[搵食胖徒] 觀塘的米芝蓮法國午餐 BriKetenia

觀塘搵啖食，今次食得好豪！去食法國菜！BriKetenia 係東廣場對面1樓，以法國有名米芝蓮餐廳命名，咁啱開正係我公司附近，今次真係有口福啦！

前菜嘅包包一直都係好感取分嘅關鍵，呢度嘅home made bread，好軟熟，加埋個醬，好特別，有d 似他他，但比他他多咗一d favour，好野味，我地一行4個人，未開飯就已經清咗2籃包啦！

法國菜黎講，呢個價錢真係一d 都唔貴。仲有d surprise 添，因為個portion 都唔少架。

前菜黎啦，我揀嘅係鵝肝，本身好擔心會好heavy，原來係mousse 呢個方式上，香濃嘅鵝肝味道，但一d 都唔膩，加埋d 菜仲有好清新嘅感覺添，不過個包就硬咗少少，都係之前個籃包好食一d。

呢個係同事嘅溫泉蛋，賣相都唔錯，聽佢邊食邊貼頭，就知道都係好野啦！

主菜到，選擇困難嘅我係burger 同肉眼間游走咗好耐，個心好想食burger，但又怕大大舊食上去好煩好冇儀態。最後揀咗肉眼，一d 都唔後悔，肉好鮮，好有牛味，而肉亦都好滑好腍，講真，唔洗任何醬，就知牛本身已經好夠撐啦！

另外，龍蝦意粉係同事點嘅，個醬好香濃好味而唔膩，粉亦都好爽口，comeon~~呢d 先叫意粉架麻，真係好耐冇食過啦！

仲有魚，喜歡清淡嘅，一定會愛上佢！魚肉好滑，好難忘！

Lunch 食成咗真係有d 唔好意思，不過唔食甜品又點可以叫係食法國餐呢？跟餐加$30 蚊，但呢個Pear pie 一d 都唔止$30蚊，好清新酸味好適中，加埋上面嘅vanilla ice cream，兩個味道夾埋好refreshing。又係一個會食上引嘅甜品。

下面呢個係Tasting menu，3個course $428，full course $598。咁平嘅？朋友話法國菜黎講，呢個水準，呢個價錢，真係好抵食呀。搵日真係要黎食個晚飯，嘆一下真正嘅法國料理先！

BriKetenia (觀塘)

地址 : 觀塘成業街10號電訊一代廣場1樓B1號鋪

電話 : 3577 8100

網址 : http://www.openrice.com/hongkong/restaurant/%E8%A7%80%E5%A1%98-BriKetenia/450576

----------------------------------------------
Follow Me on Gi C Life
wengichow@gmail.com

-------------------------------------------

搵食胖徒食得多都要消下膩！WeShare x 東の茶「品茶、茗茶、嚐生活」

基本上，我就覺得自己係被咖啡因浸淫長大。有一個咖啡控爸爸，每日都會係屋企煮咖啡，亦有一個愛茶狂媽媽，每天以茶當水，屋企冇果汁，冇汽水，但一定有泡茶！所以做成今天的我，每更都要有咖啡，茶更係每餐後不可少嘅指定飲品。但喜歡飲，每天飲，都唔代表我好有研究，所以一定要向專家了解了解！

上星期五晚JOIN咗個Party，WeShare x 東の茶「品茶、茗茶、嚐生活」，趁機會半工作，半偷私！！XDXD品茶係一種學問，同飲紅酒一樣，配合唔同嘅食物，會有不用嘅效果，把握機會學下野，呢類工作坊，我最enjoy啦。

先黎就試黑烏龍配油膩炸雞，平時如果要消膩感，都會飲普洱，好少飲黑烏龍，唔知點解，總係覺得黑烏龍好苦好苦，我係有d抗拒。

為咗否對我呢個錯誤嘅感覺，今日負責人特別安排多2個牌子嘅黑烏龍黎做一個blind taste，究竟我係唔鐘意飲黑烏龍，定係飲錯牌子呢？

A & B 杯都係我好唔鐘意嘅味道，好似我平時飲開個d，好怪好澀，仲會影響咗炸雞嘅味道。反而C 味道清新d，帶有甘甜茶味，減輕咗口腔嘅口膩感之餘，又唔好蓋過炸雞嘅鹽酥味！！

原來C 就係東の茶黑烏龍，哈，呢個口感真係幾啱我。不過都有blog 友鐘意其他2杯，而佢地反而taste 到一d 我感覺唔到嘅味道，人嘅味覺真係奇妙！

完咗呢個食野環節，我就不停忙下部份嘅安排，我特別為大家安排咗一d 檸檬tart 同朱古力tart 同花茶一齊去食。食甜tart 一定要配花茶，因為花茶嘅輕澀味可以減輕嗜甜嘅感覺，感覺會冇咁甜冇咁膩。東の茶嘅花茶系列中有成6款咁多，可以隨心情，隨喜好，配上點心品味一下。好正！！

玫瑰茶同柚子茶都係我嘅首選！由其係柚子茶，好香柚子味，好清新！！少少甜，推介！！！

活動仲有DIY 環節，最後差唔多11點先收工，呢2個tart 就成了我嘅晚餐lu!!

去到今日，我徹底地愛上了東の茶黑烏龍，每日都會泡，依家我又多一樣飯黎飲品啦～ 

健美7月運動養生不停！我要健康，我要燒脂！！！！

----------------------------------------------

Follow Me on Gi C Life

wengichow@gmail.com

-------------------------------------------

擁有蜜糖肌膚好Easy，4steps包係曬靚話咁易！

It's Summer Time!!! 變白咗成季，又係變黑嘅時侯，講真... 唔黑嘅我真係唔太自然，成個人"女人" 咗，有好有唔好啦，只係唔配合個性情，加上皮膚見小左太陽成個人都暗黑咗，少咗份陽光感覺！

上一個weekend，趁住咁靚嘅太陽，一於晒返夠本。話晒我已經有成十年keep 住曬黑嘅經驗，所以要曬出蜜糖色必定掌握有餘！而身邊好多朋友同事開始齊齊曬，傾開計先知大家都有好多疑問，不如一次過答晒大家啦！

問：一支防曬攪掂晒？

係就係可以，不過body and face 嘅防曬通常都係好厚好潤，所以我都會建議分開用。面用乳液會清爽一d，唔怕焗住毛孔，影響皮膚呼吸同散熱，其實我有試過因為用錯防曬再去跑步，焗到面頸過熱，散唔到熱差d 中暑呀！

舒特膚 Daylong 面部清爽乳液防曬質地好水好清爽，影下面呢張相真係好考我平衡。質地輕吸收快，唔似一般防曬咁塗完仲要等吸收。一支$138 我仲可以用佢做埋妝前打底，抵返晒啦！

問：你有冇用黑鬼油架？

如果大家已經將Dark Tanning Oil 化名為黑鬼油，咁我可以講有。不過大家要知道，"黑鬼油"本身係另一支產品嘅名稱，係質地杰好多，好油好笠，曬完出黎個色好暗啞架！

以前我鐘意用Nature's 出嘅一支噴裝，不過已經冇出lu... 依家用嘅係Banana Boat，貪佢唔會一次過曬得太黑，keep 返d 皮膚透紅嘅效果。

問：點先可以曬到蜜糖色？

咁多年黎，我好少曬傷，曬太陽切記駁老命。易曬傷之餘，又會破壞咗皮膚組織，出黎效果好暗啞架。

我習慣，游水前15分鐘先塗防曬，face 同body 都要。每次游1個鐘左右，印乾晒身上水份，塗Tanning Oil 同面防曬，再曬45分鐘，每次10分鐘轉一轉身，早上10-11點呢個太陽曬出黎最靚！

之黎嘅15分鐘，我仲會去焗桑拿，原意係想掛毒，不過比我發現焗完個色仲靚咗，唔知同circulation 有冇關係呢？

問：塗完Tanning Oil 洗唔洗塗防曬呀？

要！不過唔係一齊塗，你地去沙灘玩，曬完後一定會落水玩，呢個時候就要塗防曬啦。水面嘅折斜會另皮膚曬傷之餘，仲可能會曬到皮膚兩截色！

市面上好多防曬產品，用咗真係一d 都唔黑架（由其係女士用個d）其實產品入面加入咗漂白成份，有之唔小心試過，滴左一點係大腿，曬完後個位仲白過本身，大家真係要留意呀！

我嘅皮膚喺夏天好易濕疹，主要係因為運動大汗，d 汗醃住皮膚又痕又笠。所以清爽型嘅防曬比較適合。身體防曬都係用舒特膚，安心一d，皮膚敏感情況又會舒緩一d。Daylong 防曬高效乳液真係好清爽，唔反白，SPF50+ 高效防曬for 我做戶外運動用真係perfect，唔怕曬到幾個唔同款式嘅運動衫印！

Anyway，戶外用嘅面身防曬真係清爽最緊要，唔阻降溫，唔阻排汗，唔笠身唔反白，呢幾項都要付合都，先配合到我要求！Daylong 面身防曬仲有敏感配方，呢個當然係bonus 啦！

問：點解你成日曬皮膚都仲咗好嘅？

每次曬完，我都會第一時間做好曬後護理工作。敷mask，塗lotion 呢 d 一定唔少得。

係mask方面，我比較懶，所以paper mask 係我第一選擇。以下呢d paper mask 都係近期用得最多嘅。

有部份係上次東京trip 個陣入嘅、亦有本地薑。

日本入手的，大家一定唔會陌生！

台灣來的Annie's way，一盒有齊5款唔同款，每款都可以試下，唔洗一次買幾盒放到過期，有抗敏、有紓緩、有補水，太啱我懶人用啦！下次去旅行帶呢盒，仲唔洗我左揀右揀添！

面膜質地好薄，精華都好足，可以算係一般護理，如一般曬後運動後翌日用都可以。但因為敷唔耐，所以即時護理我有更好嘅選擇！

呢個就係本地薑 JaneClare 嘅皇牌藍莓mask，一塊有成過百粒藍莓精華，精華仲要多到夠我塗晒全身，膊頭位呀，背脊都一拼滋潤晒，mask成舊水一塊架，平時真係唔捨得用，曬過幾轉先用感覺抵d！

另外，陽光雖好，但始終對皮膚都係一種致敏源，可以用嘅防曬，特別係面部用，配合防敏配方嘅更加好～ 舒特膚本身嘅皇牌潤膚液就係針對皮膚敏感狀，我嘅濕疹皮膚都係靠佢，所以佢出嘅防曬護理我更加有信心！ 

After Sun 成日都俾忽略，其實曬後皮膚真係好dry 架，唔想又痕又乾就一定要塗cream 滋潤返。Daylong after sun repair 比一般cream 爽身d，唔會笠住皮膚唔舒服，亦都唔會油腍腍，清爽中亦夠滋潤，after sun repair 仲有敏感配方，減少皮膚痕癢，抓少d 就少d 機會敏感啦！

所以，要曬得靚就要出招，唔可以就咗撻係度曬架！

Step 1: 曬前至少15分鐘塗上防曬，面身防曬最好分開用，SPF 度數高會減低曬黑效果

Step 2: 先塗sun tanning lotion 再曬，加強效果

Step 3: 每10-15分鐘轉身一次，每次暴曬唔可以多過1小時。如要繼續水上活動，記得要塗防曬呀！

Step 4: 我發現，曬完再焗10分鐘sauna，加速循環，同時天然護膚品（皮脂）亦會排出，皮膚firm d，亦滋潤d，睇上去個效果仲靚呀！當然最後沖身做返After sun 護理啦！！

大家加油啦！！

----------------------------------------------
Follow Me on Gi C Life
wengichow@gmail.com

-------------------------------------------

如果只可以揀一樣，你會點揀？L for Lashes 植睫毛初體驗

記得曾經有人問過我，如果只可以揀一樣化妝品，你會點揀？我真係揀唔到，我嘅大細眼一定要眼線筆先攪得掂，單眼皮就要加睫毛膏先有神。揀唔到，唔好迫我，嗚呀！LOL...

不過依家，我唔洗揀啦，因為我植咁眼睫毛lu，未來個3星期全天侯都有對bling bling 眼。L for Lashes 位置係中環soho，coach 轉角行入小小就到，好近我返屋企。明知植睫毛呢個工程需時好長，所以我都預早左黎。哈，有洛神花茶款代，都幾surprise，幾sweet!!

相不相由你，其實今次係我第一次植睫毛，係呢方面我係比較揀擇，感覺比較冇咁pro，唔知咩brand，或local brand 我都唔會考慮，一、係同睫毛來原不明有關，二、local brand 人流快，衛生問題都係一個大考慮。

L for Lashes 係美國 JB Lashes 嘅專營店，好多外國大型酒店都有佢嘅專營店，仲時常係global magazine 出現，仲要係闊太級個隻。無論係用料上同trainning 上都達國際級標準，咁我相心都增加多d 啦！

地方光猛衛生已經留有好印象，怕死嘅我係consultant 講解中途已經不停問"毛係邊黎架？用咩做架？膠水會唔會刺激呀..." 咩啫，呢幾個問題好重要架！！！

放心了，佢地用嘅毛係仿水貂毛記憶纖維製造，並唔係一般市面用緊嘅動物毛同人體毛，而膠水都係用醫院專用嘅防敏膠水，咁我就放心晒啦！

L for Lashes 嘅收費係以分鐘計算，90分鐘約植120~140條睫毛，承惠HK$1680，係我聽過咁多植睫毛服務當中收費最高級嘅一家。

（提外話，我好鐘意佢個鉗，好長好尖，同黎做手功一流呀！！）

除咗用料上盛，技術手法都好好。因為植毛本身唔可以黏喺眼皮上，要黏喺睫毛根上。我聽過有朋友因為貼在上眼皮做成發炎，亦有見過人因為植得太開令效果下垂。植完回家仔細睇，L for Lashes 植嘅睫毛黏得好整齊，每一條到黏到係髮根最入嘅位置而冇碰到眼皮，真係要手好定先做到，厲害！

美容師會先透過consultation，了解你想要嘅效果，再為選擇合適嘅睫毛長度，捲曲度及粗幼度。美容師左右眼一齊植，包保兩邊眼都係balance 嘅。當然係就反個眼形，本身唔balance 嘅都會盡量balance 返！

我唔想要太誇張嘅效果，自自然然咁於得架，睇睇前後照，係咪有塗咗mascara 咁嘅效果呢？
不過妹妹就話平時化mascara 效果比植毛後更精神，哈哈， 睇黎我平時都真係幾重手呀～

第一次植毛，其實有好多護理都唔識。如唔可以用卸妝油啦，因為膠水遇油會溶，另外唔洗刻意去洗d 睫毛，平常洗面卸妝已經ok。只係每次洗完面，再用梳梳整齊就得啦。

唯一一樣我要習慣一下嘅係... 唔可以捽眼.!!! Sigh, 冇得捽眼真係人生一大慘事呀！！！！但有人聽到好開心囉...

化完妝，唔洗再塗mascara 真係好爽，慳返我好多時間呀！

後記：整毛後3星期

睫毛開始正常隨周期脫落，但因為整得好密好平均，所以整體看都唔會一忽忽。遠睇雙眼仍然好有神！

如終都係身一次植毛體驗，冇得compare。不過效果都幾surprise，例如我呢3個星期密密游水、曬太陽、焗桑拿 (幾大就幾大，唔試又點知入咗80度桑拿房都唔會甩，唔會淆）睫毛依舊絲豪無損，好得！！

不得不提，呢90分鐘入面，我大部份時間都係瞓著咁架，呢度環境好靜，真係好舒服！完咗treatment 仲有茶點。大大個cupcake 係購身一家城中有名嘅cake shop，想知係邊間？自己打黎問下啦～～

ps... 每次當我好開心對住自己長長嘅睫毛時，王生就會揚一下佢天生長長嘅睫毛... 我頂！！偷影你！

L for Lashes

www.LforLashes.com

Tel: 3580 0853

instagram: LforLashes

facebook: LforLashes

----------------------------------------------
Follow Me on Gi C Life
wengichow@gmail.com

-------------------------------------------