食物與價錢的正比~金丼鐵板和風放題

放題對於我嚟講其實都幾陌生, 次數真係一隻手指可以數得晒！

原因多因為我食量少，唔喜歡浪費食物，永遠都好難集夠人數去，正所謂，人多先可以抵返條數丫麻。而今次唔同，今次有一大班絲打陪我食，終於都可以完我 "每碟嘗一口" 嘅滋味啦！

金丼鐵板和風放題位置喺油麻地現時點2樓，唔算難搵，彌敦道直接有lift可以上到2樓。

而呢度嘅環境同其他放題場差唔多，其中有一啲位設有電爐，因為金丼都有提供火鍋食物架。

坐底第一時間睇下張order 紙先！6張除你任點，食幾多叫幾多，千萬不要浪費食物呀！

等待上菜時去倒返杯水先，汽水、菜蜜、綠茶、咖啡，冷暖任選。但係點解日本料理供應嘅熱茶會係中國茶嚟嘅？

上菜時間都幾合理，話咁快第一輪order 上枱啦！相機食先是常識吧！

美食登場，逐一介紹先~~…

魚生拼盤：Order 紙上看到的全齊，刺身新鮮度不錯，亦都唔係凍冰冰嘅刺身。魚生片切得好幾厚，讚！

七味雞軟骨 (左上): 另一度令我口不停嘅食物，小小辣，好香口、雞軟骨脆口，外層炸過但不會太乾，好野味呀！

其他的就有待改進了。

溏心玉子太熟，溏心在那裡？… 壽司飯偏暖… 串燒日本甜薯唔夠熱，失望之作… 醬爆帶子味道太濃… 仲有日式蟹黃翅，sorry, 我兩樣嘢都搵唔到…

和風燒薄餅(右下)：放得大大張圖證明左我覺得佢好味道，可惜佢個名改得同本身唔夾，味道似芝士酥多啲。

其他的仲有燒菠蘿，好甜好味不過唔似有燒過喎、普普通通的和風蕃茄及凍豆腐，味噌湯味的清酒煮蜆… 味道都是有待改進，或許係改錯名，令我有別的冀待吧…

海膽對於唔怕海水腥味嘅我是可以接受的，但對於同枱其他絲打就有點難入口，一分錢一分貨，築地質素又點會係放題出現呢？

其實仲點左好多其他嘢食架，不過我實在食唔落啦，雀仔肚一下子就飽lu，你話我真係幾唔抵呢！就係休息吹水之際令我眼前一亮的當然係甜品啦，puff & mochi，my favourite!

總結：二百蚊位嘅放題已然唔多，論食物種類嚟計呢度都算不錯(只係無帶子刺身)。食物還有很大的改進空間，令外食物名同食物本身有點不乎合。不過如果你係搵緊埋單二百蚊位嘅日式放題，相信呢度會切合到你要求嘅！

金丼鐵板和風放題

A: 油麻地彌敦道530號現時點2樓

T: 2780 2268

-----------------------------------------------------

Gi - Life is Beautiful

wengichow@gmail.com

https://www.facebook.com/gichowengi

http://weshare.hk/WengiChow/

-----------------------------------------------------