香薰運用 之 吸入法 (1) - 香枝/ 香薰碟 / 手帕 / 香薰催化爐

記得第一次接觸香薰係16-7歲時.

朋友家中養左隻金毛同husky, 不過家中一d狗味都冇. 只有一陣陣既香氣.

原來朋友點左香薰,
開頭只見佢係香薰爐上加水同幾點油, 下面再點火..咁簡單?? 我又試下先.

去左body shop
買左一枝香香地既, 當時連佢係咩作用都冇理, 只要香就得啦.

經過呢個第一次,
我就開始中左毒咁... 愛上左香薰, 不停睇書研究

 

香薰運用既方法有好多種,

不過運用時都要好小心,
因為香薰始終都係有小小醫療上既用途.  

最普遍同熱門既有以下既個方法有吸入, 浸浴同按摩.

今日先講吸入 (新手都可以試下架)

吸入

1. 香枝/ 香薰碟
/ 手帕 / 香薰催化爐

香枝用法好簡單,
只係去SHOP 買喜歡既味道, 直接放係家中任何一個地方, 香薰會由香枝中揮發.

亦有香薰店設計左一D可以直接將香棒放入精油中等佢慢慢揮法. (大家可以去Durance 睇下,
買個放係床頭很好唷)

要注意既係.
香枝揮發既範圍好細, 比較適合係細房用, 記得香枝要定期更換唷~

香薰催化爐都係直接放係你喜歡既味道於家中任何一個地方. 揮發範圍比香枝大.
好多boutique仔都發用催化爐. 只係玩香味, 冇任何治療用途.

 

香薰碟同手帕就最方便,
直接將1-2精油滴上去就可以啦. 不過相對揮發範圍好細, 適合床頭及桌面用. 香味亦只會keep到半小時左右.

我最鐘意就係將2滴已經blend好既精油 (薰衣草+玫瑰+甜橙) 睡前點係香薰碟上, 好relax架~~ (香薰碟同blend好既薰衣草+玫瑰+甜橙可以係無印搵到)

2 .
蒸氣

其實即係蒸面咁.. 不過係熱水中加入3-4滴精油, 慢慢呼吸,
等氣管同皮膚都可以好好吸收

大家可以加入一d對皮膚好既精油,
亦可以用一d對氣管有利既精油..

注意蒸面時間唔好太長呀~  

 

<太多字, 怕悶親大家.... 所以請睇"香薰運用 之  吸入法 (2) 香薰燈"
>

我的眼眉重生記

我一向都知我自己條眉唔係人咁品.

1. 冇眉型, 眉峰生係中間位.

2. 稀疏

3. 亂, 雜毛多

 

係我個人生入面, 我不停尋找一個識得修我條眉同一個識得畫我條眉既人.

皇天不負有心人, 數個月前我認識左ivy 老師, 佢既巧手將我一條衰眉畫得好靚..

可惜, 資質差, 畫極都唔好... (曾經當過友人既model, 當時ivy老師同佢講 '如果你畫得好阿gi堂眉你就pass')

所以一定要搵到一個好人幫我修靚條眉, 方便自己畫..

 

我試過既地方..

1. Clinique - BA冇信心, 只修左雜毛...

2. Bobbi Brown - 佢地一般作風 '你要keep住黎我先可以幫到你修返個型架wor', 6次過後, 不外如事.. 我都唔知佢修左d乜.

3. Shiseido - 曾經有一個ba好用心去修, 修得好好, 不過事後佢唔見左. 同埋我唔鐘意佢地用剃刀.

4. IPSA - 堅想鬧爆, 重衰過D只修雜毛既BA. 佢修到我堂眉好幼, 好DUP. 唔知佢想點, 之前佢重要比個好滿意既樣我. 死未~

** 不能盡錄 **

 

今次敗金帶左我去MAC

事實上, 係未認識敗金之前, 我係對MAC好有偏見.

因為我有過非常唔開心既經歷. 一個有關於佢地既粉餅同BA之間既事.

事間數年, 我重好記得當年既情景.

耐何佢地既彩妝又真係好靚, 敗金成日又落藥. =.="

所以依家去mac既心態係

1. 唔會自己去.

2. 減小一切會同佢地d BA有直接聯繫既活動

 

2個月前, 比IXXA既BA修衰左我堂眉之後 (火屎!!!!!!!) 我不得不跟敗金去MAC修眉.

睇下阿至愛攪唔攪得我掂都好~~ 同行既重有k ~~ k份人好得意~

 

至愛小姐用心地幫我修修修, 好靚呀~~

k 用 '成個人都輕左' 黎形容修後感, 我都要用'成個靈魂都返左黎呀' 黎襯返佢先.

佢亦好體貼地教我畫, 好方便咁只係用眉粉加色同加尾已經OK, 好快, 好方便 (係要修得夠靚先至唔洗點畫啦~~)

至愛小姐亦係我遇到最好MAC BA,

所以就算幾遠都好, 我諗我都會搵返至愛小姐~

我唔係HARD SELL 啦, 效果你地自己睇啦...

 

原貌.. (嚇人....)

 

修好後的第一張相

第2日自己畫, 都畫得唔錯丫~

我份人好衰..... 你點對我, 我點對你....

下面係IXXA幫我修既眉... 我自己已經加粗左... DUP成咁都唔知點畫, 長度又唔修!!!! (鬧爆)

雖然個眼妝自己覺得唔錯... 不過因為堂眉.. 我過唔到自己 ><

My NailArt: 蕉上的波兒

究竟係蕉黃色定係芒果黃定係檸檬黃???? 唉~ 靚就得啦.
今之用左新入既opi 黃色(名字後補), 係我特別購入去迎接夏天架..
不過因為小小問題, 搞到夏天過左一大半先收到.
一收到就急不及待要寵幸下佢先啦.

日前係magazine上睇到一個用黃色+白點既設計. 係一半白一半黃, 再係黃邊加上白點, 覺得幾好睇..
靈光一閃, 就有今次呢個design 啦~..

今次既idea 主要係nude甲上帶有小小清新既感覺. (magazine 原用的對我黎講太過活潑啦...)
所以今次用既功具有....
左: OPI NLH19 passion 我至愛既健康色
中: OPI (名字後補) 清新的蕉黃/芒果黃/檸檬黃 @@
右: CANMAKE Colorful NAIL 白色. 我愈來愈愛呢支, 因為佢夠杰, 點出黎D波波好實在, 重有3D效果
下: 波波棒終於出場.. 買左佢到依家都用過好多次, 不過都唔太滿意. 經過多次練習, 終於捉到個技巧啦..

出左界小小TIM, 唔好介意:

1. 先用PASSION 上一層作底色. 令指甲睇起黎健康D

2. 用黃色打斜咁畫2層, 個邊畫得唔齊都唔緊要架. 因為一陣可以用D波波遮住

3. 用波波棒配合力度點出由小到大既波點, 我習慣先將小小甲油滴上紙上, 用波波棒垂直點甲油, 咁點出黎既波波就會好圓架啦~~

4. 上埋TOP COAT, 就PERFECT啦~~

之後亦有同網友討論過其實呢個pattern 可以配何好多唔用既色.
下次就想用黑底,血紅斜紋上點上黑紅點.. 好有魔鬼feel呀, 萬聖節之選.

謝謝收看.

Oreo Cheese Cake

星期六約左家人唱k, 唱k前見有小小時間, 就去左蛋糕專門店逛逛.

平常除左行化妝專櫃之外, 最易令我破產既地方就一定係蛋糕專門店.

所以, '無事不能進' 邊句話就常常掛係打令咀邊..

今次去, 其實只係想買返之前比左同事果一包orea 餅乾粉.

我比較鐘意買定放係屋企, 因為我永遠都唔知我幾時我會痴起條根想整野食.

估唔到今日買完, 聽日又即整啦...

 

事原係咁, 早係星期五晚, 我已邀請左王媽黎sleep over 再一齊得蘇絲黃dvd.

而係晚飯中, 大王唔知痴左邊條根又一定要入黎探我地... (我唔知2個男人講緊咩topic @@) 

飯後因為食得太飽, 所以眼前雪櫃既甜品都係'得個睇字'.

所以, 寄言聽日家中咁齊人, 我就整個cake啦~

 

OREO CHEESE CAKE 係我跟本呢本食譜整既.

呢本係我至愛既蛋糕食譜, 因為入面既材料分量好啱我口味, 甜度同濃度都好啱~

我之前常整既芒果CHEESE CAKE 同藍莓益力多CHEESE CAKE都係出自呢本食譜.

佢先後出左2本, 我2本都有買~

 

原身既食譜係有埋香蕉既,

不過因為王媽同大王都唔多好蕉, 所以我就試下唔要蕉係點啦~

影個原譜比大家睇 (懶得打)

整左都唔洗一個鐘~ 全因為我買左餅碎, OREO 咁硬, 我一定唔會自己'中'碎佢地既.

2個鐘後, 大王黎到, 時間啱啱好~ 食得LU~

味道唔錯, 今次用左雪印cream cheese, 芝士味唔夠濃.. 家人就鐘意, 我就麻麻, 因為我係芝士怪~~

個Oreo 餅底好甜, 如果芝士味濃d配埋呢個甜度就perfect啦.

over all, 好香~ 幾好食, 不至於鐘意啦.. 唔會encore, 因為oreo 好甜.....

始終都係鐘意麥維他餅底既cheese cake多d~

 

謝謝收看~

送給親愛的妳們: 香薰記~ (下期預告: 香薰應用)

認識我既都知我係香薰迷, 迷既程度去到有咩都滴2滴香薰先用.

Face Cream , body lotion, mask, bath, 時時都點著香薰令屋企香噴噴.

有時亦會係自己既公仔上面or 枕頭上滴小小油等佢地都香香地, 又會令自己好瞓d~

 

最近身邊姐妹都受左我既影響, 對香薰好有興趣.

所以我搵左好多資料, 簡單綜合左以下幾種香薰既用處. (亦係我偏愛既香薰唷~)

 

不過大家用之前都要小心唷, 因為100% 純精油係唔可以直接用係皮膚上, 要先用底油稀釋先好運用呀. 或每次加1-2滴用面霜/面膜亦可~

 

如要係家中燃點, 要小心火種呀~ 確保空氣流通. 我就係用電香薰爐既, 因為上次差ｄ火觸呀~ 只係盤中加入8成水再加入5-8滴香薰 (視乎房間大小) 建議買大盤既香薰爐.

無印有賣一粒碟片咁既野, 好好用, 滴3滴係上面放係睡房, 成房都香噴噴. 我習慣睡前點薰衣草+玫瑰+甜橙, 真係好RELAX, 好好瞓~

 

調配香薰時亦要小心, 因為唔係每隻香薰都可以mix既~ 為免中毒, 初學者先問一問BA, 或每次只用一款油好啦~

 

以下提及既精油有: 檸檬、薑花、橙花、茉莉、依蘭依蘭、玫瑰、西柚、乳香、薰衣草、天竺葵、佛手柑、檸檬草、迷迭香、檀香、薄荷、甜橙

提昇情緒的香薰

情緒低落: 橙花、茉莉、依蘭依蘭、玫瑰、西柚、蜜柑、乳香、薰衣草、天竺葵、甜橙

焦躁: 橙花、依蘭、薰衣草

精神集中: 檸檬、薑花、依蘭依蘭、佛手柑、檸檬草、迷迭香

增強記憶力: 薑花、檸檬、西柚、迷迭香

增強自信:  西柚、茉莉、薑花、佛手柑、迷迭香

性冷感: 玫瑰、依蘭依蘭、茉莉、檀香

紓緩身體不適的香薰

失眠: 檀香、薰衣草、天竺葵、甜橙

疲勞: 沒藥

頭痛: 薑花、薰衣草、迷迭香

感冒: 檸檬、乳香、薰衣草、甜橙

傷風咳嗽: 薑花、乳香、沒藥

喉痛: 沒藥、薑花

哮喘、支氣管炎、氣喘、呼吸道感染: 薄荷、沒藥、甜橙

消化不良: 薑花、佛手柑

發覺自己有體臭: 佛手柑

減肥排水減重: 西柚、乳香

肌肉疼痛: 薑花、迷迭香

便秘: 薑花、甜橙

抽筋: 薑花、依蘭依蘭

女士調理身體: 玫瑰

經痛: 薄荷、茉莉

更年期情緒不穩: 茉莉、天竺葵

改善皮膚和髮質的香薰

抗氧化: 茶花和綠茶香薰。

毛孔粗大: 甜橙

抗皺: 玫瑰、甜橙

黑頭、粉刺: 薄荷

暗瘡: 沒藥、茶樹、薰衣草、佛手柑

皮膚敏感: 茉莉、橙花、玫瑰

脫髮: 檸檬、迷迭香

膚色暗淡: 甜橙

其他

驅蟲: 天竺葵、薰衣草

殺菌: 薰衣草、茶樹、檸檬

希望你搵到一支適合你既香薰啦~

預告: 香薰應用

(唔識應用既sis可以等下一篇文唷~)

M.A.C 柔礦迷彩Colour Craft乳白粉紅唇膏

係眾化妝用品中, 我既至愛收藏品可算係唇部產品.

個人認為唇係全個妝既點綴,
如只需淡淡既眼妝或胭脂再加粉紅唇蜜就可以突出到少女味道.

或用較深色既唇膏來突顯貴氣~

就算係同一個妝,
有時亦可以改變唇色或gloosy度去改變妝容風格

 

M.A.C夏季第三波主打「柔礦迷彩Colour Craft」系列中既唇膏當然亦係我既囊中物．

Color Craft
系列主打用萃取於阿爾卑斯山脈礦物水+酵母保濕菁華+24小時人手烘培奢華製作而成.

相信對於唇膏既光澤度, 水潤度及顯色度都會有一定既影響. 

 

LIPSTICK唇膏

零售價 $
125

 

係眾多Color Craft 系列既唇膏中,
我特別揀選乳白粉紅色...

 

其實我一直都好想擁有一支合心水既乳白粉紅色..

當然, 要搵就一d都唔難搵,
好多大牌都會有出近似既顏色.

可惜既係, 佢地既水潤度及顯色度就未能合我心意.

大概係我未遇上,
我用過既大大小小乳白粉紅色唇膏大都要先用concealer來打淡唇身本色,至能突顯出唇膏既顏色.

另或必定要先上護唇膏, 後上唇蜜, 否則唇紋暴現,
龜裂到病人一樣..

 

我先將MAC既COLOUR
CRAFTED試上手比大家睇..

其實上手既第一下已足夠令我尖叫, 真係好好畫~~
感覺好好呀~

就算佢係唇膏, 都可以做到非常GLOSSY既效果~ 讚

顏色亦好靚, 睇上去好GLOSSY, 唔似一般既唇膏咁乾  (MAC 唇膏既風格)

 

好, 上咀睇睇,
為求最真實既試色效果, 我上咀之前係冇擦護唇膏既~

顯色度同象真度都好高. 完全唔雖要用LIP
CONCEALAR打底.

我本身唇色都唔太淺, 而MAC呢支APPLY左係我唇上有咁出色既效果真係讚呀 . 

冇用護唇膏打底都已經好好擦, 一D都唔乾~~  

只係上左一層, D色已經好均勻 ,

MAC既唇膏本身已經幾GLOSSY, 唔上LIP
GLOSS都可以呀.  

MAC 既唇膏我真係好滿意,
再加上一支一直以來都想要既色有如此好效果.

我好開心~~ 終於搵到一支合適又唔貴既乳白粉紅色唇膏啦~

今年書展，看看誰才是「王」道!!

SORRY, 太耐冇UPDATE,
當記錄啦. 因為呢篇一定要係YBLOG出現記底~~

07-26
又到書展啦,
我唔敢自稱'書虫', 比起好多人可以一日KO一本書同埋乜書都睇既, 我只可以話, 我只會對我愛看既書才能提起興趣~

中文唔好, 睇字睇得慢, 冇計啦~~


近年書展我有參與,
為左係要支持大王 - 王貽興啦~

記得上年佢出左5本書, 重要有一本係字典咁厚....

不過左為支持佢, 我都將佢地搬返屋企~

細心閱讀, 有時都會好有共鳴架~

今年大王離開左公仔箱, 專心寫書.
驚人地出左15本.

有D係講愛情, 有D係手繪, 有兒時回憶, 有城中話題, 亦有出勵志書同小說.

雖然唔係每個TOPIC 都係my cup of
tea.
但為左支持佢……

吓???? 傻啦唔係唔係,

冇冇冇, 我冇買晒15本呀, 我只買左12本.

(因為有其他個d我係3樓搵唔到, 唔緊要既, 遲d出去書局買返啦)

圖中












<原來戀愛1> 並唔係書展新書. 不過都有得買, 睇埋出黎係因為我想向大家推呢本, 入面既愛情觀對我黎講好有共鳴呀~~


當然有去搵佢簽名tim 啦~~

如果大家有興趣, 就快d去書展買王貽興既書啦~~

另外, 書展中, 小妹做左一個創舉....

就係同<人扮公仔>影相......

係敗金陪同下, 佢為左同小豆豆影左一張相...

相信連好友敗金都唔知, 我對<人扮公仔>或小丑係有惡懼..

小時係 peter pan...... (唔知大家重記唔記得~ 死, 爆左自己年齡出黎~~~哈哈哈...)

個時可以得2-3歲, 不過我好記得比佢地怕到喊個情景...

到依家, 就算去到disney land, 我都只係離遠咁同d卡通影相~~ (佢唔行埋黎, 我唔驚咁lor)

所以..... 今年書展~~ 我誰才是「王」道!! 哈哈哈~