War Game~~ R U READY~~~~

尋日同14個friend去左打WAR GAME CQB, 今次有晒自己gear 同自己支鎗感覺好好多~~

重有我個best friend同我一齊去tim, 等我唔洗一個女仔咁悶~~ 今次個個都帶晒私伙野, 個場又加左好多新野, 我又開始了解點打, 真係好玩左好多, 嘩~我第一次打到最後, 殺底幾件, 個彈匣得返廿幾發~~ 呵呵呵~

有朋友帶左女朋友黎, 佢地見我full gear 晒, 好出奇咁問我 '你好鐘意玩呀?' 嘻~ 我唔識答呀, 不過見佢地玩左幾場後個滿足表情, 我諗佢都已經有答案~~ 希望下次再見到你地啦~~

睇我幾英~~ 我支鎗係I AM LEGENT 入面 Will Smith 用個支... 不過我冇加鏡....

不過.... 玩時都要付出.... 一唔小心.....哎呀!!

我諗我都係全場最傷個位啦, 重要中左全場最勁個支'手鎗' (係lor, 有幾位人兄d鎗好勁, 手鎗都打到我咁)....好在肥哥哥比左d野我查, 即刻消腫~~ 因為剛中鎗個時腫起左好似火山.... 哈~~

今日全身勁酸痛~~隊友~下個月再黎~~ 

 

冬天的我, 夏天的我

見今日咁好天, 忍唔住同打令去左海灘晒下太陽. 今日個太陽又唔叫好猛, 有小小涼風又真係好舒服呀~~ 作為2008年晒太陽第一炮, 今次都好滿足.... 可能因為今日係紅日, 所以好多人... 一家大細~

回想去年, 我就真係每個WEEKEND都晒太陽, 睇返D相.. WOW 好黑, 可能我本身係好白, 而經過一個冬天, 我已經變返白雪雪. 但當2張相放埋一齊時.... 唔..... 我知架啦, 我今個summer唔會晒得太黑架啦~~~

大黃大紫益力多~~

今日同事請左我飲紫色既益力多~~

原來係售自星加坡既提子味益力多同橙味益力多~ 味道都唔錯呀~~

5月6日 我的少爺生日快樂~

Mr. Ong, Happy Birthday~~ Never too old~~ HE!~~

今日神神秘秘同左打令去左灣仔食生日飯... 平平靜靜咁過左佢25有2既生日... 我安排左一間聽聞有好好味既朱古力心太軟既地方食飯..

朱古力心太軟係我同打令既love dessert, 想當年就係因為一個心太軟令我地sweet到依家. 朱古力心太軟亦都係打令對我既一個承諾標記~~

個心太軟真係好好味, D古力係咁流出黎, 巧令又好正~~

Saturday Shopping

星期六同左妹妹行街街... 本來冇打算買野既我, 一心一意只打算同妹妹去阿貓地攤玩下貓, 同去搵下小豬係香港將會開既自家品牌'STAGE'既分店...... 點知...一去到LANE CRAWFORD.. 我就破左界... 都唔明點解.. 次次都係LANE CRAWFORD....

Bobbi Brown - 膚色唇彩 (成日都好想要有好淺唇色既效果, 但係問左幾個BRAND 既BAR, D姐姐都好似唔係好明我要咩咁.... 最後我都係去返我至愛... Bobbi Brown..)

Laura Mercier 2way cake (平日都冇話會補妝, 因為我D底妝好淡, 只係眼妝比較重...BUT由於近日開始要行返工, 大汗既我返到公司D底妝都almost溶晒... so 都係要買返個2-way cake, 貼d 又防汗, 又可以補妝... 我重買深左一度, 夏天晒黑左都可以用~~)

~~附上阿貓地攤@CWB的小貓~~

My Dream Cat ... 布偶貓~~ 真係好令呀~~

新工的2星期後...

大家好呀, 好耐冇同大家見面...

返新工都2個星期... 好感恩既係我適應我好快. 開頭幾日係好唔慣, 同事又好忙冇人有時間同我GO THRU D 野, 張登又怪怪地, 去TOILET又要下下都要問同事借KEY, 唔太熟, 好監介.... (識我既知我係水筒, 飲得多就去得多...) , 冇得MSN, 又唔BLOG得. 可能環境轉得太快... 休息左1個WEEKEND就返新工, 又好掛住之前D同事... 係有小小脾氣.....要多謝蘋果EE啦, 佢好關心我, 又聽我喊, 喊晒出黎, 減晒壓... 第3日返工, 冇晒事~~ 哈哈哈~~ 我係咁架啦.. 傻傻地... 一時大喊, 一時就會大笑返, 唔記得晒D唔開心既野~~

聽日係第3個星期返工, 我同同事們都相處得好好, 我阿HEAD又好好人.... 大家都好.... 傻傻地~~ HEE~~ 希望今個星期我又可以學多D野啦....

每日行15分鐘返工, LUNCH一大班同事一齊食, 食完有時幾個女仔一齊行下街, 放工5:30.... 頂晒都係6點走(係因為我未忙者...) 放左工就可以去我至愛既 '一個海港只有一個海港城' 同'舌天掃巴'& '悲豬溫'行街 OR 行返屋企..... 超RELAX既生活~~ THIS IS LIFE~~

附上我的工作證, 返工第一個星期已經有工作證, 好FEEL WELCOME 呀~~ HEE~~ 都影得唔錯丫~~

多謝你地既關心同PRAIER~~ 我過得好好, GOD WILL LEAD MY WAY~~ THX GOD FOR EVERYTHING... 我唔求任何既, 我只求一個SIMPLE HEART.... 過一個SIMPLE既生活~~ 多謝神你照顧我, 比晒最好既我~ 我好滿足架啦~~

在S.E.M 的最後一週 - 椰汁糕

倒數進入一星期, 最後一個星期係S.E.M, 最唔捨得既係D同事, 特別係同我最要好個2位~~  平時多得佢地照顧;  

陪我食飯

;  

聽我發盧蘇

;

做我既試食評論員

;

陪我唱k

;

陪我整蛋糕

.

佢地係我心入面已經唔係同事咁簡單~~ 已經係我既摰友~~

重有要多謝你地幫我保守秘密, 同係我搵工同時咁支持我~~ 我愛你呀青光人~~ 我愛你呀, 安安兄~~

要係走之前, 為佢地做d野, 所以我整左我既拿手椰汁糕….  其實我係大半年前已經話整比佢地2個食… 但係… 好, 應承左既我一定會整~~ 順面整埋比各同事食...

呢個係我第一個學整既甜品.. 係我已故既母親大人親自教授~~ 母親大人整野好好味, 可惜我年少無知, 只係佢身上學左椰汁糕同芒果布甸… 唉…

不過我整既椰汁糕已經有一定水準, 希望佢老人家係天上都可以感到安慰..

多謝大家既好評, 見到大家食得咁開心我都好安慰, 好大鼓勵 (雖然唔明點解有d人硬係鍾意對我整d野食評頭品足, 多多意見但又從來唔見佢整過野食)

為左你地, 我破天荒將我既食譜大公開.. 零失敗~~

椰汁糕

糖…………3/4 碗                           **(普通飯碗)

魚膠粉……5茶匙

水……………2/3碗

椰漿……………1 罐(大)

奶………………1/2 罐 (用椰漿的罐量)  or  1 盒小屋奶

做法:

1.       用中火將糖, 魚膠粉加水煮溶, 熄火

2.       將椰漿及奶加入(1)

3.       攪拌至涼, 用隔篩 隔去未溶的魚膠粉, 入盒並放入雪櫃

 

完成~~ 超簡單, 完全零失敗~~

食完, 又一日, 星期六既下午放工後去左搵呀姑仔… hall1c shop~~　希望今日係我人生入面，最後一個要返工既星期六啦～

我的兩大至愛歌手... 全場得一個花牌~ 我深信佢地真係friend底~~

呢排就算有d咩唔開心, 只要望一望呢個傻b將相, 我d火就即刻消晒~~ 佢真係好乖, 又令仔~~

在此同各同事說再見, 等閒出黎飲野啦~