[搵食胖徒] 觀塘新食 合一咖啡店

近排冇咁忙，又可以四出搵食lu。之前連外出lunch 嘅時間都冇，唯有睇住OR 頂引，一早bookmark 晒d 新開餐廳，趁間試！

今日試嘅係合一咖啡店，唔講唔知，原來呢間係合一嘅第5間分店啦！

前菜先來個雜菜湯，有選擇困難嘅我點完薯仔忌廉湯，黎咗又想轉，呢度嘅staff 真係好好，其實湯已經裝起咗，都照樣幫我換，加分加分！

午餐來了，永遠都係隔離飯香，等我試下同事個d 先！

~ 南瓜茸煙肉長通粉 ~ 

好Creamy 但一d 都唔漏，汁量剛剛好，唔會太多以水浸，意粉係明顯有同d 汁一齊粉過，通心內每條都充滿汁，味道都唔會太咸，好好味！

~ 龍利柳菠菜卷配薯茸~

上菜個時係咁，白色嘅sauce配上薯茸墊底，真係好靚好雪白，好靚嘅賣相！

切開後係咁架，菠菜卷咗係龍利柳中間，一切開就會流d 菠菜出黎，流心菠菜真係第一次見！做樣做，菠菜出嘅水就可以滋潤返個龍利柳，煎嘅時侯就唔會太乾身，好smart 嘅做法。偷試咗一啖，味道清啖，味道就全靠個汁啦，唔會太咸太膩。真係好想入廚房拜會下廚師，點樣可以做到咁唔膩嘅忌廉汁！

我點嘅係墨西哥雞肉牛油果卷，sigh，反而我點嘅係最失色嘅一道，墨西哥卷太大厚了，唔好睇佢好似好大件咁，其實頭尾有成3隻手指位都係皮，索性由中間食起！

雞肉，一般冇乜味，牛油果醬係好味不過太少了，如果多加少少醬配埋sour cream，一定加分！！另外，薯條好食！外脆內軟，似wedges，Yummm。

今日冇飲咖啡，借咗同事嘅黎影，佢話呢個Latte 好濃coffee香，下次一家要黎試。其實呢度都係一間coffee shop, coffee menu 都好齊，好多人就咁黎買coffee 架！

最後，為食胖徒都偷食咁同事嘅肉醬意，都好好食！唔得，今次輸晒，下次我一定要再黎！！！

ps. 同事再去等二次話冇咁好食，希望我嘅下一次會lucky 啦～ 

合一咖啡屋餐廳 United Café Bistro

觀塘開源道60號駱駝漆工業大廈3期7樓U室 

Tel: 3422 3766

----------------------------------------------
Follow Me on Gi C Life
wengichow@gmail.com

-------------------------------------------

[Gi影院] 千履奇緣 The Cobbler

好耐冇睇戲lu，睇戲都係好講心情，有時好攰，真係支持唔到d heavy 劇情。Adam Sandler 又有新作，睇返d 輕鬆小品，笑下唔洗用腦。最啱呢刻攰爆嘅我！

千履奇緣 The Cobbler

你有冇試過、想過、羨慕過過別人嘅生活？ 我有，成日都諗，如果我有佢咁瘦，如果我有佢咁靚，如果我似佢咁無憂無慮。但當你真係變左呢一個人時，你先至能感受得到當時人嘅sadness。

本戲都係一貫Adam Sandler 嘅小品次作，但今次並無刻意令故事太感性或令觀眾沉思太耐，亦都無刻意帶出一d 人生哲理，思考人生。對於我，原來咁嘅手法會仲輕鬆，睇黎我平時真係諗太象啦.......

全片我最喜歡嘅，反而係片一開頭嘅一幕，You cannot understand somebody unless being him. 我地成日睇人好，隔離飯香。其實表面再風光的人內心可能最寂寞，模範情侶都會有爭吵嘅時侯，生活再平凡嘅老翁可能係百萬富翁。

與其成日都羨慕別人嘅生活，何不先為自己打算，令人生更有意義，活得更有樂趣～共勉！

故事簡介 

鞋子交到他手上 你的生命從此不一樣！
居住在紐約的Max，家中數代都是補鞋匠，承襲家傳事業的他，對年復一年的補鞋生涯，已感到極之乏味。某天，他的補鞋車壞掉，由於趕著把鞋子交還客人，他只好搬出祖傳的古董補鞋車來頂檔。豈料他試穿剛修好的皮鞋時，竟發現自己的外貌亦變成跟鞋的主人一模一樣！他的補鞋生涯從此每天充滿驚喜，不但可為顧客修補皮鞋，更可以用不同的身份，體驗不同的人生！最令他意想不到的是，藉著這種神奇魔力，他還可以為其他人送上溫暖的心靈雞湯！

----------------------------------------------
Follow Me on Gi C Life
wengichow@gmail.com

-------------------------------------------

慢活東京2015 前 - 排排行程，排排毒

又黎到一年一度嘅沖電旅行，今次都係去日本，不過唔係再去沖繩，係去東京！
實不相瞞，今次係小妹人生第一次東京～ 失禮了～
東京呢個地方，其實想去好耐架啦，但每次都唔夠玩水trip 吸引，所以最後都係冇選擇到去。
今年真係要去下啦～

去之前，當然要做下功課先，plan 定行程，儲定彈藥，清定腸胃！
做任何事都要預備充足，上網做足research，問咗好多人嘅意見， 加上行程仲係日本達人王大佬親筆幫我地定架，一定 “滿載而歸”！

Tokyo Trip 2015 Jun 1-5

呢幾晚都係住新宿グランベルホテル(Shinjuku Granbell Hotel)

東京都新宿区歌舞伎町2-14-5 

T 03-5155-2666

酒店係2014 年落成，就近東新宿站行4分鐘就到，來回shopping 區好方便～

而酒這店入面都幾decent，有d 雙人房間仲有閣仔架，好想住呀，最衰唔係for couple 啦～

機票連酒店package 二人共$11654，好抵～

另外睇咗好多台灣blogger 最新update 嘅旅遊攻略，連shopping coupon 我都download 埋添呀～

行程plan 得7788，另外一樣要prepare 嘅就係我嘅腸胃，雖然我唔多有出trip水土不服嘅情況，但因為我平常食得唔多，每次去旅行都死撐飽到唔舒服，肥，當然亦都係另一個原因啦。

多得咁啱係出發前2星期同AK安康 PR 傾開計，佢建議我先進行【3日蔬果斷食法】，調整下腸道，清一清宿便，咁就唔會咁易唔舒服，肚腩又會細D易D買褲！哈哈哈！

Enzyme 係幫助消化及排毒嘅一種要素，亦係身體不能缺少嘅營養物。

但食物中嘅酵素會因高溫流失，加上成日出街食飯，真係填咗唔少毒，所以久唔久我就會飲下酵素排下毒～而AK安康排毒酵精係當中一個飲用嘅酵素～

AK安康排毒酵精有成70 幾種材料提煉，同我以前飲開嘅好唔同，排毒之餘仲有養身功效，仲要幾好味，哈哈哈～黎，開始3日蔬果斷食！

《3日蔬果斷食法》

早餐：排毒酵精(30 - 90毫升) + 水果任吃

 

午餐：2碗新鮮沙律菜 + 1個水果

下午茶：1杯鮮榨果汁 + 1個水果 + 60克或不多於10粒的果仁。
（午餐食咗好3大碗菜，飽到可以skip 下午茶）

晚餐：排毒酵精(30 - 90毫升) + 2碗新鮮沙律菜 + 1個水果

＊唔係拎錯酵精，圖中係五行酵精，係晚上修補腸胃及大吃大喝後嘅良伴～

3日好快架咋，加上我平時都係食菜多嘅人，呢3日對我黎講一D都唔辛苦～
呢3日都係狂排毒，大號時好舒暢，量都比平常多，網友話排毒時會有可能爆大瘡，thanks god 冇姐～

AK安康對我真好，建議的帶埋酵精去日本，每晚一支五行酵精，等我返黎後唔洗減得咁辛苦！東京，美食，我黎啦！

----------------------------------------------
Follow Me on Gi C Life
wengichow@gmail.com

-------------------------------------------

再戰沖繩2014 ❦ Day 2 最清最美的浮潛﹣真榮田岬青之洞

2014-09-24

習慣早起身，去到旅行都一樣！沖繩時間6點鐘，起身梳洗一下。窗外仍是天陰陰的，希望一陣好天啦，因為今日會去浮潛呀！

再戰沖繩2014 全集

回顧：戀戰沖繩2013

感恩5天 of 再戰沖繩Day 2 (24/9)

第2日朝早都仲係黑仔日，下晝總算正常返啦，所以上半感恩事都幾騎呢…

朝早超大雨過後出左一陣好猛嘅太陽，地超滑狠狠地仆街，sigh，冇事不過瘀晒囉。

GPS 又老點，不過因行錯路冇上到highway而慳返450yen，亦因為咁而睇多左嘢，路旁餐廳都好靚有心思，同埋原來時間都差唔多… 車！！

感恩超大雨下安全開車。原來沖繩嘅雨係好好笑架，就好似以前睇卡通咁，有舊黑雲跟住你，係黑雲下，雨真係好好好大。

而雲外的天，係超藍超好太陽。lucky 地遇上兔子雲！

這是什麼天氣？OMG

個幾鐘車程，唔行HIGHWAY 都好快到，黎到青洞啦，興奮！！！

感恩浮潛前有好大太陽，照暖左啲水；下水後冇太陽，教練話天陰會少左折射，視覺上會清啲，真係好清好靚，水好藍呀。Lucky Lucky!!

呢個於係一千教練，佢係台灣人黎架，好funny 又建談，好有一見如故嘅感覺。非常建議大家黎沖繩搵一千潛水/浮潛，係facebook 搵佢啦！

除咗包Gear 同包潛水Tour 之外，一千仲會影捉全程，好好enjoy 潛水一刻，一千會捕捉任何一個時刻（狂影）！以下所有相只係一千影呢小部份！

入到洞啦，好似會發光咁，其實係折射加錯視覺效果。因為入到去先要合上眼令瞳孔放大，到一開眼，就只會見到水底嘅折射光，呢個嘩然只會唯持5秒架咋。

洞入真係爆多人，仲要有好多學生妹妹。其實未到我地睇藍洞前，嘩嘩聲不斷。到我地嘅時侯，只係throw bacm 一句 "喔，真係藍色架喎"，一千冷笑"果然係香港人" XDXD

餵魚餵魚，咁大個女第一次比魚圍，HAHHAA 佢地真係會撞埋黎，咬手指架。

依，王生唔通你嘅殺氣又太重，冇魚圍你嘅？哈！

我幫下你啦！引晒d魚過黎lu～

一個鐘頭過得太快啦。真係好好彩，要上水嘅一刻就落雨啦～

上水面，重點照一張，呢個係一千嘅代表之作。一秒之間佢就潛到水底，由下影返上黎，呢一刻，我真係好想影返水下嘅一千教練呀～

今次浮一浮，兩個人包Gear、包Tour、包餵魚、包相、包攪笑，承惠HKD$1,000 (2014年價)，

真係好抵玩～

帶住呢個影相真係好樣衰！！好好笑呀

玩水一個鐘，緊係唔夠喉啦，開車30分鐘直沖ANA beach，係我地舊年去過嘅hotel beach，好miss 呢度呀，玩到日落先捨得走… 

其實今日真係好lucky 架啦，本身打算book 25 號，不過一千booking 好full，唔可以 special request 佢 one-on-one。一千知道我地婚後第一之旅行，所以安排轉地24號。真係好lucky，因為台風 青之洞係25號開始紅旗，半個月冇開過。我真係好感恩，好lucky 呀！！！

再戰沖繩2014全集

回顧：戀戰沖繩2013

----------------------------------------------
Follow Me on Gi C Life
wengichow@gmail.com

-------------------------------------------