G for Gi

星期二, 11月 24, 2015

繼續遮掩歲月痕跡，白髮自我KO~ Liese Blaune

我就係一個靜唔到落黎嘅人，要我坐定定，雙手、雙眼、雙耳都要比我keep住忙！所以都幾怕去髮型屋做treatment，特別係染髮，一坐就要個幾鐘，kill me！

所以我習慣都係自己泡泡染髮，自由d，可以行黎行去，整呢整路，泡泡又夠foam型，可以固定到d頭髮，唔怕滴到四圍都係。

年過三十，老態不禁陸續浮現，白頭髮越出越多，慘呀！眾所周知，染白髮都係用返白髮專用嘅染髮劑先可以有效地cover grey，不過個d色真係好娘呀，點染得落呀！所以一直以來，我都係用一般染髮劑。白髮？眼不見為淨！

Liese推出Liese Blaune白髮專用染髮劑會唔會係有共鳴sis嘅喜訊呢？以下係其中3款顏色，有深一d嘅深棕色，亦有偏淺嘅金棕色，連我最鐘意嘅紅棕色都有呀！

我就係Liese嘅長期用家，咪埋眼就知點用，不過都要開一開盒比大家睇睇。Liese Blaune盒內嘅物資同一般裝無異，專用手套都依然係keep住呢對不易脫嘅好質料手套！老餅都要講句，日本牌子真係講究d！

將1和2 劑混合，輕輕倒轉5次！

換埋個泵咀就可以開始泡泡染髮啦！

先將泡泡泵啖上手再塗抹在頭髮上

有用過泡泡染髮sis，唔洗我講都知道佢嘅好處喺邊。一般液體狀染髮劑用起上黎真係好麻煩，容易滴到周圍都係不特子，gel住頭髮又難推開，最煩係要梳開嗰下，彈到周圍都係啦，頭髮又會被梳到斷晒。

泡泡染就唔同，foam型泡泡唔易滴之餘仲好滲透，好快就滲透晒成個頭，用盡全支泡泡塗抹曬成個頭，再輕輕將藥水按勻全頭，泡泡染髮仲冇咁傷頭皮，唔洗就住就住。好快手，3個字就攪掂！的﹪待嘅呢20 分鐘就有地縛喵娛樂我！！哈哈～大不透！

有圖有真相，泡泡染髮好輕易上色之餘，仲染得好均勻，又有光澤。

Before （左圖）﹠After （右圖）

雖然我嘅人生終於去到要染白髮階段，不過好在遇上泡泡染髮，輕輕鬆鬆喺屋企都可以染到髮，顏色選擇又啱我心水唔老土，又上色唔失真，仲好有光澤添！Stunning！

----------------------------------------------
Follow Me on Gi C Life
wengichow@gmail.com

-------------------------------------------

星期一, 11月 23, 2015

【冬天全身護理】做女人就是要懂愛自己～身體內外全護理

繼續上文皮膚全護理，講埋身體護理先。

其實身上嘅皮膚我比較懶去take care，肥左會比較大反應一d～哈哈

其實我比較care 內在，深信身體入面運作好，皮膚外在嘅問題就更加容易解決啦～

準備三：拒絕乾燥滋潤皮膚有彈性
KAHINA 係來自澳洲嘅一個Organic 品牌，佢嘅MOROCCO oil 出名好用。最鐘意用佢黎按摩身體，佢嘅味道真係好relaxing，每晚睡前按摩放鬆下不知幾爽。加上佢好易比皮膚吸收，滋潤得黎又唔油膩，真係好正～
喺呢間online shop 買架 -- http://ltilhk.com/

準備四：keep 住體內的年輕
先由飲食著手，多d湯水當然係好事啦！自從有左燉盅，我就可以一人一盅靚湯滋潤一下啦～
方便易用，唔怕水滾，燉出黎嘅湯真係出味好多呀～
睇我嘅詳細分享啦～　http://wengichow.blogspot.hk/2015/11/homey.html

用過HOMEY 個燉盅，加上公司都有用HOMEY 小蒸爐，對呢個brand 都build up 左一定嘅信心，所以再額外入手一個一直以黎都好想買嘅電暖包！
一去到冬天我就手腳冰凍，嚴重到feel 唔到對腳個隻。晚晚都要用暖水袋黎暖床先可以瞓，唔係我呢對唔識自己調溫嘅冷血腳必定會害到我瞓唔著。

一直以來都係用暖水袋，其實都幾嘥水幾唔環保，想買個嫲嫲用過嘅電暖包又怕係大陸造唔安全。了解過後，睇黎Homey冷暖諾都安全，佢內置溫控裝置，當加熱至70℃加熱程序完成時，就會自動切斷電源。另外電熱水袋由八層PVC保護，堅固防爆。同一般電暖水袋唔同，電暖諾係用礦泉水加碳纖維電熱絲加熱，比一般用加熱棒同電池水嘅電暖包安全得多。

只需8至12分鐘，就完成加熱程序，可以keep到保暖2至8個鐘。加熱時暖包會微微脹起，都係正常現象。

另外冷暖諾仲放入雪櫃做冰包，一年四季都有用我著佢嘅時候。每次可以keep到3-16個鐘。雖然我唔係怕熱份子，但熱天用佢黎當冰包，飯盒就唔怕壞啦！（講笑，我連捨得咁用佢丫）

Homey 冷暖諾隨機附送兩個精美絨布袋，豹紋呢個襯晒我年睡衣呀！

喺呢度買 www.ush.com.hk

溫暖身軀對女生最緊要，除咗飲湯同用暖包，我仲要keep住每日一粒五色靈芝，補補身子，另體內細胞靈活d，循環都好d架！

黑豆，大家都知對身體有幾多益處架啦，對頭髮，對皮膚，對子宮都好有益，揀直都係女人欣物。不過我就好懶去煲啦，飲開都係AK嘅壯健補黑粉，即沖裝，方便又好味！

小小心得同大家分享，如果你都有個人嘅保健心得，不如都用我分享下丫～～

----------------------------------------------
Follow Me on Gi C Life
wengichow@gmail.com

-------------------------------------------

星期三, 11月 18, 2015

【冬天全身護理】做女人就是要懂愛自己～皮膚全護理

話咁快就11月啦，睇黎同我好唔「夾」嘅冬天又要來啦！唔鐘意冬天原因除咗我好怕凍之外，每年過冬，身體某幾處總會出現d無名反應，如...

皮膚：乾燥感覺要一日補3圈cream先至良好

身體：體溫會不平常地下跌，有次去診所，護士度完見我得反30度真係嚇親！

頭髮：毛燥毛燥毛燥

所以，喺未真正進入冬天前，習慣一早就好做好準備，救得幾多得幾多！

準備一：為皮膚轉季

雖然未至於乾到甩皮，但乾燥繃緊總係令自我感覺不太良好。所以冬天我會將d skincare 換晒，要超滋潤嘅。由洗面入手，習慣會揀洗面奶，會冇咁乾。開始用 ePure Animo Hydro Intense Cleanser 剛好一個星期，每次洗完面都好舒服，好似有層保護係面上，滋潤之餘亦防止洗面時水份過度流失。仲好意外地塊面白淨咗好多，bonus!

唔好意思又要出素顏，但有圖有真相！

有冇見到上圖我嘅右邊面長了瘡瘡？每次轉季都會係咁，面上總會長出一兩粒不明嘅瘡，通常都係毛孔太乾引至敏感，就會長出一個卜，唔痕唔痛，只要敷返mask幾日，就會冇事。

今次急救試埋 ePure Membranous Jelly Masque，深度淨化滋潤毛孔。

開頭仲以為佢係paper mask，一打開，嘩！係Gel Mask!!!!!! 係唔洗自己開粉嘅Gel Mask!!!!!! 正呀!!!!!!!每次我自己開出黎嘅Gel Mask 都好水噹噹，敷次前又要攪一大輪，諗起都已經唔想敷，有呢個one off，實在太方便啦！Gel Mask易推得黎但又夠杰，半固體唔會滴，睇下我咁郁發都冇野，呢d先叫Gel Mask 架麻！

敷完好滑好水，如果你有感受過「皮膚好飲輕咗咁」嘅感覺，你一定會明白呢一刻嘅狀況。老說話，皮膚飲飽水，毛孔都細緻d。睇下面上個敏感卜都縮咗水，睇黎皮膚狀況真係平衡返d啦！

除咗洗面同mask，其他skincare都要換一換。（基本上我係成日都換skincare，keep住唔比皮膚細胞對skincare倦怠）

陪我今個冬天嘅有Origins Dr Weil new launch，靈芝菇菌抗逆健膚潔面水&靈芝菇菌抗逆健膚紓緩水，呢兩枝"靈芝雞湯"

一支清潔，一支爽膚，兩支都係紓緩皮膚嘅因物。皮膚都要食靈芝補身！

其實兩支靈芝湯都係透明液體狀，要identify佢地就要認住個瓶身，記住卸妝嘅係透明色乾乾淨淨，護膚嘅就係實色為皮膚著返件初！咁係咪易d呢！

依家用緊嘅眼妝都係全Organic嘅，遇到同樣係organic嘅靈芝菇菌抗逆健膚潔面水果然係特別夾。一敷一抺，2分鐘+抺3次，已經清咗9成妝，得返少少Mascara咋！唔錯唔錯！

如果你唔怕菇菌味，相信都一樣會愛上靈芝菇菌抗逆健膚紓緩水。除咗喜歡佢個味怪菇味，我仲好鐘意佢夠紓緩。每朝跑完步，皮膚做完運動又曬完都會有一段長時間紅卜卜，呢支靈芝湯可以神奇地快速減紅，每朝都好穩定發揮佢嘅紓緩作用，唔會阻我化妝返工，上護膚品同化妝都易上d架！

天氣乾燥，加上壓力大，我嘅濕疹就會開始爆發，一定要用d好滋潤嘅油先可以。KAHINI 係澳洲嘅一個有機brand，Morocco oil 好出名，滋潤改善皮膚一流！用咗幾星期，皮膚冇咁易乾又唔痕，仲要個味好香好relaxing!! 我都係喺一間賣澳洲organic product 嘅online store 買架。www.LTIL.com