見到blog 友 kamanb 用$50買左對鞋, 個款又唔錯... 又近公司, 所以放左工就同同事去八卦下...
由Harbour City 行去 Silver cord個條天橋已經見到好大個廣告寫住 id:c 1折起... 其實我同朋友都真係好小去 id:c, 不過都係心思思想去望下....
一去到, 又唔見到好多人, 我同同事就衝左去鞋個邊睇... 真係$50, 重見到 kamanb 買左個對tim, 我睇中左同款既白色... 一心諗住唔係好多人, 就睇埋其他先叫姐姐幫我拎size 試...... 點知一轉頭就比一個女仔問左姐姐拎黎試....
所以話, 瘦田無人耕,耕開有人爭, 何妨對鞋真係既靚... 姐姐重要話得返一對.. 個位少女又左諗右諗咁.. 又yim 太高.. 我就同同事講如果佢唔要, 我要.... 唔知係唔係佢聽到.. 本來重三心兩意既佢, 好快就改口, 同姐姐講話要.....我個心即刻碎了.......
好在, 都比我搵到另一對都係好靚, 又係$50... 大家睇下啦~ 你地一定要話靚呀~~
下次真係唔好再咁'OR GOR' 啦.. 想試就即刻試.... 唉.... 本來係我架....
(黑心: 個對一定夾腳!!!!!!! 除左 kamanb 你個對之外
好平..個踭好似好高le... 有3吋ma?高跟3吋以上的高跟鞋我只會買然後放在家中 下次你要穿給我看,穿裙一定好令喲!
回覆刪除[版主回覆02/21/2009 18:04:00]哈~ 有啦, 有3吋, 都幾舒服又唔夾腳. 只不過行得耐會攰啦.. 不過對對高跟都係咁架啦... 我下個星期可能會着...
下個星期不如我地一齊食完TEA先過去啦~~ 好嗎?
下星期 仲有一折?!
回覆刪除[版主回覆02/22/2009 00:30:00]一折到星期日~~ 你OFF WOR, 去行下啦~
好衰呀嗰個女仔.... 你唔係咁講佢可能唔要ga
回覆刪除[版主回覆02/22/2009 00:42:00]就係啦, 一睇就知佢唔着開高跟架啦... 又話怕太高, 返工着唔到, 又話自己係OL.... OL 點會怕高跟呀.... 日日都坐....
第一次買野比人蝦, 都唔明, 平時我買野好爽架WOR... 一D都唔似我...
哈哈哈哈，BABE你好可愛呀!!!!! 超鍾意你!!
回覆刪除LEE對我都覺得好正呀，襯咩衫都百搭，$50YEAH!!萬歲!!!係TST食個LUNCH有時都冇左啦~~
[版主回覆02/23/2009 11:45:00]哈哈~~
$50, 真係抵到爛呀. 我星期六着左出街.. 又幾好着wor... (其實我好少着到3吋, 平時都係2吋.. 不過佢都ok wor, 行左成日, 都唔係太攰) 旺角都搵唔到啦~~
多謝介紹, 下次有好野要第一時間通知我呀~
kakaka..你好攪笑...---->
回覆刪除(黑心: 個對一定夾腳!!!!!!! 除左 kamanb 你個對之外 )
[版主回覆02/23/2009 15:39:00]小學課本教.. '吃不到的葡萄是酸的..' 一定夾腳呀~~
好好~咁仲係唔係食完tea過去le?
回覆刪除[版主回覆02/25/2009 13:49:00]哈哈, 如果去埋睇佢行禮, 可能叫食lunch 唔係食tea... ~~ｈａｈａｈａｈａｈａ
好想去食ａｎｙｔｉｍｅ個菠羅油．．．．．