萬眾期待 嘔心瀝血 -- 28/26 我的瘦身大法

先要多謝咁多美人十卜~~ 實在, 減肥 keep fit 乃女人既終生使命.

而呢個topic 對所有年齡層及階層既美人黎講都係一樣吸引~

 

唔講咁多廢話~ 先比大家睇下我d肥相.... 慘不忍睹.... (本圖並無任何加工, 無拉橫禁扁!!!)

 

肥胖原因...

肥胖原因有好多, 當中賀爾蒙肥胖同水腫相信係為我地帶黎最大既困擾.

賀爾蒙肥胖多數指黎M前既水腫, 亦可能指藥物引致既賀爾蒙失調.

減肥藥就係其中之一, 親身經歷過既有'消X丸', 食個陣係好好, 真係減到好多磅, 腰同坐圍都細左.

點知一停左就黎料啦!!!!!! 腫得好勁~~ 個陣要日日不停飲花茶去水, 直至賀爾蒙功能正常返先冇事呀.

花茶: 玫瑰花+金盞花... 中藥房幾蚊就有一大包, 姐妹們可以share 買~

 

所以, 我真心咁忠告大家, 減肥藥咪亂食, 食個陣你就覺得好好, 過左一陣就開始冇料到, 到你停食左你就知~~ 死.....

如果你食緊既個d係扶助減肥既產品如蟹殼素(控制收油量) 或 酵素, 淨腸瘦 (可令腸道健康), 呢d我就唔會反對既~

其實減肥在於消除體內多途脂肪, 自稱唔洗做運動, 唔洗節食, 淨減個d, 你就要考慮下啦.

始終, 每個人既體質唔到, 人地用左食左work 既產品, 對你黎講可能係無益有害架~ 千萬唔好弄巧成拙呢~

 

我的減肥法...

跑...

其實減肥又真係唔多唔少都要郁下既. 唔講唔覺, 原來我已經keep 住跑左3年架啦.

每星期不少過2次帶氧運動 (如跑步, 游水等) 每次40分鐘. 再加少少weight lifting.

我明白好多sis都擔心會跑粗對腳. 我既心得係.. 慢跑同細步d, 等burn fat 既速度快過train muscle 既速度, 咁就唔會粗腳, 體力亦唔會消耗得咁快, 冇咁辛苦呢~ 你信我啦, 你會愛上跑步的~

如果你係唔能夠跑既人, 就要跑步機既幫手, 試下行上斜丫. set incline 10, speed 6. (剛開始運動既你可以由 incline 9, speed 5 開始) 好work, 排好多汗架~

另一點大家一定要記住, 一定要食完飯先運動.

唔係講笑, 我話就話跑左3年, 頭2年都係跑完先食個便餐, 以為食得輕便d就冇事. sorry 錯晒!!!!!!

呢頭排完水, 個頭就吸收返晒, 體重就係咁keep 住唔減lu.

d肉係firm左, 不過體重就冇減過.. 重要水腫得好勁...灰...

 

食療 - 早餐

身邊有好多減肥既朋友都會skip 餐減肥, 其實我自己都會, 有時唔餓, skip一餐兩餐冇所謂既.

不過就千萬唔好skip 早餐, 感覺上早餐係多餘, 其實佢先係最重要~~

資料顯示, skip 早餐會令新陳代謝律減10%per day, 直接影響卡路里既消耗.

即: 明明運動左100個卡路里, 但實際上只減左90個卡路里, 好唔抵架~~

 

另一主要環節就係食療.. 其實我都提過好多次架啦~~ 就係香蕉早餐減肥法.

http://hk.myblog.yahoo.com/gi-blog/index?l=f&id=23

由磅數減到去126磅之後, 無論點做運動磅數都冇再減過, 但自食左香蕉療法後, 感覺上好似幫我破左中間道牆咁.

食左半個月蕉加運動. 一下只就瘦落黎, 一共drop左7磅, 重完全冇反彈tim~

 

上健身房

練肌肉都係一個幾重要既環節, 就算個人瘦左, 不過d肉鬆泡泡都係唔好睇架麻~

先做25分鐘帶氧運動, 令身體warm up (頭20分鐘係warm up, 打後就開始消脂架啦, 所以盡可能keep 到45分鐘啦)

再針對身體部位去做出唔同既training, 每次4set, 每set 20下. 每set中間可以休息半分鐘.

下面係我常做既training, 因為club house 唔可以影相, 我只可以係屋企demo比大家睇. ^^

先要準備一個1kg既啞令/或注滿水既樽都可以, 慢慢可以加到1.5kg 的, 我平日係gym 就係用1.5kg 架啦~

見圖識字, 好簡單~~

腹部training 我就會扭呼拉圈, 我唔善於sit up, 次次用既力都唔啱 =.=" 好易扭傷架.

扭呼拉圈時, 動作向前後都可以train 到腹肌, 向左右就可以減鬼祟肉

大脾同pat pat就更加易, 睇住宮心計黎做唔知會唔會好d架呢~~

要記住先令肌肉warm up 再做training 呀, 效果會好d架~~ (沖涼都可以令肌肉warm up 架呢, 如果你自認好懶, 你可以用沖涼當warm up, 總好過無~)

網上太多唔正確既training 方法, 大家要小心. 有機會先再同大家分析啦. 因為又係一段好長既理論..

 

介口心理學...

我知道好多sis都有"為食"既問題, 心理上黎睇, 人為食係因為係正餐時得唔到口感上既滿足.
有可能係正餐已經食到好飽, 不過心理上未滿足, 所以感到肚餓. 又想搵野食. 所以, 正餐既質數係非常重要啦~~
你可以安排喜歡既食物係正餐入面~ 但不可過量. 滿足感在於質數並不是分量啦~~ 我之所以介到零食就係咁解lor~

就算真係好口痕要食零食, 記住先飲一杯水, 等身體唔好吸收咁多零食上既脂肪呀.

 

28/26, 從前的28腰 VS 現在的26腰

足足用左4日時間去出呢個post, 希望你地真係用得著啦, (而希望我既小小付出能夠賺到你地既支持啦)

其實我重有好多心得架 (如: 焗sauna 需知, 減士啤太呀), 下次見面可以同大家分享一下.

等我學下人地, 著返條舊褲影張相先~~ 出文前最後一磅 114磅 (我係167cm高的)

個人瘦左真係好興奮架, 我要繼續加油, 好多地方都等緊我去改善呢~~

你地都係呀, 我得, 你地都得架~~加油~~

http://www.theztyle.com/blog/space.php?uid=409&do=blog&id=19926

HELLO, Welcome to Gi’s Kitchen - 漢堡扒篇

~~~ HELLO, Welcome to Gi’s Kitchen ~~~
大家一定係等左好耐啦, 要你地等真係唔好意思呢~
其實我真係第一次咁認真去寫一篇食譜, 原來寫食譜真係難過寫產品試用好多架. 要一邊煮一邊影, 你都咪話唔易..
唔知我既熱度可以keep到幾耐呢.

今次我要demo 既菜飾就係漢堡扒配蛋包飯,
重有非常有益既蕃茄南瓜湯啦.
GI明白好多sis 都想學risotto,
其實整risotto 一d都唔難, 只係麻煩啦.
要不停攪佢半個鐘, 又要睇住佢唔好比佢焦.
我怕第一次出cooking post 就出d咁麻煩既菜會嚇親大家呀.

所以… risotto 都係留返下次啦,
今次整個簡單d先啦~



~~~漢堡扒~~~

材料：

牛+豬絞肉         共150g

(唔食牛既可以淨用豬, 唔食豬既就用牛, 不過我就覺得一半一半係最好食既~ 有牛既鮮味同肉汁, 加左豬肉又冇咁鞋 ps 我係唔太好豬肉既)

麵包粉              1/2杯(量米杯)

洋蔥(切碎)         1/2個 (小型)

蒜頭(切碎)         1~2瓣

蛋                     1個

黑胡椒粉           少許

鹽                     少許

沙律醬              隨意



做法：超簡單

1.將漢堡扒所有材料攪勻

2.加入沙律醬, 鐘意食可以加多d, 加左沙律醬既漢堡扒會有多d肉汁架.

3.牛肉餡整成圓餅狀, 約手掌既size, 將肉餅左右拍打 (就好似玩cooking mama 咁)

4.用中火煎至2面金黃色, (因為我地加左洋蔥, 有d部份會易焦, 唔洗擔心), 再轉小火煎到肉熟.

記得連個邊都要煎埋呀~

完成~~



~~~蛋包飯~~~

材料：

鹽                 1/2 茶匙

雞粉             1/2 茶匙

粟粉             1/2 茶匙

水/鮮奶       2 湯匙

香草             少許 



做法：又係超簡單

1. 將材料打發勻成蛋漿

2. 用中至大火煎蛋, 煎既時間既督下佢, 唔佢比佢起泡. 煎至一面全熟, 另一面半熟 (唔洗反佢, 咁就唔會爛啦)

3. 再將已經炒好既紅飯放係半熟面上既一邊, 再對摺.

因為放飯個一面係未熟透, 所以會留有黏力, 唔會彈開架啦~~


完成~~



~~~蕃茄南瓜湯~~~

前言: 其實我真係好鐘意食南瓜,
不過男人對佢又冇乜興趣. 巧合下得知靚媽CINDY 都係用南瓜湯黎呃豬仔食南瓜.
我照樣搬上台, 整左個南瓜湯比男人飲, 雖然佢都只係飯左半碗仔,
但係都好過一D都唔食丫~~ 靚媽果然名不虛存呀~~



材料：

南瓜(去皮切粒)           半個

蕃茄 (切粒)                1個

洋蔥 (切粒)               1個 (想要口感可以切條, 好似我咁)

雞湯                          2碗 (今次用左鮮雞濃湯寶, 試下新野)

牛奶                          半杯 (suppose 係用忌廉, 不過家人受唔到忌廉太heavy, 改為用牛奶)

胡椒粉                      少許

做法：超簡單既自創煮法

1. 南瓜, 蕃茄, 洋蔥一同入煲加熱.

2. 加入雞湯 (or 濃湯寶加2碗水, 要杰身小小) 將材料煮爛

3. 如果有攪拌機既, 就將湯料放入攪拌機攪爛, 不過我懶得洗, 所以就用壓既方法, 做法其實同做薯茸大同小異架~

4. 加入牛奶及胡椒粉, 再攪勻. 試下味, 如果太濃就加小小水啦.

完成~~



咁就完成一餐飯啦, 真係好easy….

先向一班煮野食好叻既勁人致敬~ 希望你地睇到個既個懶人煮食法唔好睇到眼火爆啦~ 



ps. 漢堡扒既咖哩汁我就用左呢個牌子既咖哩磚, 只要加水煮溶就可以架啦~

其實我煮野食真係唔叻, 我只係懷著一份心思去煮.
我都係睇書學架.
有時會miss左d step, 出到黎個效果味道又唔錯, 所以就將錯就錯啦~~
hahaa~~


日後我會出多d懶人煮架啦~~
希望你地都喜歡啦~~


要準備一篇食譜真係要準備好多架. 好希望得到你地既支持鼓勵啦~~
pushpush~ 


有你地既支持我先有動力繼續出Gi’s Kitchen架~

謝謝收看~~

平凡之Gi當上一日model?!

講真的, Gi真係一個平凡不過既女子, 單眼皮, 大細眼, 包包面,
要邊樣(缺點)有邊樣. 能當上一天的studio model
真係三生有幸啦~

 

雖然之前已經有2次當MODEL既經驗, 但係係posting 方面都重係好生硬呀.
加上之前都只係拍一d大頭+膊頭既位置, 半身全身真係冇乜試過. 身體要點樣扭動,
視線位置要點樣放都要勞煩攝影機幫手提點~

比起專業既珊珊, Gi都係靠邊站好喇~

比大家睇我之前既作品..... 大家點睇??

2009-06

2009-07

所以呢,
Gi影完出黎既作品, 就只係得咁多張係見得下人咋..

 

珊珊真係好專業呢, 佢個人亦都好可愛, 好快就同我地熟左~~ 唔洗warm up
就可以擺出好多誘人既post~~ 真係要向佢學習下呀. 雖然我係下下玩, 不過玩都要認真丫麻~~

技安與我~

平凡之Gi當上一日model?!

講真的, Gi真係一個平凡不過既女子, 單眼皮, 大細眼, 包包面,
要邊樣(缺點)有邊樣. 能當上一天的studio model
真係三生有幸啦~

 

雖然之前已經有2次當MODEL既經驗, 但係係posting 方面都重係好生硬呀.
加上之前都只係拍一d大頭+膊頭既位置, 半身全身真係冇乜試過. 身體要點樣扭動,
視線位置要點樣放都要勞煩攝影機幫手提點~

比起專業既珊珊, Gi都係靠邊站好喇~

比大家睇我之前既作品..... 大家點睇??

2009-06

2009-07

所以呢,
Gi影完出黎既作品, 就只係得咁多張係見得下人咋..

 

珊珊真係好專業呢, 佢個人亦都好可愛, 好快就同我地熟左~~ 唔洗warm up
就可以擺出好多誘人既post~~ 真係要向佢學習下呀. 雖然我係下下玩, 不過玩都要認真丫麻~~

技安與我~