星期二, 4月 26, 2011

愛護膚。春夏轉季護理

~~平常護理得好, 轉季時候無煩惱~~

近日好多朋友都題及自己一轉季就生粒粒, 究竟有咩方法可以去攪攪佢呢?


 


我既答案多數係平時個底要打得好, dfacial .


講真既, 皮膚因空氣中既溫度濕度突然轉變, 皮膚未能一下子習慣係正常既.


油脂分泌同毛孔角質既反應未配合得黎, 就有可能會出粒粒.


試想一下, 平日皮膚既油脂分泌唔平衡, 天氣冬既日子, 油脂分泌去滋潤軟角質.


夏天一到, 皮膚冇咁乾, 但油脂一下子未能平衡分泌, 谷晒d油係毛囊度, 發炎變成油脂粒.. 眉心額頭都有紅色既點點.. 心情變差. 之後又出多d.. ~~


 


從日常護理中, 令皮膚底層得到健康保護, 加強抵抗能力. 咁就算再多外來既刺激, 皮膚都可以抵受得住啦~


 


日常護理


護膚品用得多唔代表皮膚一定好, 眼見朋友洗面後又用導入液, 幾次精華又乳霜咁.


其實咁樣會令皮膚過份受壓, 吸收唔到真正需要既養份~



 


PR朋友中認識了MIHADA Rafra 這個牌子, 透過一次性既護膚程序, 減少皮膚負荷, 改善膚質.


 



以下說法我非常同意~


再者我平常都係用呢個方法護理的~ (未認識Rafra 前都係用G’aroma 的香薰潔膚油)



卸妝, 洗面一次過, 其實水質同水溫都可以令肌膚受刺激, 敏感. 減少洗面過水次數才是上策~



 


香橙洗面乳



質地 : Balm 質地既洗面乳, 很有趣


香味 : 香橙味, 好夏日 ^^ 大愛~



用後感 : 用附送既小匙提出所需要分量, 係手心上推開再按摩.


按按下會覺得興興地, 幾得意架.


之後加小小水乳化, 洗面後皮膚一D都唔乾唔繃緊, 皮膚滋潤度回復到正常水平.


有面層乾爽底層滋潤既感覺~~


卸妝方面, 應付基本底妝/ 防曬完全無問題, 建議先用卸妝水去除眼妝等再用洗面乳按摩~


 


用左一個星期, 唯一發現佢唔係太方便既就係個包裝設計, 盒裝既洗面始終有D唔方便.


用黎作weekly特別護理既就冇所謂, 但要乾手乾面日日用, 對忙+懶人黎講的確一個缺點呢.


 


清潔後亦都唔需要用上太多既保養品, 足夠已經可以了.


一支精華 補充皮膚所需 (當然要配合皮膚當刻既需要啦)


                            +


潤膚乳 平衡油脂分泌 (如果當時皮膚既condition 係好差的話, 我會用G’aroma 既玫瑰油, 修護滋潤~)


 


Rafra 毛孔緊緻美容液 VC Tonic 10


快速滲透修護毛孔, 肌膚回復細緻


 


水水的精華, 上面即吸收, 唔笠唔洗等吸收, 夏天用啱


 


最怕轉季時鼻敏感發作, sneeze 唔停之餘, 鼻水狂流, 12小時不停抹鼻水,


皮膚毛孔都比我擦傷晒啦, 鼻側兩旁既毛孔都扯大晒啦.


試用只有短短一星期, 鼻側位置我刻意敷多少少, , surprise ~ 毛孔真係有改善呢~~


 



深層修護 – Nature’s Face & Body treatment


除左日常skin care 之外, 我真係真係好建議大家出去做facial.


Facial 其實就係好似修理皮膚一樣, 頭髮我地都會出去比人剪下修下啦.


塊面同樣都需要去比d專業人士幫忙護理一下~ (除非你連頭髮都係自己係屋企剪啦~)


 


外出Facial 係要試既, 同髮型師一樣, 呢個剪得佢好靚, 又唔等於剪得你好靚.


近呢大半年, 我搵到啱自己既美容院, 心水清既一定知係邊間啦~


唔同時間既皮膚會有唔同既需要, 所以到咁上下, 我又會心思思去其他地方試下.



今次黎到Nature’s , theZtyle 既試用活動,


Nature’s 既防曬同tanning lotion 係我每年夏天必用既product~ 用左都有2-3年架啦.


treatment方面我就未試過, 好幾想了解下Nature’s service 所以join 呢次trail.


 


face 同body 二選一中, 我揀左


面部護理 - 淋巴排毒滋潤淨肌護理 85mins ($540)


  (首次試做都係試個簡單既淨肌護理好d, 加上… “淋巴排毒一詞實在係吸引~)


身體護理 - 科技瘦身療法 30mins ($600)


  (冇人會滿意自己既身段既, 包括我, 我需要重點瘦身~~ 希望配合科技+運動可以更見效用^^)


 


Nature’s 其中一個center 係荃灣城市中心, 對我黎講都好方便, 一程車就可以返到屋企啦.


地方唔係好大, hmm… 舒適感一般啦, 不過服務員都好nice, 打個和~~


入面唔比影相 (只能偷雞影左幾張…)


以下既comments 只係我個人既感覺加因我對今次既treatment d失望..


環境:


- 感覺好唔安全, locker reception 既門後面, 換衫就要衫晒d野去change room, change room 好細 (定係個個人太大份?) 成個身體要企出外先可以著到褲


- Toilet 要出返笠口先有, 一定要換衫前/後去, 就好唔方便.


- 成個change area 得一塊dress up


- 浴袍白得黎偏灰, 如果係home business 既地方我會接受, SPA center有如此質素我就有d反感


 


Resting area:


- 唯一一個讚點, 就係佢d 花茶好好飲.


 


Treatment:


- treatment 本身冇問題既, 雖冇即時效果但未至於差. 只係美容師經驗未夠. consultation, 無了解過我既皮膚同生活習慣.


 


1. body既時, 每當吸盤去到右盤骨位就會有扯住皮膚咁既痛, 美容師就一口咬定我係冇做運動, 淋巴閉塞重點提我要多做運動 (@@ 我冇野講淋巴閉塞有可能, 不過佢堅持我係冇做運動同做唔夠我真係冇野好反駁)


但當吸盤去到左盤骨位時, 我一d都唔痛, 佢就話 無理由架, 一邊淋巴閉塞, 另一邊都好大機會係塞架wor… 我冇回應..


 


後感: pat pat 位置的確係有提升到既, 即時效果有如E牌的body treatment, 不過唔夠一日就打回原形lu.


 


2. 做面前卸妝, 我只係畫了眼線美容師姐姐不停請我 洗面’, 成對壓住我頭頂d尷尬..


3. 佢花了3分鐘去抹我d睫毛先問我係唔係冇搽睫毛液.. =.=”


4. 軟模入鼻了, 攪到鼻敏感, sneeze 同流鼻水, 但佢冇理過我


 


後感: 按摩是的確係幾舒服既, 做完facial 面容有即時透亮, 有返d光澤同滋潤~


大概只係我個人黑仔問題, 有機會去既sis 記得搵過另一位美容師 ^^


 


總結: 所以呢有時product 好又唔等於treatment 我會keep 住用佢既 sun tanning lotion , 不過大概唔會再去做treatment lu..


Ps. 臨走時佢地比左好多sample 我試~


 


分享到此~~


謝謝收看^^


wengichow@gmail.com
Gi on Facebook
Gi on Y!blog
Gi on theZtyle
G'aroma on Facebook


星期一, 4月 18, 2011

與Revlon 的最後一次合作~ CustomEyesTM Shadow & Liner「睛采造型眼影眼線組合」...


不經不覺, 原來參加了Revlon 既試用活動已經有一年了.


來到今次最後一篇試用文章, 不禁感觸起來.


回想一下, Revlon 都陪伴過生活上的 大件事


打斑, 跑步, 出席event, 生日聚會等等..


 


10幾件試用中, 有好幾件係我極力推介的~~


-- Photo Ready - http://www.theztyle.com/blog/space.php?uid=409&do=blog&id=33685



-- Nail Polish http://www.theztyle.com/blog/space.php?uid=409&do=blog&id=54142



-- Super Lustrous Plumping Lipgloss  http://www.theztyle.com/blog/space.php?uid=409&do=blog&id=38192




-- Molten Metal Eye Shadow http://www.theztyle.com/blog/space.php?uid=409&do=blog&id=83003



 


第一次接觸Relvon eye shadow, 出奇地好用, d色好出黎易上.


黎到最後, 亦好想推介一下新出既眼影眼線組合.


 


CustomEyesTM Shadow & Liner睛采造型眼影眼線組合  售價:HK$108


神奇數字魔法 5分鐘為您締造不同眼妝效果 讓您時刻綻放迷人魅力




化妝潮流千變萬化,女士們不單要留意妝容的變化, 更要花心思學習新化妝技巧,實在是頗傷腦筋。嶄新推出的

Cust omEyesTM Shadow & Liner「睛采造型眼影眼線組合」幫到您!

CustomEyesTM Shadow & Liner「睛采造型眼影眼線組合」REVLON創意總監 Gucci Westman特別研發,一共4款獨特眼影組合, 配合特有眼線色彩,為您打造不一樣的潮流眼妝,不論是經典眼妝, 豐麗眼妝,或是輪廓分明的簡單眼妝。色調由自然到閃亮璀璨,Sa tinMatte Finish,每一盒CustomEyesTM Shadow & Liner「睛采造型眼影眼線組合」備有4款豐麗眼影及同色系的 眼線膏,讓您輕易調配出適合您的眼妝。絲般柔滑,無重配方, 蘊含荷荷巴油及乳木果油,容易推開,創造獨其個性的眼妝。


全新的CustomEyesTM Shadow & Liner「睛采造型眼影眼線組合」也能助您輕易完成。 讓您時刻散發獨特氣質,於任何場合,享受不一樣的潮流魅力。



4個色選擇~


Metallic Chic




Naturally Glamorous




Rich Temptations




Smoky Sexy




每盒背面都有教點用架

, 唔識化妝既sis 跟住化就冇死啦~~

等我都照佢既方法試下化先~






不能沒有color con, 玩妝又點可以少左佢呢.


今次帶freshLookk 2weeks 彩色鏡



呢個顏色幾大路, 襯唔同色既眼妝都OK~



如何於5分鐘轉眼妝


Step 1於眼蓋上塗上Age Defying Moisturizing Concealer修護再顏保濕遮瑕膏作底妝之用


Step 2利用內置雙頭眼影掃,先塗上較淺色系(3), 由上睫毛根邊開始,輕掃至整個眼蓋打底。


Step 3然後將(1)眼影,輕塗於前眼角


Step 4再將(2)眼影,從眼窩中央輕掃至眼尾(4)眼影加到眼瞼上 ,加強對比效果


Step 5於眼角V形位置,掃上再深色眼影(5),以更突出輪廓。


Step 6增加眉部輪廓,以啡色的ColorStay Eyebrow Liner持久造型眉筆於眉部輕掃


Step 7最後利用CustomEyesTM Mascara「睛采造型睫毛膏」, 為您締結明亮分明的纖長或富有魅力的纖長濃密睫毛



希望大家喜歡今天的分享~~~


如此好用既化妝品牌, 希望日後再有機會合作啦.


 


==============================


睇返D舊文, 真係發覺以前既自己好天真, 亦太容易相信人.


有些好既一直係身體卻唔會去珍惜,


反而追求一下子既快樂, 到頭來遇到更大既傷害.


Why do I always feel so left out?


係因為自己未盡全力, 定係我一直尋找緊一d跟本唔適合我既生活?


答案我是知道的, 但要去接受, 的確唔係口講咁簡單...


繼續向前走, 珍惜現有, 捨棄一d虛無既快感, 把握更實在既機會吧~~


我的將來必會是美好的~


==============================


 


謝謝收看^^


wengichow@gmail.com
Gi on Facebook
Gi on Y!blog
Gi on theZtyle
G'aroma on Facebook


LinkWithin

Related Posts Plugin for WordPress, Blogger...