星期一, 4月 20, 2015

師奶仔遊家居展 HKTDC Houseware Fair


自從搬左出黎住之後, 就慢慢由一個只會買衫扮野既 "少女", 變成 "以家為先" 既一個女人。
錢洗係屋企度仲多過用係自己身上!
再加上結左婚, 更加9秒9變成師奶仔, 邊度有荀野, 平野, 好用既家品我一一都唔會放過!

今個星期正好係 TDC第30屆家庭用品展, 今年仲有成36來自不同國家既參展商參加, 點可以唔趁呢個機會開下眼界呢~




 

香港家庭用品展係全亞洲最大既家品展覽, 今年一共有成2千多個參展商參展, 各樣種類既家品都有. 當中點少得我最鐘意既煮食用具呀.

離遠已經比呢個booth 吸引, 原因? 唔洗我講啦, 呢排鑄鐵煱上晒報紙, 大紅呀~~





好colorful 之餘, 呢個品牌仲設計左唔同既木盤配具, 如果屋企有呢個成餐飯一定好睇又好食呀~~




收納用品都係我日常shopping 既其中一個target, 呢個台灣黎既品牌以糖果色設計出唔同既收納櫃, 鍾意屋企咁colorful 既朋友一定比佢吸引!



大型家品黎講, 都係d 素系product 吸引我多d, 呢個booth 就係正對面, 兩個大對比, 邊個先係你心水呢? 我呢一刻真係好想換晒屋企個d呀!




除左素色系, 籐, 木, 布都係我朋友. 展場入面真係乜都有, 加上部分booth 都好大, 好好行, 好有係家品店shopping 既感覺, 如果可以買, 我一定又破產!



展覽有齊大大小小既家品, 有d 仲要係市面唔易搵到添!


我屋企一定會又d 綠色野, 綠色可以平靜心靈, 我會種下植物, 等閒同佢地傾下計, 不過呢排少左係屋企, 冇時間打理佢地, 都有開始諗放下d假植物, 參考一下呢個參展商既產品先, 好有style 呀~




 床上用品都有展區架,仲有好多枱布地墊等布藝添。



 呢個狗狗cushion 夠得意啦~ 同場仲有好多寵物用既家品, 有興趣既就唔好錯過啦!

香港家庭用品展
日期: 2015年4月20 - 23
地點: 香港會議展覽中心 




----------------------------------------------
Follow Me on Gi C Life
wengichow@gmail.com

-------------------------------------------

星期六, 4月 18, 2015

【GiCraftBox】鉤針手作小可愛兔兔子

復活節期間大家做左d 乜?我麻 ... 行山太陽,瘋狂練鉤針,喔,仲有我和疆屍有個約會 .....
我呢份人呢,雖然係3分鐘熱度,不過只要一投入一件事就會瘋狂唔識停,鉤針嘅魔力真係唔講得笑。




用咗2日時間,跟住Youtube 黎學,由一線毛線變成可愛公仔真係神奇。



兔仔分成5組件,頭身、手、腳。全用 single crochet (US),  加針、減針 ..... 手就加多個step, 埋針要斜斜角,咁拼落身先做到個 "要抱抱" 嘅效果!





我就係跟呢個channel,  佢教得好好,好清楚架!


復活節有 #easterbunny , 中秋節又有月兔,兔兔真係忙喇! #Gi手作 #GiCraftBox #Crochet #easter 復活節快樂!
Posted by Gi C Life on Saturday, April 4, 2015


2個半日,坐定定不停鉤,一對兔仔就完成啦!不過條腰就坐到緊咗 .... 哈哈哈,no pain no gain




----------------------------------------------
Follow Me on Gi C Life
wengichow@gmail.com


-------------------------------------------


星期二, 4月 14, 2015

【GiCraftBox】Hi, Im Baymax!



自從 Frozen﹐都冇乜animation 好感動到我,直至睇咗 Big Hero 6 .....
Ps 1, 我不得不承應我亦中了瘋神毒,但暗地裡自癒... Let it Go,  Let it Gooooo
Ps 2, 未接觸 BH6 前,我對 Baymax 嘅印象係 .... "嘩!乜依家d 卡通公仔咁求其,一d 都唔可愛!"




我錯了,睇完BH6﹐我心想著嘅就係好想擁有一隻 Baymax,  我都想要一個 always be here for me,  go crazy all the time 嘅好朋友! (大雄叮噹嗎?)


睇完片都6點幾 ..... 又抽起條筋,打開我的 magic craftbox﹐飯都唔打算食、開始做我的baymax!




其實Baymax 好易整,全身白毛加黑色眼睛,2色felt 就攪掂。另外,身體分開頭、身、手、腳 4parts. 整個身時有小小難觸摸佢個啤梨身型,個型真係要慢慢修,好在woolfelt 係零失敗,只要有修性,一家可以修到想要嘅型態!
Hello. I am BaymaxYour Personal Healthcare Companion. 


Baymax 暫時未企等穩,下一步要整埋個叉座比佢先!




----------------------------------------------
Follow Me on Gi C Life
wengichow@gmail.com


-------------------------------------------

星期四, 4月 02, 2015

慢跑黑夜星光下



雖則唔100% 環保人,但係我對綠色生活都有一份熱情同追求。講真,只要做多一個動作,養成習慣,就可以幫到地球,對我自己又冇損害 (可能仲有益咗添) 始終呢個都係我居住嘅地方,邊有人想住係被污染嘅環境架。

我自稱綠色生活八卦妹,有d咩綠色活動我都會擁躍支持參加,如綠色星期一 (我已進化到綠色星期一三五)  同「地球一小時」,每年3月最後嘅星期六,只要環境許可,我都會支持熄燈架! (其實反正平日係屋企我都係點蠟燭唔多開燈架啦!)

今年特別d,3-28 熄左燈後嘅1個鐘,我約埋一班WeShare Runners,一齊去跑出未來,低碳生活喇喂!




連埋5位bloggers、妹&frd (妹愈來愈愛跑、每次WeShare 跑都有佢份!) 8個人,嘩原來我地都好多人!



見證住維港熄燈一刻,雖然比想象中還要多燈,不過氣氛真係好好呀,大家都好highper!!
自從有咗朝早跑步呢個習慣後,都好耐冇夜跑,其實
夜跑都真係幾浪漫,加上一班人齊齊向著同一個目標起跑,就算身旁嘅跑友係陌生人,但都覺得份外親切。


第一次去西九海濱長廊、第一次係戶外過「地球一小時」,參加第一年的跑出未來。細細感受活動中嘅氣氛,加上我最喜歡跑步時思考,想著平時我仲可以做d咩黎救救地球呢?減少一點浪費、食得GREEN d、垃圾分類、食幾多煮幾多、仲有 upcycling… 其實好多野都可以好easy,相信環保一定都可以成為我其中一個良好習慣,就好似跑步咁!

諗下諗下,6公里咁就跑完啦,成績ok滿意啦,不過下次跑前都真係唔好食dinner 啦,就算早幾多食都好。sigh,如果冇食dinner 我估可以仲跑得快一d添~ 


話咁快,大家都一齊跑完啦,安全完成!跑友當中有d係冇跑開步嘅,見今次活動咁有意義,所以一齊參加。比賽完晒,但大家嘅highper 心情仲未減退,趕極都唔走,不停selfie!!希望出年我地可以再聚,繼續再跑出未來!出年再見啦大熊貓!




ps,多謝熊貓會送比WeShare Runner 嘅小熊貓,以後靠你地提我要慳水慳電,過綠色環境生活啦!





----------------------------------------------
Follow Me on Gi C Life
wengichow@gmail.com



-------------------------------------------

LinkWithin

Related Posts Plugin for WordPress, Blogger...