星期五, 4月 30, 2010

運動。型。性感 - 技安之杰作


想返起上一次同技安玩妝已經係12月即事,

當時影個輯相我真係好鐘意,更用左黎做左好幾個月既大頭貼!

please click 重溫…




剛過去既星期六,我再搵技安玩!化妝,攝影一手包辦!技安好嘢!


技安幫我化左一個不太濃既妝,當然啦,因為一陣我地會上山拍外境呀… 化到咁誇張可能會嚇親啲行山伯伯架!哈哈哈哈


今個妝用既全部都係Revlon既產品。



Photoready 粉底液係我近呢個月既每日必須品。佢既Coverage 非常出色!就連剛打完C6留下既紅印佢都cover得晒!真係好叻呢!





重有呢支眉筆都真係唔錯,話說同學仔幫我按摩完都冇甩!真係忍唔住要讚下自己Good choice!哈哈哈哈…




咁多妝品中我想特別介紹 Super Lustrous Plumping Lipgloss 比大家。愛豐唇感既Sis 必定要擁有一支。



講多無謂,請一同見證Gi lips boasted up! (打完C6, 面毛都變白色LU~~)



 


呢支係Revlon推出既限量版Lip gloss, 一共有5隻色, 每一個色都係非常春日, 好易配襯既顏色黎架~~ (以下係其中4色)



Super Lustrous Plumping Lipgloss 除左有突出既豐唇效果外, 更有修護唇紋, 修補受損細胞同注水既功效.

有效抗氧化同提升唇部彈性.



佢亦好易塗,好滑,一啲都唔笠。

就算佢效果咁Glossy ,塗既時候都唔會卡住卡住呢!亦唔會好粘,通過左我既食頭髮測試呀!

(唔知咩係食頭髮測試既Sis 可以係呢道睇返!)




 

GI 已經將佢例為左每日必備品啦, 當佢護唇膏咁, 時時塗~~ 等咀仔可以再靚d~~ ^^ hehehe

愛唇品既sis 重唔拿拿林去入一支~~ $85



好啦, 你地都等左睇技安 ''杰作'' 好耐啦. 唔講咁多啦. 去相....







鳴謝旺豬客串..



不過呢隻甩繩馬騮, 激到技安紮紮跳呀...



MAKING OFF....


 





請大家多多支持, 反應好既, 我同技安會再合作影多d靚相比大家睇架~~

 

晚上去左好好味CAFE - HIT THE ROAD 食飯.

想睇好味靚相麻煩去一去技安道啦~~




鹿仔, 我地星期5再見啦~~ KISS KISS KISS




多謝收看~~


星期四, 4月 29, 2010

近朱者赤, 近技安者齊來一塊拍~~


人生中難得有位知己真係稱得上為"死而無憾" (講到咁誇張@@)

何況我既知己好友同我有共同目標大志興趣既大好人.

 

係對方唔開心對會樂意與對方傾訴, 開心時可以一同分享, 不計較, 不吝嗇.

我相信朋友係會互相影響既, 只要倆人行得越近, 倆人就會慢慢受到影響,

到最後大家既興趣, 同喜歡既野都會慢慢都會變為一至..



希望我口中既好友唔會介意我將呢段''關係'' 共開化啦.

 

每次遇到荀野, 都會第一時間想起對方, 要同好友分享..

上個月, 我化身為"呢個人", 影響好友入左一盒非常好用既粉底液...


今個月, ''呢個人'' 居然被 ''果個人'' 影響左去拍野..... 拍咩呢???


 

今日. 我也來一塊拍了~~

 

玩拍賣網我相信大家都會有經驗啦.

不過玩到咁緊張刺激, 我都係第一次...



 

唔玩過你都唔知, 有經驗既玩家, 只需要用HKD$200 就可以買到一部iPhone 返黎架啦.

玩法其實都唔係太難, 慢慢玩~~ 上左手, 你都可以變高手..

開始時, 你會有15粒星星, 呢d星星既用處就係比你下標時用既代幣.

唔同既拍賣品都需要唔同數量既叫價星星~~



 

當然星星係可以賣架啦~~



 

之後就係正常叫價呀. 係拍賣時間終結前成為最後一個下標既人, 貨品就係你架啦~~

付款方法可以係 CreditCard, PayPal, T/T都得, 真方便~~ 



 

我覺得用下標代幣呢個方法真係幾好玩, 可以防止d人胡亂下標, 台高晒叫價丫麻~~ ^^

重有呀, 其實d星星都有另一用處架..

若果你今晚要出街, 但心頭好又咁啱係今晚完標, 咁點算呢...

 

你可以先去塊拍精靈個道, set 左下標時間同出星星既數量, 塊拍精靈會自動幫你拍架啦~~

係指家時間內, 只要有人既叫價高過你既... 塊拍精靈就會出價.

星星就等同叫價次數, 如你一早set左要出20粒星星, 而拍賣品每次下標都需耍2粒星星既,

塊拍精靈就只會幫你自動出價10次. 咁你就可以放心, 唔怕塊拍精靈會亂幫你叫價啦~~ ^^



 

唔係下標時, 我都會睇下d玩家既下標情況, 睇起個價係咁標高, 我都登佢地緊張架.

拍賣品又吸引wor, 我睇中左呢個單反呀, 不過要先成為vip, 再有返咁上下星星先可以玩LU.



so far, 我都重未標到我既心頭好,

我要study 多d, 了解多d先一次出激!! 標得 ''美人'' 歸~~

唔知我第一樣 ''美人'' 會係d咩呢~~



 

大家不妨都去 http://www.1kuaipai.com/ 了解一下玩法丫.

多d人玩好玩d架, 我地更加可以分享下心得呢~~

 

有咁好既野, 我當然要同你地所有人分享啦~~

大家一齊玩, 齊來一塊拍啦~~

<用技安的iPhone 一塊拍中~~ >



 

謝謝收看~~




星期三, 4月 28, 2010

價錢重要嗎?

" 價錢重要嗎? "


阿Gi成日都會將一句說話掛係咀邊…

平嘢既功效唔一定唔好,貴嘢又唔一定係唔抵買!

 

成日見到有女仔鐘意得價錢同產品容量除開黎衡量抵唔抵買…
亦有女仔鐘意問可以用幾耐! 用呢個方法去衡量有用嗎?

 

買了一支較平但係每次要用幾泵既精華,唔洗2個月就用完lu…

定係買一支貴啲但係每次份量好少就夠用全面既呢??

黃豆同五毫,你會點揀?


阿Gi 今日就想做個小小測試,搵黎2支功能相同但價錢有差既精華素黎做個大比拼!



去到化妝專櫃,大家通常都會將產品塗上手試下個即感覺…

所以今個測試我會Focus係產品既即時功效!比大家自己去衡量下點選擇~

講真,精華素呢家嘢大家都知唔Keep住用上大半瓶你都唔點會見到佢既功效,

所以與其只用上幾日就同大家講好好用,倒不如我分享一下用後感覺,同埋用後第二朝既即時果效啦!


两支同樣係活膚精華

產品A : Biothem SOURCE THERAPIE SUPERACTIV 温泉激活再生精華 $430/ 30ml
獨一無二的濃縮溫泉生命力的再生精華,促進肌膚底層健康細胞再生,

令新生細胞更健康、完美,5 日即如重生般從內至外發放健康光澤。

大眾化品牌 價錢合理



 

產品B : Dior ONE ESSENTIAL Skin Boosting Super Serum 完美活膚要生素 $680/ 30ml
重整並提升細胞的自我更生能力,令肌膚回復健康狀態,
更能加快吸收及強化其後使用的護膚品效能,達到肌膚的淨化賦活、更緊緻。

專貴品牌 價錢較高 包裝高貴




測試開始~~~

質地及味道:

人體最易受刺激既感覺細胞係嗅覺及觸覺。

除左品質,嗅感觸感會係影響我地最終會唔會去使用既最大因素!

(好似講緊我自己個支豐胸油咁!哈哈)

產品A - 味道好自然, 質地係gel 狀, 都幾好推



產品B -  味道有好重既香料味, 質地比產品d薄, 亦比較好推..(流出黎啦...)



2支產品既味道用質地都係容易令人接受~ 所以2支都過關~~

 

 

滲透度:

每寸皮膚既吸收度都唔同,想準確地自家計算精華既滲透度,可以借用化妝棉~

最快能滲透化妝棉既精華表示分子較細,滲透速度高~ 被皮膚吸收既機會率亦會更大!

產品A - GEL 狀既精華, 用係手上時要多推幾下幫助吸收~~

             打圈推開大約7-8下就後至完全吸收, 但手上仍留有令令既精美係皮膚上可見.. (可能係我用得太多.. @@) 



化妝棉測試: 點開後大約要20秒左右至完全滲透..



產品B - 液體gel 狀既精華, 上手留即時向四周流開, 推左4-5下就已經完全吸收.


 

化妝棉測試: 點開後只需15秒就已經完全滲透.. (睇都睇唔到個控)




即時補水度:

對人體佔最大部分就係水,水亦係皮膚組織入面最為重要既一個角色~

先把精華液塗上手測試其即時補水度~

5分鐘後再量度其鎖水度!

 

產品A - 開始時, 左手狀況..



完全吸收後, 水油比例都好好, 保濕明顯有提升, 5分鐘後測出的鎖水情況很好.. (+10%呀....)


產品B 開始時, 右手狀況.. (依~ 我左右手都既balance wor~~haa)



完全吸收後, 水油比例有差, 雖然滲透度高, 但會有油脂留係皮膚表面, 所以扁左咀lu...


保濕度明顯提升, 5分鐘後測出的鎖水情況不錯..



 


首次用後翌日既感覺:

產品A - 好清爽, 用係咁朝濕既天氣下都冇出油, 早上起身面仍然係清爽既,

            香味好舒服, 好relax.

            因為用後, 皮膚付擔唔太大, 所以可以早上用, 下午都唔會有油光~ 

 

產品B - 滋潤型既精華, 用後皮膚好似有層油脂保護住咁.

            非常易吸收, 用完精華唔洗等吸收, 可以即係用其他保養品. 亦有效幫助其他保養品吸收.

            翌日早上洗面時, 會有洗走一層油既感覺, 朝濕用佢. 會有d出油, 不過情況唔嚴重. 

-------------------------------------------------------------------------------------------------------


睇左以上既小小測試之後,在價錢既差別與即時效果既對比下, 唔知大家會點選擇呢?


所謂平的不比貴的好,品質同價錢係唔係一定成正比呢?價錢有重要嗎?

 

而我嗎?? 我會2支一齊用. 一支早上用biotherm, 一支晚上用 dior.

只要自己能力effort得到而又有效既, 我都會keep 住用~~

好既精華, 冇人會兼多既~~ ^^ heee

 

多謝收看

我信永久,不只要曾經擁有!+ 終極瘦身報告 - Dermes &amp; Elyze

講真,有邊個會為“曾經擁有”而滿足丫~

每個人都一定希望擁有過後,能夠永遠咁擁有落去。

 

自小就貪靚既我都係一樣,皮膚好時就希望永遠都有好皮膚。

瘦身成功後就希望永遠都可以保持呢個令人滿意既磅數!

不斷希望自己能夠在各方面都有進步,多作新嘗試,擴闊自己既視野。

減肥... 做運動... 跑10km, 超越自己~~

學化妝, 學按摩.. 增值增值~~


學做飯, 做一d未必每個人都識, 但係識左會好自豪既事~~



 

去年係網絡中認識左一班喜歡拍照既小龍女,同佢地既交情越深,我就發現原來自己對拍攝都好有興趣,

同佢地唔同既係…我比較喜歡“被拍”~

 

每次都好投入,令自己放鬆啲,表情都唔好咁…緊 @@

(我個背脊好relax架~~ ^^)



 

擺Pose當然係一個我要再多放努力既地方啦!特別係去到要扮一啲“舉高雙手”既姿勢時,

成個人都突然變得唔知想點… @@



好緊張同監介,擔心腋下唔知會唔會有毛毛跑出來,更怕拍出來效果會有黑黑兩達…… =.="

(呢d動作, 都只可以穿左外套先有種擺lor..)



 

解決腋下問題既方法有好多... 剃、拔、蜜爉、脫毛噴霧、脫毛膏…

所有有可能脫毛除味去黑既方法 大部分我都試過,

但係全部效果都未能達到我既要求…

 

View Image
View Image
View Image

 

去年更跟朋友去左一間醫學美容既東東,花上數千元Join左一個激光除毛既療程。

開心既係我係我唔需要再去拔毛同做wax啦, 腋下都白左滑左好多...

可是... 開心... 只能為持3個月…

3個月後,毛毛又跑出黎lu... 左邊還好, 右邊的生得要狠...

 

浪費左時間, 亦浪費左金錢 ...

毛毛跑出黎後, 腋下既汗開始多, 時常都擔心有汗味 (我係大汗gi...)

所以又開始用返止汗噴霧.. 腋下色素... 又開始深啦... (重要右邊深過左邊... 死未)

 

我深知道長始下去唔係辦法, 要搵一個持久既除毛方法先得.

Dermes 一定係我既首選!!!

 


 

一直以黎Neoderm 其下既品牌都比到我好大既信心.

Elyze 啦, MD Solution 等等. 有享用過既就會知道佢既好.

 

所以只要Dermes 一句 '我要永久' 我即時想起 '我信Dermes'

我深信有一日, 係我身上而我又唔想要既毛毛一定會"永久被除"既!!!!

 

你地會支持我嗎?你地會同我一樣, 都相信永久嗎? ^^

 

ps. 上星期去到Elyze 做左第6次既療程,

2個月冇treatment 後重踏inbody 機. 以為自己一定重左好多.

誰知脂肪比例同體重都減左呀~~ 依家只有109磅同 10.8%既脂肪值.
 

4個月前第一次去Elyze...


今日..



雖然2個月冇做treatment, 但正因為我有控制飲食同運動量, 再加之前5次既treatment.身體已經會自己既運行, keep 住個weight ^^


 

Elyze 我對你有信心..


 

同樣...

 

Dermes 我對你都抱有信心~~ 我黎啦~~


LinkWithin

Related Posts Plugin for WordPress, Blogger...