G for Gi: Gi 藏書閣

顯示具有 Gi 藏書閣 標籤的文章。顯示所有文章

星期四, 9月 01, 2011

好書推介: 瘦身可餐

上手一個星期就已看畢.

由本地營養師著, 從朋友及生活中事上分享飲食健康心得~

例子非常地道及生活化, 環繞身邊的食物, 及飲食謬誤等都一一解拆清楚 ^^

真的學到很多!! 誠意推介

最難忘一節:

~~每一日香蕉不致肥, 還有肋減磅~~

星期六, 10月 03, 2009

9 月好書推介(2) - 番茄夜間瘦身法

9 月份又點只訂左2本書咁簡單呢~ 下面2本就係我係PAGE ONE 既收獲啦.

我好喜歡走PAGE ONE, 又黎好近我返工既地方, 等人時我都愛係PAGE ONE 打發時間.

1黎地方好靜, 入得黎既都係睇書人. 2黎佢地唔會趕人走, 只要你唔攰, 你留幾多個鐘都得~~

講返我今個月買既呢2本書~

佢地都唔係新書啦, 之前更有SIS 介紹過'氣質'呢本書. 真係唔錯~ 好介紹~~

同系列既我之前都有買~ 大家有時間可以去打下書釘~HEE~~

如果有睇開我yblog 既朋友都知道我之前有進行過香蕉早餐瘦身法.

進行左只有短短既1個月配合運動及機械, 就已經輕左8磅,

直到依家停左都有半年冇反彈過~ 效果非常理想

http://hk.myblog.yahoo.com/gi- blog/index?l=f&id=23

正因為之前有咁好既效果, 令到我每一次見到有同類型既瘦身方法都會好有意欲去試.

(其實..... 我乜都會試一餐, 只要唔傷身都會試啦~)

之前出既奇異果早餐瘦身法我都有留意, 可惜我唔係一個'奇異果人' , 冇開始過~

今次玩既係番茄~~ 哈~ 正合我心意~~ 呵呵呵~

等我講解下番茄法係點WORK既先~

冇香蕉法咁複雜, 不過感覺上番茄法有營養多啦~~

番茄法主要係利用番茄獨有既成份 - 茄紅素.

茄紅素既瘦身及美容價值係非常高,

好多抗氧化既美容產品都有加入茄紅素, 有效防止及抑制活性氧, 黑斑, 雀班, 細紋, 同預防癌症.

重有生成膠原蛋白既及美白既功效, 更加皮膚彈性~

番茄入面既營養又點只咁小既~

佢含有既維生素更加唔講得笑~ 淨腸, 針對皮膚, 心臟, 眼睛, 牙齒, 頭髮..... 太多... 你地自己睇啦~~

而最令我驚喜既, 就係佢可以改善花粉症~~ (眼睛發亮中)

我呢隻澳洲豬, 去左澳洲10年除左學會一口唔咸唔淡既英文外,

最大得著就係得到花粉症 =.=" oh, my pleasure..... NOT

嘩嘩嘩, 有咁多既美容功效, 相信大家都一定被番茄深深吸引住啦~~

(如果佢係美容產品, 一罐面霜有咁多功效, 我一定買硬啦~~) 搽既不比食既好, 等我講下點食法啦~~~

話明係夜間瘦身法, 咁就緊係要晚餐時候食架啦.

當我地食左番茄之後既6個小時間, 身體就會吸引左番茄中既營養, 從而產生上面提及過既維生素, 抗氧化物等等.

而當中某D維生素就係速進新陳代謝既好幫手. 新陳代謝好左, 自然人都靚D啦~

此外, 睡眠期大腦會分泌出褪黑激素, 若果褪黑激素過低就會有手腳冰冷, 難以入睡或睡眠過淺既情況出現.

茄紅素就可以改善到呢種情況, 令到我地既血液清澈, 放鬆同緩和身體, 更加褪黑激素分泌~~

所以, 晚間食番茄既果效特別好架~

番茄夜間食法非常方便, 可以生食. 車厘茄好好味唷~

更可以加入晚餐入面. 出外晚餐只要點有番茄既菜餚就得啦~

熱食效果更好, 加熱後茄紅素會增加3倍呢~

冇時間既話, 就咁飲番茄汁都一樣得~~ 我飲呢隻~

只要每日吸收夠15mg茄紅素就ok 啦~~(比例如下)

番茄變化咁大, 就算日日食都唔會悶.

唔識煮唔緊要~ 書入面有食譜架~

食緊番茄瘦身法既時候, 唔需要去節食既, 保持運動就得啦~

番茄另一神奇之處就係佢可以將能量轉移, 令本身會令身體發胖既食物變得健康.

米(飯) 就係其中之一啦~

體驗...
進行左一約都有一個星期. 身體未有咁大既變化.

感覺上瞓得好左, 熟睡左, 皮膚都有小小變化, 冇咁黃啦...

至於體重方面..... 尋日上磅竟然輕左4磅.. (飯後+運動後磅)

關唔關事呢? 令係我今個星期工作壓力太大, 所以輕左呢?

大家都一齊試下番茄夜間瘦身法~~

祝大家成功

星期四, 10月 01, 2009

9月好書 PUSH 美腿祕技

今個月又係買書月

照舊係去左博客來訂書, 以下係我既戰利品

講笑啦.. 其實我只係入左2本. 一本照舊係香薰書, 因為香港難買d; 另一本都係據稱係瘋魔台灣既美腿書.

呢本書既作者齊藤小姐係一位美腿意識專家, 專為女性進行美腿矯正. 已有20多年經驗既佢可謂 ‘閱腿無數’. 係佢既角度黎講瘦既腳唔一定再係靚, 比例先係最緊要~

我地先黎睇下完美比例係點既先~

原來要有5處緊貼4處分開先叫完美比例. 唔知你地雙腳既比例又係點呢…. 我既比例都OK, 有4合4開 (腳趾合唔埋啦..) 不過我腳肥, 都係唔好睇.. @@

了解嗎? 黎一同進入美腿之旅吧....

齊滕老師採用既方法係由佢自創既PUSH 按摩技巧. 係每日一次既運動按摩法.

呢個按摩分別配合姆指, 掌跟, 拳頭同腳跟向腿部位置施壓.
配合力度就能夠舒緩頑固肌肉同脂肪, 促進血液同淋巴腺既暢通~~(就咁聽上去都已經好吸引啦~)

開始前, 我地先黎調整身體既歪斜狀況吧.
我地日常好多壞習慣例如吃飯時拓著頭, 走路時看著地, 繞腳. 高跟鞋, 常用單邊腳力站立. 單邊提包等等都會令身體歪斜.
從而影響身體及腳部健康. 引至8字腳, O型腿等等.
以下呢一SET運動就可以改善調整身體問題.

配合每日一次既PUSH按摩法, 分別係臀部, 小腿, 腳踝, 腳掌, 大腿上施壓.
4個星期為1個cycle, follow住老師個weekly plan, 同按摩法既圖示, 象腿都會變美腿啦~

除左先前講既壞習慣之外, 原來我地既行路同站立姿勢對打造美腿都非常重要架.
齊滕老師更教左正確既走路姿勢, 文字睇上去有D難明,
不過其實都只係講緊要挺胸修腹啦~

一對好鞋對打造美腿都係非常關鍵既~
老師深明愛美既我地愛着高跟鞋.
佢不但冇好似一般美腿專家咁反對着高跟鞋.
佢更加教我地點樣去揀一對好既高跟鞋tim.

PUSH 究竟work 唔work, 我就真係唔人知, 因為我都未開始去按摩.
不過我都希望我雙腿都可以好睇d.
希望對已經踏入廿中歲既我依家先黎開始PUSH 唔會太遲啦~~

有興趣美腿既SIS, 都快D去買返本, 我地一齊PUSH PUSH PUSH 啦~

博客來網址:

http://www.books.com.tw/exep/prod/booksfile.php?item=0010443244

星期二, 8月 04, 2009

今年書展，看看誰才是「王」道!!

SORRY, 太耐冇UPDATE,
當記錄啦. 因為呢篇一定要係YBLOG出現記底~~

07-26
又到書展啦,
我唔敢自稱'書虫', 比起好多人可以一日KO一本書同埋乜書都睇既, 我只可以話, 我只會對我愛看既書才能提起興趣~

中文唔好, 睇字睇得慢, 冇計啦~~

近年書展我有參與,
為左係要支持大王 - 王貽興啦~

記得上年佢出左5本書, 重要有一本係字典咁厚....

不過左為支持佢, 我都將佢地搬返屋企~

細心閱讀, 有時都會好有共鳴架~

今年大王離開左公仔箱, 專心寫書.
驚人地出左15本.

有D係講愛情, 有D係手繪, 有兒時回憶, 有城中話題, 亦有出勵志書同小說.

雖然唔係每個TOPIC 都係my cup of
tea.
但為左支持佢……

吓???? 傻啦唔係唔係,

冇冇冇, 我冇買晒15本呀, 我只買左12本.

(因為有其他個d我係3樓搵唔到, 唔緊要既, 遲d出去書局買返啦)

圖中

<原來戀愛1> 並唔係書展新書. 不過都有得買, 睇埋出黎係因為我想向大家推呢本, 入面既愛情觀對我黎講好有共鳴呀~~

當然有去搵佢簽名tim 啦~~

如果大家有興趣, 就快d去書展買王貽興既書啦~~

另外, 書展中, 小妹做左一個創舉....

就係同<人扮公仔>影相......

係敗金陪同下, 佢為左同小豆豆影左一張相...

相信連好友敗金都唔知, 我對<人扮公仔>或小丑係有惡懼..

小時係 peter pan...... (唔知大家重記唔記得~ 死, 爆左自己年齡出黎~~~哈哈哈...)

個時可以得2-3歲, 不過我好記得比佢地怕到喊個情景...

到依家, 就算去到disney land, 我都只係離遠咁同d卡通影相~~ (佢唔行埋黎, 我唔驚咁lor)

所以..... 今年書展~~ 我誰才是「王」道!! 哈哈哈~