老豆生日飯 @美中鴨子

呢個月不停忙忙忙，忙到連自已嘅日記都拖長晒黎寫… 哈，不過有寫都總好過無啦！

4月24日 係我人生中最重要的男人嘅生日，無佢無我啦！呢個當然係我老豆啦！

老豆鍾意食中菜，之前經過Habour 嘅美中鴨子幾次都話想試，奈何門口等位嘅人仲多過裡面食緊嘢嘅人。所以今日突登早少少收工去攞位先！

6點半黎到，老豆好快就黎join 我一齊等位，店外可見到片皮過程，老豆變左個小朋友咁，眼甘甘咁望住… 緊係啦，肚餓丫麻！

7時入席，等埋老公同埋妹妹，呢個時刻緊係幫啲靚碗碟影下相啦。

美中鴨子鋪位前身就係Ricepaper, 店內同以前一樣都係超大，對住海景，配埋新裝修好有格調呀。

呢度係唔serve 水架，叫茶都係一人一份咁order，想要多個杯都唔可能，除非比多份茶錢啦 五十幾蚊，好唔抵呀。老豆都教落要有衣食，一人一壺茶真係有啲浪費，所呢我地order 左2人份 (即係一壺兩杯)，呢壺玫瑰花茶… 成舊水架啦！

水滾茶靚，呢壺茶有飲上引嘅感覺，在等食前，已經refill 過兩次水啦！

話咁快就上菜了，老公傻左點左勁多嘢食！！

1. 雞絲粉皮

醬汁味道效得好，咸甜融和，粉皮軟滑，不會太爽或太硬身。而青瓜絲的長度更令我有開眼界，從來青瓜只是雞絲粉皮中的陪襯，今天可當主角了！

2. 填鴨半隻

在外，很少有機會吃到少分量的填鴨吧，這裡的分量最適合小家庭，加上流量大，要大份或少份都不同預訂。

有人追求皮，我就比較喜歡吃肉的部份，鴨肉不是超滑的那種，但已經夠滿意，加上醬汁及葱可以不停refill, 我認我包配菜比包鴨肉更多。

附送的鴨湯很清甜，一點都不咸。

3. 風沙雞

雞肉真的很嫩滑，乾蒜炸得很香脆。雞皮很薄亦不肥膩，怕肥的我也吃了好幾件喔！

4. 窩貼

沒有香煎風味，其實只是餃子，有點普通，可以不試。

5. 擔擔麵

這個麵分量很少，4個人只分到每人一啖。擔擔醬係另上的，不太好辣的要小心分量因為個醬都幾辣架，不過就超野味！！老爸超好呢個醬，仲用左隻餃子(窩貼) 黎"洗碗" 添，哈哈哈！

6. 糖醋小排骨

本身唔係太好豬的我，雖然只係試左一塊，但都已經好滿足，排骨非常入味，連肉入面都有糖醋味，個汁酸咪咪的… 只不過對我黎講就咸左啲啦…

7. 茶樹菇三椒爆炒豬柳

2個字… 爆咸！！！所以呢碟比老公打包左返屋企，第二日用黎炒飯，乜都唔洗加，原來仲好味呀！！！

8. 馬蘭頭素千卷

呢碟唔係太受歡迎，因為我家的2個大細路唔鐘意陣青菜味，最後得我同老豆兩個人食。清清淡淡，感覺似麻油炒過的豆苗再用腐皮包住，其實都唔差丫。

飯後來一拍張全家褔，送上dunhill 的銀包給老爸做生日禮物。遊玩成條廣東道。你都係最愛dunhill, 好啦，送比你啦。開心吃一餐，再加上小小的心意… 幸福，其實就係咁簡單！

美中鴨子
尖沙咀廣東道17號海港城港威商場3樓3319號舖
2347 6898

-----------------------------------------------------

Gi - Life is Beautiful

wengichow@gmail.com

https://www.facebook.com/gichowengi

http://weshare.hk/WengiChow/

-----------------------------------------------------

又熱又焗都可以全日清爽 adidas Dry Wax Women

雨下了足足一星期，太陽伯伯間都出場客串，令濕立立的天氣變得又悶又熱，由地上蒸上來的熱氣更是難耐！

除了影響心情，身體亦都會受影響，沒有戶外運動已是其次，更糟的是潮濕加上悶熱，汗流出了但不揮散，留在衣服上，汗印、味道才令人尷尬…

有運動慣的就知道，運動人的散熱功能比一般不愛運動的人強，一達到某個心跳指標，就會爆汗… 作為一個姿整的女生，止汗噴霧就是我每天不可缺的恩物！

每天上班前都會噴一噴或碌一碌，從小就開始用，我可對止汗制有點要求呢！直接用在腋下皮膚上的就要用走珠香體露，而止汗噴霧則會用在手脾、心口位置，方間太多對止汗制的流傳，是真是假也好，信不信由你啦。
在我，以前用過的止汗噴霧雖會令腋下乾爽，但也未免太過乾爽而引至腋下皮膚缺水，同事亦會導至色素下沉，鬆馳黯黑的腋下，相信你都看過吧。

止汗、香味、護膚已成為了我選止汗制的指標， Adidas Dry Wax Women, 除了有高效止汗功效外，更加入了蘆筍精華，止汗同時滋潤肌膚，長效48小時保持肌膚清爽自在。不含酒精配方更加不會給肌膚帶來刺激或多重負擔，腋下就不再黯黯沉沉，我就不再擔心黑色素沉澱了。

止汗噴霧的噴頭角度比一般的更大，離開肌膚3-4cm 距離使用，不但可使皮膚接觸到噴霧的範圍更大，亦可減少對肌膚的刺激。

使用止汗噴霧令一叫人擔心的就是白印問題，先放上手試試吧，如此接距離… 無事！一點白都沒有，可以放心用啦！

這星期，差不多隔天就要出外工作，又濕又悶，特別是上週五到迪士尼的時候，悶熱了一天，但腋下仍是非常清爽沒有汗味，汗是繼續流，但全日依然清爽。

在PMQ 等待1600熊貓開幕的那天更令我有超強烈的感覺，數十多人男男女女同迫在小小的記者區內，雨剛下完太陽又出來了，地上濕氣一蒸，悶熱再加汗… 大會應安排每人都派一支Adidas 止汗噴霧吧！

相信我是全場最清爽的一個，香噴噴的連熊貓都不抗拒跟我合照啦！哈哈！

Adidas Dry Wax Women 更有5 款不同香味任君選擇，其中包括爽身粉味，嬰兒般的溫和香味， 沒有一個女生會不喜歡吧。

後記：原來要自拍腋下真的是有點難度，正籌備要買新相機，究竟要不要買有自拍mon 的好呢？

----------------------------------------------

Gi - Life is Beautiful

wengichow@gmail.com

https://www.facebook.com/gichowengi

----------------------------------------------

病後去水腫 - 黑烏龍4Dslim

大大話話都成年冇病過，返新工第2個月就打柴，緊係啦，返工車程遠左，坐地鐵身貼身，啲人又冇manner 咁亂咳，唔中招就有鬼囉…

病左成個星期，西藥食到個人腫晒。見身體一好返啲啲，就即去喪跑排水。

每次一水腫得勁就會出法寶黑烏龍4Dslim去水腫，除左去水腫，4Dslim 仲有埋排毒，燒脂，收肚腩功效。結婚前一直都有飲，除左個肚腩，手臂，下身呢啲易水腫位都明顯有效架。

試過咁多款烏龍茶當中，呢款最清淡最易入口，就算凍左都唔會難飲，加埋佢冇特別side effect，感覺健康好多，病好後飲都唔係問題啦。

午餐黎泡一大支當水飲用，茶味香濃，每包可以泡出3-4杯茶左右。每日飲用一包，用後無論係飲水用排水都多左。

日日坐係公司，難免循環唔好，4DSlim 可以幫助消脂，熱飲令身體暖和，加速循環，令體內嘅毒素更加排出體外。

係急需去水嘅時間，我會重點加強飲用量，早午各一包，全日係公司當水飲用，利用烏龍茶kick start 身體循環，加快減腫效果，2-3日就會開始見到效果架啦！

我塊面就最易measure 架啦，以下呢張圖仲病緊，食緊藥，未開始飲…

呢張係父親節影嘅，飲左烏龍茶加強版2日… 面已經尖返啲啦！

呢個係飲左5日黎嘅情況，似返個人啦。
每個茶包都有獨立包裝，要拎出街一啲都唔麻煩。美女們，習慣自已備水出街啦，環保之餘，又可以隨時都飲用到美顏飲品，全日keep 住最佳嘅循環狀況。
無時無刻都為身體加油，都開始啦～

----------------------------------------------

Gi - Life is Beautiful

wengichow@gmail.com

https://www.facebook.com/gichowengi

----------------------------------------------

夏天水潤防曬登場

新婚後的生活其實與之前都沒有太大改變，我倆對工作的投入度比以為更加強，更忙碌，這相信與其他夫婦有很大分別吧！

工作忙碌，由有飯煮婦變成少飯煮婦，一個月都唔知煮唔煮到一餐，家婦都懶做了，而唯一堅持的就是每朝跑步及每個週末與老公的戶外運動時間。

熱愛運動的我倆，特別在陽光普照的日子更加愛到戶外走走，但隨住年紀增長，我已經唔可以好似以前咁，唔塗防曬直接與太陽伯伯玩遊戲。每次出門前10分鐘，我都先會大叫 "等等，塗返個防曬先"。

都係果句啦，我唔怕曬黑，但係怕出斑呀！

話說面上已經有幾粒斑出左黎say hello，我真係唔想做花面貓，所以除左用美白護膚之外，更加會用 Biore 水凝光感透薄BB防曬霜。



幫助我減淡面上黑色素之餘，更加可以遮蓋面上瑕疵。

質地輕型又唔笠，加上有保濕鎖水成份，夏天用都唔會有大負擔之餘仲有護膚作用；防曬霜有調色功能調色適當，放心用後唔會白面人架，整體肌色均匀左，睇落都白淨啲啦！



防曬霜有成SPF 50 咁多，戶外運動定平日出街用都好夠，唔知黎緊會唔會有船P去呢？如果有，靠晒呢一支就夠晒啦，仲洗乜擔心素顏見人呀～～
防曬霜易推唔笠又保濕，除左運動前適用之餘，平時出街返工當妝前打底霜用都得。防曬度高但唔厚唔焗；用左皮膚全日都好舒服，水油平衡，超正！！

身體上特別係膊頭位置都最易黑，所以每次運動前5-10分鐘都會先塗身體防曬，先等皮膚好好吸收，從肌膚開始減少黑色素形成。



同樣都係有 SPF50+/ PA+++ 嘅 Biore 長效輕透防曬乳液非常清爽，就算運動用都唔會焗住皮膚，而且持久度都唔錯，游左成個鐘水冇補過都冇乜點曬黑呀。

加上防曬乳液唔大支，又容易推開，黎緊行山都會帶埋佢，細細支放係我個小back pack 唔阻定。

質地非常清爽，塗係皮膚上2-3秒就可以完全吸收，唔會留白印，減少左唔少尷尬情況，超好用呢。

順帶一提，夏天少不了去海灘玩，但最麻煩就係補防曬呢一下。呢兩支防曬都有清爽功能，擦乾身後再補防曬，等幾分鐘皮肌就爽晒唔痴沙架啦！

所以今個夏天嘅出海活動，我都打算帶埋佢架啦～

----------------------------------------------

Gi - Life is Beautiful

wengichow@gmail.com

https://www.facebook.com/gichowengi

----------------------------------------------