G for Gi: Gi 玩。活。樂

顯示具有 Gi 玩。活。樂 標籤的文章。顯示所有文章

星期五, 12月 16, 2016

最悅耳的聖誕禮物 Sudio REGENT

仲有10日就到聖誕，你地準備好晒禮物未呀? 我呢，一早已經收到男人送上嘅禮物，佢成日話早送早享受丫麻~
我呢？我都係一個心思型嘅人，一早就開始咗溫暖牌啦~
另外呢，我都有打算送個耳機比爸爸，老人家睇電視鐘意大大聲，話咁先有人氣，不過下下咁大聲的確會影響同屋人同鄰居，爸爸有咗耳機，想開幾大聲都唔成問題啦~

我嘅要求，一定要聲靚，少雜音可以保護耳朵，另外就係要耳位舒服唔夾耳嘅~

之前用過 Sudio VASA BLÅ藍牙耳機 (按此睇分享)，我一直用到依家，高評！音質就唔洗多講啦，佢個電嘅耐用度同耳塞設計我都大滿意，咁啱佢新推出無線貼耳式耳機Regent, 正係我想搵嘅心水，自己先試 =P

我的耳朵大概係比VASA BLA寵壞了，對音質嘅要求比以前更高。新嘅Sudio Regent果然冇令我失望，一心想貼耳式應該冇入耳式咁靚聲，哈~ 原來都唔係差好遠，貼耳式都有近乎罩耳式嘅質數，有深度有距離感~

我呢d 外貌協會主席又點會唔睇樣丫，Sudio Regent 系列有黑白兩色，襯上金扣同金邊，一個型格look，超好襯衫，唔聽歌佢都係一個超好襯嘅accessories!

連接方面，Regent無線耳機都一樣方便，3秒就可以駁到手機藍牙。第一次用只要按下左耳下中間按鈕3秒，再係手機藍牙開用後的清單上揀Sudio Regent, 連接左後，之後每次一開機就直接連線架啦。就算我又用VASA BLA 又用Regent輪流用都唔怕，只要唔好兩部機開晒就得啦... well, 我有時都會兩部開晒都冇事... 不過當然唔建議啦。

另外兩鍵按鈕當然係用黎效volume 同next/ prev song 啦, 旁邊嘅係mic, 通話質數都唔差，雜音比VASA BLA要少添呀~

Regent採用嘅係Bluetooth 4.1，所以先連接得咁快咁準。再者，4.1用電量仲少，我用足一個下晝都仲有大半電，真係好襟用，啱晒我呢d成日唔記得閂機同唔記得叉電嘅人..

佢嘅皮製軟耳墊都好舒服，女仔帶size 好fit, 唔夾耳又唔會頂到耳環，配戴舒適，摺埋都係細細舊，又唔牙位。不過都有d擔心同我耐耳墊個皮會爛，都係唔好太粗老先。

Sudio Regent仲可以換外蓋架，額外4個的外蓋design，襯返你個日嘅心情同衣著！一到冬天又係襯衫嘅季節，日日換外蓋點綴下都得呀！

Sudio Regent 售價 HK$1,xxx，好多賣影音嘅地方都可以搵到架啦，喜歡網購嘅仲免運費。2-5日就到架啦，直接喺原產地瑞典快遞送出架。 http://www.sudiosweden.com/hk/earphones

多謝Sudio 提早送比我嘅聖誕禮物，仲解決咗我嘅煩惱，最怕諗要買咩禮物，即刻買多個黑色比爸爸先，依家買仲送外個外蓋架，要咩款好呢？

希望我嘅分享同樣幫到你，解決買禮物嘅煩惱啦。

----------------------------------------------
Follow Me on Gi C Life
wengichow@gmail.com

-------------------------------------------

星期三, 11月 23, 2016

估佢唔到咁好burn，做運動都可以好舒服~ 嘆玩Velocity Aquabike Studio香港首間水療單車運動中心

喺水中做運動相信大家一定有聽過，不過原來唔單只係物理治療用，一般健美用途都啱，效果仲好好添~
我咁鐘意做運動，又點可以唔去全亞洲第一間水療單車中心去潮聖一下呀！

「Velocity 認為每一個人都可活得健康和精彩。」呢個我buy~ 仲要每個人對"健康" 同 "精彩"嘅定義都唔同，我係比較嚴苛嘅，所以踏入呢個門時都心想，都唔會有d咩intensive效果架啦，舒服得嘅運動通常都唔會太burn fat 架啦。點知....

先賣個關子先，今日我就係會坐喺呢個太tub入面踩單車。

單車一向都唔係我運動list 入面，真嘅單車我唔識踩，健身單車又會做到小腿粗大腿實。所以我都幾避玩健身單車架。

加咗水又會有d 咩唔同呢?

水療單車結合咗水中運動同水療按摩，一邊踩單車時，Jacuzzi tub 兩側嘅噴射，可以幫我一邊運動，一邊按摩，肌肉同一時間做到2種刺激，做帶氧運動燒脂同時舒暢緊張肌肉，唔怕踩單車到大腿小腿肌肉一舊舊，同時都可達至瘦身纖體、煥膚排毒、消除疲勞效果。

健身艙total 有26個水療按摩式噴射頭，水柱focus 噴射腰部、腿部同臀部，舒緩肌肉之餘，仲有效促進血液及淋巴循環，並能改善橙皮紋及大腿贅肉問題。

前後、左右嘅噴射度同單車嘅阻力都可以自己效。連tub 入面嘅色都有得揀，至緊要係當下自我感覺良好最緊要~~

貼返我做事誇張嘅性格~ 黎個最大噴射力丫唔該~

阻力唔夠大喎，等我用手制control 加大個阻架先~

當然，唔想煩咁多，都可以揀預設program 一個制開始~

本身以為會好悶架，原來有水噴噴下又幾過引喎，

出最平常做運動嘅力，去認真踩，反正都係做運動，有得做梗係唔好嘥~

剛落水個下係有少少凍架，大約廿幾度水啦，真係忍唔到都可加小小熱水，但都係自身產熱個燒脂效果會最好啦~

我真係好認真咁踩架，真係有汗出架~

水療單車原自法國，係當地大熱嘅新派運動，

佢嘅功效比傳統單車更有效，可減低關節磨損，水嘅阻水仲可以加強心肺功能、減少腿部水腫等。健身艙嘅水仲要係特別嘅高含氧水，對皮膚排毒、提亮色澤都好有幫助架。

每一part 30分鐘，我一共burn 左515kcal，成績唔錯，做完都唔覺攰，估唔到水療單車都幾好玩又舒服，如果我係cwb 返工，我一定至少一個星期3次lunch time 過黎做運動！

呢度都有相人房，可以孖住姊妹黎做運動~

嘻嘻，不過我都係prefer 運動自己做多d!~~

完成30分鐘，仲未夠喉? 除咗可以加碼做多一part 外，都可以試一試日式桑拿。

桑拿設計到成個太空倉咁，設計同製造都係源自法國，採用最新紅外線水療技術，可分腳、胸、背等局部調節溫度刺激身體自然淨化，排走毒素、增強免疫系統、塑身及更新細胞。一part 30分鐘，就可以做到排毒、瘦身、抗衰老三大功效。天然凍，做完水上單車再加個日式桑拿relax 下，加倍排水排毒，全身暖晒。

每次做完帶氧運動，如果時間許可我都會去clubhouse焗下身，加強身體溫度，延長afterburn時間~ 加上我呢D 血氣麻麻嘅人，就算做完運動都可能係凍冰冰，焗下身，加強循環，排多d汗水，幫助燒脂排毒~ 真係排到好多汗呀~

呢度環境唔會太大，可以keep住高度privacy。不過設備就好完善啦，locker、shower、毛巾、風筒等設備都有設晒，做完運動可以執返個樣先走啦~

Velocity都有好幾個不同嘅合作partner，有按摩、美容、營養師、健康飲品等等。想幫自己plan 出最合適嘅健美計劃，就唔洗四周滕啦~

唔講咁多啦，我繼續努力先~

Thanks Velocity~~

銅鑼灣晏東街 Oliv 14 樓

電話：2110 - 4460

www.velocitystudio.hk

https://www.facebook.com/velocityhk/

----------------------------------------------
Follow Me on Gi C Life
wengichow@gmail.com

-------------------------------------------

星期二, 10月 04, 2016

按摩都同脈輪有關? SPA Ayurveda

Gi 的養生之道，就係要令自己時刻都如開心狀態。說出黎容易，做起黎真係好難架... 加因我太多自找來嘅煩惱，無法靜落黎，亦時常對自己不滿意，更加用一d 唔好嘅方法對待自己...

要達至養生，真係要身心靈都健康，感恩坊間有咁多心靈淨代嘅工具可以比我地使用，原來連按摩facial 清洗脈輪嘅treatment 都有啦！

Spa Ayurveda 位於銅鑼灣，Sogo旁邊，希慎對面，地鐵站一出2-3分鐘就到，一d都唔難搵。

名字都係好有意思架 Ayur＝生命，Veda＝知識、科學。意思就係生命的科學，係代表一種健康生活態度

Spa Ayurveda 以健康生活理念，透過獨特手療及護膚產品改善及提升免疫力及身體隱性毛病。帶領客人從行為、飲食及日常起居維持健康，強化免疫系統。

今日來到，希望佢地嘅皇牌療程可以幫到我排去身心裡的垃圾！

Spa Ayurveda，結合養生醫學並用，先利用L6塑形療程(首次試做價 $198/次, 20分鐘)透過負壓吸力能，射頻及遠紅外線等光學，將體內嘅垃圾、毒素等排走。治療師受過專業培訓，過程中仲會順住淋巴順流，一邊將垃圾排走。

我真係太耐冇做淋巴按摩啦，背部腰部都好腫，積咗好多毒（仲要今年食咗

多藥），做咗一邊，起晒砂，no pain no gain，做完鬆返好多啦，摸上去都冇咁腫啦。

之後就到期待以久嘅皇牌療程"七輪穴療" 首次試做價 $198/次, 30分鐘)!

呢個療程是古印度嘅按摩療法，透過Chakra脈輪－頂輪﹑眉心輪﹑心輪﹑太陽輪﹑臍輪及底輪等七個人體脈輪能量中心作為按摩重心，刺激各系統使脈輪能量共振相通，以至平衡，身心和諧的境界，要講到身心靈都健康，說要好好注重Chakra能量嘅平衡。

七輪按摩同時可暢通經脈，為全身經脈進行大掃除。治療師會以陰柔力度，以指腹、指骨、手腕、手肘，沿脈絡按摩，將體內垃圾清走，同時亦可以加速淋巴流動，促進代謝，咁脂肪同毒素都會排走得順好多。

短短30分鐘嘅按摩，去到某一d經絡位的確係有d痛，不過習慣咗就好，治療師都唔會用死力的，有培訓造過嘅治療師的確係專業d。按完即時起晒砂，毒素都淨晒出黎啦，上背同下腰好明顯堆咗好多垃圾呀。

面上亦都有好多穴位，所以療程亦會包括面部排毒護理，呢個 "淨化養生面晶石" 療程 (首次試做價 $198/次) 採用咗蛋形翡翠面晶石，配合阿育吠陀獨特手法為臉部及項部進行按摩。暖熱咗嘅晶石按起上黎真係好舒服，喺面上各穴位加圈按摩，熱力滲透各穴位，讓皮膚及穴位吸收由晶石發出嘅正能量，促進皮膚細胞自理能力，代謝暢順，改善皮膚健康。

阿育吠陀獨特手法按摩真係好舒服，好溫柔，好易令人投入，放鬆身體好好享受。

唔好以為只係單一按摩咁簡單，呢個療程仲會有堆針清修眉，咁就皮膚內外都咁潔淨健康啦。

好少可做完按摩個人即刻有咁精神，通常都都攰到死死地。一定係今次嘅治療將我d毒素都順利排出黎，無毒就一身輕啦。不過我呢個身子，睇黎真係要加多d努力先可以達至清毒平衡啦。

Spa Ayurveda 同時亦都係一間國際社會慈善企業，扣除所有開支利潤後，收入會捐出用於第三世界兒童，讓小朋友都可得到教育，突然覺得我做咗美好嘅事，心慈則貌美～

Spa Ayurveda
軒尼詩道 513-517 維寶這業大廈 13/F
9815 0520
https://www.facebook.com/AyurvedaHK/?fref=ts