再見我的智慧齒.......
都識左你7-8年..... 冇事都好地地... 有事就食唔安, 坐唔落..... 每次我都忍你, 因為你發1,2日癲你就會平靜返.....今次.... 你發左成個星期癲, 我忍唔到啦.... 我決定要離開你... 你.. 你..係咪犯賤... 我一話唔要你, 你就乖晒... 唔得, 我忍左你既任性好多年, 我要同你一刀兩斷......
痛.... 要離開你, 真係痛. 過程就唔好講, 雖然有晒心理準備.... 但真係冇諗到你原來咁強壯, 要用咁多工夫先可以請你走.........
你終於放手了, 終於見到你真面目.... 我唔留戀... 頭也不會就走出手術室..... 個種痛, 我一定記得.....
你離開了, 我都唔見得好過, 食唔安, 坐唔落, 瞓唔到, 冇寫BLOG, 做乜都冇心機.... 我係一個喪婆....我愛喪笑..... 今個星期..... 要忍笑... 不得了.... 殺死我吧... 但係....... 點解.......
手術後4日(10分鐘前發見).... 爆線了...... 好可能係世上極小因喪笑而爆線既其中一個病人........
聽日睇黃子華唔洗就住lu~~~ 感恩, 傷口已經埋左口~~ 但我都不得笑得大放肆~~ 我會小心我個小小傷口架啦~~
小心傷口wor~估唔到咁容易爆線~咦你睇黃子華呀~我從來冇睇過佢既solo演出~今晚enjoy la
回覆刪除[版主回覆12/14/2007 00:01:00]睇左子華啦, 好正~~~笑死我~~
<--松山.... 坐我格離, 喪笑..
原來妳同佢段關係維持左咁耐架
回覆刪除咁妳同佢一齊果時咪好細個
但係我聽人講呢d野通常22,3歲先開始架喎
咁條數咪即係22+8=
[版主回覆12/13/2007 17:43:00]加完都重細過你.... 呵呵呵~~
長痛不如短痛! 估唔到妳都好長情wor......對隻爛牙!
回覆刪除[版主回覆12/13/2007 23:58:00]佢唔係爛牙.... 雖然佢離開左我.... 但係我都唔可以比人底位佢 ~ 佢確實係一隻又雪白, 又強壯既大牙.... 佢好大隻.... 對腳好長.... 所以我個傷口都唔細, 要聯針...... 痛死我~~
你呢0的咪叫笑爆咀囉.
回覆刪除我都見你成個人好似落哂形咁.. 無咩心雞.... 希望呢種痛快d結束...可以開懷大笑係一種恩典
回覆刪除我都有一隻... 但我成日自己呃自己... 唔去搵牙醫... 驚驚...
回覆刪除预祝你聖誕快樂!
回覆刪除
回覆刪除聖誕快樂啊~~~~~~~!!
聖誕節快樂呀~祝你同大佬有個開心平安加聖誕夜!
回覆刪除祝妳新年快樂! 聖誕節過得愉快嗎? 為什麼唔update blog?
回覆刪除[版主回覆12/28/2007 14:02:00]好忙.... 又太多野唔知點update.... 又懶唔想寫, 淨係post 相得唔得?? 你地會唔會放過我, 如果我唔寫字~ hee~