訂婚一周年的慶祝 (二) 梅林吉烈午餐 + 賣飛佛藍莓芝士餅

反轉完蠟像館，打的到最就脚的IFC午餐。

本身王生打算又食GoGyo，但係一個星期食3次確實有點過分，所以轉場去左同層嘅梅林，反正IFC 店我又未試過。

星期六下午1點半，唔洗等位就入得，餓反了嘅兩個人，以9秒9嘅速度screen 完個menu，無奈店內嘅待應太游閒，小小的店有5名以上嘅待應都冇一個人見到我舉手，唯有失儀大叫 "唔該！！！！"

老公點的梅林特式豬扒飯先來到，外貌吸引食落仲吸引。

大大一隻生蛋黃係碗面，蛋汁滲入飯底，就算食到最尾都唔會乾爭爭配埋滑蛋豬嘅汁，真係好惹味。

吉烈豬好嫩好滑，就算浸過汁，外層依然非常鬆脆。好味道！！

我點左吉烈豬柳定食，但係到王生差唔多食完先上菜。鬼咩，待應弟弟妹妹唔係傾緊野就係發緊呆，明明眼見個set 已經ready 左係櫃台都一段時間，都冇上送菜… 算，阿姐今日心情好，唔同你計！

終於都有得食啦，對我黎講，呢個定食嘅靈魂就係啲椰菜度，每一次我都只係食1-2件肉，同好多椰菜，呢度嘅椰菜好爽，刨得好細長，好清甜。

不得不提伴隨椰菜嘅醬汁，兩款當中我比較喜歡青芥辣沙律汁，係有wasabi 味嘅黑醋橄欖油，好好味！！不過都始終都係比較喜歡別家嘅柚子汁，所以今次少少地encore 左3次咁多啦！

去到"主角" 吉烈豬柳，係櫃台放左咁耐，黎到都係熱辣辣，好脆口。4件當中有2件豬柳係我嘅，唔知係黑仔，定係我咀鵰，件豬有點鞋，肉唔嫩，唔鬆軟… 第2件比第1件腍，但係都唔係我以前食過嘅口感，好失望呀！

Ps. 其實睇相都見到佢啲肉有啲實…

肉就唔係咀好食啦，不過啲飲就好好味，珍珠米好綿好好味。椰菜餸飯，我都食晒成碗呀！

食完就回家煲碟，舊年求婚前我地睇 Star Trek Into Darkness，睇戲始終都係我地兩個enjoy 嘅娛樂。多謝你更可神秘地買了我最愛嘅王子酒店blueberry cheesecake 添。

唔知係咪自己口味唔同左，覺得今次呢個Cheese 味唔夠重… 不過都仲係好好味～

I LIKE IT!!

今日真係好難忙，好開心呀。以黎我地過每一個記念日都要咁開心呀！

----------------------------------------------

Gi - Life is Beautiful
wengichow@gmail.com
https://www.facebook.com/gichowengi
----------------------------------------------

訂婚一周年的慶祝 (一) 快閃蠟像館

去年今日，我獲得了一生第一隻鑽戒，好開心咁係迪士尼瘋癲緊。

一年後，左手無名指上已多了一隻婚戒，

為左慶祝呢個一周年，我地回到了當年拍拖到過，而印象又非常深刻嘅香港杜莎夫人蠟像館。

多謝你咁忙都陪我黎呀！我地大大話話都有成2年多冇黎過蠟像館啦，
估唔到呢年黎，蠟像館已經多左咁多名人蠟像…

曉明大哥 - 都幾似丫

李冰冰 - 不過好多途人都認錯佢係 Angelababy囉…

阮經天 - 個樣古古惑惑咁

習近平主席

倫勃朗蠟像唔係新嘅，不過佢係王生嘅偶像，佢嘅畫風加埋名作 The Night Watch 都係王生所傾慕嘅，
見到偶像，緊係要合照一下啦！

仲有畢加索大師，喜歡創作嘅，每次黎都要集多佢郵啦！

Heil Hitler! 睇完 Captain America 後一直都好想做呢個動作，真係好好笑！

The most charming man, Leslie 哥哥。 小小感受，蠟像館嘅展品越黎越多，
哥哥由本身大大嘅一個獨立展區，到現在有點失縮一角嘅感覺。
哥哥係所有香港人嘅回憶，可以重新為哥哥設計出一個展家嗎？

7年前我同王生係愛恩斯坦面前玩左好耐，今日我地都照樣玩到癲左…… 

E=MC²，呢條formula 我永世都記得…… 但永世都唔會用得著！！哈哈哈！！ 

繼續認識近年新蠟像，有獎門人曾志偉

吳君如，超似的！仲靚過真人，聽講佢為左呢個蠟像花左好多時間度身，度面。
就係因為佢嘅認真，先可以做得咁似咋！

Johnny 的新打扮，都係舊時Jack Sparrow 型仔啲！

呢張 fail snap 好有型，po 下先！

靚靚 Audrey, 我陪你High tea 丫！

仲有咁期spotlight C朗，雖然冇真人咁靚仔，不過都好似呀，企係旁邊有怕怕醜感覺！！
世界杯加油呀！

我嘅男神 Hugh Jackman，睇返相先知原來你咁高架？！對眼仲有少少似 Beckham…

係喎講講下，今次唔見 Beckham 嘅？

我地都好迷Marvel 系列嘅 Super Hero，所以入到黎呢個館，我地真係玩到傻左呀，
一個拍，一個pose，勁合拍！

老公，為何可以影到我有肚腩嘅？明明就同佢拜拜左好耐！嬲！！！
(王生：光線問題姐……)

我我至愛 - Ironman，入面匿埋嘅係王貽唐尼！！ 哈哈哈！！

最後仲有大鬧天宫館，咁多個人像，城城就最似啦，比起佢嘅個人蠟像更似！好型呀！

喪玩1小時後，Gi 都俾靚仔蠟像電暈啦，接住就要趕下一場慶祝活動，食個好味午餐再回家煲戲，月口我嘅男神過一個愉快嘅一周年… 待續…

----------------------------------------------
Gi - Life is Beautiful
wengichow@gmail.com
https://www.facebook.com/gichowengi
----------------------------------------------

護眼美肌秘密 - AK安康 晴明瘦果莓粉

返左新工一個月，充滿熱血面對我嘅新挑戰。抱住我一向唔怕捱唔怕忙嘅傻氣，用心咁做每一個task，及每一個project。當中得著並唔係兩三句話就可以描述出的，而最愉快嘅就係有一班撐我嘅好同事，同好有愛心教導我嘅好老細！我嘅老細終於都唔 "腦細" 啦，yeah! 仲唔只一個添！



投入新工作，用手機對電腦嘅時間比以前更加多，對眼有時都會好乾好攰架，有報告指出眼晴過份勞損有可能會引起白內障和視網膜脫落等眼疾。為咗健康，又要出動要四出搵法寶啦！

護眼就係要長期作戰，所以揀都要揀對身體負擔較少嘅補充品。AK 安康新推出嘅「睛明瘦果莓粉」，集合5大『超級果莓』，蘊含豐富維他命及花青素的山桑子、藍莓、馬奇莓同埋覆盆莓，護眼之餘仲有bonus抗氧化功效，另莓粉更含山茶花籽嘅兒茶素，有助減少腹部脂肪添！護眼，護膚，瘦身一take 過！

一盒有10包 「睛明瘦果莓粉」，每日早上一包就夠架啦，因為係易溶粉制，所以食法都好自由。

冷水沖…
1包 「睛明瘦果莓粉」 加200ml 冷水，味道有淡淡莓酸味，非常易入口，空腹飲用效果更佳。

乳酪…
加入甜乳酪中可以帶出乳酪嘅酸甜味，令整個乳酪口味更多層次，仲有藍莓味添。

豆奶…
暖飲可以加入無糖豆奶，讓果莓奶帶出輕輕甜味，配合豆香，味道更可口。

沙律…
唔想用飲嘅方法，都可以加入食物入面架，平均灑在沙律上，再加點沙律醋，全新莓子味沙律就完成啦！

$238 － 1盒 10包，價錢都唔算貴，又唔難飲，要一次過care 身體3 元素，要健康要美肌 so easy! Cheers！！

----------------------------------------------
Gi - Life is Beautiful
wengichow@gmail.com
https://www.facebook.com/gichowengi
----------------------------------------------

[Gi 廚房] 做出博洛尼亞口味 - 朱古力土司

話說，我家的麵包機壞左好耐，又懶得落手落腳去搓粉做麵包，所以Gi's Bakery 好耐都冇整成品啦。

心一直都好想買返部，但慳家仔遲遲都唔捨得買，唯有繼續心癢癢啦！

直到上星期王生突然話想搵啲嘢攪下，不如做麵包…  吓，咪住先，講堅的嗎？
經過我同佢詳細分析，講解手做面包同麵包機做包嘅分別，以及介紹過我心儀嘅麵包機後，佢就一支箭咁標左去買lu，嘻嘻，佢應該係想買比我做禮物多啲！Im Spoiled!

係price.com 睇到荃灣有間電器倉賣P仔 105 只係$1,980 現貨，正呀，我要一部丫唔該！

做完第一輪試機包，今日正正式式可以做特式麵包啦！ 王生想試朱古力包，好啦！

2014-05-17
材料：
高筋麵粉　250g
低脂奶 155g
雞蛋　25g
牛油　55g
鹽　4g
糖　25g
酵母　4g
入爐朱古力　70g

呢個食譜分量都幾過份，肥仔包！不過真係好味到冇朋友，麵包鬆軟就唔洗講啦，外皮鬆化有啲似牛角包嘅味度，或者似博洛尼亞嘅Denish Toast。



朱古力味唔係好濃，下次要加小小可可粉可能仲好。另外，全奶嘅做法令奶油味更重，軟滑，好tasty! 大成功… 不過真係唔可以多吃，好高卡！

有P仔麵包機嘅朋友，可以試下呢個recipe㗎！

MODE = 2
COLOR = Normal
ADD ON = Yes (人手放朱古力)

ENJOY~~

好友撐場，自信大增！！！！ 下次再整好味道請大家食～～

----------------------------------------------
Gi - Life is Beautiful
wengichow@gmail.com
https://www.facebook.com/gichowengi
http://weshare.hk/WengiChow/
----------------------------------------------

預告週末節目：我們與C朗的約會

平日我地兩好日都唔出街，呢排就個個星期都出街，嘻嘻，因為呢個5月本地都有好多活動展覽同好戲上影～

聽日，我地更加會上山頂，因為約左C朗呀～～ 

出發前，緊係要做好準備，了解下杜莎夫人蠟像館 有d咩新攪作先～～

----------------------------------------------
Gi - Life is Beautiful
wengichow@gmail.com
https://www.facebook.com/gichowengi
http://weshare.hk/WengiChow/
----------------------------------------------

皇馬巨星C朗拿度親臨香港揭開世界盃序幕

踏上香港杜莎夫人蠟像館「皇者之路」體驗冠軍狂熱

香港訊（2014年5月20日）2013年金球獎得主及當今最具影響力運動員之一的葡萄牙球星基斯坦奴‧朗拿度（亦稱「C朗拿度」或「C朗」），今日在球場大展身手，表演球技，繼而進駐香港杜莎夫人蠟像館。球壇盛事世界盃將於下月開鑼，適逢香港杜莎夫人蠟像館的「體壇猛將」展區 (The Champions) 亦換上全新面貌，C朗拿度將在館內掀起世界盃狂熱，與香港球迷及眾多冠軍體育人馬一同投入緊張刺激的氣氛當中。

C朗拿度憑著對足球的熱誠，加上體魄強健、速度驚人，並能左右腳開弓，可說是才華橫溢的球員。他於2001年加盟葡萄牙著名球隊士砵亭，從此展開職業球員生涯，17歲時成為一線隊的常規成員，更於翌年勝出葡萄牙足球超級聯賽。在士砵亭與曼聯的一場友誼賽中，C朗拿度的出色表現令士砵亭勝出，他亦因而獲得曼聯前領隊費格遜的青睞。這位出色球員最終於2003年簽約曼聯，成為該球隊的首位葡萄牙球員。自此以後，被譽為「天生勝利者」的C朗拿度屢創佳績，氣勢銳不可擋。作為首位兩度獲頒「金球獎」的葡萄牙足球員，C朗拿度現為西甲球隊皇家馬德里前鋒兼葡萄牙國家足球隊隊長，即將出戰巴西世界盃，爭奪皇者寶座。

香港杜莎夫人蠟像館總經理麥婉嫻表示：「2014年世界盃開鑼在即，我們十分榮幸能夠有另一足球猛將C朗拿度進駐香港杜莎夫人蠟像館，成為館內的第二位足球巨星。盛事舉行在即，我們很高興全新面貌的『體壇猛將』展區亦正式揭幕，賓客可在這個令人耳目一新的展區，與心愛的運動員及體壇皇者見面。」

C朗拿度將加入碧咸及舒拉寶娃等體壇巨星的行列，在香港杜莎夫人蠟像館內全新的「體壇猛將」展區中永久展出，迎接賓客到訪。為了慶祝C朗拿度進駐香港杜莎夫人蠟像館以及「體壇猛將」展區換上全新面貌，蠟像館推出全新世界盃優惠，賓客穿著7號足球球衣親臨蠟像館，即可以七五折優惠購買正價門票*，購買蠟像館品牌紀念品亦可享正價九三折優惠，優惠期由即日起至7月13日。一眾球迷請作好準備，與這位球壇超級巨星來個近距離接觸，更有機會從偶像身上學到一招半式的入球絕技，盡情投入世界盃狂熱！

*每人最多購買兩張門票

香港杜莎夫人蠟像館簡介

香港杜莎夫人蠟像館是以名人為創作靈感的獨特景點，將參觀者與著名的人物、事件及時代緊密聯繫。設有十個主題展區的香港杜莎夫人蠟像館，可讓參觀者有機會與心愛的偶像近距離接觸，做一些名人會做的事情！

展館展出超過100尊栩栩如生的本地及國際名人蠟像，配合精彩無比的視聽效果及新奇刺激的互動體驗，爲賓客帶來真正奇妙難忘的歡樂時刻。香港杜莎夫人蠟像館是亞洲區內首間永久展館，於2000年8月開幕。目前，全球共有十五間杜莎夫人蠟像館，分別設於香港、倫敦、紐約、拉斯維加斯、阿姆斯特丹、上海、華盛頓、柏林、荷里活、曼谷、維也納、黑池、武漢、悉尼及東京。

香港杜莎夫人蠟像館逢星期一至日每天早上10 時至晚上10 時開放。票務詳情請致電：(852） 2849 6966 或瀏覽香港杜莎夫人蠟像館網頁 www.madametussauds.com/hongkong/ 。