愛自己，要對自己好一點

Live for yourself -

早前心情不大好，身邊好友都安慰我。提醒我要為自己而活，做回自己先至係最吸引既…

為自己而活，對自己好啲。第一時間就諗起 Quality of life，

究竟日常生活中有邊樣原素係會令我覺得幸福愉快既呢？

我相信一定會同香氣有關！

 

心情唔好，連放香薰油的木盒都冇心機開…

想要沖一個暖笠笠香噴噴又Relaxing 既涼都只好用現成的 Aroma shower gel

(冇心情去Blend啦！)

原來 Ettusais 都有出香薰產品啦！

Everybody aroma~~ 真希望有一刻人人都會用香薰呢！

呢支 Shower gel 既味道好特別，

首先就唔會有好強烈既化學味道，味道亦唔會太濃。

最特別係味道層次好分明 (我個人認為)。

唔知其他用家有冇同感，總覺得打開蓋嗅出來的味道有點怪…

倒出來在身上洗擦又是另一種氣味，係好Relax 叫人放鬆既味道、

沖水後既味道清新叫人精神一陣，係有活力既感覺！

自己本身對香薰有點研究，知道精油會係不同情況， 按人需要去發揮出不同既果效。

今次既實驗結果咁強烈，証明我真係十級Stressed Out.

作為一個香薰治療師，連自身壓力都控制得唔好， 又點可以幫客人按摩減壓呢？

能醫不自醫，想笑大人家咀巴嗎？

 

所以…我決定我前所未有地，出去做一個 Full body massage.

真係從未到過香港的美容院做過Full body massage。

經PR 介紹，我選擇左位於銅鑼灣既Miryoku 日式水療中心。

呢道環境又靚又舒服，到步後整個人已經放鬆了一半呀…

脫下鞋子同衣服再換上紙內衣。美容師 Helen 就開始按摩…

佢發現我手腳冰冷就為我選擇了薑油做全身按摩，加速血液循環！

按摩時，Helen 提議我一啲家居護小貼士！哈…學到嘢啦我！

雖然今次9百多元既按摩全程只有60分鐘， 但係我真的覺得好Relax。

沖埋個涼，飲埋 Helen 一早為我準備既薑茶，整個人精神晒，放鬆晒！

梳好頭，整理好，可以約朋友食飯啦！

 

身體就叉夠電啦，面上既憂愁倦容都要處理一下先得！

打返開個木盒，安慰一下每一支精油…對唔住呢… 真係丟低左你哋好耐啦！

隨手拎起幾支最喜歡既玫瑰，薰衣草、玫瑰花水、綠泥粉、 蘆薈Gel…

開壇作法，化成Gi 魔女… 又造出两樣新攪作…

 

香薰潔面泥

天然綠泥, 玫瑰花水,可可巴油, 月見草油, VIT E, 天然抗菌制, 天竺葵精油, 茶樹精油

蘆薈保濕舒緩啫喱

蘆薈啫喱, 玫瑰花水,薰衣草油, 茶樹油

清潔，保濕… 芳香，減壓。

敷面正好係冥想既時候，靜靜地躺著，

所有Incoming calls，家人呼喚，msn，Sms…

等一等，我獨樂樂緊！

So enjoy this moment which i like to call it - 'The selfish moment'

靜著，諗左好多嘢，有好多嘢想做… 決定了，一於就咁啦！

大家要好好記住我呢個樣呀, 將會有好一陣子都唔會見到呢個長度！

OK, lets cut it short now!!!!

剪了2/3的煩惱絲, 清爽清爽.

咁先襯返我既男仔頭性格丫麻..

新髮型, 新攪作... 我最鐘意新嘗試~~~

其實我知有好多人錫我既！

請原諒我是一個典型天秤女，有時都會想收埋自己一下……

 

謝謝關心