G for Gi: 3月 2010

星期日, 3月 21, 2010

美白之道~ 內外兼顧~

在theZtyle 2月月刊中,
被各位推撰後得到4個大獎, 阿gi 真係受寵若驚呀, 真係要多謝各美人既愛戴呢~

gi 從來冇想過有幸得到你地既支持,
何況係得到呢幾個獎呢.

當中得到2個獎係令我最驚喜既...

美
白達人??

HAA, 係唔係近呢個月我出得多美白文?
定係其實大家曾見過下面呢張相??

(其實都唔想再SHOW 呢張相架啦,
都SHOW左好多次LU, 當時又唔多會化妝, 眼勁細, 面又包@@

想見我素顏既SIS, 睇住呢張先啦..
我唔化妝都係咁上下啦.. 不過面會尖D者@@)

其實我係極ENJOY 用陽光玩遊戲既人,
所以我D膚色都好殘, 好暗訝架,

而'
美白' 對我既定義就係要亮澤, 膚色均勻, 淡化色斑~~ 要由內裡散發出黎既光澤~

要做黑美人, 都要黑得黎夠亮澤先得丫麻~

新做左一張對比~ 塊面仔尖左多呀, 呵呵呵呵~~
(大家有冇發現我依家影相冇咁'側面'?? 哈哈哈)

養生達人??

HAA, 其實阿GI都好偏食架, 菜??? 小食, 魚??
唔食... @@ 淨係愛吃雞.

所以我盡可能都用多一D'其他'方法去令自
己健康均衡多少少.

如: 做運動啦.. <<
我的瘦身大法>>

食Suppliment
啦.. <<
拍丸拍上引?!>>

依家食緊白蘭氏既suppliment, 早晚食, 護肝同抗氧化

飲酵素啦.. <<
同肚腩仔講byebye>>

近呢個月, 我開始左幾樣新既方法...
都係對身體用埋皮膚好架..

1.
早上一杯暖蜂蜜

純天然既澳洲蜂蜜, 可以滋潤身體,
對腸胃有利,

早上空肚飲一杯暖蜂蜜,
對身體皮膚都好好架, 長期飲用更會令皮膚白滑, 毛孔減細tim~~

記得要係真蜜先唔會至肥wor~~
同埋要用暖/冷水沖, 飲熱水蜜糖水會便泌架~~

2.
下午用花茶代替開水

我飲用既係玫瑰花茶,
玫瑰係女人
既恩物,
佢既香味可以減提升情緒, 佢既精油可以淨白肌膚, 滋補子宮
(不
過真係好貴..剛買左一支, 破左產 @@)
而佢既花茶更可以幫助消化,消脂,
滋補子宮, 美顏, 舒解神經, 調整月經, 改善經痛~ 係荷爾蒙滋補劑.

玫瑰花茶(Rose)
能保護肝臟胃腸,降火氣,促進血液循環，調氣血，調理女性生理
問題，防皺紋，消除工作上的疲勞, 促進肌膚的光滑彈性，同時可消除肌膚緊
繃及乾燥敏感，豐富的維他命成份可滋養所需的養份，常飲可幫助促進血液循環。有助內分泌失調、嬌嫩肌膚、促進肌膚光滑彈性、有助血液
循環、預防便祕。一杯玫瑰花茶含有大量的維生素，尤其是維生素Ｃ比柑橘還要多，所以能美容養顏、抗氧化。玫瑰中所含有的維
他命C是檸檬的50倍，這種高濃度的維生素C含量可以增強人體生產膠原的能力，免受紫外射線的有害照射，抵抗自由基的侵害。玫
瑰中的維生素C還能幫肋抵禦感冒及預防疾病。

余仁生買既玫瑰花茶都只係$40,
每次用4-5朵就可以了~

月經時期唔飲得, 不過睇下聞下真開心啦~~ ^^

其實有好多朋友都叫我飲花茶時要小心, 一來唔知花既來源, 唔知佢靚唔靚, 有冇農藥.
所以大家去買花茶時
都要好小心選擇呀~~

其實有另一個方法係唔洗用泡既, 不過就比較難去搵材料...
用天然organic 既花水 (係蒸餾出黎既花水, 唔係浸泡個d)
加小小入飲用水.
味道更加香, 更加濃呀~~
我依家用緊既就係學校出既花水. 大約用一瓶蓋加入700ml既水入面啦.
洗面後就用佢代替TONER, 外敷內服, 講真, 我D皮膚真係好左好多呀~

(不過唔係所有花水都可以飲架, 大部份市面賣既都加入左防負劑同化學物, 唔可以飲用架)

3. 閒時多飲薑茶..

薑茶可以暖胃, 同暖子宮.

子宮要keep 住溫暖黎保護卵巢卵子架, 飲得多凍野, 身體就會堆積多d脂肪係小腹道黎保溫架啦.

所以.. 多飲暖胃既野, 可以身體健康,
又可以趕走肚仔架~

citysuper 的樽裝薑茶, 叮熱黎飲更好味呀~ 只係不太夠辣..

4. 多用香薰油,
給身體多一些滋潤

"保持健康之道, 就是每天洗芳香浴, 和做芳香的按摩" <希臘醫學之父希波拉底斯
Hippocrates>

每日,
我都會用香薰油黎滋潤我既頭髮及身體.

面部care當然都唔少得,
我會用檸檬+玫瑰精油做面部按摩. 美白, 亮澤, 修補受傷皮膚~~
一週2-3次

玫瑰精油係非常名貴既精油,
因為玫瑰花含油量唔高, 要3000-5000KG既玫瑰花先可以提鍊出1L既精油. 市價大約係$4800/ 10ML.

平日, 我就會用檸檬+乳香精油作精華用.
乳香有修護功效, 對損傷皮膚起很大既作用~ 亦有抗皺功效呢.

天氣乾時,
我會直接將2-3滴既分量印上面.

但好似近日天氣比較濕, 我就會將佢mix
埋我晚上用既lotion 入面, 1-2滴就夠了.

Shiseido white
lucent 美白乳霜配檸檬乳香精油, 潤而不膩~~

頸都要美白架~~

若遇到面霜質地
較硬較難推既情況,
就好似我呢一盒咁.
係團購買既, 雖然好多好評, 但係質地好實, 真係好難推開.

唔洗緊張~~
亦唔需要將一盒咁好既面霜打入冷宮架~

呢個時候就可以加1-2滴呢個face
oil, 將面霜潤滑推開.. 咁就唔怕'搽到出紋' 啦, 重好修護皮膚tim~

希望大家喜歡我今日既分享啦,
多愛錫自己既身體唷.

記住, 美白並唔係只做表面既,
要由內裡散發出既光澤感先係最靚, 最健康架.

我地大家一齊努力啦~~

多謝收看~~

星期二, 3月 16, 2010

[一星期用後報告] G...眼亮眼神 - Kiehl's

http://www.theztyle.com/blog/space.php?uid=409&do=blog&id=31848

正所謂, 眼晴乃靈魂之窗.
人地對我地既感覺, 精唔精神? 精唔精靈?? 醒唔醒目??? 一望你對眼, 就會知道..
特別係我地女兒家, 20歲後就更要好好咁照顧自己既相眼.
我地眼皮每日都會開合數千下以上, 加上眼既皮膚又薄, 用空氣既污染, 真係好易長出紋同眼圈呢~

講真, 就算皮膚幾靚, 毛孔幾細緻, 幾光澤, 幾亮白都好.
一對眼紋加又黃又藍既眼圈, 已經可以扣好多分啦. 人家睇到重會估你既年齡比真實大好幾歲呢.
去約會時, 用concealar 遮到個人一d都唔自然, 過多2個小時, 眼油令妝開始溶化. 幾監介呀.

所以, 一雙至明亮既眼神係非常重要既. 而要擁有呢一雙眼亦並非難事唷,
其實, 阿gi既一雙眼, 並唔係話保養得非常好,
眼紋?? 有, 當然啦, 不過要貼到好埋先睇到lor.
黑圈?? 有, 不過就用不上遮暇膏喇, 粉底都夠用啦~~

講真既, 重有幾年我就變中女架啦, 加上生活係污染度甚高既香港, 又日日對住電腦, 又夜瞓, 又日日眼Con. 能擁有呢一對眼, 我已經好滿意架啦.

呢5年來, 我都有keep 住用Kiehls家既眼霜, 先至不至於令眼睛年齡增長.

以下呢幾個瓶就係我時常交替用既產品啦~

眼部精華 vs 眼霜

可能大家都冇用眼部精華既習慣, 甚至可能會問點解要用眼部精華呢..

hmm. 以我既少少先解 (唔一定啱架) 眼部精華大多都係treatment, 係治療用既. 質地比較清爽.

而眼霜大多係有預防作用, 質地較滋潤.

用面一樣, 我地會用精華黎改善一d皮膚既問題, 但一般既面部精華對眼皮負擔太大, 不宜用係眼周. 所以要改善現有既眼紋, 眼圈問題, 就需要用到眼部精華啦. 用後再加眼霜作預防及滋潤.

眼部精華
1. Line Reducing Eye Brightening Concentrate

呢支妹妹其實係我既老朋友.
當時佢既發展未係成熟, 用上去粒子粗粗的.
經過左一年後, 佢已經被改良左, 依家既質地滑到不得了呀~

其實佢係一支2合1既精華, 佢含有純維他命C(左旋C),

預防和改善黑眼圈及眼尾細紋同抗氧化既功效. 足夠對付我黃黃既眼圈呀.

晚上爽膚後, 先將佢點上眼再輕輕按摩, 慢慢就會感覺到溫暖.

第2日早上, 眼睛既黃氣的確有很大既改善架.

呢支我建議大家晚上用, 因為按摩完, 雙眼會即時變得更黃. 放心, 係正常既, 瞓醒就冇事架啦~~

2. Darkness Diminishing Activated Eye Treatment

呢一支係新推出既產品, 我都只係試用左一個星期架咋.

佢係主要用黎對付黑眼圈/暗沉既眼圈架..

效果雖然未咁快見到, 不過用後感覺好好, 唔會有乾既感覺 (你知啦, 好多美白野都係好乾架麻)

Kiehl's 建議早上用Darkness Diminishing Activated Eye Treatment 晚上用Line Reducing Eye Brightening Concentrate

早晚雙重對付眼部問題, 會有更突出既功效架~

我都follow左呢個step 1個星期, 真係覺得個效果既突出,

我既黃眼圈明顯有改善左, 特別係上眼皮, 已經冇咁'氧化', 睇上去唔會好似用左e/s 咁啦.

我重follow 埋佢既按摩法, 晚上按完, 等2朝冇咁腫, 冇咁黃呢~

眼霜

用完精華後, 就要再用眼霜去滋潤眼周肌膚.

眼霜方面, 以下有個係我至愛~~

第一位.. Avocado Eye Cream

如果冇記錯, 佢係我人生第一盒眼霜, 同埋係一用就愛上既~~

佢既質地好柔軟, 點左上眼就會即時變得水水咁, 好易被皮膚吸收. 保濕度重好高, 全日都keep 到水潤既感覺.

亦因為佢會即時'變水' 既關係, 就算你點卒佢就好, 都唔會入眼架.

可惜... 呢個衰鬼實在太好賣, 就算訂都要等一頭半個月既....

第二位..Abyssine Eye Cream +

呢個係我第2最愛, 買唔到avocado 時我就會用佢架啦.

我愛佢因為佢有抗光老化成份, 保護眼細胞免受紫外線傷害, 增加眼部肌膚既抵抗力預防敏感.

更有緊實去腫及加速肌膚代謝既功能，可預防並淡化眼週細紋.

佢去浮腫既功效係一流架~~

第三位..Cryste Marine Firming Eye Treatment

呢盒比較少用, 因為佢主要係用黎緊緻眼週肌膚同改善黑眼圈既~

我既眼圈係偏黃既氧化肌, 所以用上面個盒已經夠用架啦. 不過一心想試下, 效果都幾唔錯架~~

=========================================

說實話, 我真係偏愛Kiehls 既產品.

至少我覺得佢好啱我, 佢自稱產品中既成效有d咩, 就真係有呢個果效哦~

我比左幾多$$, 佢又真係會比返咁多outcome 我呢, 一d都唔呃人架.

正考慮買eye cream既姐妹, 不妨都考慮下kiehl's 丫~~

希望我呢個report 幫到你地啦, 用左好多心機去寫架~~

多謝收看~~

星期一, 3月 15, 2010

Gi 的馬拉松 "妝"~~

http://www.theztyle.com/blog/space.php?uid=409&do=blog&id=31060

2月28日,
渣打馬拉松日....

我雖然唔係今年馬拉松既健兒, 但當天早上, 我相約左知己好友一同挑戰10公里.

地點係由珀麗灣廣場沿珀麗路轉入馬灣再回到珀麗灣廣場, 不停打圈到夠10公里為止.

約好左朋友9:30係我家樓下等.

阿gi 係花面貓一名,
雀斑, 暗粒, 紅印, 膚色不均... 通通都可以係我面上找到.

平日冇約人,
我都可以接受唔化妝落樓既.. (因為屋企係遊客區, 周不時都會遇到熟人, 其實都要幾大勇氣 @@)

今日雖然只係去跑下步,
但始終都係同朋友既一個約會, 總不能滴粉不沾架麻..

我就有呢個好幫手~
約朋友去打波, 跑步, 行山, 曬太陽我都會用佢既. 佢就係Esthemed vita in BB Professional all bright BB Cream 啦

其實我之前都好怕用
bb cream 架, 經驗話我知佢會令你出唔到汗, d油脂同汗迫晒係毛孔入面排唔出黎.
之後咪又係生粒粒lor ( 其實有某幾個牌子既防汗粉底都有咁既情況) 我好大汗架, 夏天時面上既汗時時都令我好監介呢..
但我係Esthemed vita in BB Professional 就搵唔到呢個笠笠既感覺啦.

佢蘊含5大美肌維他命, 重有SPF30 PA ++, 可以幫我阻隔UVA & UVB. 就算幾曬跑步都冇有怕.
亦會保護我既皮膚, 你知啦, 有時跑步行街好幾大塵, 用佢我塊面起碼唔會咁污濁先丫~
防汗防油, 做運動用既話呢個就最緊要啦. 好多BB Cream 都做唔到防汗呢一點, 一出小小汗就溶到蠟像咁.
Esthemed vita in BB Professional 的確係非常professional 呀~