自認為食，卻是非常忍得口既減肥使者。
知道有好東西吃，忍痛事前食少啲又如何！
總之有合口味既美食，就必定會見到我既足跡…
所以話，今次鴻福堂健康午餐試食活動我又點可能唔參加呢！
三餐Lunch ，有湯有飯仲有糖水，豐富又健康!
一到lunch hour, 大部分同事都必定外出午膳，
順面走走呼吸下尖沙嘴的“新鮮空氣”=.=”
所以午膳大部分時間都只盛下我倆...
呢位是Juliet ，同事及最要好的朋友，今次有好嘢食，我必定會同佢分享！
Juliet 的家人習慣每日都為她Pack lunch，所以我地就分開了3天去試食呢Set 午餐，
一齊Share食！
Day 1
花膠海底椰川貝百合煲西施骨湯
鮑魚雞粥
腐竹白果蛋花糖水
早2年搬離家人自己住，飯是會煮，但煲湯一事真的考起我。
幸好有外賣湯包，我這湯怪先至有湯飲！！ 我可是鴻福堂湯包的常客呢！
用西施骨煲既湯, 更加係我的至愛~~
Juliet 第一次嘗呢類型既湯包，佢都好鐘意呀，你看她表情多滿足！！
收到的是熱辣辣的外賣，今日先試食雞粥。
真好味, 好綿！有鮑片及雞塊！可惜份量少左啲，不太夠飽，亦唔夠喉啦！
下午茶時間黎個我最愛的糖水
-蛋花腐 倒入杯中放入微波爐叮2分鐘，要熱的才好喝！甜味剛剛好~ 第一次食鴻福堂既糖水, 好有驚喜哦~~
因為午餐唔夠飽, 所以呢個甜品我自己一個食晒~~ XDD
Day 2
今天的午餐係…
象拔蚌瑤柱鱆魚節瓜湯
粟米肉粒飯
蓮子百合紅豆沙
飯盒裡的配菜又夠多又好味道，3日午餐中最好味就是呢一盒， 難怪我將整個飯盒食清光既！
加上我真係好鐘意汁撈飯, 呢個汁真係好好味呀, 食完又唔覺得好口渴, 味精少 (我估)…
象拔蚌瑤柱鱆魚節瓜湯 係我平日唔會買既湯… 原因?? 唔知呀, 鱆魚呢個字唔太吸引.
不過今日即管試一試啦!! 驚喜~~ “好好飲, 好飲過尋日個湯” 我同JULIET 異口同聲 !!! XDDD
下次我會買佢黎飲架啦~~
因為LUNCH 太飽, 所有紅豆沙要share 3份, 另一位同事唔願意出鏡~~
紅豆沙… 凍食好~ hahah 熱食會確喉~~ 少食多滋味^^ 呢個味道剛剛好~~ 唔太沙, 唔太甜^^
Day 3
第3天的午餐...
花膠響螺煲竹絲雞湯
魚香茄子飯
杏汁木瓜雪耳糖水
放左個lunch 係雪櫃2日, 今日再拎出黎驚人發現個湯包硬左?!?!
咁人地係雞湯丫麻, 凍左一定會企身架.
只係我冇諗過.. 佢咁真材實料, 真係會‘企得咁硬’姐. HAHA
包裝上提示要叮夠3分鐘, 3分鐘就剛剛好, 夠熱又唔辣咀~~ 正~~
出街食飯既話我就最愛點魚香茄子啦, 雖然知道好肥… 一次半次唔緊要啦…
呢個魚香茄子既味道好唔同, 佢冇咁油膩, 似茄子肉碎多d, 味道冇咁濃. 健康生活係要咁架啦!!
又食晒 @@ 好飽…… ><
杏汁木瓜雪耳糖水我只係食左d 雪耳, 就送左比同事食… @@
一直都以為 自己係唔鐘意家人整既杏汁木瓜雪耳糖水…
今日先知… 原來自己跟本上就唔鐘意食呢個…@@
Please forgive me, 我頂唔順個味呀, 唔會出相架. 唔會比你地見到我既醜態~~ 哈哈哈~~
多謝鴻福堂提供呢3日既lunch.
你地唔單指帶左比我3日既健康午餐.
更加增進左我同同事之間既感情.
自呢3日之後, 我地每日都會互相share 自己既lunch box, 我比d你, 你又比d我.
原來呢個感覺係好幸福架, 比起之前, 只係對住個電腦爬自己既lunch box.
依家滿足得多啦~~
多謝收看~~
沒有留言:
張貼留言