星期日, 6月 29, 2014

又熱又焗都可以全日清爽 adidas Dry Wax Women

雨下了足足一星期,太陽伯伯間都出場客串,令濕立立的天氣變得又悶又熱,由地上蒸上來的熱氣更是難耐!


除了影響心情,身體亦都會受影響,沒有戶外運動已是其次,更糟的是潮濕加上悶熱,汗流出了但不揮散,留在衣服上,汗印、味道才令人尷尬…
有運動慣的就知道,運動人的散熱功能比一般不愛運動的人強,一達到某個心跳指標,就會爆汗… 作為一個姿整的女生,止汗噴霧就是我每天不可缺的恩物!


每天上班前都會噴一噴或碌一碌,從小就開始用,我可對止汗制有點要求呢!直接用在腋下皮膚上的就要用走珠香體露,而止汗噴霧則會用在手脾、心口位置,方間太多對止汗制的流傳,是真是假也好,信不信由你啦。
在我,以前用過的止汗噴霧雖會令腋下乾爽,但也未免太過乾爽而引至腋下皮膚缺水,同事亦會導至色素下沉,鬆馳黯黑的腋下,相信你都看過吧。


止汗、香味、護膚已成為了我選止汗制的指標, Adidas Dry Wax Women, 除了有高效止汗功效外,更加入了蘆筍精華,止汗同時滋潤肌膚,長效48小時保持肌膚清爽自在。不含酒精配方更加不會給肌膚帶來刺激或多重負擔,腋下就不再黯黯沉沉,我就不再擔心黑色素沉澱了。


止汗噴霧的噴頭角度比一般的更大,離開肌膚3-4cm 距離使用,不但可使皮膚接觸到噴霧的範圍更大,亦可減少對肌膚的刺激。


使用止汗噴霧令一叫人擔心的就是白印問題,先放上手試試吧,如此接距離… 無事!一點白都沒有,可以放心用啦!


這星期,差不多隔天就要出外工作,又濕又悶,特別是上週五到迪士尼的時候,悶熱了一天,但腋下仍是非常清爽沒有汗味,汗是繼續流,但全日依然清爽。


在PMQ 等待1600熊貓開幕的那天更令我有超強烈的感覺,數十多人男男女女同迫在小小的記者區內,雨剛下完太陽又出來了,地上濕氣一蒸,悶熱再加汗… 大會應安排每人都派一支Adidas 止汗噴霧吧!
相信我是全場最清爽的一個,香噴噴的連熊貓都不抗拒跟我合照啦!哈哈!


Adidas Dry Wax Women 更有5 款不同香味任君選擇,其中包括爽身粉味,嬰兒般的溫和香味, 沒有一個女生會不喜歡吧。


後記:原來要自拍腋下真的是有點難度,正籌備要買新相機,究竟要不要買有自拍mon 的好呢?


----------------------------------------------
Gi - Life is Beautiful
wengichow@gmail.com
https://www.facebook.com/gichowengi
----------------------------------------------

星期二, 6月 24, 2014

病後去水腫 - 黑烏龍4Dslim

大大話話都成年冇病過,返新工第2個月就打柴,緊係啦,返工車程遠左,坐地鐵身貼身,啲人又冇manner 咁亂咳,唔中招就有鬼囉…
病左成個星期,西藥食到個人腫晒。見身體一好返啲啲,就即去喪跑排水。


每次一水腫得勁就會出法寶黑烏龍4Dslim去水腫,除左去水腫,4Dslim 仲有埋排毒,燒脂,收肚腩功效。結婚前一直都有飲,除左個肚腩,手臂,下身呢啲易水腫位都明顯有效架。


試過咁多款烏龍茶當中,呢款最清淡最易入口,就算凍左都唔會難飲,加埋佢冇特別side effect,感覺健康好多,病好後飲都唔係問題啦。


午餐黎泡一大支當水飲用,茶味香濃,每包可以泡出3-4杯茶左右。每日飲用一包,用後無論係飲水用排水都多左。


日日坐係公司,難免循環唔好,4DSlim 可以幫助消脂,熱飲令身體暖和,加速循環,令體內嘅毒素更加排出體外。


係急需去水嘅時間,我會重點加強飲用量,早午各一包,全日係公司當水飲用,利用烏龍茶kick start 身體循環,加快減腫效果,2-3日就會開始見到效果架啦!


我塊面就最易measure 架啦,以下呢張圖仲病緊,食緊藥,未開始飲…


呢張係父親節影嘅,飲左烏龍茶加強版2日… 面已經尖返啲啦!


呢個係飲左5日黎嘅情況,似返個人啦。
每個茶包都有獨立包裝,要拎出街一啲都唔麻煩。美女們,習慣自已備水出街啦,環保之餘,又可以隨時都飲用到美顏飲品,全日keep 住最佳嘅循環狀況。
無時無刻都為身體加油,都開始啦~


----------------------------------------------
Gi - Life is Beautiful
wengichow@gmail.com
https://www.facebook.com/gichowengi
----------------------------------------------

星期日, 6月 22, 2014

夏天水潤防曬登場

新婚後的生活其實與之前都沒有太大改變,我倆對工作的投入度比以為更加強,更忙碌,這相信與其他夫婦有很大分別吧!
工作忙碌,由有飯煮婦變成少飯煮婦,一個月都唔知煮唔煮到一餐,家婦都懶做了,而唯一堅持的就是每朝跑步及每個週末與老公的戶外運動時間。



熱愛運動的我倆,特別在陽光普照的日子更加愛到戶外走走,但隨住年紀增長,我已經唔可以好似以前咁,唔塗防曬直接與太陽伯伯玩遊戲。每次出門前10分鐘,我都先會大叫 "等等,塗返個防曬先"。


都係果句啦,我唔怕曬黑,但係怕出斑呀!
話說面上已經有幾粒斑出左黎say hello,我真係唔想做花面貓,所以除左用美白護膚之外,更加會用 Biore 水凝光感透薄BB防曬霜。



幫助我減淡面上黑色素之餘,更加可以遮蓋面上瑕疵。





質地輕型又唔笠,加上有保濕鎖水成份,夏天用都唔會有大負擔之餘仲有護膚作用;防曬霜有調色功能調色適當,放心用後唔會白面人架,整體肌色均匀左,睇落都白淨啲啦!



防曬霜有成SPF 50 咁多,戶外運動定平日出街用都好夠,唔知黎緊會唔會有船P去呢?如果有,靠晒呢一支就夠晒啦,仲洗乜擔心素顏見人呀~~
防曬霜易推唔笠又保濕,除左運動前適用之餘,平時出街返工當妝前打底霜用都得。防曬度高但唔厚唔焗;用左皮膚全日都好舒服,水油平衡,超正!!



身體上特別係膊頭位置都最易黑,所以每次運動前5-10分鐘都會先塗身體防曬,先等皮膚好好吸收,從肌膚開始減少黑色素形成。



同樣都係有 SPF50+/ PA+++ 嘅 Biore 長效輕透防曬乳液非常清爽,就算運動用都唔會焗住皮膚,而且持久度都唔錯,游左成個鐘水冇補過都冇乜點曬黑呀。





加上防曬乳液唔大支,又容易推開,黎緊行山都會帶埋佢,細細支放係我個小back pack 唔阻定。


質地非常清爽,塗係皮膚上2-3秒就可以完全吸收,唔會留白印,減少左唔少尷尬情況,超好用呢。



順帶一提,夏天少不了去海灘玩,但最麻煩就係補防曬呢一下。呢兩支防曬都有清爽功能,擦乾身後再補防曬,等幾分鐘皮肌就爽晒唔痴沙架啦!


所以今個夏天嘅出海活動,我都打算帶埋佢架啦~


----------------------------------------------
Gi - Life is Beautiful
wengichow@gmail.com
https://www.facebook.com/gichowengi
----------------------------------------------

星期三, 6月 18, 2014

沖繩6日5夜蜜月自駕之旅 ❦ Day 3 殘岥岬 + 美國村

Its an other month… the 3rd trip journal is finally done……

終於黎到遊記Day 3 啦!!真係過左好耐啦… 

2013.10.12
Day 3 - 殘岥岬,美國村
Goodbye 那霸市,BIRTHDAY 自駕北上起動!!!!!


今日係我生日,其實玩到自己已經唔記得左。王生第一份送比我嘅禮物就係… 情侶裝,嘩,真係人生第一次!個人黎講,咁樣嘅情侶裝已經係我嘅極限啦!


8點幾就起左身,打左去OTS,麻煩佢地早啲黎接我地去攞車。本身book 左12 點,打到去客務佢地好樂意改時間,仲好有禮貌咁問半小時後黎到得唔得,嘩,緊係得啦,感動流涕!!


司機叔叔帶左我地去DFS 攞車,OTS 取車點其實家有好幾個,機場嘅最大,另一點就係近市區啲嘅免稅站,就近おもろまち駅,坐Yui Rail 去都好方便。


取車四寶,護照,車牌,國際駕駛證同 Retail Voucher,之後嘅動作就係排隊... 10點去到,12點先攞到車,等到我傻。登記好仲要去等攞車,冇特別request 要英文GPS,不過第一次租車,都係搵返個識英文嘅staff 講解好啲,所以等左好耐... 但到最後,幫我地嘅先生其實都唔多識英文嘅。


出發!大大話都成8年冇開車,返左黎HK 都小開過一次,但係開車就如與生俱來嘅能力,一黎就自動球,真順暢!!
GPS 其實都超易用,OTS 先生先 demostrate 了一次,聰明的香港人一定很快學懂,記得事先抄底目的地嘅電話號碼。


第一站,必去景點殘岥岬,沿路可先經過幾個Chapel, 不過大多唔俾影相 (離遠影都唔係高興) 所以禮貌地,我地只觀光,相都冇影lu…

被趕前影下的唯一一張…


今日天氣麻麻,雲厚天暗無太陽,來到殘岥岬卻攝出另一種味道… 有點憂怨,有點Blue,有啲浪漫!





風很大,我地就坐係崖邊撲風睇浪,淺談趣事,相擁呢一刻的寧靜、只屬我倆的時間。



風很大




追完風,我地就去到恩納,由殘岥岬黎到車程45分鐘,入住全沖繩最有名嘅酒店ANA InterContinental,人生一次honeymoon 住豪啲啦!


呢度出名在於佢有一個好靚嘅Chapel,本身諗住旅行結婚係呢度攪,不過最後慳家妹性格黎出黎啦,錢都係留返比自已食左佢玩左佢算啦!呢度真係有好多人攪婚禮,差唔多一日幾對。我地入住酒店就可以係Chapel 門口影相,只係exclusive for 住客架咋。


玩左成個下午肚餓到爆炸,求其係酒店食左個好普通嘅貴tea 就入房欣賞下先。豪華大房超舒服,房內環境實際比相靚好多架,一入到黎就有一個relax 渡假感覺。


有啲令人失望的HONEYMOON 禮物… 不過送食嘅總好過送啲唔等洗又唔環保嘅嘢嘅!



房外環境,對住Chapel 架




恩納Beach,啲水清到好想一下跳入去呀,呢幾日一見到beach 就好似有幻聽咁,每分鐘都覺得個海係度呼喚緊我!


日落前,我地黎到美國村,開車返轉頭去到沖繩中部,慶祝我的生日。


美國村的感覺真的比較似外地,外國人很多,有個大Aeon 同ZEGA,其他商場的style 也似外國的local mall 仔,入面都有好多自家品牌店。


數到餐廳就不得不提呢一家用巴士車身作dinning area 嘅餐廳,好多旅遊書都有推介架… 不過因為尋日先食完pasta, 今次我地就冇揀呢家啦…


黎到美國村又點可以唔影下摩天輪呢… 影呢一set 相開心到我傻左,王生同我一齊癲,真幸福!






不經不覺已經入夜,玩到唔知時間啲兩個人,本來想食美國村signature dish Rico taco,點知我地玩得過左時間,7點幾,幾間店都已經坐滿人,所以來到呢家Deport Garden Cafe,唔係旅遊書住打,不過味道都唔差架!


花茶,有療效menu 的,我嘅係排毒Rose tea,王生飲嘅係清新消膩嘅LemonGrass peppermint tea.


呢家cafe 主要菜式就係漢堡扒,味道其實都唔錯架,而個汁亦都夠特別,但奈於我地唔識日文,真係估唔到個汁入面有啲咩,總之,佢比起一般Gravy 多左一位肉味,咁香滑但係竟然taste 唔到奶油味,真係好特式架。


Dinner 後我地就返酒會睇電視,估唔到老公静雞雞係deport garden cafe 買左件cake 同我慶生,沖完涼出黎就有cake 食!哈哈哈… 好在眼圈都唔算勁姐!


紅色蠟燭真係好攪鬼!配合返萬聖節主題嘅南瓜日式芝士蛋糕,雖然味道只算一般,但開心就贏晒啦!What a great Happy Birthday!!


----------------------------------------------
Follow Me on Gi C Life
wengichow@gmail.com

Instagram


----------------------------------------------

LinkWithin

Related Posts Plugin for WordPress, Blogger...