星期二, 2月 19, 2008

2008年的情人節

話說14號係新年後開工日, 因為放假夠訓,所以準時返工~~ 行到位.... 就見到佢...心諗, 嘩乜打令咁早呀... (因為我地上班時間係9:30am, 聽聞花係9:15am已經到左....) 


滿心歡喜打比打令多謝佢啦, 佢問我睇左張卡未, 叫我睇下~~ 我一打開... IRIS?! 我以為打令玩野..... 點知送錯花..... (打令開始唔老黎....) (D字重要好衰)


之後打令打上去同佢地嘈, 但係佢地又做得D咩丫, 唔通去IRIS道攞返扎花咩...打令話佢買個扎係大架, 依家佢地送左扎細D既比我... 即.... 范先生送扎細野比IRIS, 比我係IRIS, 我死都唔比返扎大既比你啦~~ 所以佢地係12:30pm送多左一支白玫瑰+勿忘我比我 (送葬咩~~Touch wood ~~ 大吉大利~~) 告知打令寫左一大段野係卡道架...


同佢地嘈完, 見佢地又唔願調返扎花, 打令愈諗愈火, 佢既得力助手話佢火到每一個行去佢身邊既同事都一命嗚呼~~最後... 佢去左另一間訂多左一扎, 4:40pm 門口姐姐又叫我收花... 好監介...各位男仕, 千祈唔好去右邊間花店訂花, 要訂就訂左邊個間啦, $$又差唔多, 但係令幾多~~ (12:00pm訂, 4:40pm 送到去柴灣, 係情人節當日佢都做到, 呢d咪就係service囉~)


你地睇下, 令幾多, 包裝認真幾多~~~~~~~~~~~


打令送花, 我就整蛋糕送比打令~~ 點呀? 買相得唔得呀?


草莓白朱古力mousses cake~ 好香士多啤利味 (我用左士多啤利果茸+士多啤利果酒)


禮物上, 打令送左個蒸面機比我,  he~~好鍾意呀, 好舒服架~


EH-2473 PANASONIC 白金納米離子蒸面機
全球首創,獨有嶄新白金納米離子科技,將一般水份子體積縮少至1/20,000, 更有效令皮膚角質層吸收水份,令肌膚真正深層保濕,達致淡斑、收緊、平衡油脂效果,肌膚回復光彩及彈性. 預設3種護理程式,清涼噴霧 / 恆溫蒸氣可交替吹出,迎合不同皮膚需要



而我就送左個打令鍾意左好耐既手機比佢~~ 佢好suprise呀~


一個好難忘既情心節~~ 原來唔出街, 係屋企慶祝重開心, 唔洗同人迫~~ Thank you Darling ~~~ Lova Ya~~



(鳴謝: 打令首次露面)


星期一, 2月 18, 2008

台灣之旅@Day 4

2008年1月27日 - 旅程之終章


係台北中山住既酒店除左大之外, 重有星級既服務. d人好有禮貌啦, 要佢地拎野比我地又唔會要我地等好耐啦. 張床超大, 用既沐浴露又超香超潤... 佢地重體貼到有好多唔同type & 軟硬度既枕頭比我地簡, 打個電話去, 佢就會拎上黎.


洗手間都好大, bath 同shower 分開, 重有好香既bath salt 可以用~~ 最impress 我同打令既就係呢個座廁, 見就見得多啦, 用都係第一次~~ 原來冬天有個暖既廁版係咁舒服~~~... 但本人就唔太enjoy佢個噴水..............



下午去左周杰倫開既吉烈專門店 - 豚屋


佢係豚屋既吉祥豬, but佢郁得太快, 又唔望過黎.... 見佢咁忙, 我都係唔打攪佢啦.


等我磨定d芝麻預備開餐先~~~~呵呵呵~~


d野食黎啦, 係唔係好吸引呢~~


睇下隻蝦幾生動~~


呢個餐重有甜品雪糕架, 質數可以比美香港既'吉', 但係價錢就平好多... 係'吉' 食冇$300 一個人頭都落唔到樓, 但係豚屋都係大約60-70一個餐~~


食完野, 行多一陣就差唔多係時候去機場, 我地早左check-in, so係機場入面行下... 打下機~~


返到香港~~



完~~


星期二, 2月 12, 2008

台灣之旅@Day 3




2008年1月26日


哈, 平時係香港可能工作忙啦, 所以都唔係好成日睇電視, 但唔知點解去到台灣我地2個都變左電視精, 臨瞓前同一瞓醒就開電視, 朝早d節目好資訊性, 夜晚個d節目就好好笑~~ 就算依家返左黎, 我地都download d 台灣綜藝節目黎睇~~


 


呢間聽聞係中山區最受歡迎既餐廳, 呢間野都幾招績居然會午市休息, 我地2:30去到, 佢地已經收左爐, 所以唯有第2日先去啦~~ (打令現身~~)


唔係講笑, 呢盒滿都爆尹既大鰻魚飯, 鰻魚多到見唔到飯都只係港幣$40幾蚊~


去左國父紀念館... 好悶, 所以行左15分鐘左右去係去左行街..


國父你好~~~~


行行下街見到前面好多人... 居然咁都比我見到... 汶萊王子吳尊


每個捷運站都有一個'夜間婦女侯車區'... 但係好奇怪... 話說捷運00:00 就係尾班車, 但係我地11:30 去搭都重有到有男士係'夜間婦女侯車區'道等車... 點解呢??


行完街街~~ 買左好多野呀.... 所以係酒店附近一間餐廳食飯, 真係比佢個門口同d裝修呃左.. 我地食左個多野, 又雪花牛, 又雞又羊又鮮茹一咁都只係每人港幣$60左右~~ 台灣食野真係好抵呀~~ 


食完野出左去行下~~ 星期六既三越10:00 就關門. 所以.... 都係返酒店睇下電視~~


買左個好靚既香薰爐~~好靚又夠大個,可以燒耐d~~都只係港幣$240, 咁既價錢係香港可能只買到一個細細又唔多靚既爐仔咋~~


第3天完~~


星期六, 2月 09, 2008

台灣之旅@Day 2

2008年1月25日


要離開北投,向台北出發~~~


我地住既溫泉旅館,日式客房同其他房係分開既~


下午茶我地去左食CAKE, 呢間CAFE成間都係做CHOCOLATE, 打令個杯係法式巧克力, 係thick d 既, 我個杯係意大利巧克力, 多d奶, 好好味~~ 個cake都好好味~~


晏晝去左西門町行下, 雖然落雨但都好有feel~~


手信,手信~~~


呢間係我地係台北住既酒店,入面好大好靚架~~


GI @ 晶華酒店門口既噴水池~~~


坐巴士出發去101~~


因為天氣唔好, 所以101變左71~~


我地係101入面食既晚飯~~好好味,好多野食~ 正呀~


食飽LU~~ 出發去誠品...行到我腳軟呀~~


我地既戰績, 成10幾本書呀~~~大部份都係打令D DESIGN 書~


第2天完~


星期一, 2月 04, 2008

祖兒演唱會~~ 2008


記得係1999年年尾, 返左黎HK 過Christmas. 親友送左隻碟比我... '邊個黎架? 新人? 個樣咁普通既?' 個心冇乜要求情況下, 放左隻碟入cd player, 簡左隻慢歌黎play '這分鐘更愛你'... 自個次.... 我愛上容祖兒...


好多人話佢唔靚, 咁我又唔會死硬話佢靚. but當一個人自知自己唔夠好, 卻願意去花心機功夫去改變自己型像, 我覺得佢好叻, 好成功, 總好過有d人理都唔理下~~一個artist, 如果唔理下自己個外表, 咪又係比你地班人柄~


原來已經有8年咁耐, 我自問唔係d hardcore fans. 但係每次考試, 都係聽你既慢歌去讀書; 做運動就會聽你既快歌, 好有衝勁; 每次去親唱k, 都會比朋友complain係容祖兒演唱會. 係你既聲音叫我留底去支持你~~ 你既歌陪我過左好多難關.. especially '世上只有' (this is one of your song that i could never sing, or listen.....)


你今次CONTACT (係concert, 比餓鬼捉到打錯字, but都唔太錯既~~ '今次與祖兒既接觸'~~yeah ), 雖然係買貴左飛... 但一定係值得, 一d都冇令我地失望, 我重玩得好開心, 你係第一個另我就算座250飛都夠膽去企起身歡呼既人, (sorry, 雖然你上一個concert 我係座400位, but... 唔夠膽起身~~)


今次你唔玩水, 唔玩火, 唔爆玻璃. 但係最好睇既係你既20分鐘慢歌medley 同 20分鐘快歌medley, 你一口氣唱落去, 聲都冇變, 已經係第9場, 你真係好叻. 你既歌比所有'花神'更有卓頭~~



加油, 我會繼續支持你... 可惜我miss左冇買到chofy~ 如果比多次機會我.... 我會唔怕凍咁去排隊買chofy....


 


ps. sorry 呀松山, 為左祖兒我去唔到你40大壽~~ 最多我借喜歡祖兒4你聽~~ 生日快樂~~


LinkWithin

Related Posts Plugin for WordPress, Blogger...