2008 幸福在..書展

從小到大, 我都好小主動去接觸文字, 如果唔係要返學讀書,返教會,靈修主日學查經班. 可以我主動睇書既機會係零..
我睇字好慢, 英文都話好d, 中文就.... 每次睇日劇, 我都睇得好慢, 有試過睇鋼之錬金術師, 朋友問我點解會睇得咁慢...
原因係我睇字幕慢, 佢地講野又快, 我要每段字幕都pause先可以明佢講咩...
我諗我係唔識去睇書, high school 既時候係因為要交功課, 所以每一段每一個字我都讀得好仔細... 讀下讀下就好眼訓, 冇左興趣.
由於打令好鐘意睇書, 所以近呢幾年, 我去睇書既機會多左.. 開頭我都覺得好悶, 只會睇d好多圖既書...買都係買d美容呀,cook book呀..
佢話'你要你肯睇, 我就一定買'... 睇下睇下.. 發現原來只要係有關自己興趣既topic既書都唔會好難睇者, 自始睇d書就愈來愈多字..
除左美容同cook book, 我都會去睇下d心靈書同2性關係書 (當然如果我冇興趣個d書, 我都係會訓)..
 
今年書展, 去左支持大王.. 佢今年出左5本書好勁呀..
打令送左一本比我, 大王重幫我簽埋名...
呢本書我地個個都好重視, but放心, 我會好好讀~ so far睇左幾個chapter, 好睇~~

厚係厚d, but不過係劇集咁既故事, 我諗會睇得好'快'~~

我重買左大王自家出潮帽同潮T.

大王, 多謝你為我留既字.... 好感動.... 我會好好珍惜呢一段幸福..

好有'一家人'既感覺, 好感動~

Butter Cookies 牛油曲奇

返左新工都3個月, 唔知過唔過probition 呢, test就pass左, 希望表現ok可以pass啦.
做左3個月, 都想多謝下d同事, 所以整左d牛油曲奇比大家食.
本人唔多整要焗既野, 因為成日覺得個火好難control. 之前都有同朋友仔整過曲奇, but今次就自己一手一腳整啦.
雖然一早知個焗爐有小小病, 上次焗雞亦焗極都唔熟... 不過今次都一於再試下.. (因為買左本新書, 有好多我鍾意食既cookies & muffin..)
我pre heat左個爐去180度之後我就整下整下.. 第一tray放入去, 效返個爐去160度..... 15分鐘後.... d曲奇白雪雪既??
20分鐘.... 一樣既? 都照拎出黎試下.. mm... ok 啦... 係個樣唔靚lor.
第2tray, 180度... 15分鐘後... 都係白雪雪既??? 20分鍾後.... 黃左小小啦.... ><"
第3tray, 試200度 (嘩..200度真係好高呀..) 15分鐘... 似d樣啦, 20分鐘.. 開心晒~~哈哈.
熱辣辣食個時, 真係好好味, 今日凍左食, 我同朋友都覺得唔係好夠鬆化... 係唔係我打得d牛奶唔夠耐? 定係關個爐事呢?
but 確實我同朋友都覺得, 最尾個d係最好食... 咁... 係咪個爐問題???
 
下個星期又整tiramisu o~~    

200度高溫..

打令制牛油薑餅人走薑...

睇落去都OK, 食都唔係太差既, 只係自己要求高者...

PS. 多謝媽媽同大王咁比面, 大王減緊肥都食都好唔話得啦.... THANKYOU

Kiehls Fans..

用左都2年. 我都你既愛只有増冇減.
雖有一段短時間試過離開你, 後來發現你先係最好. 唔跌過我都唔知你先係最啱我.
我應承你, 我唔會再離開你~~ 我將我快面同D頭髮交晒比你啦..

2006年7月

2008年7月

 

女人分類大公開

好耐都冇update啦... 因為近排都冇咩特別事發生... 工作上都ok啦, 剛開始係會有d錯折感(我係咁同自己講), 我相信係神比我既另一個經歷啦~ 佢比得我去經歷, 就一定係我能承受到.. 我自問一d都唔叻, 但係靠着那加給我力量的,凡事都能作~~~

近日係FB見到D好有趣既野, 想同大家分享下..

各美女，你係咩類型呢?

War Game~~ R U READY~~~~

尋日同14個friend去左打WAR GAME CQB, 今次有晒自己gear 同自己支鎗感覺好好多~~

重有我個best friend同我一齊去tim, 等我唔洗一個女仔咁悶~~ 今次個個都帶晒私伙野, 個場又加左好多新野, 我又開始了解點打, 真係好玩左好多, 嘩~我第一次打到最後, 殺底幾件, 個彈匣得返廿幾發~~ 呵呵呵~

有朋友帶左女朋友黎, 佢地見我full gear 晒, 好出奇咁問我 '你好鐘意玩呀?' 嘻~ 我唔識答呀, 不過見佢地玩左幾場後個滿足表情, 我諗佢都已經有答案~~ 希望下次再見到你地啦~~

睇我幾英~~ 我支鎗係I AM LEGENT 入面 Will Smith 用個支... 不過我冇加鏡....

不過.... 玩時都要付出.... 一唔小心.....哎呀!!

我諗我都係全場最傷個位啦, 重要中左全場最勁個支'手鎗' (係lor, 有幾位人兄d鎗好勁, 手鎗都打到我咁)....好在肥哥哥比左d野我查, 即刻消腫~~ 因為剛中鎗個時腫起左好似火山.... 哈~~

今日全身勁酸痛~~隊友~下個月再黎~~ 

 

冬天的我, 夏天的我

見今日咁好天, 忍唔住同打令去左海灘晒下太陽. 今日個太陽又唔叫好猛, 有小小涼風又真係好舒服呀~~ 作為2008年晒太陽第一炮, 今次都好滿足.... 可能因為今日係紅日, 所以好多人... 一家大細~

回想去年, 我就真係每個WEEKEND都晒太陽, 睇返D相.. WOW 好黑, 可能我本身係好白, 而經過一個冬天, 我已經變返白雪雪. 但當2張相放埋一齊時.... 唔..... 我知架啦, 我今個summer唔會晒得太黑架啦~~~

大黃大紫益力多~~

今日同事請左我飲紫色既益力多~~

原來係售自星加坡既提子味益力多同橙味益力多~ 味道都唔錯呀~~