心驚驚打斑記 最終回 連自信都打回來^^~~

終於都完成左第5次既C6療程啦！

回想起當初 Pretty Medical 攪第一次試做時，

心思思想試但又太多擔心所以都冇Join到… 最主要係怕痛，冇鬼用…

 

到左今次，因為睇到之前試做既sis 全部都有好效果…

加上今個月又唔洗返學，攪到我又心思思想去玩下。

 

直到做Skin test個日，我相信好多Sis都睇到阿Gi 笠曬水個樣，全程嗌走…

完左Skin test, Sydney 話我啲斑唔深…嘩，我如息重付呀！

已經諗定唔洗打斑又唔洗返學既4月可以有啲咩攪作咁…

 

安樂既日子好快就過， 幾日後Pretty medical既Staff 就打比我，話選中左我…

哎呀，好多擔心呀，做唔做好呢？

我要多謝好友大佬B，佢比我Yo左半個鐘都有呀， 係咁比勇氣叫我試！

都係因為你咋，唔係我今日都冇以下既成果呀！

 

以下係完全冇化妝既Gi

哈哈哈哈…mok殼雞蛋一樣呀！哈哈哈哈！！！

我可以講，我好慶幸當日我有勇氣去Click apply個制，

亦好感恩我有大佬呢個好朋友，比左勇氣去做呢個療程！

 

諗返起自己當日所擔心既都幾無謂，我完全係被自己既幻想嚇親。

開始時係有啲痛，慢慢地個啲痛楚已經習慣晒， 依家重有少少打上引添！

呢d少少既紅.... 對我黎講... 一d問題都冇呀~~＾＾

女人係咁架啦，一見好有成效，你要好承受幾多痛楚，幾臭都好， 佢地都一定頂得順！

（又想講支又臭又有效既豐胸油啦！）
你地睇下我打前同打後有幾大分別！西利呢！

< >

< >

真係好想多謝 Pretty Medical,

佢地唔單只將我面上既斑斑打走, 就連我既自信都打返晒黎.

以前既我, 不能接受唔化底妝出街, 就算係有朋友黎 or 出去跑步, 都要上小小粉遮下d斑斑..

冇化妝時, 係街上見到熟人, 我會丟頭走.

行過d反光既野/鏡, 見到冇化妝既自己會好想打爆塊鏡.

亦唔鐘意比d熟朋友望住我塊面講野...

 

今日... 我唔怕啦, 我d自信返晒黎啦.

每日都唔洗左遮右遮!!

今日, 我連粉底都唔洗上啦~~hahahaha~~

終於... 我可以成為真正既美白達人啦~~

 

再比大家睇下個對比先～～

斑ｇｉ~~

白gi~~

你地都想好似我咁唔再做花面貓嗎？

快啲打去Pretty Medical 道問下詳情啦！

Pretty Medical
www.prettybeautyspa.com.hk
電話 : 2891 6879

I can do it, You can do it !!!!

心驚驚打斑記 1 - http://www.theztyle.com/blog/space.php?uid=409&do=blog&id=35939

心驚驚打斑記 2 - http://www.theztyle.com/blog/space.php?uid=409&do=blog&id=37182

謝謝收看, 請讚下阿gi 叻叻~~ 終於完成啦~~~

推我啦推我啦~~

運動。型。性感 - 技安之杰作

想返起上一次同技安玩妝已經係12月即事，

當時影個輯相我真係好鐘意，更用左黎做左好幾個月既大頭貼！

please click 重溫…

<<天馬行空 - 平凡之Gi當上一日model?!>>

剛過去既星期六，我再搵技安玩！化妝，攝影一手包辦！技安好嘢！

技安幫我化左一個不太濃既妝，當然啦，因為一陣我地會上山拍外境呀… 化到咁誇張可能會嚇親啲行山伯伯架！哈哈哈哈

今個妝用既全部都係Revlon既產品。

Photoready 粉底液係我近呢個月既每日必須品。佢既Coverage 非常出色！就連剛打完C6留下既紅印佢都cover得晒！真係好叻呢！

<<PhotoReady!! Call me Jimmie~~ Revlon 高清無瑕粉底>>

重有呢支眉筆都真係唔錯，話說同學仔幫我按摩完都冇甩！真係忍唔住要讚下自己Good choice！哈哈哈哈…

咁多妝品中我想特別介紹 Super Lustrous Plumping Lipgloss 比大家。愛豐唇感既Sis 必定要擁有一支。

講多無謂，請一同見證Gi lips boasted up！ (打完C6, 面毛都變白色LU~~)

 

呢支係Revlon推出既限量版Lip gloss, 一共有5隻色, 每一個色都係非常春日, 好易配襯既顏色黎架~~ (以下係其中4色)

Super Lustrous Plumping Lipgloss 除左有突出既豐唇效果外, 更有修護唇紋, 修補受損細胞同注水既功效.

有效抗氧化同提升唇部彈性.

佢亦好易塗，好滑，一啲都唔笠。

就算佢效果咁Glossy ，塗既時候都唔會卡住卡住呢！亦唔會好粘，通過左我既食頭髮測試呀！

（唔知咩係食頭髮測試既Sis 可以係呢道睇返！)

<<新寵 - YSL 唇彩 及LIPGLOSS比較 - YSL NARS BOBBI BROWN>>

 

GI 已經將佢例為左每日必備品啦, 當佢護唇膏咁, 時時塗~~ 等咀仔可以再靚d~~ ^^ hehehe

愛唇品既sis 重唔拿拿林去入一支~~ $85

好啦, 你地都等左睇技安 ''杰作'' 好耐啦. 唔講咁多啦. 去相....

鳴謝旺豬客串..

不過呢隻甩繩馬騮, 激到技安紮紮跳呀...

MAKING OFF....

 

請大家多多支持, 反應好既, 我同技安會再合作影多d靚相比大家睇架~~

 

晚上去左好好味CAFE - HIT THE ROAD 食飯.

想睇好味靚相麻煩去一去技安道啦~~

<< http://www.theztyle.com/blog/space.php?uid=245&do=blog&id=37417>>

鹿仔, 我地星期5再見啦~~ KISS KISS KISS

多謝收看~~

近朱者赤, 近技安者齊來一塊拍~~

人生中難得有位知己真係稱得上為"死而無憾" (講到咁誇張@@)

何況我既知己好友同我有共同目標大志興趣既大好人.

 

係對方唔開心對會樂意與對方傾訴, 開心時可以一同分享, 不計較, 不吝嗇.

我相信朋友係會互相影響既, 只要倆人行得越近, 倆人就會慢慢受到影響,

到最後大家既興趣, 同喜歡既野都會慢慢都會變為一至..

希望我口中既好友唔會介意我將呢段''關係'' 共開化啦.

 

每次遇到荀野, 都會第一時間想起對方, 要同好友分享..

上個月, 我化身為"呢個人", 影響好友入左一盒非常好用既粉底液...

<<阿技超性感演出>>

今個月, ''呢個人'' 居然被 ''果個人'' 影響左去拍野..... 拍咩呢???

<<超荀網站介紹, 一齊來搵荀野阿~>>

 

今日. 我也來一塊拍了~~

 

玩拍賣網我相信大家都會有經驗啦.

不過玩到咁緊張刺激, 我都係第一次...

 

唔玩過你都唔知, 有經驗既玩家, 只需要用HKD$200 就可以買到一部iPhone 返黎架啦.

玩法其實都唔係太難, 慢慢玩~~ 上左手, 你都可以變高手..

開始時, 你會有15粒星星, 呢d星星既用處就係比你下標時用既代幣.

唔同既拍賣品都需要唔同數量既叫價星星~~

 

當然星星係可以賣架啦~~

 

之後就係正常叫價呀. 係拍賣時間終結前成為最後一個下標既人, 貨品就係你架啦~~

付款方法可以係 CreditCard, PayPal, T/T都得, 真方便~~ 

 

我覺得用下標代幣呢個方法真係幾好玩, 可以防止d人胡亂下標, 台高晒叫價丫麻~~ ^^

重有呀, 其實d星星都有另一用處架..

若果你今晚要出街, 但心頭好又咁啱係今晚完標, 咁點算呢...

 

你可以先去塊拍精靈個道, set 左下標時間同出星星既數量, 塊拍精靈會自動幫你拍架啦~~

係指家時間內, 只要有人既叫價高過你既... 塊拍精靈就會出價.

星星就等同叫價次數, 如你一早set左要出20粒星星, 而拍賣品每次下標都需耍2粒星星既,

塊拍精靈就只會幫你自動出價10次. 咁你就可以放心, 唔怕塊拍精靈會亂幫你叫價啦~~ ^^

 

唔係下標時, 我都會睇下d玩家既下標情況, 睇起個價係咁標高, 我都登佢地緊張架.

拍賣品又吸引wor, 我睇中左呢個單反呀, 不過要先成為vip, 再有返咁上下星星先可以玩LU.

so far, 我都重未標到我既心頭好,

我要study 多d, 了解多d先一次出激!! 標得 ''美人'' 歸~~

唔知我第一樣 ''美人'' 會係d咩呢~~

 

大家不妨都去 http://www.1kuaipai.com/ 了解一下玩法丫.

多d人玩好玩d架, 我地更加可以分享下心得呢~~

 

有咁好既野, 我當然要同你地所有人分享啦~~

大家一齊玩, 齊來一塊拍啦~~

<用技安的iPhone 一塊拍中~~ >

 

謝謝收看～～

價錢重要嗎？

" 價錢重要嗎？ "

阿Gi成日都會將一句說話掛係咀邊…

平嘢既功效唔一定唔好，貴嘢又唔一定係唔抵買！

 

成日見到有女仔鐘意得價錢同產品容量除開黎衡量抵唔抵買…

亦有女仔鐘意問可以用幾耐！ 用呢個方法去衡量有用嗎？

 

買了一支較平但係每次要用幾泵既精華，唔洗2個月就用完lu…

定係買一支貴啲但係每次份量好少就夠用全面既呢??

黃豆同五毫，你會點揀？

阿Gi 今日就想做個小小測試，搵黎2支功能相同但價錢有差既精華素黎做個大比拼！

去到化妝專櫃，大家通常都會將產品塗上手試下個即感覺…

所以今個測試我會Focus係產品既即時功效！比大家自己去衡量下點選擇~

講真，精華素呢家嘢大家都知唔Keep住用上大半瓶你都唔點會見到佢既功效，

所以與其只用上幾日就同大家講好好用，倒不如我分享一下用後感覺，同埋用後第二朝既即時果效啦！

两支同樣係活膚精華

產品A : Biothem SOURCE THERAPIE SUPERACTIV 温泉激活再生精華 $430/ 30ml
獨一無二的濃縮溫泉生命力的再生精華，促進肌膚底層健康細胞再生，

令新生細胞更健康、完美，5 日即如重生般從內至外發放健康光澤。

大眾化品牌 價錢合理

 

產品B : Dior ONE ESSENTIAL Skin Boosting Super Serum 完美活膚要生素 $680/ 30ml
重整並提升細胞的自我更生能力，令肌膚回復健康狀態，
更能加快吸收及強化其後使用的護膚品效能，達到肌膚的淨化賦活、更緊緻。

專貴品牌 價錢較高 包裝高貴

測試開始~~~

質地及味道:

人體最易受刺激既感覺細胞係嗅覺及觸覺。

除左品質，嗅感觸感會係影響我地最終會唔會去使用既最大因素！

（好似講緊我自己個支豐胸油咁！哈哈）

產品A - 味道好自然, 質地係gel 狀, 都幾好推

產品B -  味道有好重既香料味, 質地比產品d薄, 亦比較好推..(流出黎啦...)

2支產品既味道用質地都係容易令人接受~ 所以2支都過關~~

 

 

滲透度:

每寸皮膚既吸收度都唔同，想準確地自家計算精華既滲透度，可以借用化妝棉~

最快能滲透化妝棉既精華表示分子較細，滲透速度高~ 被皮膚吸收既機會率亦會更大！

產品A - GEL 狀既精華, 用係手上時要多推幾下幫助吸收~~

             打圈推開大約7-8下就後至完全吸收, 但手上仍留有令令既精美係皮膚上可見.. (可能係我用得太多.. @@) 

化妝棉測試: 點開後大約要20秒左右至完全滲透..

產品B - 液體gel 狀既精華, 上手留即時向四周流開, 推左4-5下就已經完全吸收.

 

化妝棉測試: 點開後只需15秒就已經完全滲透.. (睇都睇唔到個控)

即時補水度:

對人體佔最大部分就係水，水亦係皮膚組織入面最為重要既一個角色~

先把精華液塗上手測試其即時補水度~

5分鐘後再量度其鎖水度！

 

產品A - 開始時, 左手狀況..

完全吸收後, 水油比例都好好, 保濕明顯有提升, 5分鐘後測出的鎖水情況很好.. (+10%呀....)

產品B 開始時, 右手狀況.. (依~ 我左右手都既balance wor~~haa)

完全吸收後, 水油比例有差, 雖然滲透度高, 但會有油脂留係皮膚表面, 所以扁左咀lu...

保濕度明顯提升, 5分鐘後測出的鎖水情況不錯..

 

首次用後翌日既感覺:

產品A - 好清爽, 用係咁朝濕既天氣下都冇出油, 早上起身面仍然係清爽既,

            香味好舒服, 好relax.

            因為用後, 皮膚付擔唔太大, 所以可以早上用, 下午都唔會有油光~ 

 

產品B - 滋潤型既精華, 用後皮膚好似有層油脂保護住咁.

            非常易吸收, 用完精華唔洗等吸收, 可以即係用其他保養品. 亦有效幫助其他保養品吸收.

            翌日早上洗面時, 會有洗走一層油既感覺, 朝濕用佢. 會有d出油, 不過情況唔嚴重. 

-------------------------------------------------------------------------------------------------------

睇左以上既小小測試之後，在價錢既差別與即時效果既對比下, 唔知大家會點選擇呢？

所謂平的不比貴的好，品質同價錢係唔係一定成正比呢？價錢有重要嗎？

 

而我嗎?? 我會2支一齊用. 一支早上用biotherm, 一支晚上用 dior.

只要自己能力effort得到而又有效既, 我都會keep 住用~~

好既精華, 冇人會兼多既~~ ^^ heee

 

多謝收看