星期日, 10月 31, 2010

阿Gi週記 – 新髮型@Aveda~


10-4  相約了瞳瞳一同到Aveda剪染, 終於都到我地啦.

本身其實只係打算修下就算架啦. 不過橫店都係剪, 點解唔試下新髮型呢..


HAHA. 留短髮就係方便可以常常變髮.



本身打算剪呢個, 不過身邊所以朋友同事都話唔襯我呀..



咁呀.. Hebe 的呢? 好似唔錯wor.



染..


我染既係酒紅色, 染髮技師Jack知道我喜歡紫色但又唔捨得漂, 所以係紅色當中加入左d.

gi都係第一次染呢個色架咋.  好啱我心水~ Jack 佢仲比左好多護髮既小tips我呢, 非常專業~~


(之後我地大陪份時間都係講…. PS3.. HAHHAA)





剪..

Scott 係當日幫我同瞳瞳剪髮既髮型師,


我比左Hebe張相佢睇, 大致上講左我想點修個髮尾同我想要既感覺.


佢就明白我既意思, 真係剪到我既心水出黎呢. (呢點係好多髮型師都未必做到架.)

吹左就會係咁. 唔吹會貼好多~ 我比較喜歡唔SET頭既時候..


當日仲有好多趣事發生, 我同瞳瞳好似玩轉Aveda ..


例如有.. ‘蒙羅麗莎的小雞雞’, ‘慈雲山係冇消防局等等… haa, 好好笑~


你地幾個都真係既好玩架wor.



呢個髮型同個色我都好鐘意呀. 頭髮染完一d都冇鞋呀, 仲要比之前光澤左.. (講堅的..)


好喜歡Aveda product , 因為都有好香既香薰味道~


Scott 你送比我的2支護色sample, 我會好好用架~~ hehee.


 


你地喜歡我們的新髮型嗎?


 


多謝收看

星期五, 10月 29, 2010

由今天開始 還完明亮肌膚 Gi 都是幸運兒~


美肌還完, 只需一天.


呢個slogan 堅吸引 ~~ 係shiseido 先有咁大既口氣做到.


一支咁全效既serum, 我都係試用既幸運兒~~





先黎個官方產品簡介^^


Shiseido BioPerformance Super Corrective Serum 30ml


胞再生系統* 重煥青春神采


當皺紋形成、肌膚開始鬆弛,流失本來的青春光采;加上缺乏滋潤,令膚色的改變更為明顯。


要令年輕外表延續,關鍵在於肌膚內的膠原、彈性纖維和透明質酸的理想含量。


SHISEIDO全新獨創成分Bio-Corrective Complex,營造出生產纖維母細胞的理想環境。


纖維母細胞製造膠原、彈性纖維和透明質酸。


Super Corrective Serum令肌膚柔滑亮麗,並激發肌膚潛在的再生力量。


 


細胞再生的關鍵成分:


SHISEIDO全新專利成分Bio-Corrective Complex


激生纖維母細胞數量達27%,同時能活化老化纖維母細胞,


重煥其製造三種彈性美肌的關鍵元素︰膠原、彈性纖維及透明質酸的能力





三大青春美肌關鍵要素激生︰


膠原: 上升65%


彈性纖維: 上升26%


透明質酸: 上升26%







再過1個星期, 阿gi 就踏入27歲啦.


依家既皮膚狀況都尚算滿意, 不過做女人一定要學識未雨綢繆.


一d '預防功夫' 都不可以小架~~


(睇我上一篇既美容日誌就可以知道我更多既美容心得啦.)




用左BioPerformance一個星期啦.


每日早晚我都會於潔膚後使用.


精華既味道香而不濃, 味道好relax, 好有'媽媽feel' (好有被保護既意思)





質地柔軟, 唔太稀, 唔太笠, 加埋面部按摩, 可以幫助皮膚吸收.


先輕輕塗抹於面頰及額頭等廣泛部位, 然後由面部中央向外塗開


以下係shiseido 官方建議既按摩手法~~ ^^



功效用左7日啦. 皮膚因轉天氣而敏感既位置都改善左好多.


完全冇甩皮~


上星期日晒左成半個鐘太陽, 返到屋企覺得面上顏色好唔balance.


沖完涼之後就即刻用佢, 只係半日咋. 面上膚色已經balance , 有返d光澤~~



鼻頰2旁既毛孔亦都有收細到呀. 呢一點令我最suprise 同興奮啦.


一支咁好既精華, 我會好好就慳住用架啦, 每次1泵搽面, 1泵搽頸. 其實都真係幾襟用架~




10-3 被小bi鎗斃~~


去左小bi 屋企玩化妝~~ 第一次被鎗斃及顏射.. hahhh




好看嗎? (ps 我有著衫~ 呢個世界有樣野叫 'low cut' 架lor. )



茶茶好可愛唷~~



呢個星期..阿gi 感覺到你地真係好愛我..


我都好愛你地呢... 期待星期日既來臨~~




多謝收看




星期二, 10月 26, 2010

Gi’s Kitchen –久違的Earl Grey伯爵大人

出黎行, 預左要還. 欠大家文, 再遲都要還~~~


呢個cake既預告係…… 6出既… ><


我咁記得係因為個cake係整比我一位好友619日既生日…


~ 估唔到我遲到依家先出制作文, 希望各位伯爵紅茶既fans 唔好怪我啦.. ^^


材料 (6吋模)


海綿蛋糕底 - 我做呢個cake 時係用餅底既. 不過後來覺得配合海綿底會更加好味~


雞蛋     100g


砂糖     100g


牛奶     13g


橄欖油  13g


麵粉     45g


泡打粉  1/8tsp


伯爵茶忌廉
伯爵茶葉   35g
淡忌廉      500g

伯爵茶慕絲
伯爵茶忌廉  380g
蛋白           30g
砂糖           30g
魚膠片        3

** 黑朱古力溶液作裝飾用.

做法:
1.
加熱伯爵茶葉及淡忌廉, 加蓋焗15分鐘. 加入濾袋, 隔走茶葉, 放涼後打至7成企身.



2.

預備魚膠 : 先用凍水將魚膠浸至軟身, 再隔用煮溶.
3.
1/4忌廉加入魚膠溶液完全攪勻後, 再倒回忌廉中拌勻. 備用.


4. 

發蛋器將蛋白打成泡沫,分2-3次加入砂糖,打至企身。


5. 將蛋白霜加入慕絲漿中拌勻。加入餅模中,雪起後加上裝飾便完成了!


 





裝飾,先將朱古力隔水煮溶倒入吱袋,在牛油紙上吱出一托,


將用匙背在中間位置一壓並向下拉出尾巴。定好造型後放入雪櫃雪硬。





茶味香濃… 喜歡食茶味食品既朋友一定喜歡呢個cake.


gi ??? 我除左喜歡飲茶之外, 一切茶味既食品我都麻麻地.


綠茶雪糕呀, 綠茶餅乾, 綠茶朱古力, /紅茶牛奶糖, 宇治金時 等等…


茶就是茶… 用黎做食品, gi 都未能接受呢…


 


人生第一次… 食過一個自己做卻覺得難食既cake, 原因係因為茶味…


(多數都係衰樣衰, 好少係難食既…)


好在, 我呢位生日既朋友, 佢好愛茶味食品, 呢個蛋糕佢仲打算encore, 叫我教佢整tim


咁究竟, 呢個cake 叫唔叫做失敗之作呢??


睇黎係失望之作多d..

謝謝收看

星期六, 10月 23, 2010

Gi’s Daily - 天天護理篇

前陣子有不段有sis 問我日常用咩皮膚護理產品.


其實真係冇咩特別好分享既, 除外我有定時去Pretty Betty C6Facial 護理之外.


我相信我既日常既skincare 同大家用緊既都唔會有太大分別呢.


不過既然有sis 咁俾面想知道, 我都唔介紹分享下架~~^^


 


由面開始講起啦~


 


SKIN CARE


Step 1. 卸妝/洗面


--G’aroma Cleasing Oil --


我最愛用G’aroma 的卸妝油, 你話我hard sell 都係咁話.


唔同既, 作為G’aroma 第一個產品 (說真的, 有佢先有G’aroma)


制作佢時, 我係完全因應自己皮膚去做.


日日化妝, 我一定要一支不傷皮膚, 而清潔力夠強既卸妝產品.


用油卸妝, 先不可能油膩, 二不可能阻塞毛孔, 用後唔要生粒粒.


另外, 特加控油消炎既精油作bonus,  令卸妝油都有護膚功效, 軟化角質, 油泌平衡~~



 


--Kiehl’s Ultra Facial Cleanser--


數數手指, 呢支已經係第3支啦,


中間都有用其他cleanser, 等皮膚唔會適應左.


但好快我就會轉返用佢架啦, 實在太好用, 又唔刺激.


洗完面又唔會好乾好緊咁, 好乾淨, 每次份量好小, 一支都有排用架.

[Love your neighbour ~ Kiehl's - http://www.theztyle.com/blog/space.php?uid=409&do=blog&id=28027]



 


Step 2. TONER


-- Rose Hydrosol --


呢一支就係我成日提及可以飲用既花水~~


除左飲用之外, 我會用佢當爽膚水用.


由於佢係100% 純蒸餾花水, 無添加 無酒精.


純蒸餾花水留有小量玫瑰花精油, 功效有如精油般-- 美白保濕.


蒸餾花水份子較細, 能快速被皮膚吸收. Gi發現用左佢之後皮膚比以前更健康, 冇咁易敏感呢.


 


 


Step 3. 精華素For Eyes


-- Kiehl's Line-Reducing Eye-Brigtening Concentrate   &


Kiehl's Darkness Diminishing Activated Eye Treatment--


之前都有出過post 介紹過佢地,


孖住用真係好抵玩, 又有效果. 眼圈同細紋都有改善呢


有興趣既可以睇返下面既文章, 今篇唔重覆多講啦 ^^

[G...眼亮眼神 - Kiehl's - http://www.theztyle.com/blog/space.php?uid=409&do=blog&id=31848]



-- G’aroma Eye Cream –-


利用底油及花水做出黎既cream base, 一推開就變成小水珠, 容易被皮膚吸收.


設計佢既時候, gi 不停諗住要抗皺, 要保濕, 去除眼圈, 去黃去暗訝, 加速循環.


就係咁, 配合精油同VIT E 等等原素, G’aroma eye cream 就誕生啦. 


如果唔好用, 我就唔會推介比大家啦 ^^


 


-- Lash Serum --


呢支係新朋友, 用左一個星期多咋.


日日化眼妝, mascara 對眼睫毛既傷害其實都幾大架.


所以除左要用一支對lashes 傷害底既mascara ,


一支好既睫毛精華都好緊要架.


 


用左只有一個星期, 發現真係出多左好多bb, 上睫毛既最上層. 而本身既睫毛都長左d.


本身都想影個效果比大家睇, 不過影出黎個效果冇其實既咁outstanding.


黎緊有幾會見阿GIsis, 不妨留意一下阿GI 對眼, 就會發現有多左D BB睫毛架啦~~ ^^




雖然掉毛既情況都重係咁上下, 都只係用左7日姐, 睇黎我要比心機用, 情況先可以改善啦.


佢最好係唔, 當佢base 仲好, 一黎佢係透明, 平常白色既BASE始終都會露底, 透明既比較好.


用完佢乾左之後再夾, 睫毛會更曉, 好似電左咁哦.


等我黎緊比d心機, 早晚都用佢先~


  


For Face


-- Kiehl’s Intensive Whitening Essence & Line-Reducing Concentrate + Exuviance Vespera Bionic Serum –-


Haa. Kiehl’s 2Serum同上面提過既Eye Serum 一樣, 都係孖住用既精華.


我習慣連同 Evi Hydrating Serum, 3支早晚倫留用.


等皮膚keep 住有新鮮感, 減少對產品既適應度 (最緊要係佢地唔刺激, 我又冇敏感~ good!!)


有興趣既可以睇返下面既文章分享 ^^

[女人兩樣大敵, Kiehl's 幫你攪定! - http://www.theztyle.com/blog/space.php?uid=409&do=blog&id=34346]



 


-- Shiseido BioPerformance--


佢就係我上文賣關子個支product ^^


呢一支神奇精華賣點係全效修護, 一日就會有即時效果.


gi 星期六開始用, 用左2日啦架. 感覺好舒服呀, 味道都好親切.


使用前面頰位置有因轉天氣而敏感, 用左2日敏感情況已有改善, 亦減小左鼻尖既乾燥甩皮.


我會多用7, 下星期時會比個詳細報告大家架啦~  ^^





Step 3. Moisture


-- G’Aroma Facial Oil --


呢支油我晚晚用, 精華素後就用佢黎按面.


好鐘意佢唔油膩, 雖然係油, 但係佢吸收得好快.


比用晚霜佢更加清爽, 夠滋潤又唔焗, 對皮膚既負擔的確減小左好多.


已經有半年只用佢唔用晚霜啦. 油脂平均真係好左, 出少左粒粒.


加上我會因應唔同需要加入適合既精油. 有時用抗皺既, 亦有時候用收毛孔既.


不過我既最愛始終都係多功能及功效最出色既玫瑰油呢..




GI經驗: 曾有一個星期停左用玫瑰油及卸妝油(因為冇晒貨)


面上即爆粒粒, 慘不忍睹… =.=”


 


Step 4. Mask


-- Kiehl’s Clay Mask & Soothing Mask--


我每個月都會去pretty beauty 做一次facial.


所以在家中, 我係超懶facial . 最多都係1個星期1deep cleansing + 保濕.


而用既都係我最愛既牌子Kiehl’s, 之前都有介紹過架啦.


[保濕磨砂Gi 己做 - http://www.theztyle.com/blog/space.php?uid=409&do=blog&id=28339]

[心驚驚打斑記 2 - http://www.theztyle.com/blog/space.php?uid=409&do=blog&id=37182]



--G’Aroma Clay Mask & Aleo Vera hydrating gel mask –-


同時間我為G’aroma 新做既2個產品, 都係以Kiehl’s 2盒為藍本.


當中有改成更合自己心水, 加入不同效用既精油及底油, 令產品更適合唔同皮膚使用.


我就好鐘意啦, 唔知試用過既你地鐘唔鐘意呢?


 



 


BODY & HAIR CARE


--Avalon Organic Body wash & Avalon Organic Hair conditioner –-


得閒都會行下watson 尋寶.


其實係唔係好多sis 都已經知道Avalon Organic 已經到左HK.


(又或其實佢已經係HK 有一段日子, 只係阿gi冇留意到?? )


曾經有衝動叫妹妹係澳洲買比我試下. 而家hk 都有啦 ^^



價錢仲要好合理呢, Body wash都只係$30有找呀..


Body wash 我用ROSEMARY , ROSEMARY 精油對緊張肌肉同關節有舒緩作用,


更有提神供效. 早上用完成個人都精神一陣呀.


Hair conditioner 就用LAVENDER 味道, LAVENDER 有幫平緩髮絲, 減少毛燥.


適合我呢D要天天吹頭既人使用~


 


--G’Aroma Coconut hair treatment oil --


吹完頭, 我會加1-2drops coconut oil 係髮尾.


難得剪晒d受傷頭髮, 依家留下來比較健康既髮絲我真係要好好保護啦.


呢支髮尾油仲加有依蘭依蘭精油~ 依蘭依蘭精油除左有調情作用外 (奸笑..), 其實對頭髮都好好架.


哈哈~ 講笑的, 依蘭依蘭精油不但可以舒緩煩躁心情, 更有強韌髮絲既作用呀.


(唔只係得調情既~~哈哈哈)




--G’Aroma Body Oil--


天生代謝慢過人, 青年時期唔做運動又食得重口味.


25歲過後無論做幾多運動, 新陳代謝同循環都係超級慢.


除聽從醫生建議, 由食療及運動方面改善情況外.


作為一個香薰治療師, 我會用盡大自然給我們的資源~~


我的排水三寶, 西柚絲帕杜松果, 我每晚洗澡後都會係水腫腳上按摩架.



 


DIET


-- 3 Fruits a day --


除左代謝慢, 腸胃都唔見得特別好.


自己搬出黎住, 好多時都冇屋企飯食出街食飯鹽多油多


我習慣每日都at least 飲1200cc 既水架. 用個大樽黎量, 啜啜啜, 飲慢d冇咁易水腫架啦.



所以我堅持以水果代早餐, 11-2個果, 我最愛就係香蕉kiwi火龍果~


晚上加3粒西梅, 對腸胃健康架. (3粒西梅等於一份果)


以下係西梅既好處, 供大家參考~~ ^^


 

==========================================


西梅營養價值不菲 2010-1-27


3 粒西梅已相等如一份水果 想吃得健康之餘,又不想花費昂貴金錢購買補品?多吃生果確是一個簡單又合乎經濟效益之選。像西梅 (Plums) ,又稱為洋李,雖然細細粒,但所含有的營養價值卻不少,非常神奇,所以絕對值得介紹。我們在市面上買到的西梅,通常都是被抽乾水份,再經包裝後出售,要了解其營養成分,便需要細心閱讀包裝上的營養成分表。部分西梅產品,沒有加入糖份及其他添加劑(防腐劑除外),屬於較健康的選擇。西梅的營養價值不少,以 3 粒西梅為例,便有 2 克纖維素、209 毫克鉀質、223IU 的維他命 A 112 毫克胡蘿蔔素。先說纖維素,主要功能是加速腸道的蠕動,預防便秘、減慢腸道中的糖份和膽固醇進入血液的速度,以保持血糖水平穩定。鉀質則能維持體內水份及酸鹼平衡,有助控制血壓、維持心率正常。維他命 A 可防止患上眼疾、促進生長,加強細胞及黏膜的保護和再生等。至於胡蘿蔔素,具抗氧化功能,外國有研究指,西梅為含有較多抗氧化功能的生果,抗氧化能抑制自由基生長,預防癌症,而胡蘿蔔素在需要時更可在體內轉化為維他命 A。西梅亦含有花青素,可幫助清除有害自由基。衞生署建議每日要有 2 3 份水果,原來 3 粒西梅已相等如一份水果,建議作為早餐的其中一種食物,好使早上已攝取一份水果。也可視西梅為小吃,但不可吃得過量,由於西梅含有不少果糖(3 粒西梅相等如兩茶匙糖份)
攝取過多的果糖會轉化成脂肪,最後積存在體內,容易造成過胖。近年坊間流行飲西梅汁,但它的纖維素含量不及原本的西梅,且有些可能會有添加糖,因此必須注
意。西梅的鉀質有不少,而腎病患者往往需要控制鉀質,故他們進食西梅時宜先諮詢營養師的意見,以了解自己是否適合食用或食量多少。《香港經濟日報》


==========================================


 


呢個就係我日常用既身體護理schedule .


都係好普通既護理程序, 只要大家記得要選擇用對的產品.


唔一定要貴, 但一定要啱用, 減輕皮膚每日既負擔~~


最好每2個星期就轉一轉, 意思係2alternate 咁用.


 


下篇會分享埋化妝品架. 有興趣既我地下星期再見啦.



呢篇文好長, 好用心分享的~~


 




如果sis 對G'aroma 既產品有興趣, 可以加入以下Facebook group 架.

http://www.facebook.com/group.php?gid=119884778043676

或者去小圈子, 睇下我d寶貝既簡介架~

http://www.theztyle.com/blog/space.php?do=mtag&tagid=213


多謝收看~~



LinkWithin

Related Posts Plugin for WordPress, Blogger...