G for Gi

星期一, 4月 03, 2017

滋潤白滑垂手可得 L'Occitane X DearBeauty Reine Blanche Illuminating Party 白皇后亮白派對

夏天, 人人都叫著要美白~ 白滑嘅肌膚有邊個唔想要~

就連我, 一向都話唔怕黑嘅人, 今年都開始要美白一下, 加因我近排鐘意左著白色衫~ 皮膚太罵著白色唔好睇呀~

唔知大家平日有D咩美白法寶，我就有飲檸檬薏米水嘅習慣，有美白功效之餘仲可以去水腫，加少少蜂蜜仲滋潤添，天然又有益。原來我呢個習慣，同L'Occitane嘅美白概念同出一轍，果然係我的最愛品牌，好有默契～ HEE，早兩個星期仲去左L'Occitane X DearBeauty Reine Blanche Illuminating Party，吸收下白皇后嘅亮白靈氣先！

唔SHOW出黎都唔知，原來L'Occitane 白皇后亮白FAMILY已經有咁多成員，其中當然有我嘅 favourite 白皇后亮白潔面泡沫之外，仲有3個new member 喎～

L'Occitane 全新推出3件”白皇后亮白系列”產品
左－白皇后亮白磨砂霜 Reine BlancheIlluminating Scrub

中－白皇后亮白豐凝保濕面霜Reine BlancheWhitening Rich Cream

右－白皇后亮白保濕噴霧 Reine BlancheIlluminating Mist

等王咪咪⋯⋯個媽媽（即係我）即係試下砸同大家介紹下先。

先來美白必要第一步，去角質～
唔洗多講，厚厚角質唔只令皮膚暗啞，仲會block左皮膚吸收，所以美白前，先要去角質，先至唔會嘥左d 護膚品呀。

白皇后亮白磨砂霜 Reine Blanche Illuminating Scrub HK$310 / 75ml
比起D軟身，磨磨地又會溶嘅磨砂，我比較鐘意一d粒子細但企身嘅磨砂，感覺實在D，亦都可以按耐一D。但同樣都會遇到問題，如磨損皮膚，又或者係粒子留左係毛孔入面⋯⋯ （好高難度，但我試過)

白皇后亮白磨砂霜粒子大小同硬度都剛剛好，質地清新柔軟唔傷皮膚，有效去除老舊角質，幫助肌膚回復柔軟、幼滑及均勻膚色。1個星期用兩次左右，皮膚兩頰膚色明顯冇咁暗啞，毛孔乾淨晒，吸收力都好左，明顯冇咁易乾同出油啦。加上磨砂霜香味好relaxing，唔只放鬆到皮膚，仲連mind set都埋，放工返到屋企，呢一個深層次嘅潔淨加放鬆，有誰不要～

深層潔淨過後，將皮膚及心靈再推進另一個滋潤層次，用上嘅都係新成員白皇后亮白豐凝保濕面霜Reine BlancheWhitening Rich Cream，美白同時柔潤肌膚。

白皇后亮白豐凝保濕面霜 REINE BLANCHE WHITENING RICH CREAM HK$530 / 50ml

依家女生對皮膚嘅追求，已經唔係單純嘅 "一白遮三醜"，而係白裡透出來嘅水嫩柔潤亮澤。
全新嘅白皇后亮白豐凝保濕面霜，係原有白皇后亮白面霜嘅改良版，配方唔只含有系列專利、有助美白、提亮膚色、阻截色素嘅繡線菊複合物 (Reine Blanche Complex)外，仲添加滋養修護配方，保護肌膚抵禦外來侵損，滋養、舒適、保護肌膚重煥天然光澤透亮感。

日日坐係冰房工作嘅OL，皮膚會特別易乾同缺水，早晚用佢黎保護滋潤肌膚，美白同時修護，一舉幾得，新版本真能體恤我地嘅需要。

今年夏天雖然黎得慢，說不好佢話黎就黎，做好準備方為上策，家用護膚之外，出外都要不時為皮膚滋潤一下，美白水潤工程，一刻都唔可以鬆懈呀～包包中一支白皇后亮白保濕噴霧 Reine Blanche Illuminating Mist，幾時乾就幾時潤啦～

白皇后亮白保濕噴霧 Reine Blanche Illuminating Mist HK$140 / 50ml
當佢係toner用又得，隨身備用嘅保濕噴霧用都得得～只要覺得皮膚乾，又或者係half day清潔一下，其甚至係放工補妝，噴一噴肌膚，溫和不含酒精嘅超微細噴霧，一瞬間就能滋潤肌膚，增加返一點水份，比皮膚一tea break。

除左推成員，SPA L'Occitane 仲推出左全新 "白皇后亮白淨膚療程"，用嘅都係白皇后系列產品，仲揉合日式傳統指壓按摩精萃，加入埋白晶按摩，平靜化經脈，帶走負能量。

按摩就未有的分啦，但滋潤美白我就可以得到，咪咪都話佢要做白皇后呀～
Thank you L'Occitane~

產品由Dear Beauty: www.dearbeauty.com及L’Occitane 提供

購買地址:
Spa L’OCCITANE 分店及預約電話
Spa L’OCCITANE 尖沙咀港威商場三樓3326舖 2730 5020
Petit Spa L’OCCITANE 九龍站圓方1094號鋪 28939718

Petit Spa L’OCCITANE 屯門西鐵站V City M-5A 2481 0833

----------------------------------------------
Follow Me on Gi C Life
wengichow@gmail.com

-------------------------------------------

星期二, 3月 28, 2017

超神奇嘅水油融和感覺 VICHY AQUALIA THERMAL 溫泉礦物保濕修護微精華液

「女人係水造」呢個大道理，指緊嘅係女人好眼淺易喊，OH WELL，依家d ladies 已經好tough 好少喊架啦。不過我唔否認，我係水造嘅，我相信每一個貪靚嘅人都唔會否認自己係水造。

身體要水呢個大道理日日都聽架啦，肌膚儲水膠原bb脹卜卜有邊個唔想丫，所以平常我最注重都係保濕，我每晚都會幫皮膚按摩，又會用洗面機去除皮面角質加強皮膚吸收。每晚都會好忙好忙，冇晒時間做其他野。
唔通要做一個大忙人，肌膚就唔可以水油平衡?

NONONO，只要用啱product，再忙都可以水漾動人~
VICHY 又有new launch 啦，溫泉礦物保濕微精華液 (HK$310 / 100ml)
為肌膚提供全面性修復、保濕、防禦方案。

Close up 睇睇，精華真係做到水溝油架，唔洗事前搖勻，佢本身已經係水油融合。咁反自然嘅定率，一定會有反自然嘅效果。

水，當然係VICHY皇牌法國火山礦物泉水再加埋透明質酸及甘油，與油性成分角鯊烯、維他命 E 混和，做到最接近皮膚水油黃金比例，所以先可以一黎就直入肌底，唔洗再依賴導入儀器。

仲要加入微囊科技，當接觸到肌膚，活性養份先至會activate滲透至肌底，做到即時修復儲水。要有好肌膚，先要打理好肌膚屏障，有健康強韌嘅肌膚屏障，先至可以解決缺水同污染問題丫麻~~

雖然精華質地都薄，屬於liquid 狀，但因為有油份關係，上到肌膚都唔會1秒即吸，仲有空間可以按摩下，好好感受一下肌膚，同自己好好溝通一下~ hehe 唔洗好似以前咁，花咁多時間又按摩又導入啦~

研究指出使用 1 小時後 - 肌膚水份增加 47%，水分流失減少 38%，我親身都感受得到個注水威力，皮膚好夠養份，水油平衡，全日都冇出油同繃緊 (我屬中乾肌)。
用左1個星期，仲開始feel 到皮膚加左d 彈性添~

慢慢地，由每晚嘅深層按摩，變到1個星期按一次，真係慳返唔少時間，留返多d時間黎做自己野，呢d 先係total balance 丫麻~ heheh

配合埋溫泉礦物活水循環保濕精華同溫泉礦物清爽保濕啫喱，保濕效果發揮得更高添~
用後感回顧: http://wengichow.blogspot.hk/2016/07/blog-post.html

溫泉礦物活水循環保濕精華 (HK$ 350/30ml)
革命性活水循環，有效舒緩、強化敏感肌膚及為肌膚提供48小時深層持續保濕。

溫泉礦物清爽保濕啫喱 (HK$250/50ml)
為肌膚提供持續及極緻的保濕滋潤。

貌似平平無奇，其實內藏貴寶，take care 嘅唔只係皮膚，仲係一個life habit，一個現代女性追求嘅lifestyle~ 再忙都可以有好肌膚!

Thanks VICHY & SHE.com
Beauty Tips: http://beauty.vichy.hk/tc/index.php

----------------------------------------------
Follow Me on Gi C Life
wengichow@gmail.com

-------------------------------------------

星期二, 3月 07, 2017

搽出來的飽滿緊緻 Better Serum! Better Me! SkinCeuticals H.A.Intensifier 塑顏飽滿緊緻精華

而家醫學美容咁流行，其實打針做treatment 已經係一件好普遍嘅事，15分鐘都已經夠黎一個大變身。但講到接唔接受，我家男人始到抱有抗拒態度，雖然有試過喺佢唔知情情況下過做透明質酸填充，好彩個次佢冇發現，但長遠計點都要搵個安全可靠嘅方法先得~

其實點解要填充透明質酸呢? 唔係只提升微整個d，其實透明質酸係維持皮膚水份嘅重要分子。根據研究，肌膚內一半嘅透明質酸，會每24 小時分解，20 歲之前，都仲可以自然補充，但30 歲後，自然補充嘅機能就會開始減退，導致出紋、粗糙、鬆弛等跡象。

所以透明質酸就係要補，但唔洗一定要打針嘅，搽都得架!

搽出來的透明質酸填充針~~
SkinCeuticals H.A. Intensifier 塑顏飽滿緊緻精華 $880/30ml
有效增加肌底透明質酸含量，從而強化緊緻度、提升光澤柔滑、重塑飽滿肌膚，效果仲可以媲美透明質酸填充針效果添! 臨床實驗證明，使用產品 4 星期，能有效增加皮膚透明質酸含量達 30%。

1. 激活 - 10% PROXYLANE刺激皮膚細胞基質健康活力，促進透明質酸、膠原蛋白合成生產增加含量，提升肌膚緊緻度
2. 守住 - 2.0%甘草酸二鉀及0.2%紫米精華，能減慢透明質酸被分解，持久保存皮膚透明質酸含量
3. 補充 - 3種不同大小透明質酸，滲透肌膚各層，甚至真皮層，持久肌底透明質酸

啡色嘅精華液滲透力勁高，塗完上面一推開即時完全滲透，皮膚唔會有額外負擔～
如果比著以往好似上星期天氣咁乾，本應就要塗多兩層油淋淋嘅補濕，而今次有 H.A. Intensifier 就已經夠潤足全日lu~~
而今個星期開始會濕，相信佢都可以守住我嘅肌膚，唔會油光滿面嘅~

用左都有一個星期，每早晚洗面後，都會用 1 泵分量塗勻全面全頸，夜晚我會貪心小小，用多1/3泵做埋個面頸按摩。精華真係一下子就吸收晒，仲冇油笠笠感覺添~~

ps. 其實本身我都唔怕油，係養左阿咪之後，佢d浮游毛毛，成日都會攪到我面上痴毛，所以而家反而愛上外爽內潤嘅skincare~~ 。

H.A. Intensifier好處點此咁少，如果夾埋填充針用，仲可以減慢透明質酸被分解速度，令效果更持久。SIGH，如果佢早少少推出，我個鼻鼻一定唔會咁慘~ 哈~ 下次知道了!

一齊黎體驗搽出來的飽滿緊緻感覺，登記拎試用裝啦~
http://goo.gl/6i6Jra

SkinCeuticals是全球No.1美國專業醫學護膚品牌, 被皮膚科醫生、整形外科醫生、醫學美容中心及高級美容中心所採用。
# SkinCeuticalsProvidedProduct #SampleProductReceived
#SkinCeuticals #betterserum #betterme #fulleffect #HAintensifier

Thanks SkinCeuticals & SHE.com

----------------------------------------------
Follow Me on Gi C Life
wengichow@gmail.com

-------------------------------------------

【白老鼠首試】POLA 抗衰老神奇緊緻化妝水 B.A LOTION

真係想知道自己個求知慾會去到幾多歲先會熄，
早排見到好多人分享POLA 抗衰老神奇緊緻化妝水 POLA B.A Lotion 我又心思思想試下係唔係真係咁神奇~

香港人對POLA 呢個品牌可能唔太認識，原來佢係日本殿堂級品牌，有成88年歷史架，都可算係世界最深入瞭解皮膚嘅科研品牌之一。

POLA有好多出名嘅研發，例如早喺1982年（我都未出世）已經研發出利用「透明質酸」補濕成分至護膚產品上，係
全球第一個利用透明質酸於護膚產品上嘅品牌。

包裝就好高貴啦, 睇相可能睇唔到, 佢個樽蓋係黑色半透明，好elegant 呀~

帶來神奇的緊緻度 POLA美白高濃度化妝水
全新引入「極速活膚再生理論」，透明質酸對肌膚每天重複的退變及再生十分重要。
透過肌膚與生俱來的自我淨化循環系統，肌膚得以維持緊緻飽滿。
POLA的生物科學研究以嶄新科技，於世界首次發現令淨化循環停滯的因素，
B.A Lotion 碧艾化妝水帶來緊緻水潤的感官體驗，以達致清新且充滿活力的肌膚，
同時展現出肌膚前所未有的緊緻飽實。

濃郁高滲透和保濕力納米保濕分子迅速滲透和被吸收，並有助再改善膚質和吸收其營養品。
◆「水份吸收增量配方」幫助產品在肌膚上的推抹，從而提昇肌膚對產品的吸收。
◆ 與肌膚融為一體，締造豐盈美肌

早晚洗面後1泵已經夠用晒面頸架啦，精華質地都好潤，可以承機做埋按摩，幫助皮膚吸收，將化妝水帶到肌膚深層，呢幾日天氣咁乾，又係因為補返下啦，POLA個味道都好香好RELAXING 架，趁機比皮膚抖下補下啦。

Thanks POLA

----------------------------------------------
Follow Me on Gi C Life
wengichow@gmail.com

-------------------------------------------

星期二, 2月 07, 2017

毛孔都要出入平安~ La Roche-Posay 溫泉舒緩低敏卸妝潔膚水 Micellar Ultra Water Reactive Skin

新年家家戶戶門口都貼「出入平安」，唔知包唔包括埋毛孔呢? 每日我地都塗咁多野上面，皮膚吸唔吸得晒就要睇下佢有幾 "暢通"，所以要有健康皮膚，唔只洗面架乾淨，連卸妝都要徹徹底底~

咁多款卸妝品，我比較鐘意用卸妝水，比起其他，皮膚用左呢個更加舒服。不過呢，市面上好多卸妝水都係為左加強卸妝功效，令到皮膚好易敏感，用d 低敏嘅，又變左唔夠力。早排仲比美容師一語道中，因為我額頭生左好多超深嘅粒粒呀。

把心一橫，都係用返d 口碑好，又係專為敏感肌、脆弱肌而設嘅溫泉舒緩低敏卸妝潔膚水，分享一下呢2個星期嘅低敏卸妝經歷先。

一抹卸淨抗污染呵護滋潤敏感肌

La Roche-Posay 溫泉舒緩低敏卸妝潔膚水 ($175/400ml)

有人話過卸妝油先係卸得最乾淨，但油呢家野唔係人人都受得起~

La Roche-Posay 溫泉舒緩低敏卸妝潔膚水，水油混合化身成嘅卸妝水，將潔膚因子同甘油潤澤成分加入法國La Roche-Posay 温泉水，有效卸走皮膚表面妝容同時吸走毛孔入面嘅油垢，仲有效保濕、柔潤肌膚，溫和地潔淨肌膚。

0%防腐劑、0%PARABEN、0%香料、0%酒精、0%色素、0%皂鹼，不為肌膚帶來額外負擔之餘，亦可即時舒緩敏感症狀。