星期二, 10月 27, 2015

轉季買新boot!JipiJapa新款Chelsea短Boot好襯又舒服



又到轉季又可以買新衫新鞋!一早已經為今個冬天打算好,要加入一對短boot及一對長boot! 短boot最好要矮踭嘅,因為高踭嘅我已經有啦,一於去我最喜愛嘅皮鞋品牌JipiJapa睇下有冇新貨先!




因為我真係好怕新鞋刮腳,而JipiJapa出事嘅機會率係最底嘅,新鞋落地都唔怕刮腳,稱心之選!


今季JipiJapa都出咗唔少新鞋款,仲有我target要嘅短boot! 今次一眼就睇中尖頭Chelsea Boot,仲好醒咁帶埋王生幫去揀,咁我就唔洗怕有選擇恐懼症啦!



另外一對流穌短boot都幾好睇架,行路個陣擺擺下都幾動感!


鞋款設計型格,尖頭得黎鞋身又有d details點綴一下,令鞋唔會太斯文,其實呢對鞋都真係幾易襯架!等我又黎襯下比大家睇先!


那天一生第一次入鯉魚門,天氣又好,連我都忍唔住要擺下po影下相。

Mix&Match 1: 輕便長褲look
走對型格風!Chelsea boot 長度襯褲剛剛好,好怕d boot長度唔上唔落,會著到腳短咗截,Chelsea boot 就冇呢個問題。一件簡單白T長褲,加件外套,全個配搭焦點就落左喺對boot身上,襯出型格!





Mix&Match2:斯斯文文長裙look
無論係冬天定夏天,長裙都不離我。喜歡著貼身長裙突出線條,冬天外加一件外套,感覺只時欺文晒!Chelsea boot 長度襯7分長裙,高度啱啱好,尖尖鞋頭及不經意增高嘅兩吋鞋踭,多加一分欺文感,舒服又perfect match!




Mix&Match3:長Shirt Missy look
斯文中帶點不正經,唔洗見客的返工look! 長衬衫加短褲,襯heels有點太...,襯長boot又欺文左d,襯短boot型好多,rock感重,仲好顯長腿添!嘻嘻。




你揀定咗心水冬季新鞋未呢?不如去Gi.C.Life FB 專頁,攞定張8折coupon再慢慢揀丫!



----------------------------------------------
Follow Me on Gi C Life
wengichow@gmail.com


-------------------------------------------

星期一, 10月 26, 2015

NUXE皇牌晶亮全效護理油的奇妙用法


如果要我揀對NUXE最深刻嘅係乜,大概我只能答係佢嘅獨有香味。人嘅五官好特別,總有特別靈敏之處。我嘅鼻係特別敏感,有一d氣味係會令我有好深刻嘅印象。



仲記得第一次接觸嘅NUXE產品,並唔係皇牌護理油,亦唔係面霜,而係香薰蠟燭。佢嘅香氣真係深深吸引到我!當然啦,NUXE係結合咗植物療法及芳香療法嘅法國星級護膚品牌, 每一支產品都係以珍貴植物精華提煉,香味同功效都有一定保證!而事格多年後,我終於可以同NUXE嘅皇牌晶亮全效護理油邂逅,咁啱佢係今年推出咗20周年記念限量版,加入插畫令護理油更加有個性!





NUXE 晶亮全效護理油 假日悠閒限量版HK$268 100ml


唔講唔知,原來晶亮全效護理油都有好多類用法架...

髮尾油 呢個應該係最comment嘅用法,可以改善及修復髮尾乾燥開叉,不過原來都有投巧架。先將油係手心搓開,好似查hand cream咁,再由髮中用手指梳至髮尾,將油滲透全條髮絲。平日我只係搓下搓下髮尾,原來咁係唔夠全面滋潤架。


減少毛燥  梳頭前係梳上噴上一下護理油,可以順服頭髮,減少頭頂飛甩毛,整齊幾多!



髮膜 深層滋潤頭皮可以減少掉髮、加速健康頭髮生長。用法先用護理油按摩頭皮,再加暖毛巾包頭,20分鐘後清洗成個頭即刻有返光澤架!


手/腳膜 做髮膜又點可以唔用佢做埋手/腳膜呢,先按摩手指頭及腳踭等會長硬皮嘅位置,再套上手套/腳套,可加熱毛巾加強滲透添。

眼膜





Sleeping mask 呢個方法唔係人人受到,但對於我呢個長期極乾嘅大嬸黎講就好適合啦。係面日用開嘅面霜上加上一spray護理油,推開mix埋,厚敷上面,皮膚會慢慢吸收,全面都得到滋潤,第二朝包滑呀!


暫時諗到咁多方法啱我用,如果你比我更乾,仲可以試下加入粉底試一試!
但我始終都係鐘意用cream黎mix粉底多d 。轉季天我嘅CC Cream都唔多夠潤啦,試一試同NUXE埋晶亮瑩肌保濕面霜一齊塗,發現效果都唔錯,皮膚全日都好滋潤唔繃緊,又發現有好嘢新用法啦!



其實護膚品嘅用法多不勝數,不妨多作嘗試,了解下佢哋,話唔定又會發現多一個新用法呢!






----------------------------------------------
Follow Me on Gi C Life
wengichow@gmail.com

-------------------------------------------

星期四, 10月 22, 2015

勇氣、鼓勵、堅持 邊支最能代表你?SKII 聖誕限量版神仙水

Gi 好鐘意四圍搵一d裝飾得有心思嘅餐廳,喺一個咁靚嘅環境下休息吓,呢個先係我嘅生活態度呀!唔係要扮嘢呀,試諗下當你好攰,緊係想喺一個安靜又整潔嘅地方休息啦,咁先可以mind peace架麻!




皮膚係身體嘅一部分,當然要用同一個概念去照顧啦,皮膚要休息時,就要比佢係一個最舒緩嘅氣氛下休息,好嘅護膚品,舒適嘅氣味... 真係身心relaxing 喔!


忙碌日完結,放工去Party! 原來上環有間咁靚嘅餐廳,呢個門口已經好吸引,餐廳內仲有特別嘅蝴蝶佈置,當然係要嚟襯托返今日嘅主角 SKII 聖誕別注限量版神仙水嘅特別安排!
Maison ES G/F, 1 Electric Street, Wan ChaiMaison ES







話個無乜人知嘅事比大家知,其實蝴蝶係我其中一個最鐘意嘅圖案(當然仲有星星)蝴蝶唔但只有可愛嘅一面,其實我覺得佢好神秘又好elegant至真,仲可以好型好cool!
所以呢三支聖誕別注限量版神仙水,我第一眼已經愛上!特別鐘意粉紅蝴蝶同藍蜂鳥呢兩支,或者係呢兩支都有我最愛嘅紫色卦,又或者係佢地背後嘅喻意一早已經影響緊我.....


蝴蝶 = 勇氣
命運不是運氣,而是機遇。這款設計鼓勵 女性像蝴蝶一樣破繭而出,不管你的出生 如何,你都有機會改寫自己的命運。在改寫命運的旅途中,每個人都會遇到掙扎與 挑戰,熱情似火的紅色,張揚的設計,給予你力量和勇氣。

粉蝴蝶 = 鼓勵
蝴蝶的另一設計採用柔和的粉色,粉色象征著感恩,愛和信任。因此,這款禮盒可以 感謝在改寫命運旅程中給予你無微不至支持的人。溫柔,女性的粉色總會讓人感到溫暖,鼓勵身邊的朋友開啟屬於她們的命運之旅。 

藍蜂鳥 = 堅持
雖然蜂鳥是世界上最小的鳥類,但卻能完成很多看似不可能的任務,勇敢的蜂鳥可以 朝任意方向飛行,也因此成為堅持和奉獻的代名詞。設計採用象征永恆的藍色,對於 那些勇敢追夢,從不輕言放棄的女性來說,是一款絕佳的禮物。
售價: HK$1280/230ml

好有意思,令本身已經好有內涵嘅神仙水再度升呢!!哈哈哈,亦感謝SKII 送上粉紅蝴蝶神仙水,每一次用係一份鼓勵,是神仙水亦是心靈雞湯!

聖誕節仲有2個月就到,時間真係過得快。會唔會想趁聖誕,將呢份勇氣、鼓勵、堅持送比朋友或自己呢?一如以往,SKII 都會預備好多套 Xmas Gift Set,今年有成11個套裝咁多,shorlist以下呢幾set同大家share下先!


[上左] R.N.A. Power 精華奇跡禮盒 開始逆齡之旅
禮遇價HK$2,420購買紅色蝴蝶限量版神仙水230ml以及R.N.A 立體緊緻精華霜80g,就能獲贈全效活能3D面膜,提升臉部輪廓。
售價HK$2,420

[上中] SK-II皇牌全效禮盒 喚醒年輕肌膚
SK-II 皇牌全效禮盒包括多款SK-II熱賣產品,包括 紅蝴蝶限量神仙水230ml,R.N.A.立體緊緻精華霜80g,R.N.A.彈性再生精華50ml,精華護膚面膜和護膚精華霜30ml,見證PITERA喚醒年輕肌膚的奇跡。
售價HK$3,530

[上右] SK-II男士活能奇跡套裝 煥發男士魅力
SK-II 男士活能奇跡套裝包括男士神仙水215ml,男士活能保濕潔面乳120g,男士活能修護霜50g及男士活能亮膚精華30ml,全面照顧男士肌膚的各種需求,是自用或送人的首選。
售價 HK$2,320

[下左] SK-II 極致奢華禮盒 全效修護肌膚需要
SK-II 極致奢華禮盒
SK-II 極致奢華禮盒(售價HK$4,570)包括R.N.A.立體緊緻 精華霜80g,肌源緊緻修護眼霜15g,R.N.A.彈性再生精華50ml,環采鑚白修護霜EX50g,護膚精華油330ml,彈性 活膚精華40g,嫩膚清瑩露150ml,一次網羅七大熱門產品,是忠實用家的不二之選。
售價HK$4,570

[下中] SK-II LXP改寫肌膚套裝 解決多種肌膚問題
SK-II 金鑽改寫肌膚套裝包括活膚舒緩露200g,金鑽極致 再生精華150ml,金鑽極致再生眼霜15g及金鑽極致再生霜50g,糅合最高濃度PITERA及黃金再生複方等珍稀成分, 解決多種肌膚問題。
售價 HK$3,700

[下右] 神仙水體驗組紅蝴蝶限量版套裝 煥發肌膚光澤
禮遇價HK$540購買SK-II 神仙水75ml,護膚面膜1片, 嫩膚清瑩露30ml及凈肌護膚潔面乳20g,14天煥發您的晶瑩剔透。
售價HK$540


除左有咁靚嘅場地任影,仲有靚靚嘅野食同photo booth,感覺就好似同朋友一齊去左個嘉年華咁。幸福,因為呢一刻有摯友相伴。



內心深處的屈結,要到何時才可解開呢?




----------------------------------------------
Follow Me on Gi C Life
wengichow@gmail.com


-------------------------------------------

改善循環、凍結體齡~ENITA Cosme Wonderland 全新LPG第8代Cellu M6

又大一歲啦!女人一過廿五循環就會減慢,一到三張皮膚就會開始又乾又鬆弛。所以呢,要保密年齡,除咗要冷凍肌齡之餘,仲要冷凍體齡!

護理身體嘅療程有好多,今日終於做到想試好耐嘅M6 treatment啦!



儀器療程重要,但對我黎講一個好嘅treatment centre 更重要!我個人就比較鐘意小型centre,雖然房同人手都冇咁多,但勝在溫暖又小d company policy 框架丫麻。
今之黎到的銅鑼灣 ENITA Cosme Wonderland,一來自愛爾蘭嘅天然護膚中心,一入到去就聞到好香好舒服嘅香薰味道,仲有好多自家product。
除咗皇牌芳香療法同天然草本產品,ENITA最近仲引入咗全新LPG第8代CelluM6® 系列「皮膚纖維重組療程」,包括Endermolift™天然回彈肌齡面部療程 及 Lipomassage™天然互動消脂兩個療程。100%純天然、非侵入性正好配合時下美女們對美嘅追求。

注意身體同線條發展嘅我,二話不說就揀咗Lipomassage™天然互動消脂療程黎做。緊係啦,儀器功能著重於消脂美體之餘,仲有加速循環嘅功效,而「Body Composition Analyzer」類嘅醫美儀器, 有如物理療程,有健美作用同時亦有醫療作用。肌肉繃緊,水腫循環等,好多醫院都有用呢部儀器為病人治療架。




療程前,先了解一下現時嘅身體狀況。測下水份,肌肉同骨嘅密度比例。



兩個星期前磅過inbody,當時係over 9磅脂肪,依家減到4磅都算有成績,不過真係好辛苦,真係要靠儀器幫下手啦...
其他數字都ok,係循環差d,其實我一啲都唔surprise,但治療師就好有興趣研究下我啦。



好鐘意日光好足嘅房間!



LPG第8代CelluM6新身!



治療前再穿上貼身衣等治療師目測多次先!



治療師話因為我循環唔好,所以就算我做好多運動,都唔能夠keep住高體溫足以去消脂,所以大髀就算結實,都有好多脂肪囤積。呢舊就係我個大髀上嘅脂肪啦!


今日療程主力係大髀上進行,但因為要改善我本身循環系統運作,治療師會先係我肚腹上進行治療,打開循環及排毒系統!

Lipomassage™天然互動消脂療程係一項針對性treatment,對於我呢d上身瘦下身肥嘅人黎講真係天大嘅福音!機動滾軸式機頭有真空負壓吸力,邊吸邊激發深層肌肉及脂肪反應,舒緩繃緊肌肉之餘,亦令脂肪分解更易被消耗!


肚上treatment主要係要排毒唔係塑形,機頭係肚上面吸啜都真係幾痕,拉個陣都有d刺激,習慣左就冇事lu,睇下效果幾明顯!


之後就到大腿,治療嘅主要針對部位!治療師用咗兩個程式:循環 >> 塑形,治療力度同手法都有不同,塑體部分就要加埋治療師嘅專業同經驗去處理啦!



官方數字:每星期兩次 --> 10星期 --> 膠原蛋白 +230%、彈性纖維 +160%、自生透明質酸 +80%、+ 淋巴及血液循環、 - 橘皮組織的形成、+緊緻彈性


不得不讚,治療師真係好有經驗,好了解儀器嘅運作同埋自家研究嘅獨門手法,一次treatment 就有咁突出嘅效果,都幾驚喜!


好多謝ENITA Cosme Wonderland 今次sponsor我體驗M6 treatment,仲送上咗皇牌的天然草本產品比我回家試用,呢3支uplifting油對於瘦身循環都有好大幫助,等我返去努力用返一排,冬天著褲就唔怕又肥又腫啦!



ENITA Cosme Wonderland:
銅鑼灣耀華街25號丹納中心20樓A室Tel2819 3309Facebook: www.facebook.com/enitacosmewww.enita-cosme.com



----------------------------------------------
Follow Me on Gi C Life
wengichow@gmail.com


-------------------------------------------

LinkWithin

Related Posts Plugin for WordPress, Blogger...