，太獲！！

胡椒鹹菜豬肚湯$108 
我的最愛，個種熱辣辣嘅感覺，飲完成個人都暖晒。胡椒湯要夠辣先好味，呢個就夠晒辣啦。

胡椒味好濃同非常香， 煲過後嘅鹹菜質感剛剛好，唔硬亦唔辣， 鹹菜冇榨嘅，靚嘢呀！雖然我已經飽飽地，但仲要隊晒成個湯，就要到佢真係好味啦！

碧綠川椒雞球$108 
呢個唔會好辣，菜就算炸過但係都好乾身，唔會有一層油係面。雞應該係半煎炸嘅，但係非常juicy同好嫩滑添！

豉油皇煎倉魚球$248 
其實呢個魚本身唔差，但食完上面咁多好菜，呢個魚有啲比下去嘅感覺，加上煎炸的中菜本身都不是我杯茶。不過，雖然係煎炸類菜色，但沒有太大油膩感，加上賣相非常有趣吸引，倉魚煎完再擺pose，非常呃like!!!

潮式薑米鴿$230 /1隻
另一呃like 菜色就係呢個，我發現百樂的廚師都係創意無限，將鴿子扭成百爪魚咁… 遠睇都幾得意(見好就收，唔好近睇研究啦！) 本身鴿同薑米已經夠吸引啦，雖然係鴿包飯，但整個飯都係好清唔油膩，鴿肉好嫩… 本身已經飽到頂點都停唔到食左半碗。

香煎蠔仔烙 $98 
潮州菜又點可能少左蠔餅，咁足蠔仔嘅蠔餅都係第一次食，我食個半件差唔多每一口都有蠔仔，好滿足喔！蛋餅本身都好好味，唔焦唔乾，仲有少少蛋汁，juicy juicy！

潮州蠔仔肉碎粥 $55 
最後… (我嘅最後… 朋友仲係好努力咁食) 蠔仔粥上場，超衰的整係撩晒嘅蠔黎食，咁大隻喎，呢碗一啲都唔係'蠔仔' 囉！蠔仔超甜，好鮮，今餐大滿足！

百樂潮州酒樓

地點：銅鑼灣希慎道23-25號

電話：2576-8886

----------------------------------------------
Follow Me on Facebook
Gi C Life - https://www.facebook.com/gichowengi
wengichow@gmail.com
----------------------------------------------

網購高跟鞋新體驗 ZALORA

我確實是一個麻煩人，最次都嚷著要置新裝，但出到去又發呆又沒耐性，次次都空手而回，大概我已經習慣了網上購物，加上我又怕迫人多、亦有選擇恐懼症，花多眼亂、售貨員又時常加把咀，反而令我不能耐心看。

喜歡網上購物原因是我可以有充足的時間慢慢選擇，先把比儀的放進購物車再慢慢選，一有空時我就能安在家中慢慢shop!! ONLINE SHOPPING 的店子的確多，若果你是一個網上沖浪者，必不難發現ZALORA 的踪影，不論是本地或國外網站都可以見到網站廣告。

以前妹妹就在ZALORA 買過手飾及輕便鞋，品質不錯，今次想買一雙高跟鞋上班用，Budget $300，即管看看吧！鞋子分類真的很仔細，高跟鞋除了高、中、底跟外，還有細分為魚咀、船跟、涼鞋等等。

本想挑戰一下來個豆零踭，又靚又elegant，不過跟太高了，唔緊要，睇下都開心！

除了高跟及Platform 鞋，平底鞋都有好多款。ZALORA 鞋款來自不同牌子，大家可因應牌子選擇，價錢都不會太貴，要平的百多完都有交易了！

3百元的Budget 下，我選了這對黑色魚咀船跟，我就偏向喜歡魚咀鞋，唔頂指。跟上有個穿窿位，只百多元。

我還有budget 多買一雙平底鞋，這個蕾絲款超百搭，就它們吧。來一個實物比較，近照片很相似呢！

這次Online shopping 的結帳過程一點都不麻煩，全程都可以用手機完成，亦可以選擇貨到付款，不需用信用卡，又不同跑到銀行入數。運費用了$50，尚可接受；購物完成後，安坐3日貨就送到，又快又方便，可以再懶一點了！！哈哈！！

Step 1．確認

Step 2．選定送貸地區

Step 3．付款方法

Step 4．完成通知

還會收到email 確認

3天後，貨就收到了～～

前一星期雨下很大，都沒有機會穿新鞋子，先在公司私影一下吧。平底鞋很舒適，不刮腳，有小暗踭，鞋底有一定程度的厚，穿上來是非常舒服！

上星期六公司有event，刻意穿上新鞋子，在event preparation 時到附近cafe 作最後衝刺，順面叫同事幫忙快影一下。這鞋真的很好看，船底也很穩，鞋跟導上銀色點綴，加上穿窿位置令鞋子升格不少。

ZALORA 還有其他衣款選擇，男裝女裝，褲子裙子，鞋子包包，圍巾手飾… 選擇真超多的，又多一個好Shopping 點，可以繼續宅下去了。

----------------------------------------------
Follow Me on Facebook
Gi C Life - https://www.facebook.com/gichowengi
wengichow@gmail.com
----------------------------------------------

為食兵團美心奶黃月餅(下) 我要流的首創流心奶黃月！

分享完美心奶黃月，還未分享流心奶黃月，就已經口水多過浪花的爆字了… 那種興奮，一開口就制不能關的，證明了我是多麼喜歡滿意那奶黃月，才會講得太多太長，流心奶黃月的分享就要來到下集了，希望我能控制一下自己的興奮，講的太多就變假的了。

上篇：為食兵團中秋必食奶黃月餅(上) 美心奶黃 + 超可愛 LINE 奶黃月餅

先說一下，今次分享的不論是奶黃月、流心奶黃、或LINE 奶黃月，都是團購回來的，美心奶黃月餅+流心奶黃月 好樣是$178 兩盒，而LINE奶黃月餅也是$178兩盒，其他美心月餅在Yahoo 團購仍然熱購中。

上篇的奶黃月，特別處在於不離皮，那也是我滿意的地方。當然價錢比嘉記的平得要多，雖然餅皮還是嘉記的比較乾身好吃，但整體上，美心的奶黃月味道並不比別人差呢。但經過多年來的搶購熱，香港人對奶黃月餅已經有一定程度熟悉，要再有WOW嘅感覺就必須要創新。

美心流心奶黃月餅是全港首創，確真的令我WOW了一下。切完再打開，橙黃色奶黃如溶岩漿咁流出黎，還以為廣告拍出來的是騙人，原來在家也可以拍出這個效果。

切開前忘了跟指示先叮一別，切開了再叮，嘩…原來更加溶化，來流出來的多美！

外層包著曲奇酥皮，比奶黃月更乾身，與嘉記的感覺更加接近。曲奇皮下是軟心的奶黃餡，餅皮完全與奶黃融和，看不到分格線的，再到月餅的核心就見到奶黃漿。

首次試叮暖了的奶黃月，果然暖暖的奶黃月會有另一番風味。唯獨是外層鬆脆度尚未夠，或者改用焗爐返熱會令口感大增。

流心月餅味道比奶黃月淡一點點，對我來說這甜度最為適中，奶黃月反而有點過甜，吃完喉嚨會出kam kam 的；這個就反而沒有，應該是餅皮不同，曲奇皮帶點咸味，來中和奶黃漿的甜，是嗎？總之，吃了一件都不覺膩。（左：奶黃月；右：流心奶黃月）

流心奶黃月是一盒4件的，比奶黃月少一半… 一下子就吃完，完全唔夠喉，尚好我是從團購裡買來的，以團購價計就不會感覺唔抵食吧。

如果大家都喜歡流心的，請記得盒子是綠色的那個。奶黃月的是白色盒子，兩款盒子都以西式設計，保留中秋元素，很有創新懷舊感覺，Vintage 在這個時代真的很受落。我已經做過統計，同事們4:2 比較喜歡綠色包裝，反而我喜愛的是白色的那個。哈，那我私下把內容掉換好了！

中秋尚有半個月才到，但我吃的月餅已經到了上限啦… 老公還說要試試奇華的金箔奶黃月，怎麼這個男人都不怕肥亦不會肥！唉，那我多跑2個圈好了！

----------------------------------------------

Follow Me on Facebook
Gi C Life - https://www.facebook.com/gichowengi
wengichow@gmail.com
----------------------------------------------

為食兵團中秋必食奶黃月餅(上) 美心奶黃 + 超可愛 LINE 奶黃月餅

身為WeShare 為食兵團編輯，又點可以唔加入試一試今月特輯主角 - 美心奶黃月呢！
芸芸眾多月餅款式當中，奶黃月算是阿Gi喜歡的其中之一，大概因為我很喜歡吃奶黃包吧！(十勝紅豆，你仍是我的最愛喔！)，但耐何推出的都只有那幾大酒店，年年都要炒到勁貴， 真的不是我們一般小市民可以食到的。

個多月前已經開始為今日中秋做research 準備為食兵團中秋特輯。Gi 真被月餅的款式嚇傻，原來種類已經有那麼多，要不是要做今次的特輯，我都未必知道市面已有那麼多奶黃月餅選擇。

剛剛提到我最愛吃奶黃包，非流心的不吃。得知今年美心推出了流心奶黃月，全港首創喎，一定要試試啦！

之前只吃過嘉記的奶黃月，味道是好，但很難跟朋友分享。切得整齊永遠是一個難度，一刀即散，每次要扮 “馬騮仔捉蚤” 去吃，很難一口品味 (除非唔切開啦)。

今次美心奶黃月給我很大的驚喜，一盒8件，沒有一件有離皮情況，雙重烘焗應是指溫度上的控制吧，令餡料可以緊貼外皮，減少一般奶黃月餅出現的分離情況。月餅味道好濃郁，奶黃很平均，連外層都可以感受到奶黃的香。2百幾蚊一盒就有成8件咁多，奶黃愛好者必定停唔到口！

講完味道講包裝，用了白色的紙品盒更顯華麗感覺，盒上的暗花燙金，令奶黃月餅全面升價，送給親友及客人作禮，大方又不失儀！

除了大方送禮版本，美心更推出了LINE 主題版本。LINE有多受歡迎應該不用我多說了吧，瘋狂全亞洲的熊大，Cony 化身成月餅伴我過中秋。說吧，在書面上放過後，台灣朋友都眼紅了，狂要我幫忙代購，babies 台灣也有訂購點喲，淘寶上也有預訂服務，大家可安心了！

兩款罐子，附送的防水袋也很實用。我比較喜歡左邊那款，同事們看到都喜歡那個，還請求我送他一隔熊大，傻了，NO WAY!!!!

鐵罐層層疊非常實用，月餅食過後，罐子可以用作收納用，女生們用來放小手飾或髮飾化妝品就最方便不過！

美中不足… 罐子接合點有點鬆，要拿東西時當然方便，但要移動盒子時就要小心了！

LINE 月餅仍在瘋狂搶購中，Gi 的都是之前從團購中搶過來的，老爸也買了但還未換領，希望供貨充足啦！

待續：美心流心奶黃月餅

----------------------------------------------
Follow Me on Facebook
Gi C Life - https://www.facebook.com/gichowengi
wengichow@gmail.com
----------------------------------------------