G for Gi: 9月 2009

星期日, 9月 27, 2009

今日開始, 我正正式式成了香薰治療學徒~~

大半年前既某一日, 無聊開既我突然想起'目標'呢個問題

可能係因為工作不太愉快,
令我想起'我會一世都做呢一行嗎?'

唔想,
唔甘心.... 可是自己並冇咩專長呢..

點好呢~
大學那個設計學位就不要提啦, 我已經再無熱血去當設計人 (唔夠班同大佬b搶飯食啦)

我必要搵一樣我有興趣又有前途既目標及專長~

化妝?
寵物美容? 營養學? 又唔係話冇興趣, 只係冇passion啦..

睇左好多資料, 都未比到我有報名既衝動.

有一日係港鐵站, 有一間大學擺booth, 無聊人就上前8下,
扮下'學問進求分子'
..突然....被眼前既紫色目錄吸引了...

我搵到啦,
我既目標~~ 香薰治療師.

我細小就對香薰有興趣, 不過知識都只係由一D短COURSE同睇書得黎,
真係未試過真真正正咁深入了解.
睇到呢份brouchure 後, 我重未有過咁大PASSION要去進修 (其實我好唔鐘意讀書考試架)

個COURSE 真係好貴, 好辛苦先儲夠錢去報名~
今次真係要好比心機去讀, 唔好浪費自己咁辛苦儲返黎既$$呀~~
我一定會係一個出色既專業香薰治療師既~ 大家要支持我呀~~

星期六, 9月 26, 2009

基因變種雞....

請問呢隻雞翼想點呢??
究竟隻雞本身有幾大呢?

睇樓你會先睇咩位置?? 二王子自創心理測驗

話說月前開始同二王子講開我要搵地方搬.

傾下傾下, 佢就問左我一個問題 "睇樓你會先睇咩位置?"

(心想: 二王子, 你又黎捉心理, 害得人家同你傾計時會有心理壓力唷)

我先會睇既地方係廚房,

佢想了一想, 從"睇樓" 一事中分析左我既性格.

我覺得都講得既啱, 順便問埋佢如果先睇其他位置既人內心性格會係點.

佢一邊答, 我就一邊抄底, 亦問準左佢我可以係theztyle 同各位sis 分享呀~

答案我就重整理緊 (因為我take note 好亂 =.=")

先出左個問題比你地揀下先啦~~

睇樓你會先睇咩位置?? 或最在意邊一個位置?? (請排序)

A. 廳

B. 廚房

C. 睡房

D. 書房

E. 浴室

F. 景觀

分析會係2日後公報

(如果我打得切又上到網既話.. 家中internet keep 住死死地)

你地即管留你地既answer比我啦, 出左分析後我會慢慢回你地架啦~
===========================================================
要大家久等啦~~ 來吧, 睇分析啦喂~~

其實一間標準既屋通常可以照顧你生活上所需的各種功能，例如可以提供安靜，好動或思考的空間，而每個人入屋的那一刻，等於重新認識一個新事物，沒有過往經歷左右之下，這個第一印象就正好反應你最原始的潛意識行為，亦即是可以反映出一個人的慾望(desire)，究竟你是喜歡靜的人﹖還是喜歡動﹖或是兩樣都不是呢﹖試試下面的測驗吧﹗

A. 廳

大廳係一個屋企的中心地方，亦是用來招呼親友的地方，所以選擇大廳的你特別喜歡關係化的生活，由家庭到朋友間人際關係都係你最著緊的地方，但大廳對我們中國人而言更有showroom的功能，你可以留意一下西方人對大廳的著重程度有時還不如一個花園，因為他們喜歡高調的showoff 行為，而中國人的self-defense 意識較高，比較低調的showoff，所以大廳就等於他們的showroom，喜歡showoff，亦即是喜歡和他人比較，所以選擇大廳的你擁有一定的競爭心，喜歡和他人比較，但其實只有自我尊重度低的人才會刻意和他人作比較，所以某程度上你的面皮比較薄，愛面子。

B. 廚房

根
據遺傳學，人是高等生物，亦是自私的生物，每個行為為著是要把自己的基因傳開去，所以人天性是不喜歡和人分享。但廚房郤是唯一個地方可以給你付出及和人分
享的地方，証明你鐘意每件事都和人分享，付出多於收穫，令人開心你自己就開心；但這個性格郤有點違反大自然既定律，這種無私的行為通常只會出現於比較簡單
的生物上，如蜜蜂或螞蟻等，他們可以為他人犠牲自己，正如你犠牲自己的時間及才能去造一些食物取悅他人一樣，這証明什麼﹖証明你天真同蠢。為人簡單直接，
就是連情緒亦比他人直接，因為你就是一種簡單的生物，沒有複雜的心理系統作情感掩飾。然而，廚房只是供製作的地方，你享受製作多於展示，即是你天性害羞，
不知怎樣和人打開話題和交流，但怕羞郤不等於冷漠，你是健談和喜歡結交朋友的，就像拼命地製造食物，為的就是去打開話題和找人分享，所以你往往給人的印象
就是外冷內熱的人。P.S. 外冷內熱的人最容易給異性錯覺，因為他們總是認為你是對外冷，對他/她熱，以致你難有純朋友關係的異性，小心點你的異性關係吧。

C. 睡房

傳
統上，一個家庭幾房人都會住在同一個屋簷下，而睡房就是你在這個小小家庭社區內唯一的自我小天地。但隨著小家庭的出現，兩個人的家庭愈來愈普及，睡房的性
質就改變了。所以選擇睡房的你要是正和一家人住的話，那代表你和家庭的關係不太和諧，總喜歡先找一個能躲進去的地方，不聞不問，自我中心、內歛都是你這刻
的性質，而正正因為你這種內歛及自閉的性質，引致和外界缺乏溝通，久而久之就是沒有自信，沒自信之下唯有事事降低要求，不願和他人作比較，欠缺應有的上進
心和動力。

但如果選擇睡房的你正是一個人住或是兩個人住的話，就代表你為人追求浪漫，因為此刻的睡房就變成你和你伴侶唯一share 及靜靜共對的地方，你追求每天能和伴侶分享的每一刻，代表你是一個愛情至上，更是一個懂得享受性愛的人。而且，性愛乃是人的天性desire，人為著把生命延續下去，拼命找可以生殖的機會，而現代社會己把能力及可以生殖的機會掛勾，所以愈是拼命追求性愛的人，某程度上亦比一般人積極及上進。但伴隨的是你的攻擊力亦很高，小心不要過份把衝動的念頭化為現實。

D. 書房

書房就是全屋唯一不能放鬆，和工作還有掛勾的地方。而注重書房的你明顯地把自己從全屋的感情區劃分出來，保持著理性，更有點孤高的感覺。這些人事事比較冷靜及理智，為人實際，但郤不懂如何放鬆及表達情感，經常給人不懂浪漫的感覺。

而
且，書房就是不斷吸收知識的地方，當你在公在私、日夜不斷吸收知識的同時，郤顯出你自卑心重，對自己沒有自信，總以為把自己日夜浸在工作裏，或書本裏就可
以提升自己的能力，比其他人更優越。而正正就是因為你對身邊人有過重的責任心，才導致你不斷覺得自己不濟，所以你經常對住身邊人有一種既內疚，又埋怨的衝
突，一方面過重的責任感令自己內疚好像幫不了人，另一邊廂郤又埋怨身邊人不明白你，給你過大的壓力。

E. 浴室

浴
室都功能和廁所一樣，都是給你一個放鬆及發洩的地方，在這裏，你可以忘郤身邊所有的人和事，包括親人及伴侶，盡情把自己展露出來，喜歡喊就喊，屙就屙，完
全沒有顧慮，所以喜歡浴室的人不是自我中心，就是廿四小時都戴著面具的人。而正正因為經常都想著要發洩的關係，反映出心理質素很差，受不起挫折，為人悲
歡，總把問題放大到要找地方宣洩的地步。而浴室多為全屋最細的地方，反映出你沒有安全感，盡量把自己塞進一個狹窄的空間中避開突如其求的攻擊，增加安全
感，感覺就像重回母親抱緊的懷中。

F. 露台(景觀)

露
台是全屋中唯一感覺上不屬於屋子一部份的地方。而喜歡露台的你多為對不安於現狀的人，又或是對現狀不滿，想轉換環境。雖然處身於屋內，郤有衝動到外界看一
看或是闖一闖動的念頭。但另一個角度上，露台或景觀充其量只是一幅畫，一個外殼，沒有實際功能，喜歡這些包裝品的你十分注重外表，做事往往感覺行先，不切
實際，欠缺理性思考。而正正因為欠缺理性的思考，所以常常碰釘，最後坐在一邊自怨自艾。久而久之就只喜歡幻想的過程，經常紙上談兵，因為到底你還是害怕又
多碰一次釘。建議不要再好像現在一樣，坐在露台發白日夢，多些行動力吧。

介紹一下二王子..

一個唔出名既BLOGGER (唔出名, 亦唔多想出名, 但好想多D人睇佢既文章),

二王子題材圍繞心理學, 心理測驗, 人格分析, 犯罪心理, 同名人既心理文章分享.

有空可以去二王子個blog睇下, 玩下佢d心理測驗丫~

www.princeno2.com

>>直接玩心理測驗 http://www.princeno2.com/blog/?cat=13

MAC 巨爵降臨前的灰藍夜雨裡

MAC 眼影既力一向都係難以抵擋.
特別係starflash 系列. 凡接觸過既姊妹都不得不大叫 ‘我愛死你啦’
Gi 就係其中一人..
認識Gi既人都知道, 我一向都唔會刻意去追新產品. (講完一定會有好多人話唔信, 不過係真既)
我總愛去買一d較實用既產品, 亦享受 ‘用完’那一刻既成功感. 所以, 彩妝物對我黎講, 係一生都用不完既野, 購買前我都必須會問自己, 是否真係有咁既需要, 始終用佢既, 都只有我一人, 亦只會在我一個人既面上. (嘻嘻嘻)

Love that look 系列算係我正正式式第一次接觸及擁有既starflash 系列眼影. 早前已經擁有左STRIKE A POSE 及 FASHION GROUPIE, 不停同自己講 ‘好啦, 夠用架啦’ 唉~ 最終都係受唔住佢既誘惑… 入埋smoke & diamond 同 one off.

其實星期天那日正係男友媽媽既生日, 都應該化個妝專重一下啦~~~ (借口~~)

而男友既哥哥一如以往, 歧視濃妝人, chew, 懶得理佢

今日既主角係smoke & diamond + strike a pose.

好一個灰藍眼妝, mix 埋既效果大令我滿意呢~

(其實我真係甚少寫咁仔細既妝文, 化妝又不見得好叻, 寫得唔好請見諒)

左起:

-

NARS MATAHARI BLUSH

-

MAC STRIKE A POSE

-

MAC SMOKE & DIAMOND

-

BOBBI BROWN LONGWEAR EYELINER GEL – BLACK

-

MAC CARBON

-

MAC COLOUR CRAFTED Lipstick

-

MAC PIGMENT – VANILLA

-

MJ LIPGLOSS

- 先用SMOKE & DIAMOND 打全蓋, 頭淺尾深, 向上BLEND鬆.

- 再用STRIKE A POSE 打係眼後半蓋, 尾部集中加色 (唔知點解覺得自己似寫緊食譜多D 哈哈哈)

- 加小小CARBON 係眼尾位置, 加重藍色既神秘效果

- 眼尖及前下眼線位用左VANILLA, 尾位就係STRIKE A POSE ALONE.

- 加埋眼線膠, 下眼線就加左冇出場既Kanebo Coffret D'or 啡金眼線 (瀘左影, 不過呢個色又係正到爆既)

-BLUSH, LIP 都上埋後就完成 (上碟~~) 哈哈哈

補充小小, MAC CARBON 亦係好好用既一粒, 佢唔係LIMITED既, 放心.

CARBON既特別之處係, 佢並不只是一粒 ‘黑色眼影’ 咁簡單. 只要先上任何一種色係底, 佢就會將果個色既深一個TONE, 正如今次用係藍色上, 佢係只會令藍色更深, 而唔係黑. 我用過佢係綠色上 MAC MELODY, 佢就變成深綠; 用係淺色, 如金, 佢就變得青青綠綠 METELLIC FEEL; 粉紅上, 佢正係啡啡地咁. 所以我非常愛用佢黎打係眼窩位. 只要有位何一個色唔夠深, 佢都一係會出場~~ 值得擁有~

謝謝收看~

星期一, 9月 14, 2009

為新居起爐 - blueberry muffin

新屋執好左, 成個人既心情都好左.

最愛既係我個廚房, 雖然冇之前咁大. 不過因為個window 開左係另一邊, 令我多左個櫃用.

小左個sink, 空間感亦多左.

睇下, 我將d野放得幾整齊~

執得咁整齊亦都令入廚樂趣大增.... 入廚係指.... 行入廚房..@@

哈哈, 講笑.

所以, 係一個home alone 既晚上, 食飽飯冇野做咁整左blueberry muffin.

唔好見我家中既爐仔細細, 其實佢好幫得手架,

爐蛋糕, 爐面包, 一樣冇難度.

今年情人節我整既燒銀雪魚都係全靠佢架咋. (下圖)

http://hk.myblog.yahoo.com/gi-blog/article?mid=1688

http://hk.myblog.yahoo.com/gi-blog/article?mid=1393

更加係因為佢咁細, 唔用時我可以將佢收埋. 要用先拎出黎..

長大中既muffin.

有同事朋友問我點解成日'無啦啦'咁爐cake, 問我係唔係家中有好多材料 standby.

我點完數發現都唔係好多者, basic 個d都會有.

不過近年我買左本書, 入面既cake呀bun呀, 全部就係用鬆餅粉整既.

又快又好味, 方便又唔洗mix咁多野.

呢個muffin 就係用左佢黎整架啦..外脆內鬆

以
下係blueberry muffin 既食譜, 大家可以回家試下整. 如果食譜既口味啱你既, 不妨去書局買左本書佢丫. 入面除左有教cake
同 muffin 之外, 重有教整 pizza, pancake, waffle, 面包, 西餐包, 大包...... (不能盡錄)

希望你地都鍾意啦, 我就好欣賞佢唔太甜, 好啱我口味...

尋日我亦用左佢既食譜整左Scone 咸鬆餅, 熱呼呼真係好好味~

等我整理下D圖片再同大家分享~~

謝謝收看~

農曆7月忌搬遷?? 介紹屎上最神既甩底搬遷公司及地獄最強既寬頻公司

GI自小就信穌哥, 對風水命理星座都係得個知字就算.

所以對身邊友人不停同我講吓~農曆7月, 你搬屋呀?

我只係好衷心咁講句 多謝關心 頂多都係講多句係呀, 趕係農曆14號之前呀令家中既老人家安心.

我以下既分享, 你睇完之後可能會話 GI呀, 不得不信邪 但樂天派既我就覺得 好在有天父照住我

(呢頭話完自己係樂天派, 個頭就黎投訴+鬧爆人啦)

WARNING

以下內容含極多字及極大負能量.

有決心人士敬請將內容看完.

嫌我長氣既可以直接睇戲肉SESSION.

話說, 住左係舊有既位單都有11個月 (去年9月尾搬入既)

其實呢個單位無論係景觀, 坐向同SIZE都好正, 真係有一刻想問業主會唔會賣..

可惜住左3個月後,開始諸事不順.

先係不停身體不適, 男人重入埋廠.

自己家中發生好多事, 迫到我要作出一個有可能影響我一生既決定.

無端端又會有好多無謂+多餘既金錢支出.

工作不順, 好多眼淚同嗌左好多無謂既交.

黑仔野係接二連三, 獲獲新鮮獲獲甘, (起碼冇死人冇重病, 謝天謝地..)

又正值租金低左d, 業主又冇左影.

所以決心轉下環境, 係同區搵另一個單位..

終於搵到新地方… 可惜簽左約之後就怪事重重.

先係業主交樓冇帶key =.="

跟手就係發現牆身好多蟲.

好多野如燈呀門鎖呀都突然壞晒...

記得睇樓當日, 我係煮到一半飯走去睇, 又下大雨, 自己個心又唔想搬, 唔想理.

所以好心急咁睇一睇就走左, 可能真係之前睇得唔夠清楚啦…

咁多野要去處理, 個人開始好stress, (又唔知點解成日無啦啦喊, 好似中左邪咁.)

新業主好好人咁話 你地放心去攪啦, d$$係租度扣, 比多3日免租期你地啦.

Wow~~ 看見曙光喇, 即去攪pest control 同搵人整鎖整燈.

所有野都攪掂晒, 開始要執野打掃既時候,

一向都唔OT既男人係搬前既一個星期日日都要OT到11點幾.

唯有自己一個執, 搬, 抹.. 點知扭親條腰, 坐都坐唔到.

臨搬既前一晚, 男人講左一句話…

住左係度黑足成年, 到要搬走啦, 點解D黑氣都死要纏住我地…

當時我冇在意佢講既說話, 只係望住個海, 睇住青馬熄燈, 好感慨, 唔想搬, 因為真係好鐘意呢間屋.

感覺似比鬼迷, 係咁諗住唔想搬, 唔想搬…

眼淚, 又掉下來了..

<<唔好意思, 講左咁多依家先至係戲肉>>

烏鴉咀講中黑氣真係死要纏住我地唔放

事件1: 搬屋公司甩底

今次唔開名都唔得~ 甩底公司叫 “搬X易搬運公司”

我XX佢丫, 一D都唔易.

一早約好左28號一早9點搬. 電話都冇個黎.

我打比佢, 佢地先至話之前個單DELAY左要2點先黎到.

好, 到1:45, 我再打比佢, 佢又話架車死左, 要夜晚先黎到.

唔該啦, 如果佢地係專業既, 都知珀麗灣4點後就唔會比車入, 夜晚點搬呀. (我係堅有咁同佢地講返)

我唔理啦, 叫佢地CALL 街車入黎又好, 坐公車入黎都好, 總之4點前同我死到入黎.

點知佢居然答我 小姐你介唔介意過2日先搬佢真係以為我好恰, 即時醒左個流星拳比佢嘆~

望一望錶已經3點, 我知唔可以再靠佢地, 即時上網搵搬屋公司. 好擔心…

幸好都只係打左3個電話, 就已經有公司肯飛車入黎. 收費都係公價, 不過只係幫到我地搬D 大件野 (都好啦, 人地唔食飯都幫我搬, 又冇坐地起價. 好在搬得近, 其他都可以自己搬) 呢間野真係好掂, 只係用左1個鐘左右就幫我拆裝好晒幾件大傢私, 重要裝得好實淨, 位置亦幫我移好. 又好禮貌. 想表揚下佢地. 以下係聯絡方法