星期五, 2月 27, 2009

跑步機上

2009年2月25日, 我用了50分鐘在跑步機上完成了7公里~
"要跑到跑不下去才停~~"

明天一早再跑~~

星期三, 2月 25, 2009

OPI 試色


OPI既火係公司都慶左2-3個星期 (燃火人係我~~哈哈)
由搵賣家, 比價, 睇相, 落單, 比$$, 收貨一手包辦.
搵到一個靚價, 個個同事都心郁郁啦.. 一買就買左咁多..
打令都話.. 傻架? 邊有人買人9百幾蚊指甲油架..
傻啦, 傻啦, 我只買左2支...
但我唔單保好用我會繼續買...
Show 下的色先~~



# NLH19 PASSION 我叫佢健康粉紅, 擦左之後指甲望落好健康


 
# DS022 FANTASY 隻藍色靚到唔想講野..



 
D色就好夠靚啦, 又夠光...又LONG LAST, 擦一層已經好出色 (以上都係只擦左一層), 最緊要係.. 好super快乾呀~~~ 啱晒我呢d冇耐性既人~.. 我諗我會繼續入多D唔同色系..



ps..我d指甲愈來愈薄, 如果唔擦指油厚d就會好易斷 (入晒肉, 痛到入心呀..)
可能係自己住, 要成日做家務..
打令上網research, 鈣質或蛋白質係對指甲好..
所以佢買左呢個比我, 我日日都食


 
後記.. 開始左一日一盒奶2年.. 去年中去fancl check骨質,
d姐姐都係話我d骨好唔得... 話我個身體唔'鎖鈣'...
(車, 我已經聽唔知邊個講要係25歲之前勁飲奶架啦wor..)
=.=" 其實fancl d 機準唔準架... 定係佢想sell我野咋..


星期五, 2月 20, 2009

每日一買@id:c

見到blog 友 kamanb 用$50買左對鞋, 個款又唔錯... 又近公司, 所以放左工就同同事去八卦下...


由Harbour City 行去 Silver cord個條天橋已經見到好大個廣告寫住 id:c 1折起... 其實我同朋友都真係好小去 id:c, 不過都係心思思想去望下....


一去到, 又唔見到好多人, 我同同事就衝左去鞋個邊睇... 真係$50, 重見到 kamanb 買左個對tim, 我睇中左同款既白色... 一心諗住唔係好多人, 就睇埋其他先叫姐姐幫我拎size 試...... 點知一轉頭就比一個女仔問左姐姐拎黎試....


所以話, 瘦田無人耕,耕開有人爭, 何妨對鞋真係既靚... 姐姐重要話得返一對.. 個位少女又左諗右諗咁.. 又yim 太高.. 我就同同事講如果佢唔要, 我要.... 唔知係唔係佢聽到.. 本來重三心兩意既佢, 好快就改口, 同姐姐講話要.....我個心即刻碎了.......


好在, 都比我搵到另一對都係好靚, 又係$50... 大家睇下啦~ 你地一定要話靚呀~~


下次真係唔好再咁'OR GOR' 啦.. 想試就即刻試.... 唉.... 本來係我架....


(黑心: 個對一定夾腳!!!!!!! 除左 kamanb 你個對之外)




星期四, 2月 19, 2009

想點呀....

今日OFF左一日, 因為要去攪D私人野.... 由中環去到金鐘再去北角... 攰死人...


返到屋企, 從同事MSN中得知公司調動有結果,


好的是我被調到心目中的部門.. 係好事定壞事? 因為將會好忙.. 想去那部門係因為會多D野學, 多D機會. 但始終我唔會忘記我既志願始終都係'賺錢買花帶'...

現在就係為未來鋪路~~


壞的是.. 聽聞高層將部門調到亂七八糟... 想點呀.... 明天回公司再算..


大家祝我好運吧.... (擔心...)


我不是 Shopaholic?!

回想起3年多前, 一個傻妹剛大學畢業, 滿有PASSION咁返黎香港.


好快就搵到工既我.. 由第一份糧開始就入左魔,
乜都買一餐, 屋企勁多衫同勁多化妝品.. (但係又唔識化妝)
朋友話我係購物狂 (我當然唔認啦, 因為我真係有"諗過"先買架..)
至少我冇試過碌爆卡啦..... 



可能人大個左收歛左, 現在買野冇好似以前咁瘋狂...
朋友們, 可唔可以將我這個'購物狂'名稱除下??
其實我一點都不瘋狂, 我只係喜歡買啦...
 
近日係報章上現到一套新戲上.. 潮拜購買狂 (Confession of Shopaholic)
好想睇...
其實我一向都唔係好鐘意睇呢類型既戲..
而今次咁想睇..
究竟係因為我想回憶一下以前敗家既感覺..
定係要証明我唔係購物狂?


其實喜歡買野既性格係改唔到架...


shop_poster 潮拜購物狂 (Confessions of a Shopaholic)


終於解決了.. 感謝神~~

近2年, 因為一d事.. 令我個人好唔開心....成個人好似變左咁. .. 唔想出街唔想見人....乜都唔想做..
原來都已經唔開心左2年幾... 屈左係個心道咁耐,
依家先覺得原來自己d EQ CONTROL都唔錯..
 
去年聖誕前, 做左一個會影響一生既決定,
別人眼中呢個決定人錯... 但對我黎講係一個解脫..
 
自從心結解開.. 個人開朗左..又開心左..
開始搵返D朋友, 又識左D新朋友..


今日.. 19號, 對我黎講. 意義重大.. 就係今日直接改變了我一生.


今日開始我就'重生'了..


感謝:


感謝我既天父, 你每天看顧, 支持我. 係你比我信心同安慰我先可以支持下去..


打令:我知你擔心我, 知你心痛. 放心. 事情已經完了.. 就像真開始. 只有開心, 我不再流淚了


Surine: 我知你好擔心我感覺到, 雖然我地身處2個不同地方, 我知你係好關心我, 你每一句說話, SMS, 我都會好好記住你係一個真心愛護我既朋友~~ 呢件事都令到我知道邊個先係我真正既best friend


 


老爸, 不要哭了, 我長大了, 放心吧, 以後的日子, 我會很好呢.


只要見到你開心, 我就安心了~~


星期三, 2月 18, 2009

每日一買 @ SASA

如果要實行下 '每日一買' 既計劃, 會唔會有一日買到冇野買呢?
哈哈, 又唔一定要買既, 不過見到blogger 有好介紹我就會想去試下...



 
1. MJ base
我好鐘意化大眼妝.. (因為我對眼細) 會精神d..
所以我好鐘意化到我d睫毛好長好長..
之前用過clinique 既base, 係好長, but 唔捲曲
唔知有邊隻base好用. 又心思思想試下MJ.. 所以就買左啦
今日試左, 果然D MASCARA好上左, 又捲曲左~~不過就好難落, 令到我本身個隻'溫水沖mascara 都難落左... 難落到我唔多想用... 有D想買返clinique


2. 電睫毛器...
有時擦完mascara之後, d 睫毛就會向下墜..都唔知點解.. 係唔係D睫毛膏太重??
明明擦之前夾得好靚架... 唉.. 又唔想擦完mascara之後再夾..
所以係yblog周圍睇下d sis有咩心得..
終於比我搵到... 電睫毛器...
之前試過個d 電睫毛器都冇乜用..
寄言blogger話好.. 就試下啦... 嘩.. 好似假眼睫毛咁..
(以下係我只擦左幾層mascara + 電睫毛器既效果... 冇擦base.)



 
3. Long Lasting water proof eyeliner.
唔知點解我次次畫親內眼同下眼線都會溶...
係成條唔見左..重化左小小落眼肚位..
上眼線又唔見有化wor... 試過好多筆呀, gel呀, 都唔得..
見到blogger 話呢隻好好用... 見佢$28平平地, 所以買黎試下啦
又唔錯wor, 易畫啦, 又唔太見佢化.. (我lunch time 畫, 返工屋企煮埋飯都唔太化..)
都ok wor~~ 佢重有砲同smudge, 一支攪店晒~~


再有好野就同大家分享~~


星期二, 2月 17, 2009

ANNA SUI 香水+粉底SAMPLE


已經係上2個星期既事, 不過一直忘記記底...
 
去了anna sui拿了香水版及粉底...
我係清花香型既人, 所以anna aui既香水不太適合我.
 
至於粉底.. 第一次試用.. 粉餅ok, 粉底未試...
不過一讚既係, 佢地連sample都好認真.. 有佢地特有既花花packing 做粉餅sample.
雖然心郁郁想買佢既粉餅玩下.. (只係laura mercia 個粉餅令我太失望, 好想換左佢..)
...... 唔係既... (清醒呀..) 我唔會比你引到架anna sui. 我至愛係GA粉底..
我只會買GA粉底架咋... (大叫中)><
我唔會容許同laura mercia 個粉餅同一既悲劇再一次發生架..



原來真係會送到黎我屋企架

朋友上左olay個網分享左total effects, 重'推薦'左比我 (其實一開始係我in-person推薦比佢先...哈哈)
一心以為係廣告gimmick, 點知過左2個星期, 我真係收到試用品呀~~哈哈哈~~ 
細細支, 可以放係手袋~~



星期一, 2月 16, 2009

情人節大餐~~

歡迎黎到吉烈專門店~~



今餐又銀雪魚又吉豬又花之戀都係$350, 係情人節餐一位既價錢..
好唔意思呀.. 我太肚餓同太熱啦, 已經冇心機伴碟啦.. 俾俾面啦.. (打令見到d送相都唔等我影埋就已經開動啦~)
今餐都算係新嘗試啦, 我一向都唔多炸既, 又怕易燶, 又怕入面唔熟..
出黎個outcome 比我想像中成功, 每樣都好好食..
原來最好食就係我最冇信心既吉豬....



吉豬 + 可樂餅
好好食呀~~ 不過可樂餅太大舊... 我至愛薯茸 (食完先記得冇影到入面比大家睇>< 唉....)



銀雪魚西京燒
甜左d, 不過都好好食, 下次試下用黎煎, 會香口好多 (我怕煎爛, 又怕痴底, so 攞左去焗)


麵豉湯
至好味既一道菜, 因為係即沖.... >< 不過即沖都好有煮出黎既水準 (所以我好懷疑平時出街食個d都係即沖)...
買即沖既原因係d材料又貴又大包, 我整左今次唔知下次幾時會再整... 買即沖, 一杯都只係$11, but 一舊麵豉就要$3x.. 我冇咁蠢啦~


 
太多最終都係食唔晒..


情人節快樂~ 禮物篇

FROM 打令
~~~~~~~鮮花一扎, 粉紅玫瑰~~~~~


保加利亞玫瑰@Stella McCartney
好香, 聞左個人好開心... 好鐘意~ 
瞓前都要SPARY 一 SPARY, 香住黎瞓~~


Bobbi Brown 化妝書
唔係冇晒既咩? 我搵左好多間pageone都冇, bb bar都係得返一本...
究竟佢係邊間買同幾時買架?? 重要包左cover.. 咁細心...
(輸左比佢tim, 我已經係pageone出左後第3日去睇都已經賣晒啦..... )

 
from SAM
Coastal Scent 78
我諗過你會送禮物比我呀~~開心死我啦..
我好鐘意好鐘意呀~~

 
NARS DUE E/S
終於返黎啦... 等左你好耐啦....
今日試左返工, 輕輕的化, 淡淡的一個啡smoke..
同事話同平時好唔同..我覺得就淡左d, 可以啡多小小, blend開多小小,
個粉紅底反而可以輕手d~~
不過都好滿意, 唔知老細有冇見到我成日望鏡呢...


好開心, 好多禮物~~


多謝你比左個開心既情人節我呀~~


題外話: 啡con都就黎用完啦, 要入返d貨啦...
朋友問我點解唔試下銀色藍色... 唔知呀, 覺得自己唔襯.
我個頭又咁啡.. 都係啡con 好d.... 想試再淺一個色.. 淺啡好唔好?
定係買返依家用緊既? 好似淺d對眼會細d wor.
我對眼就已經夠細啦~~><
又搵自己黎煩..


星期五, 2月 13, 2009

記念..

個BLOG出左2年幾... 雖然唔係好成日理佢 (因為好懶打中文.. 又唔係成日都有冇多事發生/分享)..


由一開始只想寫美容野, 至到有一期勁寫無聊野..


再有自己既蛋糕.. 甜品, 美食..


再寫番美容


兜兜轉轉


由一個冇人睇, 冇人留言既BLOG..


到左今日, 終於有1000個回應啦..


多謝各位, 我會比D心機UP BLOG架啦~~


小事一則, 有感而發

貴為情人節前夕, 好多小戀人都會為身邊個位親愛的去花小小心思..
本人認為, 只要有心思, 無論收到咩禮物都應該要讚..
可惜現時香港女子既'要求' 對於一班唔夠細心既香港男孩黎講... 真在太高啦...
 
尋日正直阿GI放工後, 歸心似箭回家途中, 見到一對小情侶...
男既拎住一束好靚既紅玫瑰
女既扁晒咀, 問: 點解你會送玫瑰花比人架....
男既就O晒咀咁 答: 點知你鐘意鬱金香者.....
 
其實咩花都冇所謂啦.. 有花收都重要咁???
唔係送菊花劍蘭比你, 你都執到啦.....
 
奉勸港女不要太港女......
我係女人都睇唔過眼~

人類的十個最佳時間

收到個幾有趣既EMAIL, 同大家分享下~~


人類的十個最佳時間
● 1.唸書的最佳時間
早上 醒來頭腦一定會昏昏的,但去洗把臉後 ,就會清醒多了,
這時也是頭腦最清醒的時候,而在此時唸書或是記東西都會比較容易!


●2.運動的 最佳時間
在 早晨 的時候出去散散步是不錯的,
因為早晨的空氣是最新鮮的,在散步時多呼吸些清新的空氣,
不僅可以提神,對身體又很有幫助,但切記不要做劇烈運動 喔!



● 3.吃水果的 最佳時間
飯前一小時 吃水果最有益,因為水果是生食,吃生食再吃熟食,
體內就不會有白細胞增高的反應,有利於保護人體免疫系統,增強防病抗癌的能力。



● 4.鍛煉的最佳時間
傍晚時 鍛鍊身體是最好的,因為人的各種活動都受〝生物鐘〞的影響,
無論是身體的適應或體力的發揮都在下午近傍晚時分最佳,
早上則反之,運動時的血壓和心率都較傍晚時高,對人體有害。



● 5.洗澡的最佳時間
晚上臨睡前 ,洗一次溫水澡能讓全身的肌肉和關節放鬆,有助於安然入睡。



● 6.減肥的 最佳時間
飯後45分鐘 。在二十分鐘內散步行程 1600米 ,最有利於減肥。
如過二小時後再散步二十分鐘,則減肥效果更佳。



● 7.睡眠的 最佳時間
午睡最好從 午後一小時開始 ,這時身體感覺較遲鈍,很容易入睡。
晚上則以十時至十一時上床最佳 ,因為人的深睡時間一般在淩晨二時至淩晨三時,
而人在睡後一個半小時進入深睡狀態。



● 8.刷牙的 最佳時間
應在每次 進食後三分鐘內 ,因為飯後三分口腔內的細菌開始分解
食物殘渣中的酸性物質,腐蝕溶解牙釉質。



● 9.護膚的 最佳時間
人體皮膚的新陳代謝夜間十二時至凌晨六時最為旺盛,
因此 睡前護膚 有促進和保護皮膚新陳代謝及保護皮膚健美的作用。



● 10.飲茶的 最佳時間
飯後立即喝茶不科學,因為飯後立即喝茶,茶葉中的鞣酸可與食物中的鐵結合成不溶的鐵鹽,
降低鐵的吸收,時間長了容易誘發貧血,等 飯後一小時 ,食物中的鐵質已基本吸收完畢,
這時喝茶就不會影響鐵的吸收了。


星期五, 2月 06, 2009

舊&#39;物&#39;重提

小妹一生人對物件都唔係太長情 (我今日可以好愛你, 聽日可以唔理你個隻)

有時有d野 唔係太想要又買左返黎 過左1-2 個月就會比我打入冷宮.. 所以朋友們送野比我都係問我鐘意d乜先會買..

只係自己真心愛既先會好好珍惜.

 

我有2個大興趣 1.整野食 2.貪靚. 我會為左本more去買新地, 我會唔捨得用百幾蚊買件衫, 但用幾百蚊去買一支爽膚水.

我係一個典型天坪座, 用自己既尺去衝量..

所以.. 打令放心 你去年送比我既蒸面機 我有在用 好好用 我好愛佢~~


星期四, 2月 05, 2009

拜年蛋糕仔

因為要去GRANDMA屋企拜年, 而今年全家D糖尿都好似高左D~

與其去買D大家都唔多食得既糖果, 不如自己整d冇咁甜架啦...

有原味同朱古力味, 打令話個味好似雞蛋仔..


 

 

可能個爐大熱, 除左第一盤以外, 其他都好乾, 老左d.. 下次會小心~


 

 

同場加影我的2位小表弟..大個左好多啦..

 

金仔


 

銀仔


星期三, 2月 04, 2009

新品~ Jurlique 大平賣, 半價入倉


Jurlique 依個牌子其實我一向都幾愛, 始終佢係老家發起既產品.


我最愛佢既味道, 玫瑰, 薰衣草都係我大愛.


不過講真, 佢既產品係HK確實賣得有D


如果叫妹妹係澳洲買都只係HK既一半價錢, 連埋郵費都重平過你HK..


 


近日, 同事收到消息有Jurlique半價開倉. 咁啱我支hand cream 又就黎用完.


, 你開倉時正是我入倉時~~


 


我的戰利品, 亦有幫敗金訂左2



 


我的..唔係買左好多, 都係自己有用開既.. 雖然係半價, 但係D MASK 折左都要$2xx 40ml. or $4xx 120ml.. 都重係好唔捨得..



 


敗金的..sorry呀, 你要既泡泡浴冇貨啦, 可能大搶手.... (愈搶手, 愈想買.. >< )



 


我諗今次最開好都係妹妹同好友, 因為佢地既幾個月都唔洗幫我去Jurlique同郵局啦~~ 麻煩晒, 你地可以休息…. 幾個月咁多啦~~


LinkWithin

Related Posts Plugin for WordPress, Blogger...