G for Gi: 9月 2015

星期二, 9月 29, 2015

一對舒適百塔鞋，一d都不難求～ JipiJapa SlipOn

好日唔執屋，發現自己淨係得返啲返工嘅高踭鞋同跑鞋。想要一對見得下人嘅輕便鞋都冇，係時候襯轉季出新款，睇一睇有冇啱心水先！

買鞋首選JipiJapa，佢地嘅鞋真係好舒服架，今個秋冬季仲出咗好幾款輕便Slip-On 款，啱晒！

呢幾對就係新出嘅 Ballerina Collection 都係大熱嘅Slip-On 款，有最易襯嘅Grey tone，型格嘅Black，仲有sharp醒大紅大橙！

Close up 睇，Slip-on有兩款質地，帶出唔同感覺，一款係型格皮款，鞋頭有妨損pattern，帶出立體感，遠睇有d似蛇皮。

另一款就青春感重嘅布款，鞋身係用戟絨，鞋頭係帶反光線嘅布織格仔，好特別。

每款鞋都有窩釘同拉鍊點綴，帶出鞋款獨特設計，增加鞋款百塔度。而我就當然睇中型格皮款啦！

Shortlist 紅色同灰色，前者顯瘦（腳真係冇咁粗喎）灰色就易襯百塔。

選擇恐懼症又來了！攪咗成粒鐘，終於都係擇咗紅色，我嘅衣櫃都係黑白灰居多，一對咁sharp嘅鞋，的確係好突出亮點！Mix & Match 下先～

Mix & Match 1：上班服

平日返工都唔會著得太Hea，因為實在有太多突如其來嘅客要見，所以無論係衣著上、打扮上我都隨時ready，但講真，日日高跟鞋真係會腳都斷架，呢對紅色SlipOn估唔到咗百搭，襯短裙感覺一d都唔causal！

Mix & Match 2：會議/宴會服裝

偶爾都要出席一d conference，有時一企就幾個鐘，所以通常都會揀返對舒服嘅鞋黎著。特別感覺紅色SlipOn同呢條高腰中裙特別襯，仲好顯瘦添！

Mix & Match 3：輕便裝

人生點可以只有工作，趁青春玩多d。今年又去迪士尼玩黑色世界，要跑黎跑去，一對只係舒服嘅鞋又點夠，緊係要著呢對防攰嘅SlipOn。今次襯短褲嘅Causal look，加埋我最愛嘅“Everybody hates me" vest，黃色星星同紅色SlipOn都好夠Sharp。有呢兩個焦點，個人都好似被拉長咗咁呀！

Jipijapa SlipOn係用極軟身嘅羊仔皮造，就算係新鞋都唔刮腳，鞋底仲要加厚咗，好似有cushion護腳咁，玩足全日腳都唔覺攰呢！佢已經被我例為"防攰鞋"，有一對舒服又百搭嘅鞋，原來真係一d都唔難求！

秘密再送上

Mix & Match 4：公主裙

原來Anna條新裙都咁襯，果然真係夠百搭呀，Monge~~~

上Website睇晒全部秋冬款啦，仲有翠如BB"愛是"著比你睇架！

www.jipijapa.com

FB: JipiJapaHK

IG: JIPIJAPAHK

----------------------------------------------
Follow Me on Gi C Life
wengichow@gmail.com

-------------------------------------------

星期二, 9月 22, 2015

第一個海洋公園哈佬喂～膽生毛！

趁仲後生，玩多d，呢了證明自己"唔係老咗"!

等咗咁多年，我終於挑機去海洋公園哈佬喂啦！

今次要多謝Bossini & Chopstick PR 邀請我地黎2015哈佬喂 VIP 日，我就緊係帶埋膽生毛嘅周姍姍一齊玩啦。就算淆底唔玩鬼屋，都起碼可以一齊玩電動游戲!

仲要多謝埋Bossini送黎咁有氣氛嘅哈佬喂妝，從未試過著呢款上衣，王生表示多睇好有新鮮感！哈～你個老婆變身學生妹，你就緊係有新鮮感啦～

話咁快就入黑，哈佬喂要開始啦～

話說d 鬼會周圍走，四出嚇人，我地背對背作戰！！

第一次去哈佬喂，樣樣嘢都好吸引，未ready 好心情去撞鬼，睇下show 先，估佢唔到，又真係幾好睇架喎！

恐怖時刻來了！

(呢個look真係幾有電影feel!)

今年有6間鬼屋，先黎個無咁驚嘅先 ~~血咒哥特古宅

3粒星驚嚇，一d都唔驚，反而好華麗就真。入面嘅裝置真係好靚，當然好有陰深氣氛啦！好正！

另外一間好想去嘅係魔偶凶靈工坊，4粒星，聽聞入面全部都係鬼玩具血牆，有玩開玩具figure嘅一定會好心寒。好似好正咁呀，不過都係時間問題，冇去到呢！！

雖然冇入呢間鬼屋，都幻想如果係我屋企，一隻隻地縛喵變做邪靈，好幾好笑！！

H系... 我呢一世都唔會敢挑機架啦，不過都訪問咗一個玩完出黎嘅朋友，佢係ABC，我問佢驚唔驚，佢話 it depends, cos i dont really understand what he is saying... Hahaha 又係喎，以後我玩外國d鬼屋咪冇咁驚囉！

難得入到嚟，緊係玩下夜機啦，好似又係第一次夜機喎，原來夜晚玩... 一d都唔驚... 好好feel，涼風好舒服！最緊要係唔洗排隊丫麻！哈哈哈！

以前未黎過哈佬喂，會以為佢地嘅鬼怪造型冇咁講究，原來我錯啦，無論係衫定妝，好靚！不禁想行前仔細咁望佢地，講一句... 你好靚呀，辛苦了！

我知，你地係黎嚇我地，但奇怪的我反而行得咁近，你地係咪好無引呢！

呢個造型真係好正，好似Fable 入面d石頭像！

可愛我現代河童，你係咪鐘意食壽司架！

萬聖節又點可以少得Trick or Treat!! 每年屋企都會有小朋友黎拍門，但屋企冇糖，所以次次都扮冇人，趁機對待d 糖返黎，今年派下先！

成績太好啦！！一大包糖！！叻！hahahha

哈佬喂另一重頭人物Doraemon，集埋郵先走啦！

當先地兩個一痴埋，又點會唔發癲丫！低能環節！

講真，今日真係嚇唔夠，plan 下weekend去邊玩個夠先！！

朋友們，nice playing with u all, see u next year!! Bye 呈至尾醫生！！！

撒亞人，我地未老，仲好嚇得下架！！

----------------------------------------------
Follow Me on Gi C Life
wengichow@gmail.com

-------------------------------------------

星期三, 9月 16, 2015

一個盟約~ 一個永恆不變的約定！

3年前，我同妹妹嘅一個永恆不變的約定，永遠都唔可以嬲對方，姊妹間要永遠的相親相愛。
每次嬲，只要摸一摸耳上穿有的鐵珠～戾氣全消～
3年前的約定 http://www.weshare.hk/WengiChow/articles/4627

3年已過，原來… 已經3年，時間過得真係快，仲記得我地決定穿耳個日嘅情景。當然，呢3年，你問我地有冇嗌過交？當然有啦，有冇嬲過？當然有啦，不過我地依然如膠似漆。

而個記號呢？依然安好係度。

眾所周知，我係一個大懶人，其實我並沒有特別去照顧耳上嘅皮膚，耳環亦冇長期帶住，亦都冇刻意去帶防敏感嘅耳環。（其實其他耳窿成日都有發炎，連我第一對係6歲個陣打嘅耳窿周不時都有發炎情況）

而我呢個耳窿呢幾年間都冇埋過亦冇發炎困擾，一切都要歸功於MaBelle嘅專業穿耳服務～
講返我對每一個穿耳過程中嘅細節先，雖然自己穿耳已經過咗3年，但期間我都有陪過朋友穿耳，所以全個過程，我都真係經歷過起碼有4－5次。

專業技師－我兩個耳窿隔得好埋，如果要打第3個係有一定難度。記得我打個陣，穿耳師同我一齊討論第3個要點打好，仲好細心咁同我分析距離幾多先好睇之類。另外，我有朋友耳珠好細，穿耳師好刻意地將耳窿打斜少少，等日後帶耳環唔會向下鐩得太多。呢d咪就係專業囉～

過程講解－穿耳都有短片睇，話晒比你聽個過程同護理要注意嘅事，真係好細心，其實短片可以直入形象化記憶，比起「聽書」會更加深刻架！

護理服務－呢個服務真係我成日都大讚掛係口邊，係MaBelle穿耳後嘅3個月內，都可以返指定店做護理，一共6次。有一次因為我唔小心勾到初穿嘅耳環攪到流血，當時行緊街，係唔知點好嘅情況下，我是旦去咗最近嘅一間MaBelle，店長真係好好，破例幫我check-up同護理加急救，我個耳窿先可以安好到依家咋～

近排，因為工作同生活壓力好大，身體又開始生壓力濕疹，其實一路都有生架，多數係d手手腳腳，近幾個月開始生係頸同髮邊，仲誇張到去埋耳珠添，攪到我成日都好痕又不停抓，抓抓下就…… 耳珠就變得好'Juicy' 仲有d.....味道