話說14號係新年後開工日, 因為放假夠訓,所以準時返工~~ 行到位.... 就見到佢...心諗, 嘩乜打令咁早呀... (因為我地上班時間係9:30am, 聽聞花係9:15am已經到左....)
滿心歡喜打比打令多謝佢啦, 佢問我睇左張卡未, 叫我睇下~~ 我一打開... IRIS?! 我以為打令玩野..... 點知送錯花..... (打令開始唔老黎....) (D字重要好衰)
之後打令打上去同佢地嘈, 但係佢地又做得D咩丫, 唔通去IRIS道攞返扎花咩...打令話佢買個扎係大架, 依家佢地送左扎細D既比我... 即.... 范先生送扎細野比IRIS, 比我係IRIS, 我死都唔比返扎大既比你啦~~ 所以佢地係12:30pm送多左一支白玫瑰+勿忘我比我 (送葬咩~~Touch wood ~~ 大吉大利~~) 告知打令寫左一大段野係卡道架...
你地睇下, 令幾多, 包裝認真幾多~~~~~~~~~~~
打令送花, 我就整蛋糕送比打令~~ 點呀? 買相得唔得呀?
草莓白朱古力mousses cake~ 好香士多啤利味 (我用左士多啤利果茸+士多啤利果酒)
禮物上, 打令送左個蒸面機比我, he~~好鍾意呀, 好舒服架~
EH-2473 PANASONIC 白金納米離子蒸面機
全球首創，獨有嶄新白金納米離子科技，將一般水份子體積縮少至1/20,000, 更有效令皮膚角質層吸收水份，令肌膚真正深層保濕，達致淡斑、收緊、平衡油脂效果，肌膚回復光彩及彈性. 預設3種護理程式，清涼噴霧 / 恆溫蒸氣可交替吹出，迎合不同皮膚需要
而我就送左個打令鍾意左好耐既手機比佢~~ 佢好suprise呀~
一個好難忘既情心節~~ 原來唔出街, 係屋企慶祝重開心, 唔洗同人迫~~ Thank you Darling ~~~ Lova Ya~~
(鳴謝: 打令首次露面)
個cake好令令呀,賣相同主人一樣索到暈~...我相像得到亞大佬嬲個樣...係好好..生人勿近囉XD
回覆刪除[版主回覆02/22/2008 17:55:00]同佢共事過既人果然唔同~~ 佢發脾氣時, 真係非同小可~~
終於露全相啦,下個出賣松山啦
回覆刪除[版主回覆02/22/2008 17:57:00]我打令真金不怕紅爐火~~ 出相咪出相lor~~ 唔洗打格~~ 呵呵呵~
我果時系香港 Eric 都系同果間花店訂，佢o地包o的o野真系好得嫁~~~~
回覆刪除[版主回覆02/22/2008 17:57:00]上年都係用個間, 今次想試下另一間... 點知好唔店~~
都係唔好亂試野~
好sweet呀.....妳最好啦, 有兩扎花 收, 好勁wor! 那個home-made cake賣相真的好得, 未食都甜啦 . 果然是一個難忘的情人節!
回覆刪除[版主回覆02/27/2008 23:35:00]HE~~ 係呀, 真係好開心, 好難忘~~
亞Gi今日又比之前令咗唷~多謝你同你既好好笑同事同我痴飯
回覆刪除[版主回覆02/27/2008 23:36:00]哈~~佢地冇嚇親你丫麻.... HAHA
冇嚇親呀,我悶親你地就真啦ahha~不過多謝你同你既同事賞面(痴飯)啦~
回覆刪除[版主回覆03/02/2008 19:04:00]傻啦,你幾時得閒搵我地食飯都得.隨時歡迎
CAKE好像很好吃啊~ 而且造型很美... 真是你自己做的嗎?? 有懷疑~ 因為自己是不可能做得這麼漂亮, 只要看到就得想把它吃光光~ 可是不能再吃了, 這個冬天我已經胖了很多... 夏天快到啦.... 我要趕快跟包包臉說再見.....
回覆刪除[版主回覆03/02/2008 19:01:00] 緊係我整架啦～ 有心機咪整得令Ｄlor .... 平時整黎食下咪無咁令 lor~~ 你之前都有食過我整既ＣＡＫＥ架～
對呀,所以你好有POTENTIAL 呀... 做的蛋糕很好食.... 下次有機會再ENCORE 吧....
回覆刪除最近工作忙嗎?
回覆刪除[版主回覆03/16/2008 01:50:00]忙都係咁啦, 只係愈來愈唔開心~~
Hello，想問問呢部白金納米離子蒸面機好用嗎？係唔係真係好保濕呢？Thank you !
回覆刪除[版主回覆04/16/2008 22:30:00]唔錯呀, 用完後fu個mask, 好吸收呀. 就咁用個都好好, 好水水呀~~ 不過一個星期就唔可以用多過一次, 如果唔係老左皮膚d抵抗力就會下降~~ 總結: 如果你平日唔多去美容院, 而你又唔你敏感or好易出豆豆既皮膚, 買一部都唔錯左, 好舒服架~~
唔該晒你，多謝你咁答細解答呀！
回覆刪除