一年之計~~ 美白大計 (上)~~

失蹤左好一陣子啦. 大家有冇忘記我呢~

其實我係匿埋左, 靜靜地諗下2010年大計.

 

2010年我最大既願望就係美白成功. 哈哈哈哈~~ 

 

由於我從小到大都十分熱愛同陽光玩遊戲, 面上早已經被太陽伯伯弄至暗啞到不得了喇, 重有好深既曬斑tim呀.

小時一d都冇care 過面上多一點或是小一點, 有得玩就開心架啦.

人愈大, 皮膚既修復能力就愈差, 以前曬過後出既斑都可以慢慢淡下來, 可是依家... 唔加深就已經要拍手掌lu~~

 

早係2009年既12月初, 就已經開始左為今日既美白大計作好準備.

先係將護膚產品全部都改為有美白功效的.

再而為自己調配一d香薰產品配合下..

 

~~自家制卸妝油~~

自家研制呢產品之一, 雖然失敗左好多次, 今次終於成功啦.

呢支油係用葡萄籽油做底既, 薄身油, 對皮膚一d都唔heavy 呀, 重有抗氧化去暗啞作用tim.

另左亦加左薰衣草(舒緩肌膚), 甜燈(平衡油脂), 天竺葵(改善因荷爾蒙引起既暗粒)

氣味芳香, 用後個人都relax 左好多~~

(建議用滲透度高既精油黎調制卸妝油)

卸妝油最重要都係清潔度. 我借用左mj既waterproof liquid eyeliner (好多sis 都有既一支eyeliner, 用佢黎測試效果, 等大家都有多d ideas 啦~~~) 狠狠地畫左2條係手背上.

待乾後, 就輕輕泵小小卸妝油係eyeliner 上, 即時見到eyeliner 開始被溶化啦..

輕揉後

加小小水令卸妝油乳化.. (見唔見d灰灰黑黑既乳液? 個d就係 被乳化掉既eyeliner 啦~~

)

過水, 乾淨晒~~

Shiseido white lucent 既美白洗面

卸妝後, 我都用shiseido white lucent 既美白洗面, 佢有效軟化角質層,

令之後用既美白精素更加吸收. ^^

我最喜歡佢係cleansing milk 狀, 好柔軟既質地..每次用好少既分量已經足夠~

只要加小小水, 就可以揉出好多泡泡啦~

清潔完, 過一過水, 乾淨晒~~

因為佢係半cleasing milk texture 既關係, 所以用完佢洗面係唔好崩崩緊架.

重有即時補水既功效tim

潔面前, 水份比例

 

潔面後2分鐘, 水份比例提升了~~ 快快用鎖水產品唔好比D水咁快流走至得啦~~~

 

如果大家對卸妝油有興趣既話, 不妨留言比我丫~~

現時都只係得一個blending, 都啱所有皮膚用架啦~~~

如果今次反應好, 可能會就研究一d唔同function 既卸妝油tim~

 

去年已經出現過既有抗菌噴霧 及 防乾燥身體按摩油.

有興趣既亦都可以PM我架~~

=============================================

2010年另一大計, 比心機研究更多天然香薰護膚產品, 令身邊既朋友受惠並知道香薰油既治療價值~~^^

好似好偉大咁~~haaaa 加油~~

===============================================

新年快樂

2010來到了.
回想2009所經歷過的, 一切都令我成長了不少.

以下有一首歌分享,
我不太常分享歌曲的, 但我感恩, 2009年尾時, 有這首歌帶給我安慰.

每人對歌詞中的 '你' 都會有不同見解.
而我所看見的..是袮

"還好有袮在　讓我喘息悠閒下來      就算身處洪流中　安然能無礙
袮是這段鐵路歷程　無比慷慨          載我出走一趟　創傷暫時拋開"







我知道~ 袮的慈愛, 安慰, 必陪伴我走2010年的每一個時刻.
亦願衪的愛照耀我們每一位~

新年快樂~~

香薰大師的聖誕禮物

GI '柯打' 左家人今年唔好送禮物, 因為我想買相機, 各方親朋好友煩請隨緣樂助~~

所以家人中唯一收到既禮物就係打令送既.. (男人: CHEW~~ 平日係個BLOG 就叫稱呼我做'男人' 一講到送禮物又叫返我做'打令'~~~~

)

 

其實我一早就已經知佢會買香薰機比我架啦.(懶叻

) 因為我不停嗌話想買香薰機嗌左成個月(暗視, 明視

) 只不過我估唔到佢會買一個咁靚仔既比我姐...

 

返
左3個月學, 了解左好多香薰既成份同埋特質. 愈知得多, 就愈想換鬼左屋企個幾舊香薰燈去. 屋企用既係香薰燈同香薰爐,
都係用熱力黎揮發精油架, 但熱力係會影響精油既完整性. 我對'完整性'有份執著. 大佬呀, 我d油咁貴買返黎就比盞燈破壞左個完整性???
我唔要呀~~

 (純個人問題~~ 其他sis 可以繼續用香薰燈同香薰爐)

最好都係香薰機, 佢會將d油打散, 透過水份再混合係空氣中...

打令買既呢部機真係唔錯, 佢可以將油同水都打得好散 (唔知幾多倍@@), 好似一陣煙咁. 一dfeel唔到濕..

完全解決左我之前考慮既潮濕問題~

打令話要買就買部好d既, 日後我開治療室時都可以用.

呢部機仔, install 左幾set 大自然音樂, 有流水聲, 有雀仔聲. 聽落又真係幾relaxing架..

只係用呢個remote 就可以控制音量用選擇音樂, 唔用時可以將佢hidden 係pat pat 位~

重有好多種燈光去配合不同既心情tim~

雖然你話係日後開治療室時用~~ 你放心啦~~ 到時會屈你買多一部架啦~~

依家既禮物緊係依家享受啦~~ 

 

咁多fuction... 唔知佢可唔可以用黎打邊爐既呢...

 

對付飛蟲大法: 自制香薰除菌噴漆抗流感

以下呢篇文已經寫左成2個月都未出...... @@

雖然好似已經過左時.... 希望執一執d字眼, 大家睇個時唔會覺得怪怪啦~ 

 

天氣涼左好多, 開始唔洗開冷氣啦. (唔好意思呢, 好明顯係上個月開始涼個幾日寫既.... @@)

不過我住既地方近郊, 周不時都會有好多飛野入屋.

男人係神經緊張型, 一見到飛野就會停晒手上既野, 殺殺殺~

 

為防止有一日我地2個會精神分裂, 我開始四出搵珍寶.

終於比我搵到佢~

~~ da da da da da da 自制窗紗~~ (音: 叮噹法寶袋)

selling point: 經濟, 易裝, 方便.

就算連我一個'弱質女流', 只要花上15分鐘就攪得掂佢啦.

 

打開包裝比大家睇睇先~~

內有:

1包紗

1卷魔術貼

就係咁簡單~~

做法:

1. 先量度窗框尺寸

2. 材剪窗紗, 唔好咁緊, 預留小小空位 (關上窗時手柄會頂住窗紗架)

3. 將窗框抹淨.

4. 沿著窗框貼上魔術貼

5. 將窗紗固定左魔術貼上. 再修剪紗邊不齊整既部份

完成.

雖然閂窗個陣係麻煩d, 下下都要mi開小小個紗邊.

不過好都過有飛入屋丫, 同埋出去搵師父整個窗紗真係好貴架.

其實佢都幾穩陣架, 我試過好大力咁定個公仔上去都冇爆開.

有養貓既sis, 我估都會啱用架~ (如果貴貓係愛四圍抓同愛鬥牛既就另計)

另外我重有一個防飛蟲法寶. 就係我自制既air spray~

以下3種油都適合做air spray既:

藍膠尤加利 Eucalyptus globulus - 對付塵蹣

檸檬尤加利 Eucalyptus citridora - 對付昆蟲如:蟑螂

檸檬香茅 Lemongrass - 驅蚊蟲 (not for kids), 可當作蚊怕水用

茶樹油 Tea Tree - 高效殺菌, 消毒

可以噴係空氣中, 窗邊呀, 傢俱呀. 床舖呀. 衣櫃等等.

有養寵物既可以遠距離噴下佢地既床仔. 香薰油係介付油至酒精之間, 揮法度高.

只要唔係比寶貝直接飲到既就冇問題架啦~~

依家係流感高峰期, 整一支看門口就最好不過啦~~

大家如對呢支spray 有興趣既, 可以PM我架~ 好樂意為大家服務~~

一齊對抗流感啦~~

 

多謝收看~

http://www.theztyle.com/blog/space.php?uid=409&do=blog&id=23252