星期日, 9月 21, 2014

再戰沖繩2014 ❦ 行程篇

等左9個月終於都到我嘅「婚後之旅」啦!結咗婚咁耐,我地兩個係新工作上都忙到爆,下星期終於可以放低晒所有嘢,好好休息一下。


今次再戰沖繩唔打算計劃得太細緻,大概知道要做啲咩就好啦,計劃咁多、準備咁多、好好一個旅行又要迫自己趕schedule,何苦呢?(呢個學問,係喺Wingki 身上學返黎嘅呢!)

今次旅程5日4夜,主力水上活動!!上次去只係玩左一日水,真係好唔夠喉呀,今次一定要大玩爛玩!睇一睇旅遊書同舊年準備嘅notes,mark底啲新景點先!!


9-23 Day 1 - 國際通 + 美國村 + JAL 酒店
9-24 Day 2 - 真榮田岬浮潛青之洞 + 縣民之森滑草踏單車
9-25 Day 3 - JAL Private Resort Okuma Beach
9-26 Day 4 - 屋我地島、古宇利島
9-27 Day 5 - Ashibinaa Outlet + 那霸內陸機場

今次坐早機,中午前就會到埗,時間就更充足啦!
今次行程特別之處在於我地會住係好北嘅 JAL Private Resort Okuma。其實JAL Resort 真係好遠, 今次膽粗粗入住都係睇中左係好靚嘅獨立屋,全個Resort房間都係房仔黎架!同埋,應該好少香港人/大陸人會好似我地咁住到咁北卦。Resort 好大好多嘢玩,雖然好偏僻,附近都唔見有咩好玩好食,不過有車想幾時去邊就去邊啦,好期待呀。



(source: http://blog.xuite.net/jose.club)

另外就係浮潛,我係台灣blog見到有個住沖繩嘅台灣人教練,即刻係FB 同佢聯絡,9月24 就可以去真榮田岬青之洞浮潛啦!好期待,青之洞一定好靚嘅啫!
教練收費$1,000二人浮潛,仲收港幣嘅添~

今個trip 另一特別之處就係,我終於可以請老公去旅行啦!well,雖然唔係全資,但係有呢個機會,俾到2/3 嘅旅費,老公又比我咁做,都算係完左我其中一個心願架啦。



出發前一個星期遇上了沖繩地震,加堆台風迫近,天氣預告沖繩天氣一啲都唔好,去到行程第4日先開始有返啲太陽,希望呢幾日個風走快啲,係我地出發前散水,俾我地一個又愉快又盡興嘅旅程啦!


再戰沖繩2014
再戰沖繩2014 - 行程篇
回顧:戀戰沖繩2013

----------------------------------------------
Follow Me on Gi C Life
wengichow@gmail.com

Instagram


----------------------------------------------

星期三, 9月 17, 2014

戀戰沖繩2013自駕之旅 ❦ Day 5&6 - 名護海洋博物館 + 玉拉麵 + 萬座毛美景 + ASHIBAA Outlet

要追,要趕回那些時間,第5篇要出來了!


2013.10.14 Day 5 - 名護海洋博物館 + 難忘的沖繩拉麵 + 萬座毛的美夜景

一早,連早餐都不用了,就出發到名護的海洋博物館,車程大約30多分鐘 (因我全程speeding),因路上車不多,沖繩人開車都不會理車速,所以我都跟他們的車速行駛了。

到了,雖雨雲將至,只感恩天氣仍很美,快把握時間到戶外大拍照!


沖繩的海博,不用多說吧,是個必到的景點,地方大、品種多!!仲有期待已久的鯨鯊!!(不過比我想像中細好多,期待有一日我會親眼見到野生的大鯨鯊)






海博外有個好靚嘅beach,水清到暈啦,真係好靚。忍唔住要落水玩下。呢下真係估唔到,連咁鍚身嘅王生都9秒9脫鞋落水。真係比你嚇親囉~




到我們快玩完之際,雨雲終於趕到,我地係時候閃啦,快找好吃的!
搵食前,其實我地仲去左呢個地方…Pineapple Land,10級中伏…基本上入面只有係機場都可以買到嘅手信… 算啦,唔好提…


跟著OTS 嘅driving guide,見到夕陽之丘,好似幾好照景喎,沿住山路,走過石地,車越開越上,沿途都冇對頭車,越開越心寒。上到去… 果然… 一間破屋+一隻馬… 好恐怖了,車都無停定就閃了…

再找另一家,附近的玉家,好似唔錯喎,但跟住GPS 跟本就去唔到嘅,最後都係落車四圍兜,一點都唔著眼嘅小店,終於比我地搵到啦!




家庭式的小店,第一次見到襟飛仔嘅拉麵店,一個set ¥3xx 有拌菜,拉麵,炒飯…抵到爆呀!好多朋友仔對沖繩料理都覺得麻麻地,反而我就覺得味道好清淡,好啱我地口味呀!!!






呢餐lunch 食完都差不多4點啦,回酒店放底車,我地就步行上萬座毛睇日落。由ANA 行去萬座毛快行要30分鐘,台風前夕,日落的橙光有種特別的感覺,加上風超級大,跟王生扭成一團,感覺特別浪漫。




回到酒店,今晚今餐食便利店即食餐… 點解日本的碗麵同即食肉總係比較好味嘅呢?

2013.10.15 Day 6 - ASHIBINAA Outlet、回家
到了最後半天,要回家了,而送我地走嘅係台風26號… 今年沖繩打風特別外,我地嘅旅程前後被兩個台風夾住,感恩係最後一日先黎打。而旅程中只有第三天及最後一天雨落得比較大,其他日子都不時有太陽,太感恩了。

回程前,先到ASHIBINAA outlet 食lunch 同shopping 一下。我深深愛上沖繩拉麵,臨走前都要去encore 多次,不過呢個就冇咁好食啦。



呢度都係名店多,但係嘢真係好要,我地買左5對難都只係HKD8xx,同埋買比老公嘅Gucci 銀包都只係HKD9xx,建議大家回程前必到呀!!



離離開時間不遠,我知道呢個旅行可一不可再,我地兩個同時都冇工作包袱係身,真真正正的身心靈休息。但當一想到回去後就要接受新挑戰,在飛機上,我忍不住眼淚,豪哭起來… 我們約定,每年都要來一次沖繩,拾回那忘憂的短旅程。

----------------------------------------------
Follow Me on Gi C Life
wengichow@gmail.com

Instagram


----------------------------------------------

星期二, 9月 16, 2014

戀戰沖繩2013自駕之旅 ❦ Day 4 恩納萬座海灘


真慚愧,第二輪沖繩之旅都要來了,我的沖繩蜜月遊記還未完成… 忙得不得了…

2013.10.13 Day 4 - 恩納村 陽光與海灘+沖繩料理
終於來到玩水的日子,我們入住的是MANZA ANA Innacontinental Resort,好境,好feel,靚海灘。在等用早餐前,先漫步沙灘。沙超滑超白,水又清,已經忍唔住要跳落水啦!



果然係5星級resort, 早餐選擇超多的,不過我地都食飯返平常嘅水果早餐,見到身邊的住客,一盤又一盤的… 果真能吃!早餐時來了一個小趣,我們旁邊枱上的食物避烏鴉攻擊了,待那枱的情侶回來,我們用有限的日語跟他們說,他們竟然明白,我太感動了!!哈哈哈。

每朝早上,大堂都會有Morning Marketing,生果蔬菜、小食麵食,價錢比其他市面的沒有特別的貴,我們還買了一盒真空Aguu 豬肉及沖繩拉麵,回家回味沖繩的味道…


Ready 了,沖繩下水禮!!ANA MANZA beach 設備非常齊全,由於我們是住客,所以租借都不用再付錢。太陽傘、太陽椅、毛巾、水抱、浮潛鏡… 基本上帶張房卡出去就可了!我們另外還租了獨木舟,重拾中學時的回憶,王生第一次Kayak後就完完全全的愛上了!



玩了一個上晝,下午的行程就要影我們的結婚照。如此美境,輕鬆自拍,想走到那就走到,想擺什麼pose 就什麼pose,反令我旅程更難忘!

 下半身竟然係咁嘅!

晚餐到了酒店餐廳,沖繩料理居酒屋。

點了Aguu 豬火鍋,清出輕煮7秒,味道的鮮味十足,我們跟本不用沾任何醬汁。連平常不愛豬的我都搶著吃,味道實在太好了!!!
還有其他的… Aguu 豬肉腸、沖繩苦瓜炒蛋,點這個時王生有點猶疑,怕苦麻!但他吃過一口後就停不了!還點了沖繩炒飯,好吃,但相比以上兩道就只屬一般。(如果在香港吃到這個飯,應該算是非常非架好吃的了!)






這餐酒店用的日落美晚飯,吃飽飽都只是百多完港幣,平均每人$70,超值超抵!!在沖繩生活真不錯!

LinkWithin

Related Posts Plugin for WordPress, Blogger...