G for Gi

星期日, 8月 16, 2015

迷上Gel甲，超滿意的French Nail, it's Seou! Coo!

新甲，靚麻？

我自己就超鐘意，痴痴迷迷咁望住d甲，因為個French真係畫我好靚～呵呵呵～

咁巧手嘅美作當然唔會係我自己畫架啦，我邊有咁好心機。上星期去咗D-mop Beauty 旗下 Seoul Cool 試試。

呢度地方唔係好大，不過反而好warm 好舒服。同朋友兩個約埋一齊整甲，呢個時段就係屬於得地架啦，講乜都的我細聲講大聲笑又如何～

做所有野前都要做足準備，整甲都一樣，一早已經揀咗幾款心水，黎到再睇下美甲師嘅推介。呢度最拿手就係畫花，睇下呢d sample 真係估唔到係手畫架！

本來真係好想畫MoMo，不過... 返工見客好似唔係太好呀。下次啦，一定有機會嘅～ hee

我揀嘅都係一般嘅French，不過就想花巧小小，要打斜嘅，仲要有層次同加銀線。我形容完後，美甲師好nice 咁比咗d 意見我，少少修改，令指甲睇上去更加修長。呢d咪就係專業囉，其他地方鬼理你呀！

我係一個坐唔定嘅人，剪頭髮個半個鐘我都悶到牙痛咁聲，何況係整甲，雙手都occupant，冇機打冇blog寫，一心諗實悶死我啦，畫花喎，冇2粒鐘就咪洗指意走呀～ Lucky，美甲師堅快手，1個鐘多小小就已經連拆連畫，仲要畫得好靚，每筆都快恨準，神級巧手囉！

(當然，compare with Momo 甲，我呢個french gel 又真係BB 級咗d 嘅）

真係好鐘意呢個款式，係Seoul Cool 一次Soft gel 約HK$2xx，買Package 當然會抵d, 每甲畫花另加HK$30，畫得咁靚，果然一分錢一分貨！

除外美甲，Seou! Coo!都有睫毛服務，大家有興趣都可以去Dolphin Blog 睇睇個效果架～

http://www.weshare.hk/dolphinb/articles/4547018

Seou! Coo! Eyelash and Nail

Facebook：https://www.facebook.com/dmopbeauty
預約電話：31011929
地址：中環安蘭街11號一樓全層

----------------------------------------------
Follow Me on Gi C Life
wengichow@gmail.com

-------------------------------------------

星期二, 8月 11, 2015

又出發，又沖繩！今年準備特別外～

第三個沖繩Trip，出發！！

又去沖繩啦，個個都問我會唔會去到冇嘢好去，哈哈哈，唔會囉，等到當係遇到一個你好愛好愛嘅人，日日對住佢都唔會厭啦，你可能仲會願意花好多時間去了解佢添。有d地方你係會覺得"人生去一次就夠"，沖繩多去多玩，去到一個熟悉嘅地方，先可以真正休息、沖電丫麻！

睇返咁多年黎買過嘅旅行書，掘多d未去過嘅點黎玩，今次會focus去多d遺跡度site see，當然唔少得我地最愛嘅水上活動啦！

今次嘅行程由我地兩個一手攪掂晒，買咗Peach嘅飛票，好緊張呀XDXD。酒店就住呢間... Rizzan Sea-Park Hotel Tancha-Bay

今次都係揀返住恩納啦，方便好多。網上ranking好高的，係被譽為4星酒店、5星質數，講到咁好，都真係幾期待架。上次東京次旅個酒店真係令我太失望.....

去沖繩又點少得潛水，今次要落深水啦。之前因為一千教練未返沖繩，所以搵咗香港人教練，呢兩日要辛苦你啦Kytus教練，我會買腐乳同辣椒醬過黎比你架，記得幫我影多d靚相呀！

舊年好後悔冇GoPro，好多水底下嘅靚嘢，只能用口講出黎，冇相做記念。呢一年我都好想好想買一部GoPro，但4千幾蚊部，一年都係用得個幾次，真係好唔代算，自己又唔爭氣Annual Party抽唔到。不過原來GoPro都有得租架，仲要係Hero 4，OH MY GOD!! 連埋防水殼、SD CARD同自拍棒都係每日HK$55，去10次5日旅行先等於買一部，真係好化算！

除外GoPro，租遊列國仲冇行理箱同WIFI 蛋出租，呢租嘅呢部卡片咁薄，聲稱係全國至快嘅4G WIFI, 可以SHARE去10個device，哈，試過就知～～

去旅行，我覺得最煩於係叉電，2部電話、1部iPad、1部WIFI、1部GoPro、2部相機、2部尿袋、2部鬚刨... 仲有咩？？帶轉插都要5-6個啦，牙晒d位！如果酒店插頭少，叉電仲要跟機，sigh。一於帶埋MiniQ去啦！1部頂4頭，快速叉電，重點係，100-240V~ 國際電壓，叉電問題解決！！！！係個牛大d重d姐，冇野嘅，我OK wor，好過煩～

仲有個人護理... 我仲未決定帶咩Skincare，不過去到住酒店，染髮係我常做動作。仲有期待咗成年嘅Aguu豬、沖繩Soba、石垣牛、同BlueSeal雪糕，已經foresee到自己會吃得開懷，咁又點可以唔帶埋五行酵素幫助消化呀。

今次就決定乜都唔plan，只係book左潛水就算，將想去嘅地方mapcode寫低晒，到時就去到邊，玩到邊啦！

----------------------------------------------
Follow Me on Gi C Life
wengichow@gmail.com

-------------------------------------------

星期一, 8月 10, 2015

【Gi's Kitchen】燜燒杯料理～滋潤圓肉杞子螺頭湯

自從有左燜燒杯，屋企開始有湯飲！係呀，有時平日放左工想飲下湯，但又要備料又要睇火，放咗工都冇動力煲啦！所以燜燒杯料理真係天大嘅發明！！！

【Gi's Kitchen】燜燒杯料理今日整嘅係～滋潤圓肉杞子螺頭湯

材料：螺頭、圓肉、杞子、紅棗、金華火腿

功效：補脾胃益肺腎，滋陰補血，明目養神

步驟：

1. 先將材料洗淨切成小塊

2. 材料入750ml壺加大滾水一拼預熱5分鐘

3. 倒出預熱用水，再換上大滾水焗3個鐘，靚湯攪掂

其實我咁懶又邊有心機又買螺頭又買金華火腿丫，呢個湯係用心靈養生坊嘅湯包焗架。

試過坊間好多湯包，唔係款款都可以用燜燒杯處理，有d 真係唔煲唔出味，焗夠6個鐘都係淡嘅。同埋出面嘅湯包款式好多都好花巧，想搵一款平實d 嘅都唔易架。

得知心靈湯包其實係朋友介紹，聽職員講，湯包係針對燜燒杯設計，佢地仲係實地測試過確保成功先推出，所以包出味，包成功，零失敗。

當然，老豆成日都話買新鮮料最好... 但我住嘅地方冇街市，得個多人到死嘅百佳。加上，每次都係得我自己飲，煲湯材料又大大包，買完返黎都唔知幾耐先用得晒呀。心靈湯包全部都係抽真空嘅，咁我幾時抽起條根想飲湯都可以即焗啦。

平時比我煲湯，真係好少會加入金華火腿，一大舊火腿都唔知要放到幾時先食完。所以有呢個湯包真係好，有咗金華火腿個湯真係好有味，其他材料質素都唔差，圓肉好甜，螺頭都幾爽口，個湯真係似用明火滾咁，好夠味！3個鐘落750ml，熱辣辣，估唔到我一個人自己飲晒，一啖都冇留比王生！

佢地另一個湯包我都試埋啦，都係好味，個人口味都係鐘意螺頭湯多d。

----------------------------------------------
Follow Me on Gi C Life
wengichow@gmail.com

-------------------------------------------

星期三, 8月 05, 2015

Keep fit 最好少食多餐，餐同餐中間食乜好？

Gi 習慣小食多餐，早餐9:00食個蘋果，到11點左右就會開始覺餓，平時我會食去梳打餅，但睇完"你食我健康嗎？" 先知原來梳打餅都有好多油，健康指標每日intake 6匙油架咋，食一包都已經有成1-2匙啦！

Damn 咁樣想唔肥都難啦，睇黎要搵個好replace 幫下手！

其實經歷過上次賴屎一役後，我好怕再食d 減肥產品，見到個腸字都已經有d 驚。了解過，"清腸斷食" 只係佢個名黎嘅姐，原來佢係代餐黎嘅，哈，咁又唔同講法，八卦妹又想試新野。

講真，佢個樣真係有10個衰，沖開左好唔想放入口。係等d 粉吸收個15分鐘，我就磨足15分鐘，死啦，我一黎已經有buyers，又點繼續試呢... Damn 同事話似火龍果汁，總次個樣好唔吸引啦！

笑了，都未放入口呀，只係埋鼻聞一聞，嘩卡，好香嘅柚子味呀！！（之後一班同我一齊磨嘅女同事就一人一口試味 XDXD) 真係人不可以貌相，講堅的，好好味！！食完會有失落感個種，好誇張！

一包清腸斷食講真唔會真係好飽肚，要代足一餐當然唔建議啦，所以可以好飲我咁餐同餐中間肚餓時頂下肚。又或者係餐前先飲一杯，等正餐唔洗intake咁多！

除咗neat treat，清腸斷食仲可以加入唔同嘅食物入面，如果汁、麥皮、葡萄適。我就揀加入乳酪飲品入面，飽肚d, 呢個就係我weekend 嘅early dinner 啦～

去到weekend 我嘅生活就好老人家冇分別，一早起身做運動，11點食early lunch，去到5點就食晚餐，9點就瞓。呢個晚餐，又好味又夠飽，好得～～

呢2個星期，雖然我唔係日日食，但明顯都feel 到佢有work 緊。每次食完嘅第二朝，便便話有就有，量多仲軟綿綿，個肚都冇咁谷，小咗放臭疪，可能係宿便小咗，肚腩都細咗d 咁。

當然我仲有好努力咁做運動啦。時日無多，9月沖繩Show off!!

----------------------------------------------
Follow Me on Gi C Life
wengichow@gmail.com

-------------------------------------------

Bling bling電眼神器睫毛增長液【NutraLuxe Lash MD】

3個星期了，種嘅睫毛都甩得七七八八，睫毛都係自然脫落，所以自己嘅睫毛完好無缺。不過都要補返下。

一雙bling bling 眼完全主宰俾人嘅觀感，雙眼冇神真係扣唔少分，加上係邊單邊雙眼皮，所以就算我唔想化妝，出街返工都一定唔可以冇眼線同mascara,令眼睛balance 返d。

(最衰呢個雙眼皮唔係成日都可以chok住丫麻）

不過講真，唔係每個場合都適合化妝架麻。加上呢排常常出席跑步活動，唔動化行個妝去跑步咩？！

其實上個月已經用過 NutraLuxe Lash MD 2星期，效果好好，睫毛會自己捲曲，增長咗亦強硬咗。唔怪我以前係美容院工作時，呢個product 長列best selling item 之首啦。可惜上轉完全唔記得影低before相，冇得對比。今次已經做好3度記錄，先黎睇下個product close up~~.