【一人湯的福音】霸王花羅漢果湯～HOMEY燉盅配媽咪の湯包

其實我好鐘意飲湯架，不過煲起一大煲要自己飲唔晒真係好蹝。煲起上黎又要買料又要睇火。所以我加入咗燜燒杯行列，不過燜燒杯只能做到簡單湯水，要飲老火湯，都仲係我嘅一個渴求。

有諗過買湯煲好定萬能煲，但考慮到空間，真係買唔落，屋企已經有套多野冇位放多個咁大嘅湯煲。加上我又怕佢會滾乾同滾瀉，都唔係最啱我用嘅呢。

上得多師奶group等同長智識一樣，原來用電燉盅煲湯仲方面，唔怕乾水又唔怕滾瀉。用燉煮方法可防止營養流失，原汁原味。

網友推介平平地Homey 微電腦電燉盅機仔細細，唔佔多空間，價錢又實惠，仲附有2小1大嘅陶瓷內膽、蒸架等，方便燉製不同份量的燉品。

想簡單蒸會蛋又洗乜再勞私動眾呢！

兩小一大嘅燉盅，用小盅做一人一份唔同甜品，洗爭唔洗煩。大盅就可以用黎燉多人份如湯、粥品。3個盅都係陶瓷內膽，唔怕係燉煮過程中有毒素釋出，夠健康啦。

試機先黎煲個簡單湯，同上我最愛嘅媽咪の湯包試試先！

7蚊瘦肉先飛水

再加入洗淨嘅材料加入9成水，燉煮唔怕乾水唔怕滾瀉，放9成水都唔怕。

再加入清水到水尺位置都可以開始燉湯啦！

電燉盅以一鍵操作及LCD屏幕顯示，簡單易明，只要選擇燉煮模式及時間就可以開始燉煮架啦。另外仲有預約定時功能，set 好個timer開始煮，放工返到屋企就有湯飲啦，煮完次後仲會跳到自動保溫功能，遲咗返都有暖湯飲，唔洗返煲好梳乾！

燉煮個陣，不時都由個透明頂蓋睇下d湯有冇滾瀉，用電燉盅真係安心好多，加上過程中排氣比預期中少，比著我咁唔小心嘅人，就唔怕會焯親手啦。

話咁快2小時就完成！睇返水尺其實都唔係用咗太多水，另外電燉盅都設有防乾燒斷電及超溫自動斷電安全裝置。如果乾燒水或過熱，就會自動斷電，真係完全唔洗睇火，太哈好心意啦！

開蓋！平日一個湯包用煲煮嘅方法，要開火滾足2個鐘先，仲要用晒成個湯包先夠味。今次初試用全個湯包燉2個鐘，嘩，好甜好夠味..... Hmm, 係有d... 太甜，果真原汁原味，下次都係用半個湯包好啦，燉同煲真係有好大分別！

肉都腍晒！

清甜又出味，仲唔洗調味添！

大燉盅用上全個湯包，可以燉出3大飯碗嘅湯水，兩口子夠晒飲！今餐仲有南瓜咸蛋蒸肉餅同清焯西蘭花用菜莆炒蛋，我地平日嘅家常飯就係咁簡單健康架啦！

隨機仲有附送用燉盅做嘅receipt， 蒸、燉、湯、飯、肉、粥、甜品等，仲可用黎消毒器皿。下次要跟個食譜做個冬日美顏甜品先得！

Homey 銷售點：實惠、先施、家品屋、TASTE

查詢熱線：2340 0951

網址：www.ush.com.hk

Facebook：https://www.facebook.com/Homey-Appliances-189878211049347/

----------------------------------------------
Follow Me on Gi C Life
wengichow@gmail.com

-------------------------------------------t

This is Halloween!! 到拉斐特有 Trick 又有 Treat!

阿Gi特別超歡過節日，因為節日比到我一個與別不同嘅感覺，同平日煩瑣或平凡嘅日子有一分不同。可能係我觀生活套平淡，總係想喺呢d節日，攪一d小意思，均衡一下。

如今嘅萬聖節已經唔再係以前咁單一講鬼講怪，神秘詭味，大家趁呢個節目扮野一番，齊齊開Party，大玩狂歡！

以往聽到拉斐特，可能你只會諗起婚禮婚嫁，無呢個需要嘅你，唔好再以為唔關自己事啦，依家拉斐特嘅服務範圍已經唔同架啦。

除咗婚宴，拉斐特嘅場地仲歡迎大家租嚟開Party！節日派對、生日、百日宴or girls party！只要你鐘意，幾時都可以開Party!

紫天使禮堂 紫色嘅佈置，好有高貴浪漫感嘅禮堂，相信定必係最受新娘歡迎嘅其中次一個禮堂。

美滿禮堂 以清新為主題，好幸福溫馨呀。阿Gi就覺得好有家庭溫馨嘅感覺，如果係呢度嘅小朋友嘅生日party，應該都係唔錯嘅選擇！

今日嘅小model Kyile 妹妹，每次都笑我咁鬼甜，可愛極了！快d叫媽咪同你喺呢度攪個生日Party啦！

八號宴會廳 以 Tiffany Blue為裝置主色，相信都殺了不少少女嘅心，青春活潑，擺婚宴或生日Party都一樣咁啱主題！公主控們，心動了吧！

童話小禮堂 每一個女生都渴望有一個童話式嘅婚禮，係呢個小禮堂行禮，長走廊加童話格仔窗背景，有冇公主王子feel呢？

阿Gi特別喜歡呢件婚紗，好sexy，好elegant呀。

有冇留意到每一個Hall都有件好襯主題嘅婚紗、晚裝display? 為貼近禮堂主題，拉斐特有提供好多dresses同飾物比新娘選擇，match返個場景丫麻！

攪婚宴、Party最惱人嘅瑣碎事，莫過於買物資。拉斐特連呢d瑣碎嘢都有賣，花球、Candy Bar、佈置、thank you gift，原來攪Party都可以唔洗煩架。

唔想攪一大party，姊妹淘都可以去Love Cafe相聚一刻。呢度除咗有Tea Set，仲有埋主餐、小食、甜品提供。阿Gi今日都食咁個Lunch，好想試埋個最愛嘅Tea呀，等我約下班姊妹淘先！

參觀完又食飽飽，返返黎Halloween Party先！好多唔同嘅Booth，掃邊個先好呢？

整返個南瓜餅乾比王生應下節好丫？

定係自己扮下靚，做個3D Nail Printing 好呢？

依～ 香薰我至愛喎！

最後都係比指紋分析吸引咗，指紋測個性喎，咁新穎，緊係要試下啦！

大師話我係可愛小狗型個性，係人見人愛嘅親善大使，好多人都喜歡我，同時我都好在意係咪人人都喜歡我... Hmm，後面個句幾準！認識我嘅你，你又覺得準唔準呢？

拉斐特

九龍窩打老道40號 – 油麻地港鐵站D出口

Website：www.i-wedding.hk

Facebook：https://www.facebook.com/Lweddinghk/

----------------------------------------------
Follow Me on Gi C Life
wengichow@gmail.com

-------------------------------------------