【一人湯的福音】霸王花羅漢果湯～HOMEY燉盅配媽咪の湯包

其實我好鐘意飲湯架，不過煲起一大煲要自己飲唔晒真係好蹝。煲起上黎又要買料又要睇火。所以我加入咗燜燒杯行列，不過燜燒杯只能做到簡單湯水，要飲老火湯，都仲係我嘅一個渴求。

有諗過買湯煲好定萬能煲，但考慮到空間，真係買唔落，屋企已經有套多野冇位放多個咁大嘅湯煲。加上我又怕佢會滾乾同滾瀉，都唔係最啱我用嘅呢。

上得多師奶group等同長智識一樣，原來用電燉盅煲湯仲方面，唔怕乾水又唔怕滾瀉。用燉煮方法可防止營養流失，原汁原味。

網友推介平平地Homey 微電腦電燉盅機仔細細，唔佔多空間，價錢又實惠，仲附有2小1大嘅陶瓷內膽、蒸架等，方便燉製不同份量的燉品。

想簡單蒸會蛋又洗乜再勞私動眾呢！

兩小一大嘅燉盅，用小盅做一人一份唔同甜品，洗爭唔洗煩。大盅就可以用黎燉多人份如湯、粥品。3個盅都係陶瓷內膽，唔怕係燉煮過程中有毒素釋出，夠健康啦。

試機先黎煲個簡單湯，同上我最愛嘅媽咪の湯包試試先！

7蚊瘦肉先飛水

再加入洗淨嘅材料加入9成水，燉煮唔怕乾水唔怕滾瀉，放9成水都唔怕。

再加入清水到水尺位置都可以開始燉湯啦！

電燉盅以一鍵操作及LCD屏幕顯示，簡單易明，只要選擇燉煮模式及時間就可以開始燉煮架啦。另外仲有預約定時功能，set 好個timer開始煮，放工返到屋企就有湯飲啦，煮完次後仲會跳到自動保溫功能，遲咗返都有暖湯飲，唔洗返煲好梳乾！

燉煮個陣，不時都由個透明頂蓋睇下d湯有冇滾瀉，用電燉盅真係安心好多，加上過程中排氣比預期中少，比著我咁唔小心嘅人，就唔怕會焯親手啦。

話咁快2小時就完成！睇返水尺其實都唔係用咗太多水，另外電燉盅都設有防乾燒斷電及超溫自動斷電安全裝置。如果乾燒水或過熱，就會自動斷電，真係完全唔洗睇火，太哈好心意啦！

開蓋！平日一個湯包用煲煮嘅方法，要開火滾足2個鐘先，仲要用晒成個湯包先夠味。今次初試用全個湯包燉2個鐘，嘩，好甜好夠味..... Hmm, 係有d... 太甜，果真原汁原味，下次都係用半個湯包好啦，燉同煲真係有好大分別！

肉都腍晒！

清甜又出味，仲唔洗調味添！

大燉盅用上全個湯包，可以燉出3大飯碗嘅湯水，兩口子夠晒飲！今餐仲有南瓜咸蛋蒸肉餅同清焯西蘭花用菜莆炒蛋，我地平日嘅家常飯就係咁簡單健康架啦！

隨機仲有附送用燉盅做嘅receipt， 蒸、燉、湯、飯、肉、粥、甜品等，仲可用黎消毒器皿。下次要跟個食譜做個冬日美顏甜品先得！

Homey 銷售點：實惠、先施、家品屋、TASTE

查詢熱線：2340 0951

網址：www.ush.com.hk

Facebook：https://www.facebook.com/Homey-Appliances-189878211049347/

----------------------------------------------
Follow Me on Gi C Life
wengichow@gmail.com

-------------------------------------------t

【Gi's Kitchen】 二人快煮。15分鐘炒烏東

人大了，口味開心變得難服侍。太咸太油太多汁太多肉的菜餚開始減少放入口，越來越不想外出吃味精了！放工回到家已經8時多，想吃自家飯都不是太容易，所以近來我愛上了做這個快炒烏東，15分鐘就能完成！

材料(二人份)：

烏東 2包

洋葱 半個

椰菜 半個

青椒 1個

牛餐肉 隨意

叉燒 隨意

再健康一點，可以改用鮮雞柳或瘦肉，但預備時間可能要多一點了。

隨意將材料切成小件，自己食不用太齊整講究了，5分鐘完成！

Step 1。先將肉類炒熟，牛餐肉及叉燒都會出油，所以以白鑊就可以了！

如改用鮮肉片，可加少少油，或用易潔鑊水炒，當然，呢個方法只限於唔想吸收多餘油份嘅朋友。鮮肉少至8成熟就可以離鑊了！

Step 2。二人快煮的另一名稱又叫懶人食譜，步驟要快要簡單。所以洗鑊這個多出的步驟就唔好攪我啦。先炒肉類的原因亦因為肉類本身會生油，鑊上留下的丁點油最好用來炒菜，鑊已經熱好，蔬菜輕炒一下就可以了，不會怕養份流失。

Step3。我喜歡用這個牌子的烏東，炒前都不用額外處理，下鑊加點水弄鬆就行了。

Step 4。調味時間來到了，如改用了雞肉或肉片的就可於現在加入與烏東一同調味，我很喜歡混醬，不同味道混出來的每次都會有驚喜！因為今次的材料味道比較濃，所以就不加入味道太濃的醬汁了！

緊記每款醬用超小量便可，二人分量其實都很少的，用多了就會使納含量加高了。計起來，麻油的量可能連一茶匙都不到呢。

我是太喜歡美極的味道了，所以到最後一部份才放，與蔬菜一起輕炒。完成！！

完成！！！真係只用左15分鐘，煮餐飯仲心大過出篇文，哈。大家都試下丫！

-----------------------------------------------------

Gi - Life is Beautiful

wengichow@gmail.com

https://www.facebook.com/gichowengi

http://weshare.hk/WengiChow/

-----------------------------------------------------

[Gi Kitchen] 鬆軟吞拿魚包

手工包功夫多，不過就帶來莫大的成功感。

利用麵包機，我更可以省了打麵團的時間。

只要將材料放入麵包機，選擇 dough 功能，一個多小時返麵團就ready 啦！

經我多次嘗試多次失敗後，終於研究出呢個健康低卡recipe，少糖少油，就算冇加奶都一樣咁鬆軟架！

---------------------------------------

吞拿魚包材料：

高筋麵粉   250g

水+蛋         140g (可因應天氣+/-10g，今日有少少潮濕，所以分量減左少少嘅)

牛油           25g

糖               20g

鹽               3g

酵母           4g

鹽水浸吞拿魚    1小罐

蛋黃沙律醬        少量 (因應口味啦，不過想健康就唔好用太多啦)
----------------------------------------

麵包機響過後，先手測麵團嘅發酵度，手指沾上手粉插入麵團，只要不沾手，不太回彈就可以了，若然發酵度未夠，可多待15分鐘。

麵包機有發熱功能，可控制麵團於或一温度下發酵，家做麵包時就方便更多。

麵團做好後，平均分為8分，用磅量更準。

摺圓放好鬆持15分鐘。

放鬆後就是造型的時候，可以包餡啦，將面團壓平，料放中間，包起，收口向下，放到焗盤上，待20分鐘作最後一輪發酵。 (今次無將過程記碌底，下一次再做就會加返啲steps 架啦)

麵包的鬆軟度就取決於最後一次的發酵度是否足夠，温度、濕度都會有好大影響。建議利用焗爐的空間，先放一碗熱水增加焗爐中的濕度及温度，並一同發酵，麵包出來就會非常鬆軟啦。

發酵前後就係呢個樣，神奇吧！

終於ready 焗包啦，150度焗25分鐘，最後5分鐘調至180度加色。想麵包出來令立立，可以打一層雞漿，我呢個健康recipe，於決定唔加喇。

出爐！冇塗蛋漿都唔太失禮丫！

新鮮烘焗，包面脆卜卜，麵包鬆軟，彈力十足！ 不過包餡呢方面我就要再加油練習啦。

氣泡窿窿夠多，彈力夠，撕開會有麵包絲的，就係大成功啦！

凍左都一樣咁好味，因為食譜冇加奶同蛋，所以凍左會鞋少少，不過叮10秒返熱就會軟熟返晒。好好味！連唔食早餐嘅王生都咁棒場，就知道呢個健康吞拿魚包有幾好味啦！

好味嘢=唔健康？ 都唔係必然嘅！

-----------------------------------------------------

Gi - Life is Beautiful
wengichow@gmail.com

https://www.facebook.com/gichowengi

-----------------------------------------------------

[Gi 廚房] 做出博洛尼亞口味 - 朱古力土司

話說，我家的麵包機壞左好耐，又懶得落手落腳去搓粉做麵包，所以Gi's Bakery 好耐都冇整成品啦。

心一直都好想買返部，但慳家仔遲遲都唔捨得買，唯有繼續心癢癢啦！

直到上星期王生突然話想搵啲嘢攪下，不如做麵包…  吓，咪住先，講堅的嗎？
經過我同佢詳細分析，講解手做面包同麵包機做包嘅分別，以及介紹過我心儀嘅麵包機後，佢就一支箭咁標左去買lu，嘻嘻，佢應該係想買比我做禮物多啲！Im Spoiled!

係price.com 睇到荃灣有間電器倉賣P仔 105 只係$1,980 現貨，正呀，我要一部丫唔該！

做完第一輪試機包，今日正正式式可以做特式麵包啦！ 王生想試朱古力包，好啦！

2014-05-17
材料：
高筋麵粉　250g
低脂奶 155g
雞蛋　25g
牛油　55g
鹽　4g
糖　25g
酵母　4g
入爐朱古力　70g

呢個食譜分量都幾過份，肥仔包！不過真係好味到冇朋友，麵包鬆軟就唔洗講啦，外皮鬆化有啲似牛角包嘅味度，或者似博洛尼亞嘅Denish Toast。



朱古力味唔係好濃，下次要加小小可可粉可能仲好。另外，全奶嘅做法令奶油味更重，軟滑，好tasty! 大成功… 不過真係唔可以多吃，好高卡！

有P仔麵包機嘅朋友，可以試下呢個recipe㗎！

MODE = 2
COLOR = Normal
ADD ON = Yes (人手放朱古力)

ENJOY~~

好友撐場，自信大增！！！！ 下次再整好味道請大家食～～

----------------------------------------------
Gi - Life is Beautiful
wengichow@gmail.com
https://www.facebook.com/gichowengi
http://weshare.hk/WengiChow/
----------------------------------------------