自從踏入28歲, 開始多注意了抗衰老等問題.
食既同搽既產品我都在尋覓中。
以前懶叻咁，淨係會注重保濕保濕。
說真的，只要皮膚濕潤度夠高就好多問題都可以預防同解決。
多年努力保濕，所以面上既缺水紋都未叫太嚴重。
陪伴我過了一個夏天的保濕精華剛好在轉季前用完。
同期和我要好的PR 小姐送上了Vichy 肌源再生Serum10.
VICHY LiftActiv Derm Source肌源再生系列
10 年科研成果
10%活性抗皺成份
10分鐘幼滑肌膚
一早聽過Serum10 既事蹟。
"一滴‧10分鐘 感受‧肌膚的完美蛻變" 如此powerful 既slogan,
睇得出vichy 對研發了已有10年晚既Serum10相當有信心！
而單看Serum10在外地的受歡迎情度，令到我都心思思試一試。
雖說在轉季時轉換新skincare 會有一定的風險，容易會有反感出粒粒既效果。
但我反而要選擇係呢個時候試。
用左一段時間都冇敏感， 就連自己有可能係轉季時出既粒粒都唔多見。
正! 第一關，PASS!!
自知額頭角質厚過人，容易暗啞乾燥出乾紋。
加上轉季鼻敏感發作，眼皮，鼻奕都氧化得不得了。
虎紋常常都找時機要出走。
雖說我沒有真的要試10分鐘後的變化。
但用了已經差不多一個月，鼻翼咀角的細紋有了些改善。
返而額頭的缺水紋就未有太大變化，
睇黎我要再努力啲去角質同塗厚一點Serum10 啦!
質地似啫喱狀的Serum10, 睇上去有點杰身，吸收度出奇地快，
機乎一塗就已吸收，連推就都唔洗點推。
加上滴管設計，方便衞生。
阿Gi 喜歡有碗話碗有碟話碟。
Serum10 對付細紋的確係有一手，用左不夠一個月就已經有咁出色既成績。
而在對付深小小的缺水紋，forehead 同smiling line 等，就要再努力觀察。
我是比較麻煩的，不愛塗面霜，所以會選擇內潤外爽的精華。
Serum10 有點啜手，未夠爽，滋潤一般。用後有點空虛感， 要多塗一點先能滿足。
我比較喜歡吸收度適中的精華，滋潤型的也不錯。
可以比我按摩一下塊面，加速血液循環，改善氧化。
當然對某些女生，Serum10 的確為佢地帶來不少方便，只3秒就吸光光。
說真的，佢一啲都唔差，用左咁耐冇敏感冇生粒粒， 亦有看得見既改善。
所以以上純個人用後感，並不是要吹毛求疵。 我亦會繼續用Serum10去預防細紋架!
沒有留言:
張貼留言