首試通經絡治鼻敏感～Livenwell 活泉經絡美療養生館

13~4歲就開始鼻敏感困身，一連打十幾廿個克痴已經算係少事，有次喉嚨痕到係MTR 喪咳，超尷尬！！

試過嘅改善方法好多，最誇張就係搬屋（個陣住佐敦）同轉工（MISSHA走咗佬個老闆係公司食煙）。依家情況已經改善咗好多，有時唔舒服都會用香薰幫下手，早幾個月就係壹週刊同蘋果動分享過。

其實鼻敏感帶比我最大嘅困擾反而係大大嘅黃眼圈同鼻旁嘅粗大毛孔。成日申鼻攪到鼻翼毛孔下墜，虎紋加深。想要治標又治本原來都唔係有辦法！

(天灸我試過，攪到皮膚焯傷仲有疤，唔好提啦！）

Livenwell 活泉經絡美療養生館，係一間經絡美容專門店，透過通經絡改善身體毛病及皮膚問題，好養生呀，茶都係自己煲的，雞屎藤煲黑芝麻去濕茶，好味喎。

呢度房間唔係好多，地方小小但勝在日光好充足，瞓係度好似嘆緊SPA 咁，好舒服！！

(少有地塊面咁尖！！影下相先！）

基本清潔後，治療師先黎個目測，一睇就知我右邊鼻塞比較嚴重，吓？咁好睇到？點睇嘅呢？

原來係睇鼻樑，右邊鼻樑真係平d，冇左邊咁斜架，喔，咁即係話，如果改善咗鼻敏感問題，鼻樑分分鐘會高多少少添！！哈哈。

今次治療用嘅就係呢支油，含有舒緩鼻敏感嘅香薰草本成份架！

仲有呢個重點工具，我最怕嘅磁叉。以前比過磁叉碌腳去水腫，真係好痛，join 咁成千蚊Package 到最後去咗2次唔咁再去。今次又遇見佢，oh shit，希望碌面感覺會好d 啦！！

來了，We 嘩大叫是常識吧，身體冇事就唔會痛啦，但真係好痛。原來我個鼻可以扭曲成咁，人體極限，勁呀！！

與手按嘅分別在於，磁叉可以深層地按摩穴位，利用磁場帶走阻塞嘅廢物，暢通經絡。面上按嘅位置分別有鼻樑、鼻翼附近嘅穴位，穴位按鬆後，會突然一下POP，個鼻就咁通咗啦！

然後就將廢物帶去淋巴結，即係身體嘅垃圾收集站，耳門、頸側、鎖骨... 唔好見我笑晒咁，其實用磁叉按比平時自己按個trigger point 細好多，所以... 好痕... 哈哈。（好在我平時都有自己按下面，按頸側都唔會太痛苦）

之後就開始通肺經，分別係頭頂、合谷穴同前臂。

呢刻已經可以睇到雖然而捽到紅卜卜，但係面同鼻嘅腫己有即時改善！而呢一刻嘅我...好攰...痛到好攰.....

手就唔好得去邊，磁叉真係我嘅最大最大恐懼。

1小時療程完成，舒服就唔講得架啦，但起碼我見證到我個鼻pop 一聲通返個一刻，哈哈哈。治療後面有少少起沙，手臂都有瘀，我嘅身體也太敏感了吧 (touch wood 好在皮膚敏感好少發生)，不過通完經絡排完毒，塊面真係尖咗d 呀... OMG...

治療後個晚，真係瞓得好好，一覺瞓天光，起身個咀冇乾即係話我大部份晚上都係用鼻呼吸啦！亦都冇一早包雲吞，不如到下晝lunch time 單邊鼻又開始塞啦，要治根本，真係要加密治療，一個星期3-4 次唔少得，OMG，我想像唔到...

除咗經絡治療，呢度都有d mild d 嘅treatment，淋巴推拿、耳燭、按摩Facial 等，呢d我都幾想試架。至於經絡治療，都係遲下先啦！

Livenwell 活泉經絡美療養生館

銅鑼灣駱克道492號順禧銅鑼灣中心17樓全層

----------------------------------------------
Follow Me on Gi C Life
wengichow@gmail.com

-------------------------------------------