星期一, 8月 30, 2010

我的健康3lunch - 鴻福堂





自認為食,卻是非常忍得口既減肥使者。


知道有好東西吃,忍痛事前食少啲又如何!


總之有合口味既美食,就必定會見到我既足跡


 


所以話,今次鴻福堂健康午餐試食活動我又點可能唔參加呢!


三餐Lunch ,有湯有飯仲有糖水,豐富又健康!



一到lunch hour, 大部分同事都必定外出午膳,


順面走走呼吸下尖沙嘴的新鮮空氣”=.=”


所以午膳大部分時間都只盛下我倆...



呢位是Juliet ,同事及最要好的朋友,今次有好嘢食,我必定會同佢分享!


Juliet 的家人習慣每日都為她Pack lunch,所以我地就分開了3天去試食呢Set 午餐,


一齊Share食!


 


Day 1


花膠海底椰川貝百合煲西施骨湯   


鮑魚雞粥 


腐竹白果蛋花糖水



2年搬離家人自己住,飯是會煮,但煲湯一事真的考起我。


幸好有外賣湯包,我這湯怪先至有湯飲!! 我可是鴻福堂湯包的常客呢!


用西施骨煲既湯, 更加係我的至愛~~


Juliet 第一次嘗呢類型既湯包,佢都好鐘意呀,你看她表情多滿足!!




收到的是熱辣辣的外賣,今日先試食雞粥。


真好味, 好綿!有鮑片及雞塊!可惜份量少左啲,不太夠飽,亦唔夠喉啦!


 





下午茶時間黎個我最愛的糖水

-蛋花腐 倒入杯中放入微波爐叮2分鐘,要熱的才好喝!

甜味剛剛好~ 第一次食鴻福堂既糖水, 好有驚喜哦~~


因為午餐唔夠飽, 所以呢個甜品我自己一個食晒~~ XDD




Day 2


今天的午餐係


象拔蚌瑤柱鱆魚節瓜湯


粟米肉粒飯


蓮子百合紅豆沙 



飯盒裡的配菜又夠多又好味道,3日午餐中最好味就是呢一盒, 難怪我將整個飯盒食清光既!


加上我真係好鐘意汁撈飯, 呢個汁真係好好味呀, 食完又唔覺得好口渴, 味精少 (我估)…



象拔蚌瑤柱鱆魚節瓜湯 係我平日唔會買既湯原因?? 唔知呀, 鱆魚呢個字唔太吸引.


不過今日即管試一試啦!! 驚喜~~ 好好飲, 好飲過尋日個湯 我同JULIET 異口同聲 !!! XDDD


下次我會買佢黎飲架啦~~



因為LUNCH 太飽, 所有紅豆沙要share 3, 另一位同事唔願意出鏡~~


紅豆沙 凍食好~ hahah 熱食會確喉~~  少食多滋味^^ 呢個味道剛剛好~~ 唔太沙, 唔太甜^^




Day 3


第3天的午餐...


花膠響螺煲竹絲雞湯                                       


魚香茄子飯                   
杏汁木瓜雪耳糖水
          



放左個lunch 係雪櫃2, 今日再拎出黎驚人發現個湯包硬左?!?!


咁人地係雞湯丫麻, 凍左一定會企身架.


只係我冇諗過.. 佢咁真材實料, 真係會‘企得咁硬’姐. HAHA


包裝上提示要叮夠3分鐘, 3分鐘就剛剛好, 夠熱又唔~~ ~~



出街食飯既話我就最愛點魚香茄子啦, 雖然知道好肥 一次半次唔緊要啦


呢個魚香茄子既味道好唔同, 佢冇咁油膩, 似茄子肉碎多d, 味道冇咁濃. 健康生活係要咁架啦!!


又食晒 @@ 好飽…… ><


 


杏汁木瓜雪耳糖水我只係食左d 雪耳, 就送左比同事食 @@


一直都以為 自己係唔鐘意家人整既杏汁木瓜雪耳糖水


今日先知 原來自己跟本上就唔鐘意食呢個@@


Please forgive me, 我頂唔順個味呀, 唔會出相架. 唔會比你地見到我既醜態~~ 哈哈哈~~


 


多謝鴻福堂提供呢3日既lunch.


你地唔單指帶左比我3日既健康午餐.


更加增進左我同同事之間既感情.


自呢3日之後, 我地每日都會互相share 自己既lunch box, 我比d, 你又比d.


原來呢個感覺係好幸福架, 比起之前, 只係對住個電腦爬自己既lunch box.
依家滿足得多啦~~



多謝收看~~



星期日, 8月 29, 2010

[Gi’s Kitchen] 芒果布甸 + 曲奇皮蛋撻




夏日炎炎, 連平日好忍得口的我都不禁要吃甜品來解悶熱.



提起甜品, 唔知大家的最愛是那一款呢?


除雪糕外, 我最愛既冷凍甜品相信會是芒果布甸~



 


夏天, 芒果當造, 全隻食怕會濕熱肚痛,


所以我好鐘意用芒果做甜品當中, 芒果布甸就係我最拿手的啦.


芒果布甸是媽媽教我做既甜品之一, 每一次做, 都會令我十分懷念媽媽~~


總之, 媽媽做的特別合我口味!!



材料:


芒果(切丁)  1


芒果味o者喱粉  1


魚膠粉  1.5茶匙


淡奶     3/4罐 (餘下1/4罐可用作TOPPING)


蛋黃     1


熱水       200ml


 


做法:


  1. 先用熱水加入o者喱粉及魚膠粉中攪溶, 放涼.

  2. 加入淡奶及蛋黃攪勻 (不吃生蛋的, 可以減掉蛋黃)

  3. 在紙杯/布甸模中分配好芒果丁, 再用篩格開倒入布甸漿. 放入雪櫃1小時..


簡單~~ 好味~~


可愛動物模又出場出, 今次係鼠鼠同豬仔~


加淡奶, 好吃多!!! HEHEE~~



 


===================================================


其實熱食既甜品都很不錯.


朱古力心太軟就係我既最最愛. 不過我未打算今日同大家分享做法.


睇住相先啦~^^



 


反而會分享一個大家都愛吃既港式甜點蛋撻 ^^


相比起酥皮蛋撻, 我比較愛曲奇皮.


曲奇皮較實在, 放耐左都唔會太難吃.


酥皮真係好蝦人整, 就算係街上找到新鮮出爐的, 都唔一定會食到好味既酥皮蛋撻


 


之或者係情意結, 媽媽生前都係愛吃曲奇皮蛋撻.


這幾天都很掛念媽媽, 做蛋撻時一停想著, 呢一刻, 如果媽媽在會多好.


 



 


材料 (9個份量):


皮:


低筋粉 110g
牛油     70g
淡奶    14g
砂糖    20g
蛋黃    半隻
鹽        少許


 


餡:
雞蛋     2隻
砂糖     50g
水        150g
淡奶     40g
吉士粉 6g




做法:


1. 將粉融入牛油中攪勻,加入砂糖和淡奶等搓成糰.






2. 將圓球搓圓壓扁套入模內,以拇指將撻皮壓入,直至完全貼住撻模, 撻底皮不可太厚不要太薄.




3. 蛋漿餡料全部拂勻,過篩倒入模內至8成滿




4. , 以220 度焗10-15分鐘至撻皮邊金黃, 然後轉200 度焗8-10分鐘至蛋漿凝固摃起,內外熟透.


如蛋漿外圍熟但中心未凝固,可將撻留於爐內, 利用餘溫多焗五分鐘。


 


出爐啦.  (冷卻得太快就會下塔, 下次要留意哦~~)



 



 


 


希望大家喜歡啦.


下回預告... 伯爵紅茶慕絲蛋糕 Earl Grey Mouesse Cake



 


多謝收看~ 多謝支持 ~~



LinkWithin

Related Posts Plugin for WordPress, Blogger...