暖粒粒嘅芝士toast，脆得黎唔𠝹口～Pain Perdu

一向無包不歡嘅我，上次睇完搵食飯團之後，即刻上網search下呢間餐廳，原來都幾近我返工嘅地方喎，一於同同事來個包lunch啦！

呢度地方唔大，好在嗰日我哋都早來有位坐！

套餐可以揀跟咖啡或者跟gelato。我同我同事就一人一個。杯雪糕都幾大杯喎，酸味味又creamy，好好食！

主角出場，呢度嘅麵包係由法國藍帶大廚親手整架，每個都烘到剛剛好，最鐘意佢外脆得黎又唔𠝹口。最仲要係個包仲係好暖粒粒架。

芝士三重奏- 鍾意食芝士嘅一定要叫呢個真係好香芝士味。我好鍾意食芝士但係唔認識芝士，但都食得出佢用嘅並唔係普通流嘢呀！Mozzarella 搵出來一絲絲的，巧正！

Mixed Mushroom 白菌-芝士蘑菇當然係絕配，上面放咗好多蘑菇呀，蘑菇炒過味道同口感都剛剛好，配埋軟棉棉嘅芝士，飽晒！呢間餐廳的確可以再encore！

Pain Perdu salon de thé

地址: 旺角 豉油街126-128號明威閣地下K舖

電話: 3956 9596

----------------------------------------------
Follow Me on Gi C Life
wengichow@gmail.com

-------------------------------------------

窩心體貼的一個lunch ~First Step Coffee

頭先先去完食lunch，已經急不給待返嚟要幫佢哋寫返個好評！

話說我依家detox緊，淨係可以食菜瓜菇，煩惱緊係雞地附近究竟有咩餐廳我啱食呢，竟然比我搵到呢一間只係開咗一個月嘅餐廳，仲係事業中架！

Menu上嘅蕃茄大肥菇意粉真係好吸引，但可惜啲我唔識得澱粉質，所以就問店員可唔可以走意粉。佢哋好好咁竟然將個意粉轉咗做沙律俾我呀，真係好窩心好體貼啊！

另外重點左個時鮮果沙律，平時啲鮮果沙律都係用好勁多嘅沙律醬整嘅，呢度係用沙律醋㗎，佢啲菜仲要好新鮮添，真係啱晒我！好嘢終於係屋企附近搵到間健康啱食嘅餐廳啦！

First Step Coffee

地址: 元朗 鳳攸北街5號順豐大廈地下31號舖

----------------------------------------------
Follow Me on Gi C Life
wengichow@gmail.com

-------------------------------------------

茶記變CupCake有趣扮清糕 ~By Twinkle

今年中秋family party，除左食月餅，我仲買咗呢個好特別嘅Cup Cake 扮清糕！

月餅一人一口，cup cake 一人一個，一set 8件剛剛好，Twinkle 扮清糕cup cake 系列以茶餐廳傳統食品為主題，每樣都係好熟悉嘅味道，唔知mix入cup cake style 味道會係點嘅呢？

8個入面，我最感興趣嘅就係菠蘿油。大大塊牛油加咁係cup cake入面，cup cake 面做到就用菠蘿皮一樣，但就冇傳統菠蘿包咁油酥，會唔會先反焗一下再食會好味d 呢？cup cake 出奇地好食，加咁牛油中和咗cup cake 嘅甜味，cup cake 鬆軟，似muffin咁嘅口感，整體平價係8款當中最高！

另一款我最感興趣嘅係紅豆冰～我太愛紅豆了，cup cake上嘅紅豆大大粒已經值回票價，上面嘅cream用紅豆打成，味道好rich 好甜，咬開cup cake入面仲有紅豆茸，surprise surprise! 整體紅豆冰cup cake 都唔太差，只可惜紅豆cream 已經咁rich, 上面再加粗糖，的確有點畫蛇添足... 太甜了。

咁多款扮清糕，雖然我只試食咗兩件，不過家人就一人一個食晒，都幾受歡迎。整體comment Cup cake 的確係幾玩野，又的確幾似口味本身嘅味道，但無奈佢始終都係cup cake，對於口味淡的人家黎講又真係太甜了。

以下係cup cake set price

單件價

另外一題，呢個盒太唔supportive 啦，只係由尖東行到去K11， Cup cake 已經反晒... 認真地要考慮改善一下個包裝啦！

Twinkle Baker Decor

尖東好時中心2樓282室

----------------------------------------------
Follow Me on Gi C Life
wengichow@gmail.com

-------------------------------------------

非常講究的All Day Breakfast ～Zenon Cafe Salon

好友從澳回來，兩年冇見到真係要搵個地方，靜靜又舒服嘅，好好一聚！

難得佢返黎，緊係要由我嘅個so-call東道主帶佢去食好嘢，其實都係借佢嚟check off 我個wish list，XDXD

中環呢間門口寫住"Salon" 嘅cafe，我一直都好想去，就係因為比佢個名吸引。

下午2點，人唔多，不過佢地都似係d自由人，一人一notebook，旁邊一杯coffee，好寫意嘅工作環境！大家都靜靜地工作，留下嘅只有餐廳播放緊嘅音樂，好好feel 呀！同時我地三個都即刻欺文晒，講嘢都唔敢太大聲！

次次經過都會係門口裝下裝下究竟入面係點，同Salon 有乜關係？原來呢度嘅二樓係一間Hair Salon，唔怪得呢度咁多Barbershop嘅裝飾啦

講返嘢食飯，呢度以All Day Breakfast，Waffle，sandwiches，salad 等輕食為主。Drink menu 反而好豐富，晚上仲有Wine list 同Cigar，好high class 嘅Lifestyle！

呢度嘅Coffee來源好獨特，店長介紹豆係每星期由意大利咖啡園炒起再空運到香港，同平時本地炒嘅豆好唔同。咖啡豆我唔係好識，不過入到口我就識我分啦，果然好唔同，就算係加咗奶，咖啡本身嘅香濃味都冇減少到，甜味亦都好獨特，質感好滑口，飲完舌頭平和好舒服。咖啡控，必試，包你有另一返感受！

試下呢度嘅signature All Day Breakfast。今次係我試過最冇「致癌感」嘅AllDay，平常食嘅AllDay大都只不過係將加工制品煮熟再上碟，今次的確係有成意得多！

Bacon 外貌同一般煙肉真係冇異，但其實佢係仿加工制品。用鹽soak過嘅黑毛豬肉，上碟前輕輕慢煎熟，確保肉質新鮮，睇上去同咪道就真係似煙肉，但口感就以煎過嘅豬肩肉，好fresh 好juicy 呀！

Turkey 外貌有冇似足蘿蔔糕?實則係火雞扒，選取火雞胸同上肶肉製成。友人係唔食火雞專員，佢最討厭又乾又鞋嘅肉。等佢食完一口之後先講係火雞，佢仲以為我地玩佢添，火雞扒真係好嫩，口感似tuna，味道又有d似pork，好好味！！！

Waffle 實不相瞞，今日係衝著waffle 而來的，聽聞呢度嘅Waffle 烤得好好，外脆內軟，果然冇令我失望～ 就算唔係即烤即食，掛住吹水後再食埋餘下涼左嘅半塊，Waffle 外層依然係脆口架。上面嘅藍莓仲好甜好新鮮，食得出嘅講究～

Omelette 一切開，入面流心蛋漿要湧出黎啦，蛋味好香濃，比平常食開名貴一點嘅農場蛋/走地雞蛋更加香濃，鐘意食蛋嘅，呢個Omelette 真要一試~

Sausage 雖然味道濃左小小，不過呢因為係芝士腸嘅關係，仲要係一切開就睇到大大舊芝士，一d都唔欺場，芝士味好香濃，夠酥夠好味～

Zenon Café (中環)

地址 : 中環威靈頓街86號地舖

電話 : 3425 4488

網址 : http://www.openrice.com/hongkong/restaurant/中環-zenon-cafe/441426

----------------------------------------------
Follow Me on Gi C Life
wengichow@gmail.com

-------------------------------------------

尖東四圍搵甜品，隱藏於半島中心內的Cake Square

某日姊妹二人放假一天去尖沙咀行街拍拖拖～ 行到入半島中心被門口嘅旋轉木馬蛋糕深深吸引住，再往蛋糕店內睇睇，仲有幾個多層嘅結婚蛋糕，都係好靚好精美。

妹妹對眼對食物就最敏感，正當我嘩完打算走之際，佢大叫 “家姐，佢地有賣小蛋糕架，不如買兩件Tea 丫～” 多數同妹妹出街都會一反常態，好啦，想試就試啦～

廚窗中的4件小大蛋糕中，我地揀左芒果慕絲蛋糕及法式燉蛋配上吉士杏仁醬撻。
芒果味係妹妹揀嘅，芒果係佢嘅至愛～

而撻就係我嘅至愛，所以揀呢個一d都唔出奇呢～

Mango Mousse Cake 芒果慕絲蛋糕 

由厚厚嘅芒果果肉包住慕絲蛋糕 ，蛋糕中間再有兩層厚厚嘅芒果，甜中帶有小小酸味，另蛋糕得到中和平衡，一d都唔膩～

慕絲蛋糕真係好軟滑，運送過程中被小路人衝左一下，蛋糕就倒了。由此證明蛋糕真材實料，無落過量魚膠片去定形，雖然比我整到個樣衰衰咁，但都冇影響到我地CAKE一CAKE 嘅雅慶～大笑過後，繼續enjoy 芒果的清香味道～

Cream Burlee with Almount tart 法式燉蛋配上吉士杏仁醬撻

法式燉蛋以蛋糕造型出現真係第一次見～ 

平時都喜歡食Cream Burlee，貪佢暖粒粒面頭嘅焦糖又脆卜卜，今次無冇焦糖，改左我最愛嘅曲奇撻皮，配搭起上黎都真係幾特別呀～

上半滑滑流嘅就係法式燉蛋，同平常嘅燉蛋有d唔同，口感上有d似慕絲蛋糕，下層撻內充滿吉士杏仁醬，喜歡食甜嘅相信都會幾鐘意呢個。撻如果可以再脆一d就好啦～

Cake Square

Unit No.G29 On Ground Floor, Peninsula Centre, No 67 Mody Road, Kowloon2947 7575www.cake2.com

https://www.facebook.com/Cake2HK/?fref=ts

----------------------------------------------
Follow Me on Gi C Life
wengichow@gmail.com

-------------------------------------------

減緊肥又要滿足甜食口慾？冇話唔得嘅，試試「急凍海燕 (寒天) 椰皇凍」！

天氣開始涼涼地，食糖水或暖甜品個引又發作！！但呢排真係肥咗d呀，要減肥又要滿足口慾，都冇話唔得嘅，最緊要識得揀！

WHAT!!! 椰皇？！無攪錯，Gi冇攪錯你都冇睇錯，佢的確係"椰皇"不過係"加料"椰皇至真，係纖體中嘅sis都食得嘅「急凍海燕 (寒天) 椰皇凍」。

「急凍海燕 (寒天) 椰皇凍」用泰國一級優質椰皇，以清甜椰汁及頂級海燕煮成。海燕，即寒天，有豐富膳食纖維，有助腸臟蠕動。同時低卡路里極低，係最啱瘦身sis嘅甜品。椰皇汁仲有好多種維生素，對皮膚好有嫩滑作用，纖體又美顏。

「急凍海燕 (寒天) 椰皇凍」凍食或熱食都一樣得，今日同大家分享一下我嘅自創凍熱食心得啦！

【凍食】清新鮮果椰皇凍

海燕椰皇凍口感好清爽，椰汁味好清新，香得黎又唔會太濃，冇嗰種肥膩感覺。加埋新鮮水果可以增加甜品味道，盡情放你喜歡嘅水果啦，海燕 (寒天) 椰皇凍經過燒煮，所以唔會太寒涼，女生都不怕多食！

【熱食】暖身桂圓海燕蜜女生總有「嗰幾日」（後來我發現男生都會有「嗰幾日」～哈）愛自己就要識得補，個幾日緊係要飲返d暖身嘅飲品。桂圓水係我嘅至愛，飲完個人暖粒粒又好瞓！加入海燕及兩匙蜂蜜，飲品即時變甜品，估唔到海燕同桂圓蜜個味道都幾夾架喎！

椰皇凍咁特別，可以喺創興策劃網上食品店搵到。除咁椰皇凍夠特別，呢個急凍梳乎厘都好好食架！咁多個口味當然好想一次過試晒啦，但最吸引都係D24榴槤口味～

名字叫梳乎厘，其實佢個樣就似叮噹包。

不同程度嘅defroze效果會帶出不同口感架，首試20分鐘溶雪，係雪糕口感！估唔到佢入面會有咁厚嘅榴槤filling，仲要好香好鮮。

20分鐘口感都仲係有d硬，溶雪30分鐘可能會creamy d，有好野食緊係要大家分享，唔，食邊款好呢？同事你揀啦！

創興策劃

http://www.fruitpuree.hen-ton.com/ 

https://www.facebook.com/CreativePromotionLtd

----------------------------------------------
Follow Me on Gi C Life
wengichow@gmail.com

-------------------------------------------