保濕磨砂Gi 己做 - DIY Hydrating Aroma Scrub x Michelle Phan Video

我係一個用襯磨砂都會生粒粒既人.

對磨砂係非常敏感.


所以平日要到要大清潔時, 我都只會可能用深層清潔..
Kiehls Rare Earth Deep Pore Cleansing Masque

06年認識佢開始就用到依家, 去年佢改左版, 質地更加柔軟, 十分好用.

已經番買左我估有6-7次啦..

我會先用gel plus黎軟化角質, 之後再用深層清潔. (其實gel plus都真係唔錯)

雖然用緊既呢一個procedure已經非常適合我, 但感覺上面上或身體上都重有好多角質死皮之類要移除架....

能去除死皮或倒塞左既毛囊, 始終都係要靠磨砂~~


近日睇左Michelle 既tutorial, 我都開始左自己diy~




照住佢既方法~ 我都做左一盒比自己啦~

唔同既係instead of 用olive oil, 我用左對皮膚更好既

甜杏油
原因:
比起olive oil, 佢更加唔會塞毛孔架~~
分子比olive oil 要輕, 對皮膚既負荷重要低~
油身更薄, 滲透度更高, 能滲入滋潤皮膚底層, 滋潤得黎唔會笠痴痴


材料ready 晒~~ 可以開始做lu~~ (Fleur 既油, 幫學校賣下廣告~~~ 哈哈哈~)

制成品:

始終都係怕敏感, 所以加左1滴德國洋甘菊~ 有抗敏作用~~

(非常明貴既fleur 油... 扮下專業人士先~~哈哈哈~~)

掂晒~~ 先係手肘試下先~~ 先濕水

加小小開始磨啦~~

磨既時候一定一定要好輕力, 因為砂糖係冇被打磨, 砂糖晶三尖八角, 好易磨損皮架.

(ps, toilet 太暗啦, 可以搬去kitchen 進行)

磨30分鐘~~ 掂~ 好潤好舒服呀~~
(我係即時大叫好正..... 男人問: 有冇咁誇張呀 @@..)

比下未磨既手, 的確光滑好多呀. (有差嗎?)
(多謝王生幫我影相)

呢個diy scrub 的確好正, 試完上手我就跟手用佢黎磨埋面同身.

感覺係好似origin 既suger scrub 架,

頂級滋潤, 我沖完涼都唔洗再搽lotion 啦, 手肘用膝蓋都好滋潤 (甜杏油果然係底油之王~~)

重要用完冇敏感, 面上冇生粒粒tim~~

以後又可以慳返d$$ 唔洗去買body scrub 啦~~

gi 大力大力推薦!!!!!! 我真的有用黎磨面架~~


** 如果同我一樣有敏感既sis, 想我幫手用德國洋甘菊代做一盒, 可以留言比我架**

朱古力胭脂??? @@ Michelle Phan Video

朱古力胭脂???
好有創意~~ HAA 好可愛~~
不如一齊試下丫~

Gi's Kitchen 第2場 情人節SPECIAL...... **減肥者勿進**

多謝大家熱烈既支持, Gi's Kitchen 先可以開到第2場.
吸收左上次既經驗, 知道大家都希望個食譜有咁easy得咁easy, 所以今次都係繼續懶人食譜啦~~

今年既情人節咁啱都係年初一. 可能大家都唔會出去食飯, 要留係屋企做節架啦.
不過大家又會唔會考慮下預早小小, or 係初三赤口日先興祝呢?

咁啱預著假期, 不如試下整個小小情人節晚餐啦~
總好過比幾舊水出街食啦...

今日MENU..

~~~~ 馬鈴薯起司湯 ~~~~

＊材料＊
馬鈴薯   2個
洋蔥      1/2個
牛油      10g
雞精      1/2 粒
芝士      20g
牛奶      75ml
鹽         少許
胡椒     少許

做法：超簡單

1. 將傻仔去皮, 切片, 要薄d架~

2. 睇下幾薄~~ 透針板呀~ 之後就令去浸15分鐘水 (有時間可以再浸耐d都得~)...

3. 洋蔥要切粒~~ 怕那眼既, 可以先將洋蔥沖水

 

切既時候習慣會用小小水浸住黎切, 咁會冇咁那眼架

 

切到愈細愈好

4. 先煮溶牛油, 將傻仔洋蔥炒林. 係咁2得架啦, 唔好炒到焦呀.

5. 加入雞精, 同水(夠浸全d傻仔洋蔥就夠架啦) 加蓋, 轉中細火, 悶煮直至完全熟爛為止

6. 熟爛程度要一壓就碎個隻. 呢個就剛剛好啦.

因為懶人係唔會用攪拌機既, 所以都係 '中' 碎佢地啦.

加埋牛奶芝士就可以'中' 呀.......
之後加鹽, 胡椒調味

完成~~

 

~~~~ 快速披薩 ~~~~

＊材料＊(20cm直徑pizza x 3片)
高筋麵粉           200g
低筋麵粉           50g
砂糖                 1小匙
鹽                     1小匙
乾酵母              1/3小匙
橄欖油              40ml
溫水                 120ml
Mozzarella 芝士 適量
+ 另加自己喜歡既材料

做法：呢個有小小煩, 因為乾酵母唔係咁易搵, 不過去cake 品店就一定有架啦...
高筋低筋麵粉, 我唔多講啦, 有整開cake既sis 都會識佢地架啦.
有唔明就麻煩去問下DR yahoo 啦.

1. 好白痴.... 就係..... 將所有野隊晒入碗. 搓呀搓呀~~

開始搓時係好黏手架啦, 忍耐一下啦~~

2. 之後就用保鮮紙包全佢, 放入冰格雪30mins~
(呢舊野可以放幾日架. 所以我建議你地將佢分開3份黎包啦)

3. 我心急, 未夠30mins 就拎左佢出黎啦, 一睇就知佢要發酵完啦.. 唔理lu...
(記得係呢個時候要開爐preheat 啦~)

抹小小麵粉係板同木棒上. 可以開始look 佢架啦.

4. 我建議大家整薄d, 易熟d架. 我呢個就太厚啦~~好難焗得脆.
搓到咁薄又會好易黏板架, 可以著量加小小粉等佢唔好咁黏~ 不要過多!!

5. 之後就放自己喜歡既食物上面, 我就放左煙肉, 菠羅, 青椒紅椒等.

放入爐 200度 先爐5-7分鐘. 再放大量Mozzarella 芝士上面再爐, 直至芝士完全溶化~~

完成~~

 

 

 

 SPEGETTI CARBONARA w/ SMOKE SALMON

一個gi家制食譜, 係.... 我個人既口味... 希望你地都喜歡啦..

 

＊材料＊ (2人份量)

意粉                   1小扎 (可選你喜歡既型號, 可以用fettucini, ravioli, penne, 或者係零號天使麵, 都好好食架~)

煙肉                  分量隨意, 想多送可以落多d, 切粒

洋蔥                  1/2個 切條

煙三文魚            隨意

雞蛋                  1 隻

牛奶                  1 小屋 (唔記得一個小屋係既個ml =.=")

鮮奶油                250ml  (or 一小盒, 我用開藍色PAUL's 個盒既 $19.x 或用president 小盒都可以.. 不過貴d)

Parmesan 芝士   適量

鹽                      少許
胡椒                  少許

 

做法：(零失敗)

1. 煮意粉... 洗唔洗教呢?? 係咁2講下啦.. 水滾加油加鹽. 落意粉煮7-9分鐘. 隔走水份. **** 不要過冷水 **** (想知更多可以留言問我啦, 我唔係呢道多解釋啦~)

2. 先將已切好既材料用大火炒至金黃色. 懶人煮法. 一邊炒洋蔥, 一邊炒煙肉

 

3. 加入奶同鮮奶油, 如果想多汁d, 可以多加d奶 (對奶敏感人士小心肚痛, 我家男人次次都食好多, 食完就.... 好暢通~~~) 轉中~小火.

4. 直到汁開始有小小滾, 先將意粉浸一浸熱水, 連埋煙三文魚落去D汁道. 攪均.

再落芝士及蛋, 再攪, 呢個時候d汁就開始杰架啦~ 後用鹽,胡椒調味.

完成~~

咁又係一餐飯啦, 寫完都有d餓tim~~

carbonara 係我既至愛, 每個食過既朋友仔都大讚架.

唔試整其他都得, carbonara 就一定要試~ 又易, 又方便~~

喜歡磨姑既朋友, 重可以加埋入去tim~~

(不過唔好成日食... 好肥架...)

 

希望係地喜歡啦, 你地既支持令我更有動力去做好Gi's Kitchen 架~~

請多多支持~~