I ♡ Hiking 2014﹣東涌>大澳

I LOVE SUMMER!

覺得厭煩的人請別繼續看，因為我嘅人生就係為夏天、太陽而活。我除左個不停大呼'愛同太陽伯伯玩遊戲'之外，汗水、泳衣都通通出動！

復活假期，趁著好天，熱一熱身，今個夏天嘅運動難度要升級呀！

東涌入大澳段全長約13公里，大家可以選擇由東涌站出發，走到東涌泳池對面順東路吧長樓梯入口。 去到樓梯尾轉左，沿路經過東涌醫院轉右去到逸東邨，再一直走。

沿著行人天橋走約5分鐘後，山路入口就係右邊啦，唔識路又怕搵路嘅，可以直接坐小巴去到逸東邨，到埗再問路都得架。

今日天氣一般，如果有陽光，相信沿路風景會更美。

呢條都算係新興嘅行山路徑，沿途不停會有指示牌，新手都唔怕行錯路。YOSH，向候王廟出發！

呢度就係候王廟啦，話咁快就到，呢度有好大片草地，面對機場，風景好靚，空氣清新。唔打算行山嘅，入黎呢度野餐溜狗都唔錯，由逸東邨入黎都只不過係15分鐘，沿途都係平路。

好啦，正式開始行山，今次target 要係2個半鐘內finish，全條路徑首2/3段以平路多，偶爾會有上斜，放心上斜路好短嘅，路都好闊，所以好多一家大細都會揀呢條路徑親子樂。

去到沙螺灣啦，呢度好靚好舒服，如果政府真係要拆呢度會好可惜，希望下次再行呢條路會再見到呢度嘅村民啦… 呀，定係呢條山路唔會再比人行呢？

見到呢個小堤岸，加埋左邊嘅豆花店，全路行左差唔多一半啦，我地兩個半跑式用左差唔多1小時黎到呢，正常步速唔計休息時間大要行1.5小時左右啦。

黎到呢個mid point，可以休息一下，食下豆花，因為下半段對初哥或小朋友黎講會係幾難行架。

下半段以沙石路多，上斜落斜都有，路會窄好多，有部分路都幾滑，要專心平衡呀。呢段路就冇影相啦，小心啲好啲！

沙路中被偷影的汗水……

沿路美景

狂飆行山，沿途講最多excuse me，呢條路好多一家大細行，享受假日樂，我地以目標為本，要大家讓路真係唔好意思啦。

到達目的地大澳，2小時15分鐘，完成！！！

行山後的指定動作，來一杯凍檸茶的獎勵。黎到大澳有咁多好嘢食，一早就study 左openrice，揀左cafe Melt@TaiO 黎個 lite lunch，食物下一篇再分享啦！

-----------------------------------------------------

Gi - Life is Beautiful

wengichow@gmail.com

https://www.facebook.com/gichowengi

http://weshare.hk/WengiChow/

-----------------------------------------------------