返工唔著高跟鞋，平底襯出時尚Look~ JipiJapa Loafers

分享完JipiJapa 新出嘅舒服又好襯嘅Sneaker系列，點可以唔介紹埋最近嘅心頭好JipiJapa Loafers，平底單鞋返工look 都係超易襯～ 有銀白色同藍白色揀，我就揀左藍白色黎襯返我日常嘅返工look，新鞋落地，又係mix & match 嘅時間啦～

JipiJapa 寶藍x銀色編織皮Loafers    $1,290
鞋底都係以軟身為主題，不過就比之前著過嘅slip-on 薄身，即時變返一對欺文嘅返工良伴。
不過唔好以為佢冇咁厚就唔好著，鞋底都係咁舒服，一樣咁保護雙腳～

Mix & Match: 格仔褲文青look
第一眼見到JipiJapa 寶藍x銀色編織皮Loafers，鞋頭小小尖加埋格仔織皮，好有文青感覺，即刻TB一條七分格仔褲返黎，上身襯上黑色襯衫及修身外套，成個look 都好slim 好顯瘦。

Mix & Match: 是日灰灰地

著左上身先知今日個look 咁灰，不過灰得黎都幾得意幾好睇丫～ 配上deep v短襯衫，露出個sexy 小肚子。JipiJapa 寶藍x銀色編織皮Loafers本身有顯修及拉長雙腿嘅效果，配黑白格仔鉛筆褲都唔怕變短腳怪。

Mix & Match: Woman in Black
穿上平日最愛嘅ALL BLACK 就最自在啦，但ALL BLACK 得多有時都會攪到個人沉沉地，近期開始襯一d唔同color 嘅外套，打一打個contrast，成個look 就即刻唔同晒～
JipiJapa 寶藍x銀色編織皮Loafers 真係超好襯，同一套衫鞋，襯淺色西裝外套，做出斯文OL Look。襯大紅色中長外套，大方時尚感表露無為。

除左對Sneaker 同Loafers之外，我仲額外入手呢對白色Slip-on, 呢對鞋我真係一見鐘意～ 價錢都冇睇過，期待夏天快d來臨，可以著住佢襯黑色雪紡裙，一定好靚嘅姐～

----------------------------------------------
Follow Me on Gi C Life
wengichow@gmail.com

-------------------------------------------

非常講究的All Day Breakfast ～Zenon Cafe Salon

好友從澳回來，兩年冇見到真係要搵個地方，靜靜又舒服嘅，好好一聚！

難得佢返黎，緊係要由我嘅個so-call東道主帶佢去食好嘢，其實都係借佢嚟check off 我個wish list，XDXD

中環呢間門口寫住"Salon" 嘅cafe，我一直都好想去，就係因為比佢個名吸引。

下午2點，人唔多，不過佢地都似係d自由人，一人一notebook，旁邊一杯coffee，好寫意嘅工作環境！大家都靜靜地工作，留下嘅只有餐廳播放緊嘅音樂，好好feel 呀！同時我地三個都即刻欺文晒，講嘢都唔敢太大聲！

次次經過都會係門口裝下裝下究竟入面係點，同Salon 有乜關係？原來呢度嘅二樓係一間Hair Salon，唔怪得呢度咁多Barbershop嘅裝飾啦

講返嘢食飯，呢度以All Day Breakfast，Waffle，sandwiches，salad 等輕食為主。Drink menu 反而好豐富，晚上仲有Wine list 同Cigar，好high class 嘅Lifestyle！

呢度嘅Coffee來源好獨特，店長介紹豆係每星期由意大利咖啡園炒起再空運到香港，同平時本地炒嘅豆好唔同。咖啡豆我唔係好識，不過入到口我就識我分啦，果然好唔同，就算係加咗奶，咖啡本身嘅香濃味都冇減少到，甜味亦都好獨特，質感好滑口，飲完舌頭平和好舒服。咖啡控，必試，包你有另一返感受！

試下呢度嘅signature All Day Breakfast。今次係我試過最冇「致癌感」嘅AllDay，平常食嘅AllDay大都只不過係將加工制品煮熟再上碟，今次的確係有成意得多！

Bacon 外貌同一般煙肉真係冇異，但其實佢係仿加工制品。用鹽soak過嘅黑毛豬肉，上碟前輕輕慢煎熟，確保肉質新鮮，睇上去同咪道就真係似煙肉，但口感就以煎過嘅豬肩肉，好fresh 好juicy 呀！

Turkey 外貌有冇似足蘿蔔糕?實則係火雞扒，選取火雞胸同上肶肉製成。友人係唔食火雞專員，佢最討厭又乾又鞋嘅肉。等佢食完一口之後先講係火雞，佢仲以為我地玩佢添，火雞扒真係好嫩，口感似tuna，味道又有d似pork，好好味！！！

Waffle 實不相瞞，今日係衝著waffle 而來的，聽聞呢度嘅Waffle 烤得好好，外脆內軟，果然冇令我失望～ 就算唔係即烤即食，掛住吹水後再食埋餘下涼左嘅半塊，Waffle 外層依然係脆口架。上面嘅藍莓仲好甜好新鮮，食得出嘅講究～

Omelette 一切開，入面流心蛋漿要湧出黎啦，蛋味好香濃，比平常食開名貴一點嘅農場蛋/走地雞蛋更加香濃，鐘意食蛋嘅，呢個Omelette 真要一試~

Sausage 雖然味道濃左小小，不過呢因為係芝士腸嘅關係，仲要係一切開就睇到大大舊芝士，一d都唔欺場，芝士味好香濃，夠酥夠好味～

Zenon Café (中環)

地址 : 中環威靈頓街86號地舖

電話 : 3425 4488

網址 : http://www.openrice.com/hongkong/restaurant/中環-zenon-cafe/441426

----------------------------------------------
Follow Me on Gi C Life
wengichow@gmail.com

-------------------------------------------

3條牛仔褲襯出3個不同造型～JipiJapa 超輕底Sneaker

自從舊年開始接觸JipiJapa Slip-on 之後，我深深地愛上左平底單鞋，舒服自在，方便一穿上腳就行得，仲有一個好大嘅改善係，冇著高跟鞋一排，膝頭真係冇痛啦～

呢日去到JipiJapa VIP day, 一次過睇晒佢最新推出嘅平底鞋，除外slip-on 之外，仲推出左Sneaker系列添～ 

VIP day 通常都係敗家日，想洗錢嘅衝動比平時大好多～ 唔洗10分鐘就睇中左2對鞋，其中一對就係以下Jipi Japa 深藍色Floral Print超輕底Sneakers  $1,390

就咁單睇仲以為佢好難襯，點知穿左上腳我就唔想除啦，鞋底好輕巧，好supportive好舒服，仲有顯瘦效果喎～ 嘻嘻，有新鞋又係mix & match 嘅時候～

雖然，我覺得呢對Sneaker 同黎襯one piece 中裙都幾好睇(上），不過佢始終都係一對Sneaker, 不如就黎個全下班look 嘅 Causal Wear 啦～ 咁啱新入手兩條American Eagle Jeans, 新衫緊係要襯盡佢！

Friday Mix & Match 深藍破爛牛仔褲 Causal Look

Happy Friday 要著得舒服一d，一件長恤衫，加黑色外套，襯上深藍破爛牛仔褲，返工都唔會太Causal，襯上Jipi Japa 深藍色Floral Print超輕底Sneakers，同漸深色嘅牛仔褲做出一個完美嘅gradient，襯到絕呀～ 鞋上銀色反光detail位點綴左另成個look，再多加一點Causal 輕鬆感覺。

Saturday Mix & Match 淺藍色露膝牛仔褲加雪紡上衣行街Look

星期六行街街就要打扮一下，呢條淺藍色露膝牛仔褲有印花係上面好靚架，同Jipi Japa 深藍色Floral Print超輕底Sneakers嘅宇宙pattern 有d 互相輝映咁。鞋上detail位highlight 在腳嘅部份，就算淺褲襯深色鞋都唔會有太沉重嘅感覺～

Sunday Mix & Match 單色牛仔褲T-Shirt 街坊Look

好一個街坊look，假日一條老牛，一件T-Shirt, 一件Jumper外套，襯埋Jipi Japa 深藍色Floral Print超輕底Sneakers，一穿上腳就行得，星期日出街食早餐，hea 得黎帶一點details，即刻冇咁師奶啦~ 

Thank you JipiJapa 請我黎VIP Day, 開心放下幾兩，買到心頭好真係爽呀～ 

另外仲買左對白色slip-on，真係好靚架，不過呢排成日落雨，幾時先可以著新鞋呀？？

----------------------------------------------
Follow Me on Gi C Life
wengichow@gmail.com

-------------------------------------------

怕黑就要用啱嘅防曬 La Roche-Posay UVIDEA XL 每日高效BB霜

今年夏天遲遲都未到，太陽伯伯更加日日唔見人～ 好啦，把心一橫，不如試一試今個夏天唔曬黑，做一次白面豬啦。有頭髮邊個想做..... 講呢d，我都唔係十八廿二啦，再曬到咁黑皮膚都頂唔順啦，喺面上雀斑未完全跳躍，皺紋未起飛前，要徹底地防禦一下。

平常用嘅精華面霜都有齊美白補水功能，BB Cream 都用有防曬高的。以為自己已經做足準備，但最緊要個樣防UV 竟然冇care 到?!?! OMG, unacceptable!!!!

唔講都唔知，原來UV有分UVB，UVA，及長波UVA 咁多種，分別對皮膚有不同程度嘅影響。

UVB－波長較短，停留於皮膚表皮層，會導致皮膚曬黑，甚至曬傷。

UVA－波長較長，可穿透表皮層到達真皮，破壞皮膚彈性及膠原蛋白纖維，導致衰老及色斑問題產生。

長波UVA －則波長最長嘅UVA，對皮膚帶來嘅傷害亦係最具破壞性嘅。

前幾年我一直唔怕曬黑只怕出斑，誤打誤撞下用對了UVA，但因為長波UVA 嘅傷害實在太厲害，種係有1－2粒雀斑避開防禦，跳到皮膚表面呢。要一支連長波UVA 都可以防禦到，又有修護補水功能嘅BB Cream, 難？咁又未必～

LA ROCHE-POSAY 最新出嘅UVIDEA XL BB 每日高效BB霜就有呢個深度UVA 防曬功能啦， 有SPF50防護，預防皮膚曬紅曬傷，PA仲去到4個加咁多，雀斑想跳出黎都幾難啦。 除左抗UV、防色斑、防光老化外，BB Cream 亦特別加入LA ROCHE-POSAY抗敏溫泉水，有效能舒緩鎮靜皮膚，改善強健膚質，減少敏感反應，全面做到低敏，抗污染，抗氧化，保濕，係一支有護膚功能嘅BB Cream!

UVIDEA XL BB 每日高效BB霜 SPF50 / PPD34 / PA++++
$290 / 30ML (3種調色)

咪住先，就算講到識飛咁就要質地夠貼夠薄先啱夏天用架，等我試一試先。
先放小小上手背，待兩分鐘，邊旁位置嘅BB Cream 開始有水化嘅即象，水潤分子率先滋潤皮膚，讚！

推開時有小小杰身，要輕輕一點點細範圍推開，否則就會卡皮膚，順滑度未有乳霜般滑，但可以接受。

上完全面唔會有焗束感，皮膚感覺幾輕鬆，零負擔！遮瑕度亦都要錯，一般皮膚上嘅不均勻及瑕疵都唔會難到佢，黑眼圈、暗黃，睇睇我嘅左邊面，只用佢一支已經可以均勻膚色。

過左半日，lunch time 時個妝都仲keep 得幾好，依舊唔似有打底，皮膚感覺持續水潤。油光的確係有小小，始終大半日早上都喺冷氣房內，但出油度算可以接受。

BB Cream本身亦不會阻塞毛孔，所以只要基本清理在面上灰塵，我就好放心咁補一補防曬，為我下晝外出工作準備一下。補妝同時補埋水，成個人精神晒，見客都不失儀啦～

----------------------------------------------
Follow Me on Gi C Life
wengichow@gmail.com

-------------------------------------------