估佢唔到咁好burn，做運動都可以好舒服~ 嘆玩Velocity Aquabike Studio香港首間水療單車運動中心

喺水中做運動相信大家一定有聽過，不過原來唔單只係物理治療用，一般健美用途都啱，效果仲好好添~
我咁鐘意做運動，又點可以唔去全亞洲第一間水療單車中心去潮聖一下呀！

「Velocity 認為每一個人都可活得健康和精彩。」呢個我buy~ 仲要每個人對"健康" 同 "精彩"嘅定義都唔同，我係比較嚴苛嘅，所以踏入呢個門時都心想，都唔會有d咩intensive效果架啦，舒服得嘅運動通常都唔會太burn fat 架啦。 點知....

先賣個關子先，今日我就係會坐喺呢個太tub入面踩單車。

單車一向都唔係我運動list 入面，真嘅單車我唔識踩，健身單車又會做到小腿粗大腿實。所以我都幾避玩健身單車架。

加咗水又會有d 咩唔同呢?

水療單車結合咗水中運動同水療按摩，一邊踩單車時，Jacuzzi tub 兩側嘅噴射，可以幫我一邊運動，一邊按摩，肌肉同一時間做到2種刺激，做帶氧運動燒脂同時舒暢緊張肌肉，唔怕踩單車到大腿小腿肌肉一舊舊，同時都可達至瘦身纖體、煥膚排毒、消除疲勞效果。

健身艙total 有26個水療按摩式噴射頭，水柱focus 噴射腰部、腿部同臀部，舒緩肌肉之餘，仲有效促進血液及淋巴循環，並能改善橙皮紋及大腿贅肉問題。

前後、左右嘅噴射度同單車嘅阻力都可以自己效。連tub 入面嘅色都有得揀，至緊要係當下自我感覺良好最緊要~~ 

貼返我做事誇張嘅性格~ 黎個最大噴射力丫唔該~

阻力唔夠大喎，等我用手制control 加大個阻架先~ 

當然，唔想煩咁多，都可以揀預設program 一個制開始~

本身以為會好悶架，原來有水噴噴下又幾過引喎，

出最平常做運動嘅力，去認真踩，反正都係做運動，有得做梗係唔好嘥~ 

剛落水個下係有少少凍架，大約廿幾度水啦，真係忍唔到都可加小小熱水，但都係自身產熱個燒脂效果會最好啦~ 

我真係好認真咁踩架，真係有汗出架~

水療單車原自法國，係當地大熱嘅新派運動，

佢嘅功效比傳統單車更有效，可減低關節磨損，水嘅阻水仲可以加強心肺功能、減少腿部水腫等。健身艙嘅水仲要係特別嘅高含氧水，對皮膚排毒、提亮色澤都好有幫助架。

每一part 30分鐘，我一共burn 左515kcal，成績唔錯，做完都唔覺攰，估唔到水療單車都幾好玩又舒服，如果我係cwb 返工，我一定至少一個星期3次lunch time 過黎做運動！

呢度都有相人房，可以孖住姊妹黎做運動~ 

嘻嘻，不過我都係prefer 運動自己做多d!~~

完成30分鐘，仲未夠喉? 除咗可以加碼做多一part 外， 都可以試一試日式桑拿。

桑拿設計到成個太空倉咁，設計同製造都係源自法國，採用最新紅外線水療技術，可分腳、胸、背等局部調節溫度刺激身體自然淨化，排走毒素、增強免疫系統、塑身及更新細胞。一part 30分鐘，就可以做到排毒、瘦身、抗衰老三大功效。天然凍，做完水上單車再加個日式桑拿relax 下，加倍排水排毒，全身暖晒。

每次做完帶氧運動，如果時間許可我都會去clubhouse焗下身，加強身體溫度，延長afterburn時間~ 加上我呢D 血氣麻麻嘅人，就算做完運動都可能係凍冰冰，焗下身，加強循環，排多d汗水，幫助燒脂排毒~ 真係排到好多汗呀~

呢度環境唔會太大，可以keep住高度privacy。不過設備就好完善啦，locker、shower、毛巾、風筒等設備都有設晒，做完運動可以執返個樣先走啦~

Velocity都有好幾個不同嘅合作partner，有按摩、美容、營養師、健康飲品等等。想幫自己plan 出最合適嘅健美計劃，就唔洗四周滕啦~ 

唔講咁多啦，我繼續努力先~ 

Thanks Velocity~~ 

銅鑼灣晏東街 Oliv 14 樓 

電話：2110 - 4460 

www.velocitystudio.hk

https://www.facebook.com/velocityhk/

----------------------------------------------
Follow Me on Gi C Life
wengichow@gmail.com

-------------------------------------------

秋冬進寶好時機~ 敏感肌護理編 La Roche-Posay Toleriane

來到轉季天氣，無論身體同皮膚都要進補！講到皮膚進補，我就最拿手架啦 (我指只係take care 自己嘅皮膚）先由簡單護理入手，轉季天皮膚最易敏感，就連平時皮膚修復勁高嘅我，有時都會敵不過乾燥寒風，呢個時候，低敏嘅護膚品又點少得！

La Roche-Posay全新推出TOLERIANE ULTRA抗敏全效修護系列，早晚雙重修護，全天侯抑制敏感狀況。產品零防腐劑、零香料、零酒精、零色素等等容易令肌膚敏感嘅致敏源200%被導絕，同時亦都含活胜聚合肽，有抗發炎作用，舒緩改善已發生嘅皮膚敏感症狀。我嘅濕疹皮膚有救啦！

ps. 我d濕疹最鐘意生係髮根d鬼鼠位，痕得我呢～～

早上用清爽d嘅
TOLERIANE ULTRA 抗敏全效修護面霜 (潤質感)

$290/40ml

每款LRP產品都含有皇牌溫泉水，抗敏全效修護面霜當然都唔例外，配合無添加簡約配方，抵抗敏感之餘仲具舒緩及抗自由基功效，有效抑制因發炎癥狀而引起的敏感，同時為肌膚打氣補水，令自我保護屏障得到修復，敏感肌膚都可以變返柔軟滋潤。

質地清爽，輕輕一推就能均勻塗抺肌膚，吸收之快，潤而不膩，不為肌膚帶來額外負擔。

另一支

TOLERIANE ULTRA OVERNIGHT抗敏全效晚間修護面霜$290/40ml 

質地較滋潤，適合晚間使用。

同樣有舒敏、淨化、修護功能，無添加配方嘅overnight修護，第二朝敏感症狀會大大舒緩。晚霜額外仲加入肌鈦及維他命E，有助中和自由基，排毒、抗氧，滋潤、柔滑皮膚，防止敏感惡化。

晚霜較日霜滋潤多d，對於極乾皮膚，呢個晚霜用作日間重點修護，滋潤肌膚整更都咁舒服！特別乾燥日子，用佢我就覺得剛剛好啦。

另外，呢兩支孖寶嘅包裝設計都不容忽視架，
採用100% Airtight 密封式無菌包裝設計，講真嘅雖然我唔識呢個科技，但就講個瓶蓋已經有成 15 個parts 咁多，全密封包裝設計，唔擔心產品受污染，排除所有所有可能造成過敏的刺激物，確保產品零污染！

冬天有咗呢對孖寶做保護，touch wood 敏感發作都唔怕啦~
Thanks, 產品由La Roche-Posay提供。

#LaRochePosayHKSponsored #larocheposayhk #abetterlifeforsensitiveskin #toleriane #ultraovernight

----------------------------------------------
Follow Me on Gi C Life
wengichow@gmail.com

-------------------------------------------

今個冬天火辣辣暖粒粒地V面纖體~ 韓國大熱PPC神纖油

大家都知道我為咗keep fit 可以去得好盡，瘋狂運動、跟餐單、食supplement、用纖體膏，無所不用其極。記得多年前用過舊公司嘅一支PPC油瘦面真係好work，但因為係美容中心做treatment用嘅精華，所以每次要補貨都好唔方便，近期終於比我遇返佢啦，新朋友仲多左好多功效添！（其實人地係萬寧賣咗好耐，只係我呢d大鄉里冇留意）

回顧舊文
這一年，我們一起追的 Jimmy - Gi 的瘦面之旅
Happily ever after - Gi 的Botox瘦面之旅 (二) @ Pretty Medical

面型呢d嘢都係天生嘅，不過依家科技發達，微整treatment已經好common，貪靚嘅一定都會試下，加上我比較敢試，試完返，靚晒，當然好想keep得耐d 啦！所以治療後嘅保養功夫一d 都唔可以懶！

PPC神纖油係來自韓國嘅燃脂纖顏纖體產品，分面同身體兩款, 先來介紹一下面部用嘅「PPC纖顏V熱精華」 (50ml) $360



PPC - Phosphatidylcholine，我識佢叫卵磷脂，係一個有燃脂功效嘅醫學成份，稱磷脂塑鹼。塗抹後會發熱，集中燃燒包包面下嘅多餘脂肪。促進肌底循環代謝，減少囤積水分，有助緊致肌膚，改善浮腫，重塑V-Shape 輪廓～

緊膚藻精華 Pepha® Tight，以肉毒桿菌原理，針對咀嚼肌位置嘅肌膚，軟化繃緊肌肉，同時刺激膠原bb增加彈性，纖面同時護膚。

對得多醫生產品，都知道六胜肽 Acetyl Hexapeptide-8  有效對抗細紋，按摩完面再推少少喺頸，纖顏同時順面淡埋d 頸紋先~

用法好簡單，完成基本護膚後再加「PPC纖顏V熱精華」，配合V Shape 三部按摩手法更可加強V Shape 效果，排毒去水腫，促進面部血液循環同彈性！

V-Shape 自家3部按摩手法：
1. 將適量精華分別塗於兩邊下顎至頸部位置，並於每個位置輕按10秒。
2. 用食指及中指擺出V字手勢，食指放在面部，中指則要緊貼下顎輪廓位置。
3. 用V字手勢從下巴朝耳朵方向輕力推上，然後用力夾住耳朵。此套動作請於每邊重複5次以收最佳效果。

我就係咁好乖跟住盒上嘅說明按摩，不過就未去到咁勤力早晚都用，我都係集中晚上用多。keep 住daily 用咗2星期，面珠的確冇咁易積水，仲firm 咗彈咗添~

另外要介紹，就係我更偏愛嘅 「PPC 燃脂精華油 (50ml) $350

PPC 燃脂精華油含大熱溶脂針成分，針對大範圍及深層d 嘅脂肪，亦佢嘅成份比纖顏精華更加豐富，除獨有嘅PPC以外，仲配合咗兩大醫學塑身成份左旋肉鹼&脫氧膽酸鈉(S.D.)，加速局部燃脂效果，排毒去水腫。



嶄新三大醫學燃脂組合
磷脂膽鹼(PPC)從天然大豆中提取，當中含有卵磷脂(Lecitine)、亞麻酸(Linolenic Acid)、油酸(Oleic Acid)及亞油酸(Linoleic acid)，成份絕對天然安全主要用作追擊並破壞脂肪酵素，趕走三酸甘油脂
左旋肉鹼（L-Carnitine）：由胺基酸組成，對脂肪細胞之新陳代謝其中一項重要原素
脫氧膽酸鈉（Sodium Deoxycholate）：加速釋放及燃燒脂肪，改善及減少橙皮紋



PPC燃脂精華同樣都係透明油狀，習慣早晚沖涼後都會係肚、腰、大腿、patpat同膝蓋對上位置按摩。用後30秒左右就會由皮膚入面熱出黎，呢個比纖面精華熱好多，所以份量真係要睇個人，會慶到紅同痕，不過都係正常嘅反應黎嘅！

晚上我鐘意就咁用佢黎按摩，按到慶合合暖粒粒會好瞓好多，預防因手凍腳凍瞓唔著，再加埋纖體襪就唔怕油粘到床單，(呢個只係個人hard core 用法，有可能會引起不適，請先考慮再試)

早上，做運動多數都會暖暖地，我會將晚上用嘅一半份量(其實都有3泵) 加入body cream 一齊用，都有暖嘅效果但又未至於太熱，出街返工都唔怕會唔舒服，呢排天氣涼涼地，用完真係好舒服呢！

效果來了, 我最care 就係呢個大腿內側位，剛好呢2個星期我跟緊營養師餐單唔適合做運動，冇跑步所以肌肉都冇咁實，趁機努力按摩，以下係用咗1個星期後嘅效果，足足細了1/8吋，約0.3cm，估唔到效果咁快就見得到~ 皮膚亦都firm 左有彈性！

我留意到萬寧定期都會做特價，等下次discount 我再入貨先~~

Thanks to PPC 神纖油
http://www.pharmera.com.hk/hk/
https://www.facebook.com/PPCKorea/

----------------------------------------------
Follow Me on Gi C Life
wengichow@gmail.com

-------------------------------------------