星期一, 8月 31, 2015

病後即時容光煥發 ~ 感受R.N.A Power的威力



話說,呢幾年好注重身體健康,所以touchwood 呢兩年都有乜大病或嚴重感冒。今次算係兩年以黎病得最金嘅一次,剛過去嘅星期一仲請咗年半以來嘅第一次病假... 最難受嘅除外係身體以外,其次就係皮膚...



為咗唔想傳染人,特別係王生,我每刻口罩不離,係屋企甚至瞓覺都帶住,就係咁,皮膚敏感了...


屋企又冇敏感膏,訂咗嘅香薰油又未到貨。枱上只有SKII R.N.A POWER Essence & Cream,記得上次event 中講過R.N.A POWER 嘅補水威力,所以乜都唔理啦,洗個面就塗咗先算!

驚喜的事:皮膚兩日就好返啦,我係有照帶口罩同照食藥架... 

果然,呢兩支寶貝嘅修復能力真係冇令我失望呀!雖然我真係唔知佢地有冇抗敏配方,但我夠膽試下佢又真係work,皮膚舒緩平服晒之餘,重比之前睇上去更有活力!
好,講返個質地同主要點幫到我改善皮膚先!
R.N.A Power 功能介紹請睇-->


SK-II R.N.A POWER RADICAL NEW AGE ESSENCE 彈性再生精華 30ml $770
呢支創新精華主點放咗喺皮膚彈性上,大家都知啦,食西藥真係好多side effect,其中一樣就係乾,由其今次醫生開嘅藥特別強,皮膚又乾又暗冇彈性冇活力。



用咗加有彈力再生複方嘅 R.N.A Essence  2日後,即時feel 到佢嘅功效,鼻側嘅毛孔收斂咗好多,皮膚都補夠水補夠營養,每日申鼻抺鼻,其實皮膚真係好辛苦架啦。Essence 質地都好rich 好潤,但又好容易被皮膚吸收,唔會為皮膚帶來額外負擔,加上佢嘅香調真係好relaxing ,好舒緩。


SK-II R.N.A POWER RADICAL NEW AGE  立體緊緻精華霜 50g $780
猶如其名,精華霜主點緊繳提升,太好啦,可以攪一攪水眶包包面。平時已經夠包架啦,病個陣仲腫得幾錢重!!!


立體緊緻複方更加入咗深層修復功能,鞏固膠原蛋白結構,絕對,用咁靚嘅skincare,都要皮膚食得到至得架!精華霜亦非一般嘅Cream, 因為佢嘅滲透力好比精華,能將面上嘅所有養份一次過帶入肌層,增加肌膚保濕循環,從內開始提升收緊肌膚。

不過病嘅呢段時間身體全基能吸收到會變得特別差架啦,所以會比平日再勤d按摩,幫一幫皮膚吸引,咁名貴嘅skincare, 唔嘥得呀!!



到今日已經用過個多星期,加埋轉食咗中藥,皮膚回已經回腹彈性有光澤,雖然感冒都未清得晒,但睇上去都唔似帶病丫,幾精神~~




持續用精華及精華霜仲可以令皮膚飽滿彈滑、改善輪廓同減淡虎紋。怕老就要落多幾分力,好飲之前嘅廣告slogan咁話 "咁忙都可以咁靚"!我要做又叻又靚嘅防腐靚太,邊個話師奶一定係黃面婆呀!我都可以Change Destiny!!! Be Myself!!




----------------------------------------------
Follow Me on Gi C Life
wengichow@gmail.com


-------------------------------------------

星期四, 8月 27, 2015

一下閃躍,一下心動,守護的心永恆跳動



我嘅手飾盒入面,大部份名貴飾物都包含咗一個故事。
記得第一份聲稱嘅鑽飾(到大個咗先知係水晶)就係爸爸送賀我升上大學。
之後就有王生失驚無神送上的小驚喜,都係水晶,因為鑽石對我黎講的確係有特別意義。

而我人生第一粒鑽石,就是媽媽留給我嘅遺物。每日都習慣帶住佢,感覺就好似媽媽仍在我身邊,守護住我。





所以,當我第一次接觸到MaBelle Dancing Angel 《守護天使》周年鑽飾系列時,有種莫名其妙嘅感覺…仲有酸溜溜嘅感覺。系列背負著父母為女兒送上嘅1st Diamond, 帶住佢就等同爸媽陪伴在身邊,時刻守護住。

如果媽媽今日仲在生,我估大概會捉佢嚟MaBelle, 送佢一粒Dancing Angel, 細個時妳照顧我,長大後到我照顧返你啦~


MaBelle Dancing Angel 守護天使系列共有3款頸鏈、1款戒指同1款手鐲。賣點除咗其背後獨特嘅感人故事外,仲有一個獨特設計賣點,就係會躍動嘅鑽石。



18k/750白色黃金鑽石戒指HK$3,920

平日見慣見熟嘅鑽石,都係鑲嵌喺爪托上。MaBelle Dancing Angel偏偏就要破格一下,設計出專利可躍動嘅鑲嵌設計,增加光線接觸點,令平平凡凡嘅一件手飾,更加閃耀無比。細細粒都可以好好火~~

一連2星期對住守護飛鑽,真係... 話唔心動就假嘅!全系列最鐘意就係隻戒指啦,超閃呀,粒石仲轉得好勁添!愛上! #MaBelle #AnniversaryCollection #DancingAngel #守護天使 #WeLove2Share MaBelle.com WeShare.hk
Posted by Gi.C.Life on Wednesday, August 26, 2015

全系列我最愛就係戒指,心形設計更增加鑽石嘅可躍動空間,真係呆呆咁睇住佢轉,好閃好靚呀。



另外仲有手鐲,設計簡約,又帶點elegant,青春少艾帶唔會誇張,OL 帶亦唔失禮。同樣,中間鑽石位置都係會躍動架。


18k/750白色黃金鑽石手鐲HK$5,920


至於吊咀,女人味會重一d,3款當中我特別喜歡最右手邊嘅水滴款,水滴設計包住中間嘅 “飛鑽“ 效果更加生動。 


18k/750白色黃金鑽石頸鏈HK$3,920-4,320



邊有女人唔鐘意鑽石架!對慣咗鑲嵌式嘅鑽石飾物,見到呢條頸鏈真係覺得好好玩,鑽石空中垂吊,轉呀轉呀,又Blind又好火!!MaBelle守護天使全系列手飾都有呢個設計架,好靚好特別,唔知我會唔會收到呢份天使的禮物呢 MaBelle.com WeShare.hk #AnniversaryCollection #DancingAngel #守護天使 #WeLove2Share
Posted by Gi.C.Life on Wednesday, August 19, 2015
面對眼前嘅閃閃飛鑽,令我著迷嘅除咗係佢獨特嘅設計外,仲有就係個價錢。平均3k-4k 就有得成交,仲要每件都係白金加鑽石,當中吊咀仲鑲有碎石。買黎送比所愛嘅人又好,買黎獎勵一下自己都好,真係一d都唔過份呢。

心郁郁,真有一刻想帶住佢地走呢… 希望我嘅守護天使收到我呢一刻嘅呼喚啦!



依家MaBelle做緊promotion呀,凡選購任何一款《守護天使》周年鑽飾系列或任何貨品淨價滿HK$5000,即可免費獲贈「快樂圓舞」珍珠項鏈一條 (價值HK$1200)

MaBelle守護正使系列:http://bit.ly/1i0V7UB





----------------------------------------------
Follow Me on Gi C Life
wengichow@gmail.com


-------------------------------------------

星期二, 8月 25, 2015

衝著生蠔而來的一餐 【The Luxe Seafood Bar & Resto】


阿Gi出名雀仔肚,次次去親自助餐都係蝕本收場,今日我終於都為番本啦!!



好耐都冇同妹食飯,今日一於食餐好嘅。但次次都要佢就我食得少食得清,我都唔好意思啦,今日一於平平地去The Luxe 食個自助晚餐。


點平法?$238 生蠔魚生任食,你話抵唔抵先!


任食生蠔吧!基本上一出就清架啦,影呢張相都唔知講咗幾多次唔好意思 😝


抵食都要睇質素,手掌咁大嘅美國生蠔,我都係第一次見!少有地要分3啖食,勁!!




注重儀態嘅可以揀返d 細嘅黎食。美國蠔海水味濃,略帶甜味。如果鐘意食甜一d嘅可以揀細隻一d嘅日本蠔,the Luxe 都有供應架,不過我口味就比較獨特,偏偏就係鐘意海水嘅腥味~


另外,就到周家二小姐嘅至愛-三文魚刺身。見到妹抱住一盤魚生返黎個陣,我心感奇怪,明明頭先巡視個陣唔見有魚生架,噢,原來魚生同蝦係放同一個位置輪流上嘅,唔奇得我睇唔到啦,呢對鬼眼!! 
(拼得靚靚留比相機食先)

另外,有一點不得不讚,有客人用錯夾去夾熟食,職員9秒9叫停,仲即時拎個夾去洗。好注重衛生,大酒店自助餐都未必有咁細心啦。


每次去食buffet 我都好期待salad bar, The Luxe 嘅salad 雖然幾好食,不過就真係少左d喎。
(妹:邊有人好似你咁淨食菜架!)


超,包都係我另一個主打,呢度有成5款包,仲要好軟身,牛油亦有適當地回溫,真係冇令我失望呀!! (我的另類自助餐食法~)


熟食一向都唔係我主打,不過 the Luxe 嘅熟食都有唔少選擇,同行朋友話buffalo wings 同有款雞都幾好食。呢個Omelette 人同相機都咁啱食!


主菜食飽 (妹:你好似只係食咗前菜),留返個肚食甜品,我都係甜品Killer!!! 估唔到呢嘅甜品都唔少選擇,當然試落晒啦,盡力啦!



揀咗呢幾款試,檸檬撻真係好好食,我encore咗2件,另外個兩個就一般般啦,brownie似mud cake多d,另外嘅pound cake外包pastry,感覺的確有d怪。


好surprise竟然有暖豆腐花食,我估係衛生問題,所以豆花係自助餐上好少出現。The Luxe 都幾大膽呀,不過佢咁fast pacing 都唔怕,眼見1個鐘已經換咗兩次,都唔怕丫。妹係豆花killer, 佢雙眼又發光啦。味道方面,不過不失啦,都夠滑嘅。


呢度都有我最愛嘅 Apple Crumble, d crumble 大大粒,好味又唔會太甜,仲用真蘋果肉,爽口嘅!不過放涼咗d,熱d 可能會好食d。美中不足 ...欠雪糕!係呢,呢度點解冇雪糕架,希望下次再嚟會有雪糕食啦!配埋Waffle 同心太軟仲正呀!!


今晚食得我地兩個好開心,短短40分鐘,有計劃,有目標,食到晒我地想食嘅野。Mission Complete! 好飽呀!!
下一站搵食姐妹去邊食好呢?


The Luxe Seafood Bar & Resto
地址 : 尖沙咀彌敦道63號iSQUARE國際廣場3樓301號舖
電話 : 2111 1184
網址 : http://www.openrice.com/hongkong/restaurant/-/445316



----------------------------------------------
Follow Me on Gi C Life
wengichow@gmail.com


-------------------------------------------

星期一, 8月 24, 2015

想食就食,食得出儀態嘅位元堂唧唧龜苓爽


話說,成日都聽到 "你呢個鬼妹仔,都食龜苓膏嘅咩?" 係呀,呢個咪係比王生影響下不思議事件之口味突然轉變囉!
ps,我仲train 緊自己喜歡綠茶食品




Anyway, 每2星期都會買一次龜苓膏食,清一清熱,對皮膚好腸胃又好。其實坊間一盅龜真係好大,代一餐或tea break食份量就剛剛好,少食多餐先係王道!不過有時plan 定咗某日龜苓膏下午茶都因為忙而冇辨法坐定定咁嘆。



好啦,今次有好野介紹,位元堂出咗飲品包裝龜苓爽,仲要係唧唧袋,出街時食又得,啜住開會又得,方便又乾淨,飲比食來得優雅吧!


坊間都有不少同類嘅包裝龜苓膏,其他牌子嘅會將龜苓膏打碎,所以啜嘅時候,似係飲緊糖水多過食龜苓膏。本身以為位元堂嘅都係相同嘅產品,點要一啜,依,啜唔到野嘅?再大力d 啜,嘩,成口都係龜!八卦好奇心態緊係即刻剪開包裝,倒出嚟嘅係一大塊龜苓膏!!!今次唔係飲糖水啦~正喔!


亦都因為呢一大塊龜苓膏,我可以講,啜係真係唔得,唧入口啦,話晒人地真係叫"唧唧龜苓爽",用啜... 攰死你啦,一陣啜到面大唔好怪人~ 哈!


唧唧龜苓爽有兩款選擇,原味帶有輕輕甜味,不嗜甜嘅朋友就啱晒。


略嫌原味龜苓爽唔夠咬口,可以揀粒粒椰果配方,加埋椰果好爽口。同樣都係微甜,正~


睇埋標籤先,熱量唔係太高,而一包有22.5g糖 (即5匙)以甜品計都唔算太高,可以係飯後甜品嘅其中一個選擇呢!唧唧龜苓爽喺惠康有得賣,一經過就買定幾包看門口,又方便食又方便買,人生不就是太方便了吧!!!




----------------------------------------------
Follow Me on Gi C Life
wengichow@gmail.com


-------------------------------------------

LinkWithin

Related Posts Plugin for WordPress, Blogger...