【一人湯的福音】霸王花羅漢果湯～HOMEY燉盅配媽咪の湯包

其實我好鐘意飲湯架，不過煲起一大煲要自己飲唔晒真係好蹝。煲起上黎又要買料又要睇火。所以我加入咗燜燒杯行列，不過燜燒杯只能做到簡單湯水，要飲老火湯，都仲係我嘅一個渴求。

有諗過買湯煲好定萬能煲，但考慮到空間，真係買唔落，屋企已經有套多野冇位放多個咁大嘅湯煲。加上我又怕佢會滾乾同滾瀉，都唔係最啱我用嘅呢。

上得多師奶group等同長智識一樣，原來用電燉盅煲湯仲方面，唔怕乾水又唔怕滾瀉。用燉煮方法可防止營養流失，原汁原味。

網友推介平平地Homey 微電腦電燉盅機仔細細，唔佔多空間，價錢又實惠，仲附有2小1大嘅陶瓷內膽、蒸架等，方便燉製不同份量的燉品。

想簡單蒸會蛋又洗乜再勞私動眾呢！

兩小一大嘅燉盅，用小盅做一人一份唔同甜品，洗爭唔洗煩。大盅就可以用黎燉多人份如湯、粥品。3個盅都係陶瓷內膽，唔怕係燉煮過程中有毒素釋出，夠健康啦。

試機先黎煲個簡單湯，同上我最愛嘅媽咪の湯包試試先！

7蚊瘦肉先飛水

再加入洗淨嘅材料加入9成水，燉煮唔怕乾水唔怕滾瀉，放9成水都唔怕。

再加入清水到水尺位置都可以開始燉湯啦！

電燉盅以一鍵操作及LCD屏幕顯示，簡單易明，只要選擇燉煮模式及時間就可以開始燉煮架啦。另外仲有預約定時功能，set 好個timer開始煮，放工返到屋企就有湯飲啦，煮完次後仲會跳到自動保溫功能，遲咗返都有暖湯飲，唔洗返煲好梳乾！

燉煮個陣，不時都由個透明頂蓋睇下d湯有冇滾瀉，用電燉盅真係安心好多，加上過程中排氣比預期中少，比著我咁唔小心嘅人，就唔怕會焯親手啦。

話咁快2小時就完成！睇返水尺其實都唔係用咗太多水，另外電燉盅都設有防乾燒斷電及超溫自動斷電安全裝置。如果乾燒水或過熱，就會自動斷電，真係完全唔洗睇火，太哈好心意啦！

開蓋！平日一個湯包用煲煮嘅方法，要開火滾足2個鐘先，仲要用晒成個湯包先夠味。今次初試用全個湯包燉2個鐘，嘩，好甜好夠味..... Hmm, 係有d... 太甜，果真原汁原味，下次都係用半個湯包好啦，燉同煲真係有好大分別！

肉都腍晒！

清甜又出味，仲唔洗調味添！

大燉盅用上全個湯包，可以燉出3大飯碗嘅湯水，兩口子夠晒飲！今餐仲有南瓜咸蛋蒸肉餅同清焯西蘭花用菜莆炒蛋，我地平日嘅家常飯就係咁簡單健康架啦！

隨機仲有附送用燉盅做嘅receipt， 蒸、燉、湯、飯、肉、粥、甜品等，仲可用黎消毒器皿。下次要跟個食譜做個冬日美顏甜品先得！

Homey 銷售點：實惠、先施、家品屋、TASTE

查詢熱線：2340 0951

網址：www.ush.com.hk

Facebook：https://www.facebook.com/Homey-Appliances-189878211049347/

----------------------------------------------
Follow Me on Gi C Life
wengichow@gmail.com

-------------------------------------------t

【Gi's Kitchen】燜燒杯料理～滋潤圓肉杞子螺頭湯

自從有左燜燒杯，屋企開始有湯飲！係呀，有時平日放左工想飲下湯，但又要備料又要睇火，放咗工都冇動力煲啦！所以燜燒杯料理真係天大嘅發明！！！

【Gi's Kitchen】燜燒杯料理今日整嘅係～滋潤圓肉杞子螺頭湯

材料：螺頭、圓肉、杞子、紅棗、金華火腿

功效：補脾胃益肺腎，滋陰補血，明目養神

步驟：

1. 先將材料洗淨切成小塊

2. 材料入750ml壺加大滾水一拼預熱5分鐘

3. 倒出預熱用水，再換上大滾水焗3個鐘，靚湯攪掂 

其實我咁懶又邊有心機又買螺頭又買金華火腿丫，呢個湯係用心靈養生坊嘅湯包焗架。

試過坊間好多湯包，唔係款款都可以用燜燒杯處理，有d 真係唔煲唔出味，焗夠6個鐘都係淡嘅。同埋出面嘅湯包款式好多都好花巧，想搵一款平實d 嘅都唔易架。

得知心靈湯包其實係朋友介紹，聽職員講，湯包係針對燜燒杯設計，佢地仲係實地測試過確保成功先推出，所以包出味，包成功，零失敗。

當然，老豆成日都話買新鮮料最好... 但我住嘅地方冇街市，得個多人到死嘅百佳。加上，每次都係得我自己飲，煲湯材料又大大包，買完返黎都唔知幾耐先用得晒呀。心靈湯包全部都係抽真空嘅，咁我幾時抽起條根想飲湯都可以即焗啦。

平時比我煲湯，真係好少會加入金華火腿，一大舊火腿都唔知要放到幾時先食完。所以有呢個湯包真係好，有咗金華火腿個湯真係好有味，其他材料質素都唔差，圓肉好甜，螺頭都幾爽口，個湯真係似用明火滾咁，好夠味！3個鐘落750ml，熱辣辣，估唔到我一個人自己飲晒，一啖都冇留比王生！

佢地另一個湯包我都試埋啦，都係好味，個人口味都係鐘意螺頭湯多d。

----------------------------------------------
Follow Me on Gi C Life
wengichow@gmail.com

-------------------------------------------

[Gi’s Kitchen] 聖誕漢堡包

Gi Kitchen 的聖誕大餐今年以輕食為主題……？！輕？！
一d都唔“輕“吧，雖則係輕便食物－漢堡飽，但只要你見到那漢堡的厚度… 嘩，厚得有點太過份吧～

其實，輕嘅意思係輕鬆煮先啱，做法真係好easy 架咋～

 ~~~漢堡扒~~~ 

材料：
牛+豬絞肉         共150g
(唔食牛既可以淨用豬, 唔食豬既就用牛, 不過我就覺得一半一半係最好食既~ 有牛既鮮味同肉汁, 加左豬肉又冇咁鞋 ps 我係唔太好豬肉既)
麵包粉              1/2杯(量米杯)
洋蔥(切碎)         1/2個 (小型)
蒜頭(切碎)         1~2瓣
蛋                     1個
黑胡椒粉           少許
鹽                     少許
沙律醬              隨意

做法：超簡單
1.將漢堡扒所有材料攪勻

2.加入沙律醬, 鐘意食可以加多d, 加左沙律醬既漢堡扒會有多d肉汁架.

3.牛肉餡整成圓餅狀, 約手掌既size, 將肉餅左右拍打 (就好似玩cooking mama 咁)

4.用中火煎至2面金黃色, (因為我地加左洋蔥, 有d部份會易焦, 唔洗擔心), 再轉小火煎到肉熟.

記得連個邊都要煎埋呀~

30分鐘內包完成，加埋自己鐘意食嘅蔬菜同伴碟，係咪一d都唔失禮呢～
快d襯聖誕仲有一日，趕緊去買餸，親手下下廚，為屋企人煮一餐聖誕大餐仲啦～

 

Merry Christmas!!!

----------------------------------------------

----------------------------------------------

生命之源。水, 也要最好的~ [Diamond 鑽石能量水]

自小就受到患重病的媽媽影響, 所以一向以來都很注重健康問題. 

作息定時, 均衡運動及飲食等... 這些一早就已成為生活習慣的一部份. 

正所謂, 病從口入, 我們每天要進食不同食物來吸收不同營養維持生命. 

所以無論是食材或飲用水的質素, 對我們的身體健康可有非常直接的影響. 

加上現在環境污染及Chemical 化等問題, 逃不了亦避不開. 

只可能在有限的資源下, 愛惜自己. 

我們的祖先, 之所以可以活到過百歲, 全因生活夠organic 化. 
食的都是自己種的農產, 飲用得都是天然的礦物水.

當然, 當下都開始興起了自家種植有機菜, 超市亦都越見越多有機食材, 

有機品牌亦開始了不同的宣傳攻勢, 令銷費者在購買時更加放心~ 

但飲用水卻是渴望尋求有機生活的都市人遇到的其中一個難關. 

總不可能每次都上山取水吧.. (有行山習慣的朋友, 一定見識過堅持上山取水的健康人士... 我可沒他們那般偉大的心)


家中的自來水, 都是經由雨水集合再過濾, 當中很可能殘留了一些未能濾走的慢性有害物及過濾時需要用上的化學物. 

未必會對身體有直接傷害, 但吸收太多未必是好呢~

所以, 愛錫自己, 可以選擇更好的, 何不?

經過一輪Research 過後, 我選了較有信心保證的Diamond 鑽石能量水!

Diamond 鑽石能量水 比家用水的 好處:

※潔淨安全，不必沸煮，可以直接飲用！ 
※濾水中的殘留氯氣，免受玫癌的氯副產品威脅！ 
※含適量人體必需的物質，味道甘甜！ 
※容易被身體吸收，改善新陳代謝！ 
※幫助排除體內累積的毒素，促進健康！ 
※鑽石能量水除了促進新代謝，幫助徹底排出毒素、強健身體之外， 在日常起居生活中，也為我們帶來很多方便和意想不到的好處。

About Diamond Water

現在，無論飲用、煮飯、煲湯、洗菜、沖奶、沖茶、沖咖啡、養魚、 淋花等等，都可以用到礦泉水。
這些千萬年優質的礦石，經磨碎同高溫鍛燒，成為礦物陶珠， 這些陶珠容易釋出微量元素同天然磁能， 增加礦物成份同改變水分子結構，提升水質， 就好似水流經天然土石所產生的作用， 將普通水提昇為可媲美大自然礦泉水的鑽石健康水。
不必付出高昂代價，不必遠赴冰川礦泉，一扭開水喉， 就有源源不絕的礦泉水無限量使用！
Diamond一群科學家，從山水豆腐、紫砂茶壺、怡保芽菜、 歐洲深山的水療中心、法國礦泉水等現象得到啟示， 發現大自然的礦石、土壤，會提昇水質，不同的礦物含量， 對人體健康有莫大裨益。
這些鐵一般的事實，驅使崇尚自然的韓日水質專家勇往直前， 搜集地球上可以提昇水質的優質礦石同泥土， 製成鑽石健康水的心臟----Diamond礦石陶珠。

Diamond Classic選用天然、無化學成份材料， 以六支濾芯複製出天然礦泉水的產生過程。
 A芯 徹底過濾水中的沙泥、鐵銹等雜質，濾除細菌
 B芯 去除水中有機污染物、異味和色素，調節礦物質含量
 C芯 徹底濾除重金屬、氯氣和化學劑
 D芯 以天然礦石磁能，增加礦物成份同改變水分子結構，提升水質
 E芯 穩定水分子團狀態
 F芯 把水調節到弱鹼性水平

鑽石能量水的清洗方法亦非常方便, 只要在每2個月取出濾心輕刷清洗就可以了~ 

下次要清洗時必會拍照和大家分享的~ 

雖然我家並不是''有飯家庭'', 但週末一有機會, 就會煮飯, 總比吃外賣健康~

加上, 外賣食物大多都是多油高納的. 能夠用分子比家中飲用水更小的水來煮飯, 更有效清潔體內的有害物及毒素呢~

蒸煮的方法就最健康了, 先將鑽石能量水倒入蒸爐, 不久水就滾起來!! 鑽石能量水的分子比自來水細, 所以很快就會被煲滾, 而亦因分子細, 水分而易滲入食物及被身體吸收~

以下, 用Diamond 水做的一餐~~

蒸出來的水蛋比平常的滑呢!

用鑽石水煲出來的飯更是香甜軟熟多呢~ 

經Diamond Classic所產生的健康水
※ 入口幼滑甘甜、潔淨安全
※ 有益健康，媲美市場上優質的礦泉水
※ 將隱藏深山的天然礦泉，帶到你屋企
※ 健康水蘊含人體必需的礦物質，入口甘甜順滑
※ 多喝亦不會肚脹，有助一家大小培養喝水習慣

用了大半個月了, 有了鑽石能量水在家真的方便多了, 起碼不用再擔心家中飲用水未煲好~ 

鑽石水長開長有~ 只要將安裝好的水制扭向過濾的一邊, 鑽石水就會流出來, 可以直接飲用了~ 

水對人體來說是不可缺乏的, 而身體能吸收多少水份跟水質有莫大的關係. 

不如, 下一次就用大家分享一下飲水的重要吧, 原來飲水都有學問的呢~ 

Stay Young & Beautiful
Gi