星期二, 7月 26, 2016

忙到甩晒碌,自家脫毛冇難度 - Philips Satinelle Prestige Body SPA




今個星期真係爆忙呀,公司新開旗艦店嘅開幕典禮由on board 不夠嘅我主力負責,不然會比自己好大壓力之餘當然亦好開心,這些機會要好好珍惜!
黎到大日子前兩天,oh no,先發現自己忙到連護理裝扮呢d晒都唔記得~ 裙仔就買唔切要啦,算啦著左舊裙仔,不過一對飛毛腿又冇時間去脫下毛,點算呢。好彩,我有救星出現,自家脫毛冇難度~



感謝及時送來Philips Satinelle Prestige Body SPA,有咗滑肌活膚全效套裝火急救脫毛,原來自己脫毛都可以好快,舒服又唔傷皮膚嘅。
以往只會用剃刀脫毛,脫完皮膚又乾又痛,仲有時會有小小痕同紅,又會剃得唔乾淨。
一向都係做開waxing 嘅我,對家用脫毛呢家野真係冇乜研究,今次真係要好好感受一下。



Philips Satinelle Prestige Body SPA 其實唔單只照顧毛髮咁簡單,一盒跟上8個不同配件,照顧晒脫毛前後嘅皮膚護理同身體不同部位嘅脫毛需要。唔止脫毛,仲可以做埋按摩,簡直就係一個家中「Full Body Spa」!

咁多配件,等我逐一研究先!
首先就係呢一個主打脫毛陶瓷刀頭,其實佢唔係真「刀」頭黎架,其實佢係一個結集左17對夾輪嘅裝置,用拔毛嘅方式將毛髮從毛孔拔出,連短至0.5毫米嘅毛都可以不到,脫得好乾淨之餘仲要唔刺激皮膚添!


佢嘅刀頭好夠闊,弧形設計又緊貼皮膚三兩下就已經可以脫完全腳啦。有埋照明燈邊度未剃都睇得一清二楚!



淨係碌咗一行就已經脫得七七八八,同隔離嗰行未剃嘅真係好大分別,乾淨好多啦!


開頭以為夾輪拔毛一定會好痛啦,點知係一啲感覺都冇底下,就已經拔左咁多冇出嚟啦喎,正正正!


香港人都係神經刀,拿起上手想要就即刻要,我都係心急類型嘅人,天秤+人馬月亮人性格。所以 Satinelle Prestige Body SPA 嘅 15 分鐘快速充電模式真係啱晒我,即時有約 10 分鐘無線使用時間救急一下。之後先慢慢叉返夠 1.5 個鐘, full power 時都有約 40 分鐘夠晒用啦。

Satinelle Prestige Body SPA 唔止乾用,濕用一樣得,配合埋附送嘅不同配件,貼心照顧不同位置肌膚,精準脫毛、親膚減痛。


帶上呢個碌碌按摩滑輪,可舒緩脫毛時嘅不適感,特別係去到如腋下呢d轉彎位,令脫毛過程更加順利,唔會啜住撩住,減少肌膚被拉扯,亦同時幫助豎直毛髮,令脫毛更容易,減少脫毛不適感覺


為配合身體適不同部位嘅需要,使用前可以即時換上不同配件,包括敏感部位及面部脫毛專用保護蓋、精準保護蓋舒適地為腋下、比基尼線等敏感部位脫毛,想剃幾大範圍就隨自己喜好啦。 






脫毛之餘仲有創新的 Body SPA 滑肌活膚效能,脫毛前後為肌膚護理就更加方便、得心應手啦。

好多人都唔知,甚至有時連我自己都忽略,脫毛前 24 小時最好先為肌膚做深層護理,去除死皮及角質。用Body SPA 嘅去角質刷頭,就可以方便一次過做晒深層同去角質呢兩個步驟,脫毛器搖身一變成身體清潔器,入浴室濕用一樣冇問題。身體去角質刷頭含有 48,200 條防敏感幼細刷毛,比人手磨砂清潔更有效去除肌膚死皮細胞,促進身體肌膚再生,亦有助預防內生毛髮架。


完全脫毛後,可以用身體按摩滾輪深層按摩肌肉,舒緩因脫毛而受到刺激嘅皮膚細胞,促進血液循環,更適合作爲運動及粗勞後作舒緩。



我最鐘意用佢黎按摩頸同手罕嘅淋巴位,每日沖完涼按摩幾下,通下淋巴,加速循環,舒又可以去水腫呢~




Satinelle Prestige Body SPA 仲有一個好法寶,就係 剃毛刀頭連毛髮修剪梳,佢可以將較長的毛髮修剪至 3 毫米的長度,用黎修一d較長嘅毛。




傻啦,修咁長嘅毛,緊係唔會用係我身上啦,(我得返個頭會生長毛,未激去要去剃光頭)
受惠嗰個…係佢


Charmie d 肉球毛毛好長又生得快,2個星期就要修一次,但每次用尖剪去修真係一剪一驚心。一直都想買個剃毛刨比佢,但又怕佢驚、用唔著又浪費。加上我對一般剃毛刨嘅質素同來源都好質疑,Philips Satinelle Prestige Body SPA 既然用得喺人身上最薄弱嘅位置,用係貓貓腳仔上都應該好safe 嘅。


小測試,女皇好受落,接受程度多過尖剪… 我心感安慰了~ 
三幾下,肉球毛毛被KO晒了~
其實部機仔個聲音都幾大,不過Charmie 平日都唔太驚吸塵機同風筒,所以聲左個問題我一d都唔concern。Satinelle Prestige 嘅剃刀特別設計呵護脫毛細節,仔細到高唔易gem 毛,所以咪咪係冇感覺下,腳仔就放左係平剃刀頭上,神不知咪不覺,毛毛byebye,咪咪跳高唔跣腳啦~




零「毛」牽掛的盛夏,估唔到嘅係,一機可以人喵兩用~~ 
Philips Satinelle Prestige Body SPA 滑肌活膚全效套裝 (BRE650) HK$1,498



Thanks PHILIPS~


----------------------------------------------
Follow Me on Gi C Life
wengichow@gmail.com


-------------------------------------------

星期三, 7月 13, 2016

開始我的鹼性人生


話咁快就黎到7月,上半個2016年好似發生左好多事,又好似冇乜做過野咁。由去年12月開始,家中發生嘅事到我生病、手術、休養,家中加入新成員,轉工,再投入新工作。仿忽我嘅2016先至係剛剛開始。

回顧呢半年,我最大得著一定係成功輕左廿磅,由事發前嘅124磅,去到終極105磅。其實要經過呢半年嘅經歷先可以減到呢廿磅係一d都唔Healthy,不過咁難得輕左緊係唔好比佢肥返啦。要健康keep fit先由飲食著手,自己做左好多study,知道身體過酸會令身體抵抗力下降,引起好多病痛架,鹼性飲食其實有好多好處,仲可以增加細胞記憶,造成「吃不胖」體質。

總刮黎講,鹼性飲食可以好簡單用「多菜少肉」去概括。大部份嘅蔬果呀豆呀都係偏鹼,就算係唔係鹼,都只不過係中度或偏酸。不過肉就唔同,由中至極酸都有。所以,平常飲食,吸收到酸係大大多過鹼架。對我黎講多菜少肉一d都唔難,住跟唐安麒嘅健康飲食法,keep fit 其實好簡單。

太酸其實唔只對內臟骨頭有影響,仲其實會影響我地全身,包括皮膚。整體抵抗力下降,皮膚實係首當其中中招嘅一個organ。加上空氣污染,要皮膚唔壞都幾難。






世界乜都講平衡嘅,所以身體太酸或太鹼都唔一定係好事,由其係保護我地人體嘅皮膚,只要pH 值平衡,肌膚得以強化,健康更強韌,咁就可以抵禦外來侵襲啦。

VICHY 係我近來接觸過對皮膚pH平衡有幫助嘅護膚品。(真。護膚)
佢嘅皇牌溫泉水入面已經有成 15 種稀有礦物質同微量元素,每公升溫泉水含5.1g 礦物質,對平衡皮膚pH值起到好大功效,從而強化屏障令肌膚再生。

Link: https://www.youtube.com/watch?v=gV7LD6_7H0g

呢排天氣時乾時濕,時曬時陰。係呢個超唔平衡嘅狀態,真係要特別注意一下。
VICHY皇牌 AQUALIA THERMAL 溫泉礦物保濕系列其實之前都有用過,前公司的「生日盒」入面部份小禮物就係下面其中2支,今日終於可以全SET試啦。



VICHY火山礦物溫泉水 皇牌產品唔洗多講,佢係一支有豐富礦物質成份嘅補水噴霧。一日隔唔中用下佢幫皮膚沖一沖電,抵抗污染環境嘅侵害,紓緩敏感,促進肌膚細胞再生。我用佢好似食補品咁,一日3次,每次2秒打圈圍住面部四周噴。用後皮膚唔會乾,精神一震~


溫泉礦物活水循環保濕精華 呢個第一次用,佢除左有皇牌火山礦物溫泉水成份之外,仲加入左動力水活因子,增加皮膚嘅吸水能力,激發活水循環,令全面肌膚瞬間水潤平衡。


精華質地好潤好細,豐富養份被
火山礦物溫泉水重重包全,肉眼都可見。借礦物溫泉水將養份深入帶到肌膚最底層。一下子,就被皮膚吸收晒啦。





溫泉礦物清爽保濕啫喱 一直都好愛用嘅產品之一,喜歡佢因為佢比一般保濕啫喱更滋潤。(唔係得個「爽」字)。新配方加入冰感原素,可為肌膚降溫,紓緩敏感,修愎受損皮膚,改善粗糙,keep 住肌膚48小時保濕



個人用法,最鐘意用佢黎mix BB cream, 由於我慣左BB cream開左就要一口氣用完先再開新嘅,但一年四季用同一支BB cream 未必啱,夏天就係要補水清爽,加埋溫泉礦物清爽保濕啫喱 令BB cream 冇咁厚之餘,仲令水份大增,keep 住皮膚全日唔油唔爽,平衡肌膚水油值,個底妝仲keep 到全日添。





火山溫泉 SPA 睡眠面膜 佢係我嘅晚霜No. 2。晚上開住冷氣瞓,晚霜都唔知夠比皮膚吸定夠乾空氣吸。加多一層火山溫泉 SPA 睡眠面膜喺面,佢有高濃度透明質酸,雙倍鎖住水分,加埋礦物溫泉水,深入滲透補水,全晚都唔洗再怕肌膚水份被冷氣吸乾啦~



2016下半年願望,希望可以keep 住一日比一日fit & 靚,直到永遠,阿門~





----------------------------------------------
Follow Me on Gi C Life
wengichow@gmail.com


-------------------------------------------

星期一, 7月 11, 2016

中西合壁的婚宴場地 ~ 西港城.大舞臺 ClubONE 會所1号


結婚,一生人一次,梗係要最難忘又中自己心水嘅先係大前提啦。
想當年我都幾幸福,係無家人壓力下,簡簡單單行個禮,攪個我最喜歡嘅cocktail tea party,輕輕鬆鬆嘅一日。
今日輪到我嘅好朋友結婚,佢地搵一個有特式嘅婚宴場地,新人相方都鐘意懷舊,腦海中立即想起西港城 3樓的Club One。





場地簡介:
位於百年古蹟、一級保護建築物西港城內,連續多年獲選為港島「最佳婚宴場地」,可見其受歡迎之程度;愛德華式建築風格、紅磚魅力、歐洲式水晶燈,透視西式婚宴情懷,別具風格的露台包廂,環擁兩層古堡式宴會廳,能夠容納41席,配備頂級舞台影音系統,締造非一般的婚宴,是夢寐以求的婚宴酒席場地!http://www.clubone.com.hk/tgs.html

(官方資料)



平常都有去西港城地下餐廳食野,上黎3樓都係第一次,冇想過呢度咁有feel,彩色教堂窗,水晶吊燈,胡桃木地板同包廂,好有上海灘感覺,夠晒懷舊!


呢個張同時可以證婚用,搭起禮台就係咁架啦。係顏色教堂窗前簽紙,視覺效果一定爆燈,一定好有feel 啫!




睇完我對呢個場都幾滿意,始終係懷舊建築物,又係頂樓,所以全個場都冇柱架,包補每一圍都可以睇得清清楚楚。





每次幫朋友手攪婚禮,最麻煩嘅都談得上係座位安排問題啦,講真,呢有咁多空間比你"坐前d"丫。三叔公又話由細睇到你大,表姨媽又曾經湊過你3個月,老闆上司當然唔可以得失啦,霎時間個個都話好close 咁,點攪,到最後,咪又係d老死受晒,坐到無雷公咁遠!
西港地呢度上層balcony 位都可以放到好幾圍,有d 非主家席嘅重要來賓就可以安排係上層靠台位,唔怕口齒薄皮啦!





Match in 位置仲特別,由上層樓角出場,行過兩邊balcony 再走到下層,幻想得出嘅電影片段!








滿足埋老人家傳統需要,大堂旁有會小禮堂,中式設計,可以做湊茶位!諗住呢度,姊妹們嘅逗利事專區!


新娘房都幾夠空間幾光猛,有夾萬同獨立洗手間!


朋友一睇完呢度就愛上,加上親身參加過Club one 嘅婚宴,食物都有一定水準,仲有好多additional 服務做到一條龍,我係佢地就唔諗咁多啦,婚禮都係自己喜歡的好!




----------------------------------------------
Follow Me on Gi C Life
wengichow@gmail.com


-------------------------------------------

LinkWithin

Related Posts Plugin for WordPress, Blogger...