阿GI週記．盛妝．內衣展

天氣轉涼了, 大家要小心身體, 多穿衣服.用另一種方式 sexy下去.. hahaha

昨天, 阿gi 早了點起床. 秋冬天的太陽大多會在9點左右在我家出現. 所以要早起床. 真的有點困難.

但gi 晚上有街街去呢. 打算'盛妝'出席… 冇錯呢, 就係去位於LKF Hotel 舉行的Bubies Fashion Show,

平日化妝, 相信sis花得最多既時間一定係遮暇上, 而我最緊張就係 ‘開眼’,

本身眼睛小及單眼皮, 每日eye shadow 及粗眼線同事已經見慣要怪.

也許有人會因此說我濃妝, 哈, 我原諒你, 眼睛的確要濃一點, 但我可是零底妝, 面上零遮暇的.

口不對心的男生們… 我不介意你說我眼妝濃, 但請不要膚淺地指我批當~~

天氣轉, 鼻敏感又返發, 攪到我既眼圈又再氧化, 又黃又乾得可憐, 

大家都知gi平常只用粉底遮暇, 但呢兩個星期光用粉底遮暇真的唔夠.  鼻敏感返發真可憐呀…

 

REVLON Age Defying Moisturizing Concealer修護再顏保濕遮瑕膏SPF25 $98

集合遮瑕、減淡幼紋及表情紋、保濕及牢固眼部肌膚的多功能眼霜， 為您重拾自信笑容，倍添魅力。

突然要花錢買一盒可能只會用2-3星期既遮暇膏, 慳家的gi真的不捨得.

買開架的會比較划算, 也有更多好品牌選擇.

自試用完Photo Ready 高清粉底後, Gi 開始留意Revlon 家每月的新出品. 今個月既驚喜好似正正為我而設.

一支有eye cream 功效既眼部用遮暇膏, 保濕持妝不容, 至少我既黃眼圈全日都冇現型.

眼水不停留, 眼周皮膚乾得好緊要. 呢支有保濕功效既遮暇膏正好可以幫眼皮補補水, 亦同時遮蓋暫有既乾紋.

設計亦都方便衛生~~

 

左右眼比較一下. 其實分別都好大既, 不過影相效果可能冇咁突出.

眼睛明亮左好多. Sis 如果早一日開左通霄, 第2朝都可以用佢黎救救命呢~

(病緊個樣真係好攰好殘呢~~)

PhotoReadyTM Compact Makeup高清無瑕液化粉餅SPF20 $148

無重、易推及保濕度高的高清粉底液，全面覆蓋肌膚瑕疵， 締造完美亮麗美肌，從此向「見光死」Say No!

上完Concealer 我會用掃輕輕加上小小碎粉定妝用..

再加上晚上會同sis 們影下相. Gi 都要修飾一下自己既包包面.

主要都係用較淺既粉餅係印上. 及萍果位置輕輕打亮.

PhotoReady 既粉底我係大讚既, 因為拍照時特別在閃光下, 佢既感光份子可以令我面上輪廓突出.

唔會FLAT 晒咁… 收起包包面~ ^^

到眼妝啦. 大眼妝對我真係好重要. 我可以2個月KO一支eyeliner pencil, 1個月KO一支Mascara.

要送禮比我, 可以考慮這個. 哈哈哈..

聽很多sis 都說Fiberwig 的 Mascara 真的很好用.

正當我心思思想試用時, 見到有trail programme 呀, 正. 即join^^

先上左一個earth tone 既眼妝. 請參考 ’Gi’s Daily- 愛化妝‘

 

deJavu Lasting-fine eyeliner

開始上眼線啦. 我已經習慣到可以一筆過, 用呢類型既眼線勾尾都冇難度呢.

Fiberwig既眼線筆果然名不虛傳, 易畫, 畫內眼線都很上色.只係筆心我嫌佢硬左D, 同比較脆, 太易断啦.

防水不錯. 我鼻敏感得瘋狂, 眼睛全日水汪汪但眼線都未有化^^ 唔錯, 係硬左d, 好吉眼..... =.="

到mascara 啦. 夜d會貼假睫毛, day time 係咁易都要上小小睫毛膏先得.

我喜愛化到睫毛好似蜘蛛腳咁, 用mascara 既力量去將雙眼皮推出黎.. 哈哈哈.

今日要收歛小小, 蟑螂腳就夠啦, 晚上再加假睫毛..

一早知道deJavu既mascara 多人讚, 特別係Figerwig ExtraLong 真係好多好評,

今日就連同lash knockout, 2支做一個比較啦~~

Lash Knockout - 增強睫毛既濃厚感.

掃頭有點大. 不過對我黎講都唔係太大問題, 平日用的睫毛膏都是大掃頭, 都習慣了~

效果不錯呀, 幾IMPRESS

Figerwig ExtraLong - 纖長濃密

好期待佢既效果~~有角度既掃頭, 我喜歡~~

效果名不虛傳呢. 睫毛膏易都非常易上. 就算多塗幾層, 睫毛都唔會打結呢~

前後比較一下… 睫毛長左很多呢.. hahhahha…

其實2支都好合我心水既, 因為可以用溫水卸掉, 減輕卸妝時的磨擦

不過Figerwig ExtraLong VS Lash Knockout, 我個人比較喜歡Figerwig多d呢~^^

Tiny Sniper - 掃頭短細, 專為下睫毛設計

掃頭細小, 連眼頭比較難上睫毛膏的位置都照顧到, 好易用.

只係未夠易上色, 要多掃幾下先有滿意既效果~

左右眼比較一下, 係唔係好大分別呢~~

化埋另一邊. 自戀拍~~

 

晚上去Bubies的內衣show.

Bubies 係香港的旗艦店剛開幕, 位於中環威寧頓街.

好大好靚架, show 前的下午有經過, 卻忘了拍一張給大家看… =.=”

下次大家到威寧頓街時記得留意啦.

Show 於7時多開始, Model 先展示出學生既作品, 勝出既有獎品的唷~~

每一套都好靚, 好有才華的學生哥~

Halloween

提材的, 好靚呀~

以下既就係bubbies 既出品.

其實我好注重內衣靚唔靚, 雖然唔係要黎比人睇.不過穿上靚既內衣, 自己都開心d.. 嘻嘻

阿gi 偏愛sexy既內衣. 有lace既就啱我啦… ahhahaa

Gurdle款都好正, 不過真係冇乜幾會穿哦.

大會送上的9折卡, 等我搵日去揀番件啱心水既開心下先~~

Show 前, 友人帶了我及小bi 去fuel @ ifc 來了一杯....冰火.....

Vanilla Ice-crean in Hot Black Coffee, 友人話唔係好多地方會做冰火架咋..

好爽. 好鐘意, 第一次...上晒癮. XDXD 哈哈哈, 小bi, 我地幾時再去冰火呀..

多謝收看~

 

ps. 多謝你地記念, 上星期考到distinction 呀. 好開心好開心~~

天天都敷保濕面膜, no more 乾面女^^ Neutrogena

好開心好開心

.
因為又有機會試用同大家分享啦. 阿GI 最開心既時刻莫過於如此.
今次要試用既係Neutrogena Hydro Boost保濕精華液,

一支擁有面膜保濕力量既保濕液, 身邊好多朋友都讚呢一支係好野黎架,

真係好多謝theZtyle呀~

大家知道嗎? 無論你係油面定乾面都關保濕有關.
廣告都有講啦, 過油可能係肌膚缺水既警號. 皮膚唔夠水份, 自然就會分泌多d油脂去平衡皮脂既水油含量

過乾就唔洗講啦, 甩皮等等都係皮膚正話比你知肌膚已到達脫水程度啦.

特別係秋冬天, 天氣咁乾既時候, 補濕功夫一定要做足先可以保持到健康既皮膚.

用左Neutrogena Hydro Boost都有一個星期左右啦, 感覺非常好呢.

剛好呢一星期天氣突然變涼變乾, 正好測試一下佢既保濕鎖水度~~

 

~~測試開始~~

(正正正正正為最高)

 

包裝: 正正正
用左最衛生既泵樽設計, 每次都只係接觸到需用既分量, 確保瓶內既精華不易被污染.
瓶子並冇華麗既設計, 正好切合自然簡單既主題.

佢既泵頭係非常易按, GI就最喜歡呢一點啦. 輕易就可以按出一泵半分量, 好夠我搽面搽頸!!

但由於泵咀彈簧輕, 有時粗魯左d會按出兩泵分量.. 唯有益下手肘啦. HAHHA

質地及味道: 正正正正
人體最易受刺激既感覺細胞係嗅覺及觸覺。
除左品質，嗅感觸感會係影響我地最終會唔會去使用既最大因素！
味道不叫太'化學', 的確係有點香精既味道, 但不致於太濃或刺鼻既程度. 習慣左仲覺得佢幾好聞tim~
保濕液既質地很稀釋細膩, 半液體狀既保養品就最易能夠被皮膚吸收~ 仲好易推開. 唔怕要係面上拉扯~~ 係手上推開 2-3下 就已經吸引左一半啦~ 好impress!!

滲透度: 正正正正正
每寸皮膚既吸收度都唔同，想自家計算出精華既滲透度，可以借用化妝棉~
最快能滲透化妝棉既精華表示分子較細，滲透速度高~ 被底層皮膚吸收既機會率亦會更大！

好~~ 又黎一個Gi最喜歡用既化妝綿測試啦..

化妝棉測試: 點開後3秒已經完全滲透.. 份子真係好細緻

睇相啦, 效果快到嚇親我~ HAHAHA

即時補水鎖水度: 正正正正
對人體佔最大部分就係水，水亦係皮膚組織入面最為重要既一個角色~
先把精華液塗上手, 待3分鐘後測試其即時補水度~
 

完全吸收後, 水份比例即時提升左10+%, 滲透度極高, 水份機顯現油份過高所以扁左咀,

但個人感覺好舒服, 呢個並唔係大問題~
 
用後感:

用後面上感覺清爽, 滋潤, 好細滑唔覺緊, 果然係一支擁有面膜保濕力量既一支serum.

而因為吸收得好快, 用完佢可以即上面霜, 慳左好多等候既時間~

對皮膚既負擔唔大,早上用完再上妝, 全日都冇出油, 妝亦冇溶, 好夠保濕滋潤.

總結:

我好喜歡呢支精華呀, 比起我用既B5 GEL, 佢一D都唔笠唔痴手.

用左佢都好舒服, 好surprise 佢有咁好既表現.

我會繼續用佢架, 今個冬天就靠晒佢啦~

多謝收看

Gi’s Daily- 愛化妝

哈~~ 好多sis 都有興趣知道我每日點用15分鐘化妝出門口.

其實呢… 15分鐘係唔包括粉底同mascara 既.

1. 我已經冇用粉底5個月啦. 晒太陽時我都用好厚防曬係面, 身就用好少, 所以我個身會黑過面, 但我一d都唔介意~

2. mascara 我偷雞係巴士化, 珀麗灣出青衣個程車好定, 人小小… 化妝都冇人理 ^^

 

由SKIN CARING開始 (請看前文Gi’s Daily - 天天護理篇),

到今日我要同大家分享我常日及近期開始用既化妝品.

究竟我大部份日子都係用咩化妝品呢??? 今日一一同大家介紹先~ ^^

 

-- Make Up base --

Chanel VS Sofina

用左一年多既Chanel base 係早2個星期魂歸天國lu. 一直以黎都覺得佢好好用, 有小小既綠色去平衡一下面色,

配合Chanel 粉底用效果最好, 近半年都唔需要再係面上加粉底就覺得佢乾左小小, 不過夏天時用都ok 既~ ^^

加上有SPF 30 防曬, 真係好夠用啦~

一base 死一base 鳴, 又係試新野既時候~~~ 換黎sofina新品, make up base.

淡淡既膚色足以去平衡不均勻既色tone. 令面部看上更光澤~~

同後感覺滋潤, 依家天氣都仲未係好涼, 如果過多一排或冬天用就會冇咁焗身, 會更適合呢.

SPF 20+ 返工去街用呢個度數已經好夠阿Gi 用, 哈~ 係呀, 我唔介意曬黑丫麻.  愛白既sis 可能就要多加一層防曬啦~ ^^

 

-- BB Cream --

BB Cream 我唔太常用. 不過都會有一兩支看下門口.

Revlon 都有出BB Cream 係新launch 的. 貪得意玩下.

我時常對BB Cream 都有d 反感, 因為大部份我用過既bb cream 都係好笠好焗身.

抱住同一個心態去試Revlon, surprise surprise, 真係唔太笠呀.

膚色都好平衡, 用左似上左foundation 咁… hahaha 美肌美肌~

 

-- Concealing --

保養做得足, 黑眼圈既情況都唔叫好嚴重. 只係有小小氧化既黃眼圈, 都係拜鼻敏感所至~

每日都係輕輕的遮一下眼圈就ok 啦~~

呢排個人懶左, 用2-way cake遮眼圈修飾.2秒攪店, 真係快靚正^^

Sofina 係我新入既2-way cake, 之前用既benefit 到期要換啦.

第一次用Sofina 感覺幾好呀. 一d都唔乾, 又唔會浮粉.

我用佢黎修飾黑眼圈都唔覺得乾, 遮暇度不錯哦~

 

-- Eyebrows --

呢支brows gel 跟左我好幾個星期啦.好用既原因係易上手.

我眉疏毛長眉尾dup, 幫我修眉既美容師建議我用眉gel將向下生既眉毛gel上.但我怕自己唔識handle 攪到一達達.

呢一支brows gel 刷頭似牙刷, 輕輕掃, 顏色自然, 防水又防汗~~跑完步後見到自己對眉仲健在, 你就知佢勁啦~~ XDD

佢更加係一支育毛既眉膠, 用左3個多星期, 眉毛真係生長左好多... (人家修左眉都只有一個星期咋..)

希望佢生多d出黎, 我就可以脫離'無眉人'呢個稱號啦~~

 

-- Eye Shadow --

黎到戲肉啦. 以下就就係我平日用開既眼妝品啦.


簡簡單單3樣野+eyeliner 已經可以化到一個平常妝架啦.

-- Blush --

我至愛既benetint, 易上防水不脫色.

係面上打2個叉, 再用手指打圈推開.

紅萍果的臉, 紅得健康自然!!

--Lip--

呢支咀仔真仔好可愛~~ 第一眼睇佢都以為係marker.. 真係好可愛~

一邊上色, 一邊滋潤護唇. 顏色又自然, 為咀唇加返小小健康色.

佢唔會係glossy既, 係啱返d自然既outfit, 返工及日常用就啱晒.

晚上要出街? 加返個唇彩咪得lor~~

 

--Nails--

因為要返學所以我好耐都冇搽甲油啦,上個星期上完最後一課, 等緊月尾既final exam.

咁呢幾個星期就親機留下指甲, 油下色咁.. hehehe.   我最愛紫色. 首選一定係紫色. (其實我都有好多支唔用色既purple 架)

Revlon 出既新color, 一支叫star 係有閃粉既TOP COAT, 紫色一支就叫ROCK.

兩支我都好鐘意呀, 又紫又閃. 之前都有介紹過Revlon 既甲油, 我屋企真係有好多支呢.

佢有陣陣既香味, 亦都好易卸除, 上一層已經好夠令, 又好快乾.

最重要既係價錢合理, 買多幾個色都唔肉痛丫麻~ ^^

 

人生太多野鐘意啦.

一睇我就知我係花心既人啦. (對物質啦~~) 唔知大家又有冇一d ‘至愛的化妝品’ 呢?

如果有邊樣化妝品種類未提及, 不妨話我知呀. 等我下次再同大家分享啦~

多謝收看