窩心又純潔的聖誕禮物 - Panasonic 綿密泡沫潔面器

今年聖誕，你想收到咩聖誕禮物？女仔想收嘅不外乎同個攪仔有關！靚嘅衫褲飾品、靚嘅精品、同靚嘅人... 意思係一d可以令自己變得更靚嘅用品。同之前推介過嘅負離子梳同出一徹，想女朋友收到一份滿意嘅聖誕禮品，禮品本身除咗照顧女友外在之餘，仲要最深層嘅部分都要照顧埋。

今年聖誕，你想收到咩聖誕禮物？我想要一樣溫暖、溫柔、軟綿綿又貼心嘅禮物…哈哈，估唔到就係Panasonic綿密泡沫潔面器（EH-SC50），佢打出黎嘅泡泡非常綿滑！作為聖誕禮物絕對是一個貼心好選擇。

Panasonic 綿密泡沫潔面器分別有卸妝及潔面模式。一邊發熱以溫度將輕淡妝容溶化，另一邊高速滾動，能將潔面劑打成立米泡沫，深層清潔阻塞毛孔嘅殘餘妝容、油脂及污垢。

Gi 之前都有用過唔同嘅潔面器，第一次見有一個咁特別嘅位置放潔面劑。由潔面器入面打出黎嘅泡沫，果真係軟綿d，仲要係出奇地多泡泡呀！

先黎skip 左step 1先，直接入step 2，如果唔想用刷頭洗面，可以用呢個頭代替，直接打泡泡再係面上塗均。

3秒開始出泡，5秒後已經影唔到相啦，因為泡泡不停擁出黎，要用塊面黎接住呀！哈哈哈～

從未感覺過咁細嘅泡泡～ 真係好creamy，唔係講笑～ 軟綿綿嘅泡泡會減低對皮膚磨擦，所以洗面打泡真係有佢嘅重要性，特別係敏感肌膚嘅朋友一定要留意啦！

再試下用刷頭先!

如果想去埋角質，可以直接上刷頭，打出黎嘅泡泡都一樣豐富架！

刷頭好軟身，加上泡泡好綿，令成個潔面過程都好溫和。一d 拮面或磨擦感覺都唔太覺～

洗面洗到爆晒泡都係第一次，見到d泡泡，童真又自然流露。低能仔仲要自娛，玩封鼻噴泡，好低能！！！

好玩、舒服、乾淨。呢個就係我嘅用後conclusion～

另一邊頭就會發熱嘅溫感卸妝頭，建議使用方法於洗面前配合卸妝產品利用微溫加速融化妝容，只需 30秒就可以升至 43°C 或 48°C。不過與其用佢黎卸妝，我比較鐘意用黎佢護膚，用佢嘅溫度黎導入作用更大。

深層清潔效果有如做facial，送比女友個時加多句... 「送呢部機比你，你就唔洗成日出去做facial，多d時間陪我啦！」女朋友仲唔冧死！$1,080 買得過啦～

----------------------------------------------
Follow Me on Gi C Life
wengichow@gmail.com

-------------------------------------------

2015尋Boot記 Check Point 2：Oriental traffic

本年第二度尋boot... 希望有好得著啦！

今次黎到ORiental TRaffix嘅K11新店，地邊大d，貨款齊d多d，要搵到啱心水嘅boot款應該唔難嘅～

今日遇上grand opening party，門外有model真人demo，太好了，有靚女著埋比特幣揀。嗚呀，但人家的腿粗很多，穿好後會有"特別效果"的，唔理啦點都要自己試下先～～

好耐冇見嘅JW係今日嘅嘉賓，早前喺radio聽過有關佢嘅事，估唔到咁快就可以聽佢現場演繹新歌，香港真係好需要像你一樣嘅歌得之人，要加油呀！！

聽完歌，玩完就要做正經野... 三條女，一齊尋心頭好，究竟邊個最快手？

Ps，企係Cath旁邊好自悲...XDXD

經過上次嘅教訓，我今次要專心的！我等眼裡只有boot!!!! Boot 款選擇雖然唔多，但夠準確！高跟的、平跟的、皮面的、Gan皮的、毛毛的，全部都齊！

差唔多每一對都試晒啦，自己比較鐘意黑色皮面高跟boot，雖然勉強都叫拉到鏈，但腿太肥，堅有d貼腳... 旁邊的一對瘦腳著上嚟堅好睇架！大家又覺得點？

我身後嘅其他高跟款同短boot款都好靚好吸引，所以end up都我係揀咗對返工穿嘅高跟鞋～hmm... 哈哈哈！

我會努力繼續尋boot嘅，如果你都打算幫鞋 櫃換季，不妨嚟K11 ORiental TRaffic，我包保，你一定遇上選擇困難症！

Facebook: ORiental TRaffic Hong Kong

Instagram: ORIENTALTRAFFIC_OFFICAL

----------------------------------------------
Follow Me on Gi C Life
wengichow@gmail.com

-------------------------------------------

冬天繼續趕走毛燥髮絲～Philips EASYSHINE Ionic Styling Brush

除咗做hair treatment同日常嘅清潔護理，頭皮好咗，但都唔可以忽略髮絲嘅外觀。大家都知我每朝都會跑步，所以早上洗頭已經成為生活習慣。經過風筒吹乾後，頭髮又乾又毛燥，用普通梳想梳整齊... 點之越梳越飛散，無論點整，都敵唔過靜電帶來嘅"特別效果"。

葡萄咗好耐嘅PHILIPS EASYSHINE Ionic Styling Brush負離子造型梳，舊年冬天已經見到好多friend收咗做聖誕禮物，估唔到我今年咁lucky，終於唔洗葡萄啦！

負離子造型梳以1,300萬負離子中和靜電，梳頭嘅時候就唔會再有"靜電效果"，髮絲即時貼服柔順，唔再怕天線頭出現啦。

另外圓頭梳齒唔吉唔傷頭皮，唔會太硬但彈力大足，減少頭髮拉扯受傷。加上充氣梳墊設計，令梳頭時更加舒服，每梳一下都好似按摩緊頭皮咁。梳墊仲可以拆開清潔添！

兩邊頭髮，一邊有梳，一邊未梳。一睇就知效果啦！未梳個邊..... 癲婆咁...

好就好在舊年冇入手，因為今年出多咗幾個新款，當中仲有超型格嘅豹紋，我鐘意呀！！！有內涵，亦有外貌，幾款唔同設計，真係可以用嚟襯衫，match下唔同造型喎～ 

棕色迷豹紋 應該係我最鐘意嘅一款，呢個啡金色好elegant，我成日都著all black，一定好襯。

梳起頭上嚟都貴氣d！我應該會用佢嚟襯我嘅夜宴約會底者係一d special dinner，係要打扮得靚個d~ 喺手袋入面拎佢出嚟，應該會幾有型的，我幻想得到！

粉紅迷豹紋 型格中帶一點少女味道，睇落都幾係我嘅style，應該啱平常去街嘅我用。好PUNK！

PHILIPS EASYSHINE Ionic Styling Brush負離子造型梳size 唔係好大架咋，Palm size 咁上下，比mouse大小小。粉紅豹我會放喺公司用，有幾次抓錯佢做mouse添... 哈哈

清雅白蕾絲 清新大路易襯，呢把係我第二把最喜歡嘅design。 全白加上銀色花邊，近期愛上咗花籐圖案，好清新。仲好有聖誕感覺，$318會唔會係最佳聖誕禮物之一？

呢把梳，總係有一種懶洋洋嘅魔力，除咗負離子外，我相信佢亦發出緊 "停一停、抖一抖" 訊息。沖充電再衝過吧！

浪漫櫻花粉 呢個應該係好受少女歡迎，每到春天，一年之計搶櫻花！櫻花團、櫻花杯、櫻花袋... 有理冇理，係櫻花主題嘅郁會搶一餐... 情人節期，送呢個包冇死！！

如果要我分，我會將呢4把掃分四季用

春天 櫻花粉最浪漫

夏天 粉紅豹夠火熱

秋天 金豹沉實顯貴氣

冬天 白雪蕾絲過聖誕

男朋友們，你地識做啦！

----------------------------------------------
Follow Me on Gi C Life
wengichow@gmail.com

-------------------------------------------

減緊肥又要滿足甜食口慾？冇話唔得嘅，試試「急凍海燕 (寒天) 椰皇凍」！

天氣開始涼涼地，食糖水或暖甜品個引又發作！！但呢排真係肥咗d呀，要減肥又要滿足口慾，都冇話唔得嘅，最緊要識得揀！

WHAT!!! 椰皇？！無攪錯，Gi冇攪錯你都冇睇錯，佢的確係"椰皇"不過係"加料"椰皇至真，係纖體中嘅sis都食得嘅「急凍海燕 (寒天) 椰皇凍」。

「急凍海燕 (寒天) 椰皇凍」用泰國一級優質椰皇，以清甜椰汁及頂級海燕煮成。海燕，即寒天，有豐富膳食纖維，有助腸臟蠕動。同時低卡路里極低，係最啱瘦身sis嘅甜品。椰皇汁仲有好多種維生素，對皮膚好有嫩滑作用，纖體又美顏。

「急凍海燕 (寒天) 椰皇凍」凍食或熱食都一樣得，今日同大家分享一下我嘅自創凍熱食心得啦！

【凍食】清新鮮果椰皇凍

海燕椰皇凍口感好清爽，椰汁味好清新，香得黎又唔會太濃，冇嗰種肥膩感覺。加埋新鮮水果可以增加甜品味道，盡情放你喜歡嘅水果啦，海燕 (寒天) 椰皇凍經過燒煮，所以唔會太寒涼，女生都不怕多食！

【熱食】暖身桂圓海燕蜜女生總有「嗰幾日」（後來我發現男生都會有「嗰幾日」～哈）愛自己就要識得補，個幾日緊係要飲返d暖身嘅飲品。桂圓水係我嘅至愛，飲完個人暖粒粒又好瞓！加入海燕及兩匙蜂蜜，飲品即時變甜品，估唔到海燕同桂圓蜜個味道都幾夾架喎！

椰皇凍咁特別，可以喺創興策劃網上食品店搵到。除咁椰皇凍夠特別，呢個急凍梳乎厘都好好食架！咁多個口味當然好想一次過試晒啦，但最吸引都係D24榴槤口味～

名字叫梳乎厘，其實佢個樣就似叮噹包。

不同程度嘅defroze效果會帶出不同口感架，首試20分鐘溶雪，係雪糕口感！估唔到佢入面會有咁厚嘅榴槤filling，仲要好香好鮮。

20分鐘口感都仲係有d硬，溶雪30分鐘可能會creamy d，有好野食緊係要大家分享，唔，食邊款好呢？同事你揀啦！

創興策劃

http://www.fruitpuree.hen-ton.com/ 

https://www.facebook.com/CreativePromotionLtd

----------------------------------------------
Follow Me on Gi C Life
wengichow@gmail.com

-------------------------------------------