睇Show 前不可不知的5個小貼士～「冰上動感 冰河世紀 LIVE! 香港站 長毛象大冒險」舞台音樂劇

算唔算係童心未滿呢？每一次有新動畫出都我都會去睇，仲要好投入咁睇。咪就係會睇到好簡動，流晒鼻涕咁囉。低低能～
想當年ICE AGE 上畫，1至4集我都睇足晒架，仲要睇完英文睇廣東話～ 英文就原汁原味，廣東話就生動抵死，由其事係Sid，記得第4集佢摟住d蛋當係自己d bb，每一幕都笑死我～
當然，唔少得最搶鏡嘅松鼠，睇住佢追黎追去都追唔到個松果，邊笑邊覺得自己殘忍！

早係大半年前，從工作中早得知ICE AGE LIVE 世界巡演會黎亞洲，仲要係第一站就係香港。終於等到今個夏天，可以親身見到一班動畫中嘅人物，活生生咁係眼前演出，動畫變LIVE show，仲要係冰上舞台音樂劇呀，係我由細到大都好想睇架，今年終於有得去啦！YEAH！！

睇SHOW 前，當然要做下預備啦～
以下5幾同已經買左飛去睇嘅您／打算緊去睇嘅您一齊分享～

1－故事講d乜？
標榜忠於原著，音樂劇並唔係重演電影劇目架，而係一個全新故事。睇戲都會睇預告啦，睇音樂劇都一樣，仲要預先睇埋making of 添，唔係一陣miss 左d乜，live show 冇得play back 架喎！

故事講述小長毛象蜜桃 (Peach) 被邪惡老鷹幻影 (Shadow) 捉走左，一班朋友仔緊係出晒力咁去救佢地啦！營救過程佢地又會遇上d咩刺激故事呢，咁要入場睇先知啦。
想睇字睇官網 >>  http://www.iceagelivehk.com/
唔想字可以睇片 >> 去片

2－角色重溫
ICE AGE 你可能有睇過，但未必有我咁全套睇晒仲要每集睇兩次，所以一定要重溫一下幾位主角。起碼唔好mix up佢地個名先啦！今次音樂劇仲會有新角色加入，如小長毛象蜜桃(Peach)、邪惡老鷹幻影(Shadow) 等等，唔攪清楚d 人物關係，分分鐘同d新角色mix up晒, 樣衰就唔好啦。

劍齒虎-大阿哥 (Diego) 可能因為擁有一對大獠牙，所以看似很兇惡,但其實佢嘅心腸很軟。天生的獸性與對同伴之間的忠誠，時常喺佢心中交戰,但每次忠誠都獲得最終勝利。 「廣東話版由蘇志威聲演」

相信大家都知道森仔 (Sid) 好得人鍾意~雖然佢大咀巴及天真的性格經常為佢帶來麻煩，但這隻樹懶卻有著一顆善良的心。 「廣東話版由李燦森聲演」

文輝 (Manny) 係隻認真、具有責任感的毛絨絨長毛象，一個典型的顧家好男人。佢永遠會將所愛的人放在第一位，並盡一切努力去保護佢地，能有佢當夥伴是一件很幸運的事。 「廣東話版由應昌佑聲演」

亞北 (Buck) 在《冰河世紀3》裏出現的新角色「鼬鼠」單眼亞北，個性瘋狂，帶有一點神經質，他一直以對抗惡勢力為生存目標。 「廣東話版由梁漢文聲演」

愛莉 (Ellie) 係一隻認為自己有一部分負鼠特質嘅長毛象。佢活力四射嘅性格，以及充滿愛心嘅天性，令佢同文輝 (Manny) 成為天生一對。佢嘅友善亦讓身邊嘅同伴們時常感到快樂,更重要嘅係能夠令大家團結喺埋一齊。 「廣東話版由鄭欣宜聲演」

史前松鼠-史卡特 (Scrat) 非常熱愛松果。佢願不惜一切代價，只為了得到一顆，不過今次佢唔單止要為松果而擔心，佢有更多任務在身...

3－有乜特技？
除左蹓冰特技表演、四個立體設計舞臺場景、大大隻嘅長毛象& Friends之外，當然唔少得音樂歌曲，同夢幻般燈光啦。音樂劇仲加入3D超大屏幕投射效果同空中雜技，上天落地嘅表演，唔知睇個陣個頭會唔會180度咁拎嘅呢？

4－記得帶外套！

講到明「冰上動感」，呢個show 當時係冰上演出架啦，音樂劇全長約120分鐘，亞洲國際博覽館Arena 即時變成冰上嘉年華。想睇得安心得放心，緊係要帶定件外套！




5－去邊買飛？
城市電腦售票網就有得訂購加啦，音樂劇有英、粵、國3語，睇啱場次先好買呀～
http://ticket.urbtix.hk/internet/zh_TW/eventDetail/26240

日期：2015年7月23－26日
門票：$680/ $500/ $380
（設有家庭套票，可以$2,400優惠價同時購買 4 張 $680 門票。）

想試下自己運氣，不如玩WeShare 個Game, 贏返兩張飛一齊去感受下呢個冰上動感 舞台音樂劇啦～

遊戲6月30日晚上6時半開始啦～

即LIKE ICEAGE LIVE HK FACEBOOK~
 https://www.facebook.com/pages/Ice-Age-Live-HK/838398926233294?fref=ts

----------------------------------------------
Follow Me on Gi C Life
wengichow@gmail.com

------------------------------------------

[搵食伴徒] 觀塘慕茶 TeMomento ~希望越大失望越大之旅

話說，TeMomento 慕茶離公司極近，基本上連街都唔洗出就可以到。

第一次打去book 位，waitress 姐姐話唔洗book，點知上到去就摸門釘，餐廳裝修中，唯有等下啦。

第2次打去book, 終於book 到啦，點知前一日餐廳打黎冷氣漏水，Shop Close again!!!

第3次，終於book 到又食到，連月睇Openrice 就己經流睇口水，呢餐Lunch 真係夠期待啦。

主觀害的禍，睇圖唔睇字，以為呢度有Waffle 食，點知原來只有手指Waffle配特式雪糕，$7x一份只有2件手指Waffle 同2球雪糕，失望，咁算啦，點返lunch set 再點雪糕啦唯有。

同事們都係點意粉，本店No.1 嘅黑松露意粉（同事話冇松露味嘅，我地唔問佢都唔察覺原來佢點嘅係黑松露意粉），另一同事點咗好難煮得唔好食嘅Canbonara，點知，好咸，真係好咸，好難食。

我就始終都係想食Waffle，所以點咗TeMomento breakfast，賣相好得好吸引，咁當然，All Day Breakfast 都係咗上下嘅野，所以望點就落咗係個Waffel 上，大家一齊試。

一切開，WHAT THE!!! 入面有條腸咁得意嘅！（我地Surprise 到連相都唔記得影）

3、2、1，大家一齊放入口，一齊變臉... 好奇怪，未至於唔放得入口，但唔係好食囉，個Waffle 蛋漿加咗香草，似食薰衣草味，腸係雞肉腸，兩者分開食係冇問題，只係味道好唔夾囉.....

到期待已久嘅雪糕，點咗呢度有名嘅茶味雪糕，分別有功夫茶味及普洱味，hmm，唔係特別好味，好淡有d 澀。

呢餐超雷嘅Lunch，承為HK$92，可能係我地唔好彩，四個人齊齊點中d 唔好食嘅dish，大失望.....

慕茶 (觀塘)

地址 : 觀塘開源道55號開聯工業中心A座725室

電話 : 6257 9982

網址 : http://www.openrice.com/hongkong/restaurant/%E8%A7%80%E5%A1%98-%E6%85%95%E8%8C%B6/185187

----------------------------------------------
Follow Me on Gi C Life
wengichow@gmail.com

-------------------------------------------

夏日網購轉新 Look－ZALORA 買衫好方便！

我好鐘意夏天，除咗夏天有更好多戶外活動嘅機會之餘，仲有好多清爽靚衫可以mix & match~

有冇留意阿Gi 好鐘意著長裙呢，長裙方便又舒服，又可以遮住我粗獷嘅下身添，配埋黑色個人睇上去更slim 更有shape。不過，夏天又點可以黑黑沉沉呢？今日就試下唔同嘅look，黎個不一樣的我啦～

網上購物真係方便，一次過衫、褲、鞋、襪都可以搵齊。今次已經係我第3次係ZALORA shopping 啦，ZALORA 勝在款式平均，OL look 又有，閒常裝都有，選擇都好多，去過ZALORA Shopping 嘅一定會認同。

另外，埋單送貨好快就攪掂，仲可以到付，唔洗下下用Credit Card 咁麻煩～

趁住網站做緊discount，一於shopping 下，試下一d 平常唔多著嘅style 先。呢條露肩連身長裙 睇上去好似好難carry 咁，或者係自己唔習慣／冇著開呢類型嘅衫。著咗上身睇落都唔會太過唔順眼丫係咪？原來我都襯得到甜美look 架喎。

一件衫再靚都好，都總要襯埋飾物手袋先叫做全套。呢個係我嘅concept，Gi 定律!! 所以每次買衫時都會諗埋襯咩鏈，襯邊個袋。我，買手飾比買衫可以更瘋狂幾倍架！

露肩連身長裙 嘅shoulder cut，其實可以襯條浮誇小小嘅頸鏈。金色頸飾通想都係我杯茶，襯返我一身古銅膚色丫麻。呢條頸鏈quality 都幾好，唔會太重之餘，每個吊扣間都好密好實，時刻都排得整齊！

貪靚又懶，所以唔係常常都塗甲，指間嘅裝飾就全靠戒指。平時衣著多以單色、素黑為主，所以accessories 越突出再誇張越好睇，再者，我都係一個浮誇人！！呢年興帶Bling 嘅珍珠飾物，所以大大粒嘅人造珍珠指環就襯晒我夠浮誇。

講起上黎，呢隻人造珍珠指環真係百搭。呢個甜美look 又搭到，OL 上班Look 都carry 到。襯全白好睇，襯全黑就更型啦！

包包方面我就最鐘意好睇、易襯百搭，因為每次都好怕換袋會拎漏野，所以一個百搭包打天下最啱晒我呢個懶人～

呢款索帶水筒袋真係好襟興，買一個袋可以用足幾年又百搭，仲唔係啱晒懶人用～

（係，我懶換袋，百搭先係最緊要～）

索帶袋通常都有個唔好處，就係帶好難拉開，呢個好順好易拉又唔會鬆落黎，size 又剛好fit 到我個大銀包，都真係唔錯呢～

唔知大家對我呢個咁特別嘅look 有咩睇法呢？ 咁真嘅嘗試，我仲係未咁著出街呀，不過好多同事朋友仔都話好睇，Really? 會唔會有一日…突破自己呢？

產品由ZALORA提供，依家做緊Discount 到6月26中午，慘啦，好多野想買呀！！

----------------------------------------------
Follow Me on Gi C Life
wengichow@gmail.com

-------------------------------------------

養生之道加速循環- 北角「璞。精緻養生會館」

近來發現自己慢慢被時間催迫成長。去年婚後接著新工作，責任感加重，很多事都要更花心機去留意、處理，更要細心去細看身邊發生的一切大小事。

人係粗心大意嘅動物，由其係我，專注力醉心於一事中就會連飯都忘記吃，呢一年嘅忙碌令我感受良多，同家人間嘅關係，到自己身體，回故才發現我錯過咗好多。其實，我更加要多愛自己家人，才能享受辛勞得來嘅回報！

2015年仲有6個月比我去catch up，要catch up 返嘅唔止係同家人、老公、朋友嘅關係，仲要好好照顧自己身體。有時間，多做養生嘅活動，多愛自己一下。

曾經睇過一本書，身體循環好，9成病痛都可以自癒。要循環好除咗多運動外，提升體溫都係一個好辦法，所以會成日去焗身。而坊間亦都有好多養生館提供不同療效嘅養生房間，多方面改善身體毛病。今日就黎到北角，試下「璞。精緻養生會館」嘅養生房先。

館內環境就幾舒服，由入門個刻，就開如被昏暗嘅光線cool down，呀，開始眼瞓啦添！拿拿林去沖身嘆返下！

會館鼓催天然療法，一切有有可能為身體帶黎傷害嘅化學品，會館都唔建議使用，包括Shampoo 同Shower gel。咁點沖乾整呢？見到呢個花灑嗎，工作人員解說入面嘅精石有靜化水嘅功能之餘，同時加入能量，令流出黎嘅水有深層清潔嘅功效，可以取代身體清潔用品，咁得意，真係千奇百趣沖涼記。

淨化完皮膚，到淨化體內，飲一杯酵素及能量水，加速身體排毒，一陣入養生房排毒更徹底！

酵素唔難入口嘅，基本上係冇乜味嘅，係個綠色有d 嚇人姐... 

呢個時侯我就要好好揀邊個服務好啦，「璞」有成上十間養生房，每間都有特式，亦有唔同嘅治療功效，真係要花d 時間去study 下先得。

http://pustone.com.hk/room-introduction/

養生除咗要注意排毒外，intake 都好緊要，我地食d 乜都好影響排毒效果。「璞」每日都會有唔同嘅養生餐單，唔好以為養生餐就係食淡某某嘅菜咁單調，睇睇呢一餐嘅豐富，仲要味道都唔差架。

http://pustone.com.hk/organic-meal/

好入房lu，唔知點解，我一直被地上嘅數字燈吸引，突然又變貓～

第一次去，先揀養生館內排第2最熱嘅房試一試先-「燃脂房」呢個名太中女士需要了吧！上返官網check check 功效先！

燃脂房－岩盤浴

· 岩床為黃砭石有對人體有益的40多種微量元素和礦物質 

· 產生遠紅外線和超聲波 

· 消炎鎮痛，能消除身上的不適和病痛 

· 排毒養顏

· 躺在砭石能量房中20-30分鐘，就相當於慢跑1小時運動量的效果

一腳踏入發熱中嘅岩盤地板，好舒服呀，啱晒我雙腳成日都冷冰冰！全躺就會慢慢暖和全身。

每間房內都有電視同音樂，怕悶都有愛。回家陪你，45分鐘一節，剛好可以K 完一集！

又或者可以與摯友同行，傾計休息，時間過得特別快！

可能我耐熱度比較高，所以45分鐘嘅燃脂房未至於令我汗流胛背，所以第二次一於挑戰最熱嘅「負離子石板房」，check 下功效先。

負離子石板房－岩盤浴

· 岩床為負離子石板 

· 會釋放大量的負離子進入至皮膚深層處 

· 汗從深層處流出，都是五臟六腑之毒素 

· 有助排減壓力，對於治療失眠、自律神經十分有效

同燃脂房好唔同，房燈可以較到全黑，係入面真係可以瞓一覺。石板房真係熱好多，其實光住身體平躺係石板上會最見效，不過有d 辣，下次我會挑戰一下。一邊流咗唔少汗，所以一定要補充返多d 水份。個晚我真係瞓得好好，真正深層休息，第二朝叉足電，真係好正！！呢間房，要encore!

有時間真係可以係度留半日，入下房休息下，食下野再做埋個腳底按摩！正，呢d夢想中嘅退休生活，終有一日會實現嘅，我依家要努力d，等我夢想快d 實現先！

仲有好多房未試，有興趣知其他房有咩功效嘅請留意我Fanspage Gi C Life 啦！

璞。精緻養生會館

地址： 北角馬寶道 28 號華匯中心 11 樓

(北角港鐵站 A4 出口上蓋)

電話： +(852) 2896 29986

----------------------------------------------
Follow Me on Gi C Life
wengichow@gmail.com

-------------------------------------------